阿木台灣麵 (豉油街)

营业中

休息中

今日午餐黎左呢間阿木台灣麵食，餐廳由台灣人主理，主打正宗台灣菜式。餐牌係簡單一張紙，包括阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。今日一個人，叫左一個主食，一個小吃加一杯野飲。紅燒牛肉牛筋麵 $74大大碗紅燒牛肉牛筋麵熱辣辣上枱。牛肉同牛筋各三件。牛肉一大兩細，炆得極淋，入口即化，明顯係半筋半肉，牛味又濃，厚身啖啖肉，好味道。牛筋都好淋，滿滿骨膠原。麵條係白色拉麵，都有咬口，份量適中。伴有鹹菜同蔥花。個湯甜甜地，味道好惹味不過唔會油膩。滷牛筋 $55滷牛筋一客6條，滿嘴都比骨膠原張住，滷得好入味。面頭灑上蔥花。凍黑糖珍珠鮮奶 $17我叫左凍黑糖珍珠鮮奶少甜同走冰，鮮奶好滑而甜度適中，飲落帶微微黑糖香，無冰都夠凍。珍珠份量多，有嚼勁而唔會太硬，好飲。上菜超快，坐低食完20分鐘搞掂。

今次去左旺角食台灣野👅位置係新寶戲院旁邊～講下個環境先，店舖空間唔大，比較逼夾，建議唔好拎住一袋二袋入去食🫣舖頭入面仲一路播住唔少童年回憶嘅台灣歌 有feel～🤡蕃茄牛肉牛筋麵濃濃嘅蕃茄湯配埋煮淋嘅牛肉，夠曬入味，一啖湯一啖麵，味道一流😍🤡滷肉飯同去台灣食嘅冇分別，一樣咁好味！落單個陣個可以order多魯肉或者多飯！啱曬大食嘅朋友💯🤡台式小香腸台灣必食嘅小食，幾時都唔會令我失望🫶🏼所以食親台灣野都一定會叫😍🤡台式炸大腸個人覺得炸大腸就平平無奇，冇醬汁點冇乜味🥺黑糖薑母茶（熱）薑味重但又唔會好確喉個種，啱曬冬天飯暖笠笠♨️總括而言，味道同價錢都成正比，員工嘅服務態度又好！推介📍旺角豉油街100號地下

兩年前食過一次，覺得味道麻麻地，各樣菜式不論便當、牛肉麵、蛋餅同小食都唔係我鐘意嘅味道。今次再試都係咁上下感覺，不過鹽酥肉係幾特別（諗咗一陣食鹽酥雞定鹽酥肉好），份量幾多，我又細食，所以覺得有啲漏。個飯有得揀多肉燥（即刻心心眼），不過結果上菜都唔覺得係好多，可能太大碗，小菜味道唔係好啱胃口，滷蛋好乾，但幾有台灣街頭風味。出旺角諗唔到食咩，黎阿木食個快飯都ok，前提係唔使等位。😆🥢鹽酥肉便當 $61

今日去旺角買波鞋，之後去阿木台灣麵吃午餐，吃我喜愛的牛肉麵。阿木的牛肉麵，台式便當，台式拌麵，台灣小吃，台灣鹵味小吃，蛋餅，肉燥飯等都有特色，選擇多元化。飲品選擇也多，有古早茶，珍珠奶茶，冷泡茶，台灣紅茶，芝士岩鹽奶蓋，四季春青茶等。不用去台灣，都享受到台灣風味。今日主食選了番茄牛肉牛筋麵，揀了手工關廟粗麵。麵大大碗料足味道好，湯夠熱，湯味香濃微酸辣甜，麵有咬口，軟硬適中，湯內有番茄茸，咸菜和葱。有兩大片炆得淋香入味有筋的金錢和兩大條又香又入味，炆得恰到好處，充滿骨膠原的牛筋。吃完碗麵好滿足。雖然飽，忍不住叫了梅子地瓜條。金黃的炸番薯香甜鬆化，上面洒上甜酸的梅子粉，好吃有風味。黑糖珍珠鮮奶夠凍，香甜滑，珍珠有咬口又煙韌。走時順便去阿木台灣生活百貨入貨，在阿木台灣麵吃滿$100憑單去阿木台灣生活百貨消費滿$100可享9折。

🔸紅燒牛肉牛筋麵 $74轉手工關廟粗麵 +$3 牛肉，牛筋超級大舊牛筋超軟冧牛筋有少少牛肉黐住，唔係成舊係牛筋手工粗麵有彈性份量十足，男仔食都夠晒飽食完唔會好滯手工麵面頭鋪上大量雪菜😍鍾意點佢枱面上嘅自家製麻辣醬辣辣地，好過癮味道：8/10性價比：9/10🔸滷牛腱 $55 大概有七大舊牛腱牛腱炆得夠冧冧得黎又夠煙韌口感肥肉比紅燒牛肉重味道：8/10性價比：9/10▪️芝士岩鹽奶蓋鹽燒烏龍茶 $19（可選擇走冰👍🏻）🔹環境：座位唔算好闊落但係呢個價錢，又冇收加一對環境嘅要求都唔可以太多🤩凡叫1至10套餐，飲品半價🗣不須加一服務費-人均消費：～$74-整體味道：8/10性價比：9/10回頭率：4/5-#阿木台灣麵 (豉油街) (旺角)📍旺角豉油街60-102號鴻都大廈地下3-4號舖

每次經過都見到排晒隊👭🏻今次early dinner就等登去試下佢喇👅舖入面除咗食嘢之外，仲有賣自家台灣食品醬汁等🇹🇼有興趣可以留意下~Main ✿紅燒牛肉麵✿ $70牛肉湯底好香濃🍜較重口味，帶少少麻嘅感覺。份量方面好大方，有5-6件牛肉🥩煮得夠腍夠入味，一啖牛肉一啖濃湯咁食好滿足💕不過麵底方面都係較普通Main ✿肉燥拌麵✿ $45Snack ✿芝士肉鬆蛋餅✿ $44芝士肉鬆呢個組合冇得輸🧀加上用蛋餅包住晒，啖啖鬆軟🫔推薦哦~Snack ✿珍珠鹽酥雞✿ $38炸得好香脆🍗但食落只有調味料味😳比較單調Drink ✿仙草奶茶✿ $30見到已經心心眼😍滑捋捋嘅仙草好正🧋

阿木台灣麵旺角豉油街100號地下好耐都冇食過台式料理，老友推介鼓油街的阿木台灣麵，又真係幾高汁喎！😄紅燒牛肉麵 (片切)牛肉可選擇片切或角切，大廚處理得很好，炆得夠淋，淋得黎又夠煙韌。台灣麵爽口彈牙，烹調時間剛剛好。湯底真材實料，沒有味精，可以直接飲用，微辣很開胃，香蔥和酸菜提升層次，必食。😍👍🏻自製麻辣醬紅燒牛肉麵吃到一半，我加了一匙羹自製麻辣醬，湯底層次提升了，更加開胃，喜歡麻辣的朋友一定要試，試過好吃，可以買回家。😎🤘芝士肉鬆蛋餅醬汁和蛋餅很夾，蛋餅的外層夠鬆軟，份量十足，我一個人啪曬六件🤣，兩個人分享比較輕鬆。內層超多肉鬆，一口咬落去，整個口都是肉鬆的香味。🤤凍檸檬四季春青茶檸檬夠新鮮，四季春青茶陣陣幽香，茶味香濃，清新的感覺很悠長，這次我點了微甜，喝完很舒服，推薦。😋阿木台灣麵，真材實料，沒有味精，回頭率高。😉👍🏻

/阿肥🦁阿瘦🐰推介/最近台灣通關，如果仲要返工，去唔到台灣可以點做🤔？阿肥🦁阿瘦🐰為咗頂癮就去咗台灣餐廳食餐好嘅～ 哩間平日夜晚好多人排，但下午茶時間冇乜人之餘仲抵食啲！見我地叫到一枱都係🤭都唔係好貴🤣，食完飽到捧住個肚出黎🫃🏻🤰🏻。🍱鹽酥肉便當 $61今次嘅鹽酥肉好juicy，而且唔會太咸，肉質有少少彈牙嘅感覺💯。重口味人士亦可以加啲鹽酥雞專用調味料落去，啲粉香多過鹹，食完之後唔會好口渴🤩。至於成個便當都有好多唔同配菜，包你夠飽！🫔芝士肉鬆蛋餅 $44出邊嘅皮唔會好厚，而入邊嘅肉鬆多到爆出黎，而且依然保持脆口💢，加埋面頭淋上醬，入口有多種唔同嘅味道😻！🍲下午茶餐 $38 (🧋珍珠奶茶加$10)今次阿肥🦁阿瘦🐰揀咗麻辣拌麵，拌麵嘅麻香味幾重，好惹味之餘唔算好辣，而麵條亦好有咬口👍🏻！跟餐仲可以揀三款小食，份量好足💁🏻‍♀️。阿肥🦁阿瘦🐰就揀咗台灣腸、滷牛肚絲同炸甜不辣。另外加$10就可以跟杯珍珠奶茶，奶茶嘅茶底好香，比起出邊嘅奶茶舖完全唔會失色，性價比高😃！🍹芝士岩鹽奶蓋四季春青茶 $19奶蓋口感濃厚，有少少鹹鹹地嘅芝士味🧀，但又唔會搶晒茶香味。四季春味道清新，整體成杯奶蓋唔會太heav

夜晚喺旺角搵食，喺附近就入去店員好有禮貌，安排座位又快手，餐牌選擇好多，我哋點咗台灣腸便當同炸排骨便檔，飲品好抵，點便當可以半價，就點咗白桃四季春同黑糖珍珠奶茶佢係俾客人可以免費選擇多飯同多鹵肉，好大方，值得一讚，食物份量本身都好夠大，鹵肉、肉汁同飯嘅比例剛剛好，啖啖都夠肉，啖啖都夠味，但又唔會太濃，台灣腸好多，仲有好多蔥同蒜，配埋一齊食好地道，炸排骨好大份，唔會炸到太乾，前菜係我哋好欣賞嘅部份，有蛋、花生腐皮同榨菜，幾款都好香口好好味飲品方面，白桃四季春好多桃肉，杯黑糖珍珠奶茶嘅珍珠，如果黑糖味重啲就perfect喇呢個價錢又好味又夠飽，有機會一定會再幫襯！

長期人氣爆滿嘅台食店阿木，是日見唔係好多人等，就㩒張飛仔碰下運氣，點知又幾好彩下一張枱就入得座👍入到店，都真係全店滿座，三點都咁爆😂快快寫單落野食先。🐂紅燒牛肉麵濃郁鮮味嘅肉湯，炆得軟腍入味的牛展，仲有彈牙掛湯的台灣麵，成碗牛肉麵都十分味美😌可以喚醒靈魂的一碗好麵。🇹🇼台灣小香腸正宗的台灣腸，甜味有咬口，入口唔油膩，配上生蒜同吃真心正👍🥤四季春青茶最後再飲返口青茶，味道清新回甘，爽🤭好味得黎價錢貼地，所以成日都要等位等好耐😂哈哈。

今次又嚟✨阿木台灣麵了！ 初開業時期、爆紅長龍時期都有幫襯廣華街店，反而豉油街店係第一次嚟~ 呢邊舖面大d，亦有不同種類的台灣地道自家食品販賣～由於夜d要去training ~ 呢個下午茶一定要食得飽d！🐮🍜麻辣牛肉牛筋麵身為麻辣控，第一啖當然係要試下個湯底先啦！香濃牛肉味、甘甜帶麻辣，麻辣味適中不嗆喉～ 😋愛好更麻更辣如我呢～ 枱面仲有一罌麻辣醬比你自行調味～ 麵條用上粗麵，入口頗順滑～ 主角牛肉牛筋份量多，大約共有6、7件～ 牛肉入口軟滑鬆化，牛筋香軟入味～ 成個麵份量頗多🌟必食推介！🐔鹽酥雞至愛嘅台灣小食之一😍炸得酥脆～ 內裏肉質都keep到唔會太乾～ 本身特地調味較淡😜自己再加枱面嘅特製鹽酥雞粉，食落更加惹味！🥤芝士岩鹽奶蓋炭燒烏龍自己好鍾意食咗八成奶蓋之後先成杯飲😂呢個芝士岩鹽奶蓋creamy好味~ 炭燒烏龍茶味偏濃，兩者一同入口實在是非常好的配搭~ 呢度特別用上坊間少見嘅鐵杯盛載飲品呢~堂食期間都見好多人叫外賣呢～幫襯咗咁耐都keep到水準～ 另外枱面上的獨立包裝餐具衛生得嚟又精美👍🏻值得一讚！

為嚟緊去台灣旅程做準備香港嘅台灣菜質素參差，聽過好多人介紹呢一間喺旺角嘅阿木台灣麵，今日終於得閒過嚟試吓！鹽酥肉便當 （多肉燥）❤️❤️❤️❤️❤️多餸少飯我至愛，跟餐有三款小食，肉燥好在唔咸，味道恰到好處，香脆熱辣辣古早味炸排骨❤️❤️❤️❤️呢個菜式我未食過，味道都幾有驚喜金鑽 鳳梨汁❤️❤️❤️❤️口感清新，粒粒鳳梨肉好好飲餐廳裝修簡約風，乾淨企理，叫幾多嘢都夠位擺，價錢都算合理，行過可以試吓。阿木台灣麵📍旺角豉油街60-102號鴻都大廈地下3-4號舖

去旺角行街，行吓行吓見到一間阿木台灣麵，個名好似好熟面口咁😂，所以入去食吓先。台灣小食對於我嚟講，離不開一定要食鹽酥雞🤣，於是我就試一試佢個鹽酥雞，我就叫咗個鹽酥雞-肉燥拌麵連飲品$56，跟餐仲有三款前菜。拌麵係幼麵，食落爽口，肉燥汁味道較淡，肉燥面有青瓜絲，可以去油膩感。鹽酥雞好香脆，熱辣辣，炸粉適中，不過就無乜味，但食完之後，上網發現，原來係要自己加鹽酥雞粉😂，如果店員會提醒，就更好喇！☺️

今日同friend去咗阿木台灣麵😌太耐冇去台灣，真係好掛住啲嘢食呢度嘅價錢，在同埋有好多唔同嘅選擇我自己就叫咗台灣牛肉麵，一個小食就係奢薯條酸梅粉，仲有一杯嘢飲就奶蓋烏龍茶，好creammy 又唔係好甜跟住我朋友就叫咗一個撈面😌😌😌份量都幾多🤩同埋啲嘢食嘅味道唔錯 好似真係搭咗飛機返台灣人😸😸仲有其他蛋餅果d都好正gumm will try next time😌同埋見佢着邊度有賣幾多台灣嘅食物，有興趣可以試吓

廣華分店執咗轉場試吓食呢間。以往堂食外賣都好多人排隊搞到我一直未有機會食。今次見無乜人，即卡去嗌外賣，都幾快手，唔使等好耐，但係外賣要加$5。一般來說，麵類堂食比較好食，但外賣都唔算太差。番茄牛肉牛筋麵味道ok，好多番茄油。肉燥拌麵乾爭爭無汁嘅，啲麵略粗唔係其他人所講嘅幼麵。特別想講佢個芝士肉鬆蛋餅，睇落脹卜卜好多料，但其實芝士同蛋得好少，完全食唔出芝士味。肉鬆勁多，但食落乾爭爭，如果多啲醬油濕吓口可能會好啲，不過我應該唔會再試。