🔹芝士肉鬆蛋餅🔹$45
小妹作為蛋餅狂熱分子🙋🏻♀️ 閱餅無數，呢間唔係做傳統嘅蛋餅，但係一份會食到你相當滿足嘅好餅👍🏻
佢冇台灣食到嘅煙韌外皮，但都有啲𡁻勁 又唔太厚
最重要係佢爆餡爆到傻咗😱 肉鬆好似唔洗錢咁，塞到hold唔住 筷子功🥢渣啲都掉晒出嚟
肉鬆仲要係乾爽嗰種，保留鬆脆口感，一啖咬落去 層次感蠻豐富的
唯一要挑剔嘅係太濃味，會蓋過其他食材嘅味道🙈
🔹紅燒牛肉麵🔹$71
我未❗️見❗️過❗️如此之厚嘅牛𦟌，更何況喺碗麵入面。豈止 仲要有四大舊🫢
有肉感得嚟好軟腍，大力啲夾都會自己散開。少有0痴牙，真正我外婆都啱食👵🏻
缺點係不太入味，吃到原原本本嘅牛肉味
撇開驚世牛𦟌，湯底實屬麻麻，紅燒來說味淡 少少辣味、藥材味都冇🤔
番外篇🔅：呢到嘅 #香蔥麻辣肉燥飯 一上枱睇到我眼都凸埋👀
海量蔥海量肉碎海量飯🌊 啊 不是，嗰啲已經唔叫碎，係碩大嘅肉塊
三十幾蚊 見到呢個畫面，頓時覺得好平👏🏻
