阿木台灣麵 (豉油街) (已搬遷) 新店位置

🍚阿木台灣麵好少食台灣野 今次就去試下呢間出名既🍚芝士肉鬆蛋餅個蛋餅好大舊芝士肉鬆溝埋都唔錯🍚鹽酥雞便當每款便當都有1碟3格既野食啲雞無出面個d咁咸👍🏻肉燥飯正常👌🏻🍚台灣腸便當d腸賣相一般 但其實好食份量ok💛阿木台灣麵旺角豉油街60-102號鴻都大廈地下3-4號舖#台灣野 #牛肉麵 #台灣 #旺角#黃店 #openrice #foodie #foodphotography #食好西 #foodporn #food

同朋友喺旺角行完街，想食台灣嘢，第一時間諗起「阿木台灣麵」。嚟到剛好過了午市繁忙時間，唔使排隊，可以即時入座。餐廳主打眷村風牛肉麵，店內採光十足，裝潢走和諧木系風，用餐空間大小正常。紅燒牛肉牛筋麵 ($78)  湯頭鮮味十足，帶陣陣牛骨香，濃而不膩。牛肉同牛筋下得非常慷慨，牛肉極厚身，入口軟稔不爛，牛筋含豐富膠原蛋白；麵條轉咗新竹米 (+$3)，米粉細滑具彈性，配湯吃最適合不過。鹽酥肉便當 ($63)  鹽酥肉炸得夠乾身，調味啱啱好，肉質粉嫩；肉燥肥瘦適中，入口鹹鹹甜甜；配菜有滷蛋，麵筋同自家調製菜脯，麵筋甜甜地，好醒胃。台灣小香腸 ($32)  小香腸外皮煎得好脆，咬下不肥不膩，食到滿口鮮嫩肉汁。芝士肉鬆蛋餅 ($45)  蛋餅即點即製，新鮮熱辣，蛋同餅皮貼合，入口富蛋香。芝士半溶，有拉絲效果；加上香甜肉鬆，食落超惹味。飲品點咗杯金鑽鳳梨汁 (+$17) 內有菠蘿粒，入囗清甜滋潤；另一杯黑糖珍珠奶茶 ($16)  水準亦唔錯，奶茶順喉香滑，珍珠煙韌有嚼勁，入口濃淡得宜。

成日係旺角經過見到呢間，今次終於試下佢#蕃茄牛肉牛筋麵 🍅🍜超大碗😳唔怪之得可以揀少麵🙈牛肉軟淋得黎帶點咬口，牛筯炆得好淋充滿膠質😀麵質適中，蕃茄湯似加左啲茄膏既感覺🍅HKD78#鹽酥肉便當 🍱便當有滷肉飯再加鹽酥肉，再有3款小前菜，好豐富～鹽酥肉炸得唔油膩，肉質爽彈有啲似豬頸肉feel🤣帶少少酒香，椒鹽味就唔太出🙈滷肉好岩送飯😋HKD63#芝士肉鬆蛋餅 🌯蛋餅皮軟熟，超多肉鬆🤩芝士唔係拉絲個款，係片裝芝士，fafafoodie 想要拉絲芝士🥺🥺HKD45#梅子地瓜條 🍠地瓜肉係橙色既，唔算超甜，有得揀多梅子粉😁酸酸甜甜～如果炸皮做返薄啲會更好HKD40#芝士岩鹽奶蓋炭燒烏龍茶 (凍) 🥤揀左微糖走冰，芝士奶蓋幾輕盈，烏龍茶味唔算濃，飲完唔怕瞓唔著😆HKD38（叫主食可半價加購）#金鑽鳳梨四季春 (凍) 🥤四季春茶味幾出😋金鑽鳳梨香甜，仲有啲果肉添～～HKD34 （叫主食可半價加購）免加一服務費阿木台灣麵旺角#fafafoodie_旺角

呢間阿木台灣麵系OpenRice嘅開飯熱店Bookmark咗好耐 終於都去咗食🤪今次一於試下佢到底系咪真系咁好食😎老闆系台灣人 見到佢menu上面嘅嘢都真系好台式🤣咁當然要嗌最signature嘅牛肉麵同魯肉飯啦🤪👍🏿紅燒牛肉牛筋麵 $78湯底清清地唔油膩麵條軟硬適中 食落帶少少嚼勁😚掛湯能力同湯頭配合得啱啱好夠味但又唔會好淡😋最值得appreciate嘅系即使個麵浸耐咗都等到麵條嘅彈性 唔會淋晒👍🏿牛展肉非常厚切 炆得好淋 帶少少牛筋位 食落有種骨膠原漿口嘅感覺而且肉質夠嫩唔會炆過龍搞到舊肉老晒👍🏿牛筋亦系炆得夠晒淋成碗麵嘅調味啱啱好 唔會太鹹又唔會冇味食完都唔會好口乾😆味道: 9/10性價比: 8/10另外枱上面有佢哋自家製麻辣醬唔算好辣 少少麻香 配牛肉麵都幾夾不過就冇話特別出色～👍🏿鹽酥肉便當 $63鹽酥肉好似系呢間店首創嘅聽聞系因為老闆細個唔鐘意食雞 佢爸爸就將鹽酥雞嘅做法改用豬肉嚟整Turns out就變咗鹽酥肉🤣呢個便當性價比幾高有一碗魯肉飯 一份鹽酥肉同埋啲台式前菜鹽酥肉炸得幾香脆 炸粉厚薄適中而且唔會好淋油😚肉質好嫩一啲都唔鞋口有啲用咗肥啲嘅豬肉油香十足😜不過史努比就

旺角超人氣嘅台灣美食，估唔到兩點鐘都咁多人食緊！❥紅燒牛肉牛筋麵 $78紅燒湯底好正宗，食得出台灣香料味👍🏻牛腱好大嚿，同時又好軟腍🥩牛肉包住牛筋腱，食到肉質嘅同時又食到Q彈果凍般嘅筋腱😋牛筋嘅份量都好多，軟軟糯糯，骨膠原好重🫶🏻麵質彈牙，口感好好😽❥番茄牛肉牛筋麵 $78同紅燒牛肉牛筋麵，唯一唔同嘅就係個湯底～蕃茄湯酸酸甜甜，但甜味偏重👅如果鍾意食甜蕃茄嘅人就一定要試吓呢個湯底啦❥芝士肉鬆蛋餅 $45蛋餅好好食🤤肉鬆好脆，份量好多😆外層嘅蛋同餅皮都好滑嫩😻❥鹽酥雞 $39鹽酥雞炸得好香口💖不過食到最後有啲膩🤣❥金鑽鳳梨紅茶 +$17食到有菠蘿果肉，甜度適中🍍❥芝士岩鹽奶蓋炭燒烏龍茶 +$19奶蓋好味，配上烏龍茶炭燒嘅香氣🥰平衡得好好～

間唔中就想食台灣嘢！呢間阿木台灣麵已經喺旺角好耐啦，但係都長期有好多人排隊，今日夜咗收工九點幾去到都係滿座咁滯😱食咗佢哋嘅招牌牛筋牛肉麵，牛筋同牛肉大大塊咬落去好香口又鬆軟！另外叫咗麻辣肉燥拌麵，肉燥燥配上佢哋自家製嘅特製麻辣醬汁非常惹味。當然唔少得食咗小食鹽酥雞，大大粒包裹住炸粉真係非常之香口，仲有芝士粟米蛋餅，超多餡料，即叫即製熱辣辣大大嚿！然後跟餐可以配嘢飲，今次飲咗黑糖珍珠鮮奶，珍珠係比較硬嘅口感，鮮奶唔會太甜！

經過好多次一直都想食，但係成日都好似好多人咁今日終於食到啦！不嬲都好鍾意食台灣嘢真係特別要極力推薦肉鬆蛋餅！首先蛋香夠係已經好一拎開見到肉鬆超豐富！而且佢用嗰啲肉鬆呢係一咬就好有口感好脆嘅肉鬆！並不是紙皮，質感難咬肉鬆！真係好正好正，我覺得佢呢間舖頭蛋餅係必試嘅小食叫咗兩個便當其實佢啲份量真係都好大碟頭下加埋個蛋餅，直頭係食到棒住個肚走因為我食撈麵嘅關係，所以見到有麻辣調味醬係自己整嘅個味道係非常之香口嘅！

每次去到旺角都唔知食咩好👅 咁啱撞正啲學生放lunch 見到佢地係咁衝入去 就知道佢有啲料到😳🌟紅燒牛肉麵 $67 （8.5/10）+$10 珍珠奶茶只可以話招牌就係招牌😎個湯好濃·牛肉大大嚿一咬就開麵質係小編最鍾意•夠曬煙韌🌟鹽酥肉便當 $62 （7/10)+$15 珍珠仙草奶茶鹽酥肉不過不失·啲肉燥仲可以免費加多🌟台式炸大腸 $45 （8.5/10）個大腸超級肥·個皮脆到傻😭🌟滷牛肚絲 $36 （8/10)滷得超級入味·又唔會鹹到

之前一直都想試呢間阿木台灣麵，但因為經常大排長龍，所以都未有機會試到。今日可能因為係平日加上適逢下午茶時段所以未坐滿，終於可以試吓啦！❇️紅燒牛肉麵 $74▶️湯底味道濃郁，但又唔會過鹹。牛肉非常大嚿，雖然切得厚，但肉質依然軟腍，而且好入味，麵質爽口彈牙。❇️鹽酥肉便當 $63▶️包括三款前菜小食，有菜莆、滷水蛋半隻同埋花生烤麩肉燥飯多汁，雖然已經叫咗少飯，但都依然有一定份量，鹽酥肉炸完後，入面肉質依然粉嫩，而且亦夠腍，只係略嫌味道較淡，但可以自行另外再點枱上面的淮鹽嚟食，味道就剛剛好了！❇️芝士肉鬆蛋餅 $45▶️我個人好喜歡食蛋餅，但響香港好難搵到一間真係做得比較正宗而且好食嘅蛋餅，但呢度嘅蛋餅比到我有驚喜，因為外皮做得好軟熟亦唔會好厚，入面亦有蛋香，而且肉鬆份量都幾多，真係做到貼近台灣食到的地道蛋餅味道👍🏻❇️台式炸大腸 $45▶️呢個小食亦係令我覺得好有驚喜的🤩！大腸外皮炸得香脆，入口脆卜卜，每一片的味道都好有鹹香，唔會有內臟的怪味之餘，亦唔會炸到油淋淋，而且份量都唔少，好食推介！👍🏻❇️熱黑糖珍珠奶茶 （跟餐+$16）▶️唔會太甜，奶同茶的比例平均❇️熱金鑽鳳梨四季春 （跟餐+$17）▶️有淡淡的鳳

難得經過附近諗住去食吓差唔多三點都仲要喺門口攞飛等食物水準都還算可以 但唔係好大驚喜我覺得牛肉麵個湯底可以好啲鹽酥雞 泡菜 都不過不失呢期周街都開咗好多台灣嘢有比較之下 覺得佢有啲普通

最近真的超想念台灣😫 ✿ 番茄牛肉牛筋麵 $78 (無加一)湯底超濃郁!! 帶很微很微的辣(?番茄酸甜，還有酸菜，使湯底更多層次，即使看得見的有點油😂，但也不覺很膩麵條很掛湯，建議選偏硬 (對 可以客製化的!)牛腱十分驚喜，軟嫩入味😍中間的筋膜入口即化；牛筋更是像肥肉，超軟✿ 鹵牛肚絲 $36 (無加一)又是超軟! 入味但不太鹹，單吃也ok配上桌上的麻辣醬更佳這醬的麻度和辣度都低，但十分香，吃不了太辣的我很喜歡🤤 ✿ 金鑽鳳梨四季春 跟餐價$17 (無加一)清甜解渴，鳳梨味自然底部還有不少鳳梨粒粒😋 感覺很正宗，難怪全場滿座看似午餐套餐更划算，會回頭(*^^*)

最愛嘅台灣菜之一 一定係牛肉牛筋麵，呢間主打食台灣菜嘅餐廳，經過幾次門口都排滿長長嘅人龍，食物質素都唔錯，牛筋炆得好腍，湯底好濃郁，好出色，而且面質軟硬適中，下次有機會一定會再嚟食

旺角好多好嘢食，但今天專程來食台灣牛肉麵。早已聽聞這間台灣牛肉麵很出名，經常大排長龍。中午lunch time，有很多不同的午市套餐。手機QR code落單，非常方便，午市便當也不貴，還可以加錢換小食。紅燒牛肉麵（片切）$67.00 可以揀多酸菜，麵可以有軟，有硬選擇。牛肉麵很大一碗，牛肉份量有很多，足足5大片，切得很厚。牛肉即係牛𦟌，非常入味，很淋很軟。麻辣牛肉麵（片切）$67 配上麻辣湯底，麻麻的，不是太辣，刺激了味蕾。麻辣豬耳$24 ，豬耳的非常之淋，滷水味入味。鹽酥雞$25， 只有五粒，有啲唔抵，配上鹽酥雞粉，味道還是不錯的，只不過份量真的有點少了。檸檬四季春茶 ：茶味非常之淡。冬瓜茶 ：味道比較偏甜。店舖地方不大，兩個人坐有點逼夾，但上菜的速度是很快的，味道也不錯，只不過是加錢換的小食，份量有點少了。

舊時開張一直都好美味有幫襯。但係味道近年越來越差。現在已經唔需要等幾個位就入到去。是日晚餐，肉鬆蛋餅夠大份，但係死鹹。蕃茄牛肉麵等咗半個鐘都冇黎，廚房漏單。隔離遲入座都食得七七八八。呢半個鐘，另一邊個女人的頭髮手㬹不斷掃過檯掃落我手度，手舞足蹈郁身郁世，咁個親密無間的環境真係令人冇胃口等佢再煮過。到最尾俾錢都冇人講句唔好意思。有獎又如何，都係背脊骨落的一餐。嘢食唔好味，環境好唔舒服，管理混亂，冇下次。

依間舖次次去到都排晒長龍，所以大家最好係apps到攞定飛啊！今次我地叫左兩個麵：蕃茄牛肉牛筋麵 紅燒牛肉牛筋麵 D牛肉麵好好食，d牛肉牛筋全部都大大舊，但又唔係好韌！而且有好多舊牛肉同埋牛筋，非常足料豐富！紅燒湯之前試過，今次再試蕃茄湯，味道都相當唔錯！另外都叫左份芝士肉鬆蛋餅，有爆多的肉鬆加埋拉絲效果！仲有叫左梅粉地瓜條，亦都值得推介！最後係飲品，叫左白桃汁同埋奶蓋鳥龍茶，兩杯都可以隨自己喜歡自由選擇冰量同埋甜度架！