影片
更多
2023-11-29
90 浏览
同朋友喺旺角行完街，想食台灣嘢，第一時間諗起「阿木台灣麵」。嚟到剛好過了午市繁忙時間，唔使排隊，可以即時入座。餐廳主打眷村風牛肉麵，店內採光十足，裝潢走和諧木系風，用餐空間大小正常。紅燒牛肉牛筋麵 ($78) 湯頭鮮味十足，帶陣陣牛骨香，濃而不膩。牛肉同牛筋下得非常慷慨，牛肉極厚身，入口軟稔不爛，牛筋含豐富膠原蛋白；麵條轉咗新竹米 (+$3)，米粉細滑具彈性，配湯吃最適合不過。鹽酥肉便當 ($63) 鹽酥肉炸得夠乾身，調味啱啱好，肉質粉嫩；肉燥肥瘦適中，入口鹹鹹甜甜；配菜有滷蛋，麵筋同自家調製菜脯，麵筋甜甜地，好醒胃。台灣小香腸 ($32) 小香腸外皮煎得好脆，咬下不肥不膩，食到滿口鮮嫩肉汁。芝士肉鬆蛋餅 ($45) 蛋餅即點即製，新鮮熱辣，蛋同餅皮貼合，入口富蛋香。芝士半溶，有拉絲效果；加上香甜肉鬆，食落超惹味。飲品點咗杯金鑽鳳梨汁 (+$17) 內有菠蘿粒，入囗清甜滋潤；另一杯黑糖珍珠奶茶 ($16) 水準亦唔錯，奶茶順喉香滑，珍珠煙韌有嚼勁，入口濃淡得宜。
同朋友喺旺角行完街，想食台灣嘢，第一時間諗起「阿木台灣麵」。嚟到剛好過了午市繁忙時間，唔使排隊，可以即時入座。
餐廳主打眷村風牛肉麵，店內採光十足，裝潢走和諧木系風，用餐空間大小正常。
紅燒牛肉牛筋麵 ($78) 湯頭鮮味十足，帶陣陣牛骨香，濃而不膩。牛肉同牛筋下得非常慷慨，牛肉極厚身，入口軟稔不爛，牛筋含豐富膠原蛋白；麵條轉咗新竹米 (+$3)，米粉細滑具彈性，配湯吃最適合不過。
鹽酥肉便當 ($63) 鹽酥肉炸得夠乾身，調味啱啱好，肉質粉嫩；肉燥肥瘦適中，入口鹹鹹甜甜；配菜有滷蛋，麵筋同自家調製菜脯，麵筋甜甜地，好醒胃。
台灣小香腸 ($32) 小香腸外皮煎得好脆，咬下不肥不膩，食到滿口鮮嫩肉汁。
芝士肉鬆蛋餅 ($45) 蛋餅即點即製，新鮮熱辣，蛋同餅皮貼合，入口富蛋香。芝士半溶，有拉絲效果；加上香甜肉鬆，食落超惹味。
飲品點咗杯金鑽鳳梨汁 (+$17) 內有菠蘿粒，入囗清甜滋潤；另一杯黑糖珍珠奶茶 ($16) 水準亦唔錯，奶茶順喉香滑，珍珠煙韌有嚼勁，入口濃淡得宜。
张贴
