阿城鵝肉

营业中

休息中

2人餐 有煙燻鵝 滷水鵝頭 菜同埋沙律仲有湯同埋鵝飯個湯係出色嘅 跟住煙燻鵝有煙燻嗰浸味 不過唔知係咪習慣咗點醋 覺得欠缺咗啲酸去調味另外呢我食到一半先知原來醬料要自己攞😆唔問職員有冇醬，佢答我，真係留意唔到跟住碟鵝隔離啲薑絲唔知有咩用😆我唔係繁忙時間，我係第一台客 食到一半都未有好多人我覺得你哋可以講解吓有冇啲咩應該要講解點食，每間舖頭都有佢嘅特色，個職員好似放低完啲嘢就走另外個喇叭真係好嘈😅張枱太細，啲碟太大價錢合理味道唔差 爭緊啲服務

⭐️台灣米芝蓮推介⭐️🪿阿城鵝肉登陸香港🇭🇰香港首店坐落九龍灣淘大商場勁方便！即刻來試下超過30年歷史🪿 阿城鵝肉好味到返唔到轉頭🥢一試難忘而且價錢實在，環境開揚舒服！好適合聚餐招牌煙燻鵝同白滷水鵝🪿選用台灣白羅曼鵝！鵝肉入口嫩滑鮮甜👍🏻真係好好味😋招牌煙燻鵝鵝肉呈現琥珀色細嫩多汁～入口帶蔗糖香+煙燻香味白鹵水鵝鵝肉鹹香清爽～香而不油膩能帶出白羅曼鵝原始的鮮甜蜂蜜柚子白涼瓜清新解膩～口感脆爽～食落去特別開胃台灣香腸三拼～原味、蒜香、九層塔三種口味夾雜住蒜片+洋蔥絲食口感豐富藥膳鵝掌燉湯～足料製作湯底入口清甜夠滋補花雕醉香鮑魚～用上原隻鮑魚加入花雕、當歸與杞子，入口醇厚，口感彈牙記得一定要叫鵝油拌飯～鵝油飯粒粒分明配埋鵝肉、台式香腸食好正店內更有多款滷味菜式～下次再來試下先阿城鵝肉📍香港九龍灣牛頭角道77號淘大商場2期地下G254號舖@achenggoose_amoyplaza#阿城鵝肉 #阿城鵝肉 ＃台灣米芝蓮 九龍灣淘大商場#九龍灣美食＃傳承糖燻工藝 ＃台灣白羅曼鵝

阿城鵝肉 (九龍灣)地址: 香港九龍灣牛頭角道77號淘大商場2期地下G254號舖約左朋友出海玩水上活動，預左去無人島，當然小島上無水同食物補給，先吃飽才出發！我怕流落去到得個volleyball 做我朋友一人餐$59 起，要了$79 雙拼鵝肉飯由台灣開業到香港 煙燻鵝加白滷水鵝，一次滿足食到兩個唔同做法架鵝肉！另有滷水小食，充滿台灣味道$39 櫻花蝦a菜，食下菜平衡下先加配 $59 滷鵝眕，好入味吸曬滷汁精華，煮到質地是彈彈爽口，推薦！有自助水吧同調味料，個鵝醬同鵝油辣椒醬必試呀，店灣正宗食法，更惹味在台灣拿下了6年米芝連推介，那有不吃的理由！

「阿城鵝肉」在台灣已經有30多年歷史，傳承與技藝精進，餐廳曾於台灣米芝蓮必比登榜連續六年獲推薦新北市十大餐飲名店👍👍其招牌煙燻鵝及麻辣鴨血皆為饕客朝聖之作。創辦人蔡芳城（阿城）原為計程車司機，偶遇台灣鵝肉老攤，從此改變人生方向。他走進廚房學做鵝，潛心研究，終於推出獨特煙燻工藝。鵝隻以白羅曼品種飼養100天，最終挑選出只有 1/10 的 3-3.5 公斤精品，確保鵝肉脂肪適中、清爽不膩。阿城鵝肉於香港淘大商場開設首店，秉承正宗台灣作法，不僅食材百分百空運自台灣，連砂糖、豆瓣醬、香料等亦悉心挑選，每道菜皆能忠實呈現台灣本店水準。今日品嚐的每道菜，完完全全體驗到台灣老饕風味，每道菜製作和味道，簡直令我嘆為觀止，完完全全感覺像台灣飯堂一樣，好喜歡💖✨藥膳鵝掌燉湯、山藥鵝骨湯✨煙燻鵝後半段✨白滷水鵝前半段✨阿城鵝肉滷味（滷鵝粉肝、滷鵝腸、滷鵝蛋、滷鵝心）✨麻辣臭豆腐✨蜂蜜柚子白涼瓜✨台灣腸三拼（杏鮑菇、檸檬、辣味）✨花雕醉香鮑魚✨台灣一品煲✨鵝油拌飯 真心超級推薦，唔使去台灣都能夠品嚐正宗「阿城鵝肉」嘅風味，嚟緊香港仲會開多兩間分店分別在東涌東薈城和太古城中心，想食就方便啦👍

阿城鵝肉開到嚟香港，點可以唔食？！之前喺台灣食過一次，排晒長龍，已經念念不忘。而家開到嚟九龍灣，晏晝過嚟食佢，都爆曬場。份量好足，每碟都夠晒大碟，又好食。煙燻鵝肉飯$99鵝油拌麵+$20+$10冬瓜茶晏晝套餐有鵝肉飯，揀咗一份，加錢轉做撈麵，同埋冬瓜茶。勁大碗，份量大到應該可以兩個人食一碗麵！鴨肉份量原來都唔少，而且仲有煙熏味，個人比較鍾意食呢款，有獨特嘅味道。鵝肉整得啱啱好，勁滑！+$10鵝湯+滷鵝腸$34.5+滷鵝肝$64.5鵝腸同鵝肝大家都一定要食！鵝腸闊身，又多汁，爽口又唔會過熟！鵝肝入口即溶，好耐未食過咁好食嘅鵝肝！鵝油拌飯$ 29.00白滷水鵝肉後半段（大份）$159原本怕唔夠食，叫咗大份鵝肉加一個鵝油撈飯，結果原來份量勁多。白滷水鵝肉，就冇煙熏味嗰種特別嘅味道，但係就朋友比較鍾意食呢個。出面仲有自助調味料區，可以加勁多鵝油，大家可以盡情加！另外呢度啲辣椒醬都夠啦，一定要試吓。

台灣老字號米芝蓮滷水鵝店，採用90日現宰肉鵝，慢火滷製燻鵝，再加上獨特的鵝油蔥酥，家鄉風味十足。心點招牌煙燻鵝，以傳統煙燻煮法慢火燻製，選用台灣本地飼養的優質鵝隻，肉質飽滿，酥脆中帶著微微的焦香，肉質鮮嫩多汁，帶有淡淡的煙燻香氣。白滷水鵝同樣出色，豐富蛋白質，肉質肥而不膩，陣陣滷水香，滷得十分入味，味道鮮美。配一碗「鵝油拌飯」，每一粒米飯都帶有滿滿鵝油，濃香醇厚，不油不膩。鵝腸夠肥美，吃落爽脆，再點一點秘製鵝油辣椒醬，份外香辣惹味。

這間位於淘大商場地下的「阿城鵝肉」絕對是驚喜之選！佢係台灣連續六年米芝蓮推介，食物質素同台灣一樣，卻令人印象深刻，尤其是他們的招牌鵝肉和小吃，每一道都充滿地道風味，絕對值得一試！ 白鹵水鵝肉後半段：肉質鮮嫩多汁，鵝肉很新鮮，白滷得入味，搭配獨特的白酒香氣，讓人回味無窮，份量多，可兩人分享。 另外仲點咗三個個人餐，鵝腸，鵝心，同鵝粉肝，全部內臟處理得非常乾淨，毫無腥味。粉肝口感綿密，酒香濃郁，送飯送麵一流，鵝腸好爽口，而且喜歡佢切得好厚，食落好有口感，鵝心比較少食，肉質紮實，是下酒菜的絕佳選擇！ 我同朋友點了湯意麵 和 湯冬粉來送食，湯頭清甜，麵條吸飽湯汁卻不失彈性，簡單卻充滿古早味，暖胃又滿足，份量又夠，食到飽飽。飲品都係台湾飲品，有蘋果西打同猛將木瓜牛奶，蘋果西打清爽解膩，木瓜牛奶濃郁香甜，搭配重口味的小吃剛剛好。 整體好好，如果喜歡地道台灣小吃，這家店絕對不能錯過！

🍴花雕醉香鮑魚一上枱就已經被佢嘅賣相吸引，鮑魚size適中，浸喺醉香汁入面，散發住淡淡花雕酒香。咬落去鮑魚肉質彈牙得嚟又唔會韌，醉香汁入味得嚟唔會太濃，反而帶出鮑魚嘅鮮甜，仲有少少當歸同杞子嘅香氣，層次豐富。作為開胃菜，絕對係滿分之作！ 🥤一本桂花烏梅汁食滷水嘢最怕膩，所以特登點咗杯桂花烏梅汁。一入口，烏梅嘅酸甜即刻喚醒味蕾，跟住桂花嘅清香慢慢滲出，兩者平衡得恰到好處，唔會太甜亦唔會太酸，冰涼清爽，同濃郁嘅滷水菜式簡直係絕配！ 🍺金牌台灣啤酒食台灣菜點少得台灣啤酒？呢支金牌啤酒麥香濃郁，入口順滑，帶微微甘甜，同滷水鵝嘅鹹香出奇地夾。尤其係配埋鵝腸或者鵝肉，啤酒嘅氣泡可以中和油膩感，令人食得更開胃！ ⭐️招牌主食：XO醬麵線麵線煮得剛剛好，唔會太淋亦唔會太硬，撈勻XO醬之後，每條麵線都掛滿醬汁。XO醬香辣惹味，仲有啲蝦米同乾貝絲增添口感，食落鮮味十足，微微嘅辣勁令人越食越上癮。如果鍾意重口味，呢道XO醬麵線絕對係必點！ ⭐️滷白菜滷白菜看似簡單，但要做得好食其實好考功夫。呢度嘅滷白菜燜得夠淋但唔會爛，吸收晒滷汁嘅精華，味道清甜得嚟帶住滷水嘅香氣，仲有少少香菇同蝦米提鮮，簡單但極具深度

今天，我和同事們來到了阿城鵝肉享用午餐，這家位於九龍灣牛頭角道77號淘大商場2期地下的餐廳是台灣逾30年的老店，首次在香港開業，並且連續六年被米芝蓮推介，令人期待。我們的午餐從我點的煙燻鵝肉飯開始。鵝肉經過煙燻處理，外皮酥脆，肉質鮮嫩，每一口都散發著誘人的香氣，搭配的米飯粒粒分明，完美吸收了鵝肉的鮮香，讓人回味無窮。我的同事則選擇了煙燻鵝肉和白滷水雙拼鵝油拌麵，這道菜的麵條吸收了鵝油的醇厚風味，口感滑順，鵝肉的鮮美更是增添了整體的風味。此外，還點了鵝湯，湯底濃郁，帶有鵝肉的鮮香，喝上一口讓人感到格外暖胃。我們還嘗試了滷鵝心，這道菜的口感獨特，入味十足，讓人驚喜。而白滷水鵝肉和鵝翅膀（兩節翅）也是必點的美味，白滷水的醬汁濃郁，將鵝肉的鮮味充分發揮，翅膀的肉質滑嫩，非常適合搭配米飯。整體而言，阿城鵝肉的午餐讓我們大快朵頤，無論是食材的新鮮度還是烹調技術都讓人印象深刻。這頓美味的午餐讓我們期待著再次光臨，品嚐更多台灣正宗的鵝肉料理！

路過經過不要錯過， 今日行街經過淘大花園二期， 淘大商場地下G254舖 ，見到有間舖頭新開寫住試業優惠， 擺出來的相片很吸引 ，好友說經過就是緣份 ，一於試一試。 一頓美味的台灣鵝肉餐開始， 店面不算大， 但樓底很高 ，座位乾淨舒適 ，店員熱情有禮 ，為我們解釋鵝肉的製法 ，建議我們是試一碟白鹵水鵝肉 ，一碟煙燻鵝肉， 各有風味 。我們比較大食， 又揀了鹽酥雞 ，韭菜麻辣血， 台灣水果白玉粟米 ，滷鵝蛋 ，再加兩杯熱冬瓜茶， 一心一意等開枱食飯。 白鹵水鵝肉後半段小份先到 ，去骨鵝肉鮮嫩多汁 ，皮薄肉嫩 ，一看就知很新鮮 ，食落非常鮮香， 配上這裏特有的鵝油辣椒醬 ，錦上添花， 應該算是天花板級的鵝肉。 煙燻鵝肉後半段小份， 這個味道較濃 ，煙燻味重， 又是另一番滋味。 熱冬瓜茶原來是盒裝的， 香香的冬瓜味很特別。韭菜麻辣血，少少麻辣 ，鴨血嫩滑， 韭菜鮮香 ，用來送飯就一流。 鹽酥雞炸得外脆內嫩， 不算很鹹， 美味令人吃不停口。滷鵝蛋 ，一個大大的鵝蛋分開幾份 ，旁邊有爽脆的酸菜相伴， 鵝蛋蛋味濃郁，蛋白是qq彈彈的， 很有咬口。 最後一樣我非常喜歡的台灣水果白玉粟米， 用冰鎮食法，

今次同朋友特登去咗九龍灣淘大商場搵食，試吓呢間「阿城鵝肉」——聽講係台灣過江龍，仲要係米芝蓮推介過㗎！地點真係無得輸，商場去地鐵站幾分鐘就到，方便到極！我哋兩個嗌咗個 「2人套餐」($289)，份量十足，款款有驚喜：「櫻花蝦麻醬菜」 打頭陣，麻醬香濃得嚟帶啲蝦乾嘅鹹鮮，蔬菜爽脆，好開胃！「山藥鵝骨湯」(2碗) 一定要趁熱飲！湯底清甜冇味精，山藥煮到腍腍哋，飲完成個人暖笠笠，好舒服。「滷肉時蔬」 啲滷肉汁撈埋啲菜，鹹香得嚟又唔會蓋過蔬菜嘅清甜，好夾。「白滷水鵝(大份)」 係主角！鵝肉滷得超級入味，肉質嫩滑唔嚡口，白滷水嘅清香更能帶出鵝肉嘅鮮甜，果然係招牌！「招牌煙燻鵝頭」 燻香十足，啖啖肉又有口感，一流！「鵝油拌飯 x2」 不得了！簡單嘅白飯淋上香噴噴嘅鵝油同醬油，油潤甘香，我哋係咁意就扒晒成碗，真心推介！忍唔住再單點咗份 「滷鵝肝」($129)，一試難忘！鵝肝滷到又腍又滑，入口即溶，滷汁嘅香完全滲入去，一啲都唔腥，食落豐腴甘香，貴少少都值回票價！兩個人食到捧住個肚走，總數$418，可以歎到高質鵝肉全餐，仲要係米芝蓮推介嘅台灣名店！環境乾淨企理，上菜速度合理，侍應都幾有禮貌。總結：地點超

1️⃣煙燻鵝肉飯鵝肉太小，切到一條條咁，同埋脂肪多過肉。煙燻味完全蓋過左鵝味，酸菜唔係好酸，好大粒鵝蛋，飯有好香鵝油味。不過依個價錢咁小肉唔抵。💰HKD$692️⃣白滷水鵝肉飯滷水會比較好，鹹鹹地冇蓋過鵝味，不過都係份量小💰HKD$693️⃣滷鵝肝佢個汁唔係平時啡色果種，酒味較濃，唔太易入口💰HKD$65加$10有個鵝湯未值得拎到米芝連🤭🤭

今天和朋友在九龍灣午膳！ 最近有朋友們特別推介有一間好正的台灣過江龍的鵝肉店，叫阿城鵝肉； 此店的特色就係主食鵝和台式料理！ 餐廳位於淘大花園2期淘大商場地下G254舖; 九龍灣站B出口下車行幾分鐘就到！ 店外火红色的大招牌，十分搶眼， 室內裝修設計簡潔整齊；排列的枱椅坐得舒適，地方寬敞且燈光明亮！🪿白滷水鵝肉後半段 （大份）是台式經典鹵味之一，以清淡鮮香、肉質细腻見稱！能突出食材原味與層次感！鵝肉全起骨，皮和肉簿切，一件件上！ 鵝肉質细腻軟嫩，肉的纖维不柴，入口易嚼，能保持多汁感；鹅皮滑嫩帶彈性，脂肪适適中，膠質豐富，有口感！配上薑絲和自家辣醬和辣油，更加惹味！🔥台灣一品煲是一道融合了多种食材精華的台式料理，以豐富的配料和浓郁和麻辣的湯底为特色，口感層次丰富，味道鲜香醇厚！ 一品煲包含鵝血、鵝腸、臭豆腐、酸菜、鮮竹筍、菲菜等；不同食材带来软嫩、彈牙、爽脆等多種口感， 食物吸收了麻辣汁後，美味可口！值得一讚是這家秘製臭豆腐，细腻綿軟，帶濃醇的臭酸味，超正！🍄‍🟫杏鲍菇香腸是结合了杏鲍菇和香腸的台式料理，杏鲍菇本身带有淡淡的堅果香氣和鮮味，與香肠的肉香融合，形成獨特風味。 香腸有微甜的

見新開張，又有啲特色，即管要試兩個人，叫咗一份大鵝肉，一個一品窩碟鵝肉嚟到，滿心歡喜，「一塊」「一塊」好整齊，心諗幾好，好多件，好抵食。一夾，點解鵝肉係一條條嘅，以為頭尾係咁，點知全碟都係咁。孤陋寡聞，未見過鵝肉係「條」上或「絲」上。同鵝肉同皮差唔多厚度，有啲係「絲」到令我好佩服廚師刀功。總之係皮肉比例一比一。一品窩，原來係辣辣地，除咗辣就冇其他味道，窩入面嘅酸菜係冇味的，厲害！補充一句，窩的深度不足1cm.最後唔飽，叫一個湯麵線，以為係病人餐，又係冇味！圖中嘅肉算係「厚」了

叫咗一份白鹵水鵝肉+鵝油飯及滷肉飯已經細碟，每塊白鹵水鵝肉只得薄薄一層皮連骨薄肉，相當考師傅刀功可能香港滷味太出色，呢個白鹵水幾乎無味而且鵝肉味道已經唔夠，咁細舊基本上唔知食緊乜，得陣油味鵝油飯更加唔需要試，鵝肉都已經唔夠味何況都油飯，而且鵝肉本身都得返油味建議直接叫白飯或者滷肉飯另外自助bar除咗水之外，醬料冇refill過，唔知有咩可以加總結成餐得個滷肉飯食得落口