影片
真系好难食。。牛腩硬到你唔信腩肉肥到一旧油顶唔顺。。。得返蔬菜系正常 肉类真系冇样掂。。到底边个话好食？史上最难食车仔面佢可以上前三冇谂过差成咁，牛腩+12蚊 但一旧都食唔落腩肉+12 都系又肥又有肥猪肉味 去腥唔掂真系。。。食个车仔面 结果D肉冇样得只有冬菇萝卜系食得落。。一句 又贵又唔好食，呢个价 系完全唔值唔怪得而家冇咩人食 就算有，我谂都系好似我咁抱著嚟试一试既心态 结果系伏中伏好心咁难食 D人唔好乱咁讲话好味啦！
继续阅读
联和墟都有好几间车仔面店，今次就试下呢间叫阿四车仔面。姐姐都几热情招呼，而店内嘅环境都几干净企理。我拣咗个三𩠌面，有猪红、仿鲍片、溏心蛋配油面。猪红切得比较细粒啲，不过夹起上嚟都冇散，都可以；仿鲍片OK唔靭；溏心蛋都正，仲有少少流心。油面就正正常常，呢度嘅秘制沙嗲汁好浓味，唔错。另外叫咗一碗南乳猪手，猪手都干净无毛，仲炆得好鬼腍同入味，唔错。提提大家，呢度有辣辣菜脯可以自行添加，仲几好食，够爽脆。
继续阅读
系联和墟揾野食，上网见到呢间车仔面咁多好评加上又有十大粉岭好食推介，（鱼蛋、鱿鱼、瑞士鸡翼、猪皮…….推介…🤢）于是拣咗呢间食。…..。 赖嘢….赖晒嘢…真心未食过咁难食的车仔面。仲要唔系平㖞 入座时唔多人 几枱人咁食评 面 ： 叫左粗面，完全未煮熟，硬硬地….汤 ： 少得可怜，都唔紧要，好彩系无咩特别（腩汁）𩠌 ： 鱼蛋（劲普通）、鱿鱼（街市买就咁煮，都几硬下）、猪皮（….无特别）、瑞士鸡翼（唔热……牛腩（食到雪味唔淋）….其实啲𩠌都唔热…所以增加左难食自问都间唔中会食车仔面，但真系未食过咁难食。有时真系土唔知点解咁嘅嘢食都可以攞出黎卖，其怪有咁多好食评，完全谈不上好食，或者我果日唔好彩。完服务态度都可以口味嘅嘢各有各，以上只是本人的体验和口味。
继续阅读
心血来潮想食车仔面想OpenRice度揾到呢一间，叫咗三个𩠌猪大肠牛柏叶萝卜配米粉，萝卜硬到乜咁….牛柏叶好似橡筋咁…猪大肠都OK但系咁样$47真系唔会再食啰，总括来讲好难食唔值得牛柏叶系吞唔到
继续阅读
早几日同老公入咗粉岭 初初谂住去买鸡髀包点知冇开门🤦🏻♀️, 既然嚟到 行下睇下有乜嘢食 一句都钟意食车仔面嘅我，见到呢间 都几多人食就行咗入去， 果然好多款式 但系我有选择困难症😂 所以我都系叫佢𠮶个招牌面稳阵呀 辣鱿鱼 辣鱼蛋 猪皮 萝卜 猪大肠 鸡翼尖 鸡翼 卤水蛋 猪红 埋到黎仲加多 两条菜㖭 仲唔系十全十美😂， 讲番味道辣鱼蛋弹牙 猪皮爽口，萝卜入味够淋 ， 猪大肠激赞 厚身入味弹牙 冇成串珠膏👍🏻 鸡翼淋晒 入口即化 我最钟意🤭 另外仲叫咗个炸蚝 估唔到车仔面档 整嘅 炸蚝 都咁好食 外边脆到有声， 里边有咬口又唔会腥👍🏻 系略嫌两杯嘢饮 麻麻地 其他整体都唔错👍🏻
继续阅读