阿元來了 (鴻圖道)

营业中

休息中

最鍾意食嘅台灣美食店大大話話食左阿元幾十次 次次都一定會食佢個魯肉飯 不過今次就唔食啦 試吓食其他嘢1. 豪華蚵仔煎入面有蚵仔亦有帶子同蝦仁 味道同佢平時嘅蚵仔煎差唔多 不過就多咗啲餡料 大致上都好食嘅 口感都係煙煙韌韌 撈埋啲醬係幾好味嘅 2. 芋圓 今次個芋圓麻麻哋 因為上次食開係煙煙韌韌嘅 但係今次嗰個就硬咗啲冇咁好食 不過其他配料例如紅豆仙草珍珠都OK好食嘅3.鹽酥雞基本上每去到一間台式小食店都一定會叫嘅 個皮都炸得幾酥脆 必食之選4. 芋泥黃金卷呢個幾特別 係新出嘅小食 佢有層酥脆嘅炸衣 入面就有軟綿綿嘅芋泥包住左鹹蛋黃 所以整體食落鹹香鹹香 鍾意食芋頭嘅人都值得推介一試Overall 推介指數 3.5/5P.S. 咁啱嗰陣時已經八點幾唔使點排隊入到去又有得即刻叫嘢食上菜速度都快 嘢食送到黎都熱辣辣 所以推介鍾意台灣小食嘅人都可以係呢個鐘數入去試 因為平時中午附近多上班族 排隊就耐好多

小編係kt番工Lunch hour一定好難搵位食飯Peak hour 去阿元來了冇番半個鐘都唔洗入起難得今日朋友黎搵我食飯 幫我等位一於一於去試吓好唔好食滷肉飯好入味，啲肥豬肉膠質重到將住個口 好出色餐廳內環境亦好有台灣氣氛 為番工加加氣如果唔洗等位一定會再食

十一月第二個星期三下午，觀塘。從中午到下午東奔西跑，連午飯的時間都沒有，忙完以後，決定試試離公司不遠的台式餐廳。這餐廳挺有名的，因為是台灣人開的，主打正宗台灣味。以前在堅尼地城工作的時候，總是見到他們客似雲來，所以沒有機會試，這下可好，趕緊在沒有甚麼客人的時間探探店。餐廳裡面的復古裝潢彷彿回到了五六十年代的台灣，仿火車站，售票口，夜市攤檔，還有著名的春風大戲院，連座椅的擺放都是參照台灣路邊攤，打卡的位置真的蠻多。肚子餓了，趕快點一份下午茶套餐。香菇肉羹米粉，有三塊用料實在，口感挺滑嫩的肉餅；湯頭濃稠，不過香氣欠奉，而且吃下去味道非常普通，每一款配料的味道都是分開的；吸滿了湯頭的新竹米粉也很奇怪，是沒有味道的，整碗米粉就是毫無層次可言。不喜歡米粉可以選麵，因為他們的麵是用油麵，幸好沒有選，不然應該比米粉更沒味道。爆濃起司蛋餅，台灣直送的蛋餅皮裡面是薄薄的蛋皮跟起司，餅皮跟蛋皮還有起司層層分明，一夾是可以把三層全分開的，也就是非常鬆。細細咀嚼，沒有蛋香氣，起司的份量明明就是剛剛好，頭尾的起司一半都沒有，卻說成是爆漿，那普通版的起司蛋餅豈不是吃不出來有起司？蛋餅皮表面的醬跟Heinz亨氏的燒

上網碌開社交平台見到有介紹佢地既紅豆餅 俾佢地吸引左 同埋本身都幾中意食台灣野 所以就特登搭車黎試下 星期六大約2點幾去到 原來要排隊 仲要都幾多人排 條隊好長下 排左大約20分鐘左右入得 入面環境唔錯 由於頭先排隊已經揀好晒食乜 所以一坐底就已經俾左店員野食好快就到齊 可以黎張大合照 我地叫左個阿元魯肉飯 呢個個飯既份量感覺有啲大 兩個人都食唔晒啲飯 當然仲有其他野食小食叫左四樣刈包 好中意食呢啲包 好好味 入面有菜有舊腩肉 好中意食鹽酥雞 台灣香腸 玉米肉鬆蛋餅 呢三個都好好味 味道正正常常 冇乜特別 最後仲叫左個甜品 九份芋圓 呢個真係麻麻地 賣相睇落成碗湯咁 淨係見到啲水同奶 啲芋圓係底 味道都麻麻 仲叫左兩杯飲品 一杯係手作風味水果味 呢杯就係普通一杯水果茶 同出面啲台式飲品店既味道一樣 酸酸甜甜咁 冇乜特別 個人就麻麻 唔太中意另外仲叫左杯招牌珍珠奶茶 就係一杯普通既珍珠奶茶咁 味道唔錯我地仲叫左四個紅豆餅 珍珠奶茶味 芝麻麻糬 花生味同原味 都係普普通通 冇乜特別整體黎講 野食都ok既 但食過一次就夠了

餐廳嘅裝修主題係懷舊，有好多應該係我阿媽細個嘅年代嘅裝飾，睇得出係有用過心去蒐集。我哋叫左滷肉飯鹽酥雞滷味同蚵仔麵線呢啲台灣必食食物。份量都唔算細，味道就偏重。但整體個味道都唔錯嘅！除咗鹽酥雞，真係好鞋好鹹。全枱淨係得呢一樣冇食晒🙈

讀書的時候在台灣生活過半年的時光，灣灣的人情味和美食給我的人生留下了最難忘的一段回憶。每次來吃阿元來了，都彷彿親身置於台灣這片熱土上，餐廳的每一個細節都散發著灣灣的魅力，令人沈醉，在香港這篇鋼筋水泥的土地上開闢出了一片另類的空間，特別推薦滷肉飯、大腸小腸和奶茶！

第一來去到以為舖頭閂左，因為見到個大鐵閘，原來門口喺右邊🤣行到入去覺得自己去左台灣，所有裝修佈置都有豐富既台灣特式，例如排隊等位的地方係個巴士站，佢後面就係鐵路站設計，上面有天燈。至於廚房果邊就係夜市風格，我坐低左都覺得好有風味～仲有大邊係大劇院既外面，好多海報等等其實牆身都掛有好多野睇，但我諗要坐晒咁多個不同的座位先有機會睇到了講完店內的「風景」，講返食物其實就比較普通1.炸地瓜球如果冇芝士會好味啲～2.滷水豆腐個豆腐個質感好特別，好似一舊彈彈下的長方形物體，可惜無豆味，我唔會推介其他人😂😂3.珍珠奶茶好重奶味，珍珠就幾好食，唔知係咪落左蜂蜜？感覺清新過出面果啲黑糖珍珠4. 魯肉飯 控肉飯 不過不失5. 鹽酥雞 ok, 凍左啲6. 見到其他食評有影皮蛋豆腐，睇完相完全唔敢叫黎食😃總結，無得去旅行，間中黎呢度坐下都唔錯既😆

阿元滷肉飯 $42大大碗 上面淋左唔少滷肉同滷肉汁 台灣嘅滷肉飯好多都係肥肉佔比例多 鍾意呢度嘅滷肉飯嘅肥瘦比例平均啲 肉鬆起司蛋餅 $30最鍾意食蛋餅就係肉鬆加芝士 醬油膏冧咗喺上面 如果餅皮可以煎脆啲就仲好鹽酥雞 $37即叫即炸 嚟到係脆卜卜 調味足夠 炸皮稍微有啲厚香芋珍珠奶茶 $27平時出街都好鍾意飲香芋類飲品 阿元嘅台式飲品都做得唔錯 珍珠唔會太淋

呢間想食好耐，不過位置唔太方便，終於的起心肝嚟食，位置有啲隱蔽。一入到黎，店員叫咗我哋通過店面，係條類似後巷既地方等候。店舖環境裝修都好有台灣feel，加上店員都係講普通話。等候途中，俾咗張Menu我地睇。終於坐低咗，位置有啲迫，同隔離枱嘅人係背貼背咁滯。爆蛋雞肉飯超級普通，個底係無味阿元魯肉飯都係好普通，不過啲汁多少少，好過雞肉飯同我想像中有啲出入，唔叫都無損失炸野算比較好，夠熱同夠香脆整體來講，啲食物比較細，除咗炸嘢之外，其他嘢都冇乜特別。加上坐得唔舒服，張台好迫，同其他食客又坐得好近，而且感覺店員係吹我哋走。唯一值得讚嘅就係裝修同環境，同埋炸野都ok

同朋友去試下想試好耐既台灣菜。星期六下午1點去到，等左10-15分鐘就入得。個格局似大排檔，枱同枱之間都幾近。我地點左魯肉飯，甜不辣，蛋餅同鹽酥雞。整體睇講都不過不失，但就有d 油膩。食左一次可能要隔一段時間先會再想食。價錢都正常。

今日到觀塘行街，午飯時間我朋友帶我去觀塘工廠區食台灣小食，我哋叫咗兩碗飯，滷肉飯香氣撲鼻，多汁夠入味，雖然睇落去細細碗但係嗌多個小食就夠飽。另一碗阿元滷肉飯就大碗少少，多咗條菜同半隻滷水蛋，價錢貴$10，加多一個小食，蛋餅入邊有肉鬆同芝士，食落味道好夾。再叫了杯金橘檸檬但係好甜，一杯可以加水變2杯，抵飲。

食阿元係享受，望住別緻的台式裝修，聽住充滿回憶的台灣國語歌曲，間中忍唔住朋友哼幾句，真係有種回到過去嘅感覺。午時堂食要等一段時間，所幸上菜速度快，食完再小抖一陣都唔會遲到。阿元魯飯只需$42，唔似坊間mark up得非常過份。味道唔錯，魯肉入味，份量唔少，但幾條菜同漬物好似唔太夾（？），魯蛋冇咩味，當填下肚。店內夾雜香港及台灣員工，但溝通上基本都冇咩問題，服務態度親切有禮，日日排長龍，的確不無道理。

呢間係近年好受追捧的台灣餐廳，裝修上幾有心思，打卡的確不錯，不過食物質素就實在普普通通，而且分量真係好細，只叫一樣主食係一定唔夠飽，分量細唔緊要，但係價錢同平時食個主食一樣都要四十幾蚊，好唔抵食。比較欣賞既係台南擔仔粿條及魚丸湯(如圖)，湯底算是不錯。不過友人話呢隻有肉餡既魚丸係台式打邊爐鋪頭都可買倒，三十蚊得兩粒實在好掠水。餐廳重點推薦的滷肉飯真係令人失望，肉好硬(如圖)，而且唔入味，真心度小月好食好多。另外大伏係芋圓，水多餡少，紅豆唔知有無十粒，而且芋圓好淡唔好食。唔信可叫一碗見識下。不會再光顧了。

盆栽芋圓本身諗住叫個普通嘅，但係覺得盆栽好得意😎，所以嗌咗！主要係將啲芋頭放喺曲奇🍪同埋奶下面，上面加塊葉。賣相來講好特別，但係未到來講我覺得偏甜，唔太啱我食！嗜甜嘅朋友就一定要試啦🤩！麵線碗麵有蝦有蛋，個湯都好鮮味😋。除咗面之外你仲可以轉做烏冬添！呢碗野真係好抵㗎！

之前食西營盤嗰間，佢搬咗之後都冇食過... 咁啱今日無啦啦飯局，就去咗觀塘間阿元食飯. 久違了的味道.7 點未夠坐低， 唔駛點等位~ 但係食食吓， 越嚟越多人， 好彩早d過嚟啫~我地兩個人食， 叫咗爆蛋雞肉飯， 香菇肉羹米粉， 滷味拼盤，豪華海鮮煎。 叫咗飯同小食， 可叫特價叫嘢飲， 我叫咗洛神紅梅， friend就飲咗蜜香綠茶加紅豆。 等咗一陣， 好快就有嘢食 個香菇肉羹米粉都幾大碗， 好多米粉， 好台灣味~ 豪華海鮮煎又好多料， 好大隻蝦蝦蝦. 成餐都好好食~ 我特別鐘意杯洛神紅梅， 酸酸甜甜咁， 好好味冇得去台灣， 食d台灣嘢， 頂住先啦~ 唔知幾時先可以去旅行呢