阿來泰式地道風味

营业中

休息中

同朋友行完旺角， 決定喺附近搵間泰國餐廳食Dinner。 我哋大概六點鐘入座，但大概七點左右出嚟嗰陣時， 門口已經大排長龍， 所以建議大家可以先book位，或者早少少過嚟食。雖然我哋兩個人， 但侍應見到我哋攞住好多嘢， 於是安排咗張四人枱， 都幾貼心。 菜式同飲品同一般泰國餐廳冇好大分別， 價錢亦都係中規中矩。首先我哋點咗泰式生蝦， 好有驚喜， 蝦很大，肉非常爽嫩新鮮， 冰鎮得非常徹底， 亦都好鮮甜厚肉， 蝦肉上面亦都付左一片蒜片同埋辣椒粒， 隨碟附上一碟青色嘅生蝦汁。 如果大家唔食得辣嘅話可以蘸少啲。 另外我哋叫咗碟馬拉盞炒通菜， 雖然好似好簡單， 但鑊氣幾足， 上枱嗰陣時好新鮮， 熱辣辣， 佢加咗薑絲蒜頭， 層次亦都豐富咗。 賣相都好光澤， 但食落去都係好新鮮唔覺得好油膩。我叫咗杯椰汁三色啫喱冰， 我朋友叫咗個椰青。 我嗰杯都幾好飲， 但佢嘅椰青啲味道有少少怪， 之後我哋叫咗另一個椰青， 飲落去先至變返鮮甜同埋清新， 我哋懷疑之前嗰個椰青水可能未熟透， 所以飲落去啲未有少少生 同混濁。豬頸肉好好食， 少少肥得嚟又有咬口，唯一美中不足係有少少唔夠熱， 我個人口味傾向食熱嘅， 香味會更

難得放假，加上要去銀行中心，見食飯時間一定好多人啦，咁就行下旺角，冇晒遊客既旺角真係好好行，不過天氣好熱都幾辛苦！諗起呢間鋪頭網上都多人講，就想去試下，平時行過都想試下，不過每次去都好多人，好彩差唔多兩點去食就有少位，就試下！有選擇困難症既我地，見到餐牌就頭痕，每樣都想食，咁就叫左招牌既元蹄飯套餐同是日午餐既泰底炒河！元蹄比我預計嘅差左少少，唔係炆得太唸，不過味道算唔錯，但有點失望！相反，個泰式炒河就好好鑊氣，仲要係闊身嘅河粉正飲品都好正常見佢牆上面仲有唔同既小菜，下次都會繼續試下先！

我平時好少食泰式生蝦， 但呢間餐廳嘅生蝦真係有驚喜， 佢唔似有啲泰國餐廳嘅生蝦好細隻同埋肉好少， 呢間嘅生蝦啲肉好多好大好厚， 肉汁好爽又甜， 最緊要又夠凍， 只需要用手指輕輕 響蝦殼尾用力， 所有蝦肉就會自動唧出嚟，上面有配一片蒜片同埋辣椒， 仲有啲青色嘅特製生蝦醬汁。我都好推介佢蝦餅好好食， 炸得好多汁 ，啲肉亦都好鮮甜。正！雖然唔算特別平， 但其實個價位亦都係正常不過不失， 性價比唔錯！

今日同朋友嚟旺角行街原來有間泰菜咁近我答開既小巴站舖頭唔算話好大 ，不過有兩層可以坐到好多台同埋果日都好爆場， 算係人氣餐廳。 叫咗少少餐牌上面有推介嘅菜式，冬陰功明爐烏頭泰皇咖喱炒大蜆馬拉盞炒椰菜苗串燒蒜蓉包，白飯同埋叫咗杯青檸梳打講吓個烏頭， 唔怪得係招牌菜真係幾正，冬陰功湯酸酸辣辣好好飲條魚索哂d精華，好鮮味烏頭勁多肉，食極都仲有咁我最鍾意食菇，魚肉差唔多全部比我朋友食哂佢實在太愛魚了泰皇汁好正，有蛋花咖喱香，好甜一點都唔辣，配白飯加蒜蓉包 大蜆都好新鮮，掛哂d汁串燒好香個汁調得好好食有沙嗲同花生香味肉燒得岩岩好 6大串都好抵食 岩3-4個人share青檸梳打唔會太甜， 岩岩好， 好飲！性價比好高呀呢餐

原來先達對面有間咁好食既泰菜都係朋友帶黎先知本身想攞位見下面咁多人諗住打定輸數原來樓上仲有好多位首先我地叫左個泰皇咖喱炒大蜆最鐘意食有蛋花既泰皇咖喱d汁超正可以用黎撈白飯/ 點蒜蓉包蜆既份量都算多 都幾大隻 唔係細蜆仔 好鮮甜之後我哋叫咗個馬拉盞炒椰菜苗好夠味 一啲都唔會辣加上馬拉盞落去炒好香，有啲蒜蓉片平時唔係好鍾意食菜嘅我都食咗勁多仲有嗌左六串串燒豬同雞各一半 燒得啱啱好然後佢啲沙嗲汁 都調得超好味最後呢個重點推介冬陰功明爐烏頭魚你叫我食哂成條都得 ！ 最中意明爐一邊滾一邊食唔怕涷哂 仲會愈食愈入味。魚肉索哂冬陰功湯帶有佢既酸辣同埋椰香 真係一流掘埋個魚眼黎食 骨膠原 正蒜蓉包 用黎點咖喱都係必叫的！ 有4塊 都好飽了 最後埋單一人先二百令 好抵仲要全日都唔洗加一

今日黎開旺角，行經通菜街見到呢間阿來泰式。見到午市套餐都幾吸引，就決定食佢，午市套餐有炒粉麵飯，亦都有湯粉。我就揀左金不換香辣肉碎炒河。佢地河粉唔係平時食開一條條，而係一片片不規則。配料有粟米芯、菇、青紅椒同好多肉碎。呢份炒河對我嚟講都幾辣，但好惹味，食完一啖又一啖女友就叫左泰式冬蔭公湯金邊粉。有4款配料可以揀，佢就揀左海南雞。湯頭方面香料味濃，辣得黎帶椰香味，金邊粉有口感又好掛湯🤤午市套餐包埋熱飲，+$5就可以轉特飲，而且份量都唔少，我地食完麵其實已經飽。但係習慣左要再叫一碟小菜/小食今次就選擇食鹽燒鰂魚。因為即叫即燒所有要等耐小小，鰂魚肉質好滑同厚肉，香料不會蓋過肉質既鮮味，如果點埋醬汁就多一重風味

因為疫情的關係，出街機會少咗，不過今晚難得經過旺角，又唔想咁早返屋企，所以出街搵食，搵到間阿來泰式地道風味。這一間平民嘅泰國菜，全日免收加一，而且價錢非常經濟，可以叫多幾野試試😋。先來個青檸梳打，朋友叫咗椰青，既清甜又冰凍👍🏻👍🏻，再來一個泰式小食拼盤，有我最喜愛的炸蝦餅，炸得脆口，但又鬆化😘，還有牛油雞翼同埋春卷，同樣炸得出色，之後來過咖喱炒蜆，炒蜆正，最梗係要個咖喱蛋汁，撈飯一流😋，所以叫左個香芒蟹肉炒飯，真係無得輸。值得推介👍🏻

今晚和舊同事到旺角一聚，我們都是泰國米，看到這家小店環境不錯，而且就在新之城附近，方便吃過飯後再逛街，哈哈泰式鹹魚炒椰菜苗椰菜苗配上鹹魚粒，頗為惹味，而且椰菜苗特別，平時比較少吃，我和友人都大愛。酸辣鳳爪沙律鳳爪沙律的份量頗為豐富，鳳爪量多，兩個人吃起來滿足，只是68大元，抵！泰式滷豬脾這個例牌雖然只是$78，但確實麻雀雖小、五臟俱全！有滷水雞蛋、酸菜和最重要的豬髀肉，配上特製酸辣汁，吃起來很有泰國味道！而且份量也足夠！Goood!

抗疫同行，打算去支持平時去開，呢間正宗泰式餐廳，點知原來都好多人，剛好唔洗等位。泰式無骨酸辣鳳爪 68hk酸辣味好重， 份量好多，無骨， 香芹配料香。青咖哩海鮮 78hkd食呢個小菜一定要配搭埋白飯/法國包就最好食， 食菜過多，6隻蝦3隻大蜆， 青咖哩小甜， 辣口，四季豆解辣，perfect。椰青 35hkd超冰涼椰青， 好新鮮，可以連肉，輕輕刮一刮出就得食， 自己都好難揀到咁正，推推推，朋友本來都只係飲咸檸7，後來又叫左個椰青食， 食咗咁多酸辣嘢，喺中醫角度食個椰青就夠涼，平衡身體。咸檸7 5hkd一支7up， 梅， 一杯冰泰式豬頸肉冬蔭公金邊粉48hkd想平食飲冬蔭公湯，當然就係揀食Tea，湯底香湯，食到中辣先好叫去食，配金邊粉解辣 係一個好選擇， 豬頸肉八片厚切，非常足量，煎得香口，少脆邊。推介;1。冬蔭公2。椰青3。泰式鳳爪

行完旺中，行去附近的通菜街有很多食肆地舖，我們選了泰國菜。餐具注重衛生，侍應會到熱水落去幫你浸。菜單上面有很多選擇，不像其他某d泰國菜餐廳冇乜選擇。菜單上有不少飯麵的選擇，有椰青飯什麼什麼焗飯，但是我們選了金邊粉。一上碟有驚喜，這個鮮蝦金邊粉上面插着香茅，打卡裝逼。炒得好惹味，分量十足，每人分到兩碗。肉類方面有很多選擇，我們選了例牌的海南雞。醬汁少少辣，雞整得很滑。由於太耐冇食過泰式甜品，所以打孖叫兩個，叫咗一個椰汁西米糕，一個芒果糯米飯。兩個都好有泰式風味，椰汁西米糕上面嘅椰汁cream好滑，芒果糯米飯上面嘅椰汁都落咗好多，而芒果更加係泰國入口的。但係因為份量都多，所以最尾都食淨左啲芒果糯米飯。所以下次都是叫一個甜品夠了。

旺角抵食午市泰國嘢平時食泰國嘢多數係夜晚食 小菜都貴貴地 所以間唔中食下 今日行開旺角 見到呢度泰國嘢午市餐牌唔貴 一於入去試下火山軟殼蟹法包 $148🦀農夫包入面有好多咖喱蟹膏仲有大大隻軟殼蟹咬落去加埋咖喱同麵包真係點食都唔厭 價錢方面都算正常唔算太貴 就咁食一個包其實都可以幾飽不過建議幾個人share食 軟殼蟹都幾脆 蟹膏咖喱都幾濃泰式菠蘿炒飯 $48🥘呢個價錢有埋嘢飲都唔算貴而且炒飯份量都幾大碟 菠蘿午餐肉雞蛋同埋青豆蘿蔔等等嘅料 食落都幾開胃㗎又飽肚 想食飽啲嘅朋友呢度都幾抵食香茅豬扒飯$48🥩🍖午餐嘅價錢都係一樣有埋嘢飲價錢唔算貴 豬扒份量都幾大碟 建議大家嚟到叫幾個唔同嘅菜式share食總括嚟講旺角呢間泰國嘢嘢食唔貴質素都幾好尤其是係佢嘅午市所以都幾推介大家嚟試吓🤤👍🏻

係人好知旺角有好多野食，但講到店員有禮物，價錢抵食實惠，多菜式選擇，就唔夠呢一間黎啦！裝修雖然簡單但勝在坐得舒服地方闊落，我諗因為咁，都見到晚市有不少一個人黎光顧，餐廳令客人坐得自在真係好緊要，我諗佢地選呢度都唔係冇佢地的原因😋😌好難得約閨密出黎食飯，今晚胃口又唔錯，所以就點了幾個滋味菜式。生菜肉碎包，完全冇令人失望肉碎炒得好香，而且用咗好多香料一齊炒，生菜份量十足，保持水準好味粉絲大蝦煲，野未夠鑊氣，色香味俱全，上枱香噴噴熱辣辣，有幾隻大蝦，水準一流，叫得粉絲大蝦煲就當然希望粉絲唔係得個少少，呢度果然冇令我失望，超多粉絲，粉絲吸收晒大蝦煲裏面嘅精華，正！每一次去到泰國餐廳必點青咖喱雞因為好鍾意食香茅味，呢一度嘅咖喱一啲都唔辣但係好香，青咖喱汁唔會話煮得好稀，汁撈飯一流！雞柳嫩滑好味！

我呢個禮拜返工收工返屋企，生活作息有規律但好悶，於是我決定俾個機會肥仔約我出嚟食飯啦😂😂😂😂😂😂順便慶祝嚟緊有連續假期，Yeah!!!!!!我今日嘅心情係食泰菜，原因係我個friend好衰格咁呢期係FB度日日洗腦式係屋企整泰菜俾佢個仔食琴晚仲衰格到整芒果糯米飯。搞到我喺屋企碌電話時望到，我越望越想食😫😫😫😫😫呢間店冇得book位要walk-in 咁好彩等位都唔係等好耐 野食都好多選擇花多眼亂❣️❣️4個人就真係Good Fit。但好可惜我地只有2人😂😂肥仔 你將就下。未叫嘢食之先最值得讚嘅就係間店嘅Staff好take care d 客仔同好快手，（個staff 我講緊既係收銀紋身哥哥🤩）👍👍👍👍👍我地落既order係：大象啤 + 咸檸7 ：唔會唔ok wo!解渴！精神！😂西柚蝦沙律：成盤都係西柚好滿足😚配埋甜甜地又帶少少辣辣地幾過癮，唔知係咪西柚太濃味，蝦就變得無味🤪泰式炸蝦餅：一般，因為個炸粉漿好厚身😂不過內裡個蝦滑就好彈牙，粉漿唔好咁厚就更好豬脾飯：略嫌豬脾乾身同鞋口，豬脾個味道同配菜同個汁都好食生菜包肉碎：份量多。好想同收銀哥哥講可唔可以施捨多兩塊生菜嚟啊👉🏻👈🏻但佢哋好忙同埋我想

黎到旺角，呢間泰式野既性價比就非常之高，價錢又親民大眾，而且地點都幾方便，就係地鐵站附近，唔怕要行好遠路，最緊要d野係幾好食，唔錯，推薦大家黎食下呢間。入到去職員招呼都算幾熱情，真係唔怕叫極都無人應。環境方面，比起茶記，呢間泰國野既裝修真係比到中上喇，因為好多木材既原素係到，而且用左同一隻木色，所以感覺幾整體一貫，座位唔會話好逼。本人就最鐘意佢個飛天炒通菜，因為夠曬惹味同香，入口有少少辣，同埋夠火喉，正！生菜豬肉都係好正，豬肉夠曬辣，而且仲有唔少豬肉汁，配埋生菜既脆口夾埋黎食真係好一流，所以真係唔差。黃咖哩就唔算好辣，比較偏向淡淡奶味既方向，幾有椰香味，對於好辣既朋友就未必太合口味。性價比幾高 樣樣餸都大大份，一班朋友share就岩曬

今日去到旺角食泰國菜，貪呢度夠方便，喺旺角先達廣場隔籬。辣椒膏炒蜆 $ 108啲蜆size系中等嗰隻，所以裏邊啲蟹肉都幾肥美。辣到我叫咗小辣，對於我嚟講呢個辣度係適中。嗰啲蜆肉嘅汁，可以用嚟撈飯，味道唔錯。泰式香芒蟹肉炒飯 $ 68芒果果肉好甜，另外啲飯炒到粒粒分明，食得出係好夠鑊氣炒出嚟嘅飯。68元都唔貴，呢個係必食推介。串燒沙爹 $ 78三串係雞肉，另外三串係豬肉。其實雞肉同豬肉個肉質係差唔多，食落唔會有太大分別。啲沙爹醬有落花生，所以食落都幾香口。