阿來泰式地道風味

营业中

休息中

阿來 係在泰文 有好味的意思🤣果然! 係幾正🥰🥰而且全日免收加一!💫🐽 生蝦刺身🦐 ($98)食泰國野一定要有!🤩🤩既生蝦 正啊🥳勁鮮🤪🤪 點埋秘製醬汁👍🏻🐽 泰式炒金邊粉🌟 ($58)好抵食既pad thai🤤超大碟🤰🏻 濕度岩岩好😛🐽 泰式炸蝦餅🍤 ($78)炸得好香口 非常彈牙😼蝦味濃 好食😻😻🐽 芒果糯米飯🥭 ($58) & 西米糕🥄 ($48)好貪心地嗌左兩個甜品>3<勁推介芒果糯米飯!🥰芒果好甜🥭 配埋椰汁煙韌糯米飯 棒!🥳🥳🐽 椰青🥥 ($35/1)天氣熱辣辣🌞🌞🔥 飲番個清涼椰青🌬️ 冇得頂😎仲刮曬d椰肉黎食 勁清甜😼

一大班人除咗食大排檔之外 就最鍾意食泰菜啦因為可以share好多唔同野食 嗌咗個四人餐同二人餐個烏頭真係冇得輸 啲魚肉勁嫩 同埋啲菇都好入味 最鍾意佢嘅冬陰功同生菜包 完全就好似喺泰國食既風味冬陰功酸辣得黎好爽口 而生菜包啲豬肉嘅調味好香 香料味好重 包塊生菜啱啱好唔會太鹹

今晚我地黎到旺角-阿來泰式地道風味。呢間餐廳名聞旺角，就算平日夜晚都好多人去食，大排長龍！阿來泰出名平靚正，菜式唔單止充滿泰式風味，而且價格比一般泰國餐廳平，可以試到唔少特色菜👍🏼👍🏼我地叫左泰王咖哩火山軟殻蟹法包、海南雞、泰式生蝦刺身、汁燒原隻魷魚筒、龍眼冰、椰青同芒果糯米飯。首先，咖哩火山軟殻蟹法包味道非常好😍😍 咖哩同所有配料都放係法包入面，令法包滲滿濃濃嘅咖哩味，超級好味👍🏼👍🏼入面有原隻大軟殻蟹，令人好滿足 🤤🤤泰式生蝦刺身，餐廳用新鮮靚蝦，蝦味濃郁，非常爽口 👍🏼👍🏼海南雞（例牌），雞肉非常鮮嫩，一啲都唔粗糙，配埋惹味泰式酸辣醬，令人欲罷不能 😍😍汁燒原隻魷魚筒，魷魚好爽口，加埋用汁燒，令到味道好香。最重要唔貴，值得推薦啊！芒果糯米飯，新鮮滾熱辣拎出黎，糯米仲係熱興興。芒果勁甜，好好食🤤🤤飲品就分別有龍眼冰同椰青。

最近好少食泰國菜，朋友提議同我一齊去食，諗諗吓不如揀間平平地而且比較就腳嘅餐廳，就揀咗位於旺角過地舖泰式餐廳。由於最近有濕疹困擾，變咗好多嘢都唔識得，幸好這間餐廳都有一啲菜式很適合我，就變咗我朋友要遷就我啦！豬頸肉炒芥蘭$72豬頸肉口感爽口，而且條味都幾香，炒芥蘭口感爽口，鮮嫩翠綠，要來送飯一流！例牌海南雞$78佢個海南雞嘅質感絕對係幾滑，而且有一個特別嘅泰式醬汁，味道香辣好食。原隻椰青海鮮焗飯$78呢個好特別，估唔到呢個價錢可以食到咁大隻椰青，裏面嘅海鮮焗飯仲有差唔多兩碗飯嘅size，兩個女仔食絕對好OK ！ 熱檸檬水$17佢本身都有水提供，如果想飲飲品我都會比較建議佢有啲特別嘅椰汁冰/龍眼冰，不過最近唔飲得甜野所以健健康康個檸檬水⋯

好耐無食泰國野啦，見呢間餐廳咁多人介紹，所以約咗朋友去。見到咁多人排隊，一定係美食店，無介紹錯！食泰國野必叫，泰式生蝦刺身！中等size，非常彈牙、新鮮，配埋混好咗嘅酸辣汁，非常惹味。海南雞(例)，估唔到幾大份，去咗骨，食得非常方便。肉質又嫩滑，點埋個汁好開胃。泰皇咖喱火山軟殻蟹法包，非常足料，法包放滿軟殻蟹！軟殻蟹食落鬆脆，同咖喱好夾，又唔算辣。法包吸收哂咖喱精華，好好食，所以我地就無另點白飯。汁燒原隻魷魚筒，燒得好香，又厚肉，食落好有口感。尤其係魷魚鬚部分，燒得特別好食，同朋友爭住食。夏日熱辣辣，叫咗龍眼冰同梛青消暑，清甜解辣一流，梛青重可以去熱氣！食泰國野點少得芒果糯米飯。夏天當造嘅芒果非當甜，而糯米飯熱辣辣，配上梛漿非常好食，冷熱交融。

夏天就係想食泰菜嘅節奏，去開旺角，見到呢一間餐廳咁多食評，就試試佢啦！分數5 x 🤤為滿分我哋揀咗午市套餐，金不換香辣肉碎炒河 $48 係正宗嘅大河粉，香辣肉碎味道有泰色風味。對比九龍城泰菜，係有得輝嘅~ 泰式豬髀飯 $50 醬汁有啲似滷水汁，豬皮肉質亂滑但係偏肥。泰式鳳爪沙律 $68 最出色呢個，非常清新和香辣~ 真係食得辣嘅朋友先好叫啊~飲品配咗龍眼冰，鹹檸七。食物: 🤤🤤🤤服務: 🤤🤤🤤環境: 🤤🤤🤤整體: 🤤🤤🤤

Had lunch menu, pork chop rice. Very plain, nothing special. Simple dishes are the best but not this one. The pork chop was so rough and tough like a shoe sole. The service was mediocre, waitress couldn't be bothered to answer questions about the food. Horrible experience, will definitely not come again!

有冇發覺好多泰國餐廳都叫「金X」或者「泰X」🤣而呢間就多咗「阿來」呢兩個字。原來係泰文嘅意思就解「好味」， 咁今日就梗係要試下係咪真係咁正啦🤔💗辣椒膏蝦頭油海鮮炒飯($68)炒飯夠哂火喉同鑊氣，飯粒分明入口，乾爽唔油膩，加上蛋花更香口🍳配料包括有大量章魚腳🐙、蟹柳🦀同青口，令整個飯富有口感，海鮮冇雪味但欠缺鮮味，尤其青口食落好淋。放咗唔少辣椒碎同辣膏調味🌶真心係惹味但幾辣，悲傷小姐都食到流鼻水，不過蝦油味道唔突出。面頭仲有兩隻蝦做裝飾，口感彈牙。💗泰式鮮蝦冬蔭功湯($78/小)湯底充滿香茅、南薑同香葉嘅香料味，飲落香濃，唔會得死辣，酸辣平均，已經就番香港人口味偏甜🍲湯料亦非常足夠，鮮蝦有三大隻，肉質結實飽滿，食落彈牙鮮甜🦐爽口嘅雞脾菇🍄同車厘茄🍅吸收晒湯汁。不過對唔食得辣嘅人嚟講都會頗辣。💗豬頸肉炒通菜($72)通菜新鮮爽脆，菜莖菜葉好翠綠無變啞色，食落無渣，唔會炒得過老🥬薄切豬頸肉份量都幾多，咬落軟滑有肉汁，可惜偏肥所以唔夠爽口🐷用咗大量蒜蓉炒，夠哂鑊氣非常惹味，而且唔會好油膩同過鹹🧄如果用馬拉盞做底，味道加番少少辣就仲正。💗椰汁三色冰($22)喝落係香甜濃厚嘅椰奶，不過冰溶咗之後有

今次已經係第二次幫襯，因為旺角呢間泰國嘢真係好抵食！好彩我早放工，夜晚六點半入座都仲有位，食完飯出到嚟見到都真係要等位。餐牌都好多選擇！兩個人叫咗一個泰式炒粉絲，泰式無骨酸辣鳳爪沙律，泰式鮮蝦冬陰功湯同埋兩杯嘢飲。講吓個泰式無骨酸辣鳳爪沙律先，份量都算多，而且好入味，辣辣地好好食！泰式鮮蝦冬陰功湯，都值得一讚！我哋叫咗細碗，都有成三隻蝦，肉質爽口彈牙，有好多秀珍菇，味道香濃，微辣，十分惹味。我哋唔算好肚餓，所以淨係叫咗一個主食，呢個叫泰式Suki雜菜炒粉絲，個名都幾地道。本身我哋仲諗緊要唔要一碟菜，點知呢個炒粉絲勁多菜😍正中我哋想要嘅😝除咗菜之外仲有啲炒蛋粟米同菇，好多料！粉絲味道都幾似喺泰國食到嘅👍🏻，呢個唔算辣嘅，如果唔食得辣嘅人都食到。都係個泰式鳳爪比較辣，所以一定要叫返杯嘢飲解下辣！我要左杯鹹檸七，朋友飲青檸梳打，真係好有泰式風味！呢間泰國菜都好旺場，七點前都已經坐滿！我哋七點半食完，出邊都要等晒位啦，證明真係有質素保證！泰國嘢來講都真係算好抵食👍🏻

1 蟹肉香芒炒飯分量來講，兩個人分就差唔多。蟹肉同埋芒果嘅份量就唔算超級多，但係都幾足夠用嚟送飯。2 鐵板蠔仔蛋啲人話啲蛋好乾，我又唔覺。我見佢塊鐵板下邊有鋪左芽菜，可能都可以保濕，避免蠔仔蛋太過乾身。不過重點真係在於佢有好多蠔，仲要係咬落多汁，加埋辣椒醬過癮嘅🤩如果兩個人返嚟食就會太多，可能要有三四個人share先食得晒。3 蒜蓉燒泰式大蝦最鍾意都算係呢個菜～ 餐廳都好細心，切開咗一半先再上菜、咁樣拆蝦殼就唔使咁煩，不過，其實識落啲蝦殼都唔容易折，怕污糟就要諗下🤣 蒜蓉十分濃烈，我估應該係炸蒜再混合蒜蓉醬🤔 不過蝦肉就唔係完全吸收到嗰陣味，就咁食肉好似有啲乾嘅。不過以燒烤來講，算係一流。4龍眼冰雖然嘢飲份量就細杯左啲，仲要無跟餐會（除非叫二人餐啦）不過，甜度和龍眼味平衡得幾好。重要，你叫佢少冰，佢真少冰左比你👍🏻👍🏻價錢方面：二人餐同我單點食物再叫兩杯野飲比較、其實唔係真係抵好多。🤔（個人覺得），同埋你單點可以是試啲唔同嘅嘢

疫情下冇得去旅行，唯有搵間泰國菜彌補心情，去咗旺角間地方就腳嘅阿來泰式餐廳。6時多到達不用等位，看了餐牌款式多到不得了還有套餐選擇， 不過套餐內有啲唔啱食所以最終散叫。 選擇困難症嘅我諗咗好耐先叫個椰青，椰青好大個裝滿椰水，啲肉都容易刮起很清甜 啱曬咁悶熱嘅天氣飲。泰式酸辣無骨鳳爪沙律，酸甜同辣度啱啱好夠爽口開胃。泰式鮮蝦炒金邊粉, 蝦肉爽口加埋青檸汁配埋爽滑嘅金邊粉 味道一流。泰式小吃拼盤有蝦餅， 春捲，還有雞翼同魚餅，魚餅香茅味突出 juicy好味， 春捲皮做薄啲就仲正。泰式椒鹽軟殼蟹，炸得鬆脆厚肉。 不過我最欣賞係週邊啲椒鹽脆脆 好吃到週邊嘅碎都食曬 沙嗲串燒有雞，牛，豬每樣兩串。 每樣都好大串，尤其個汁做得特別香口， 牛串最好食。整體今餐滿意，上菜速度快 值得一讚

上次講到難得馬小姐話要出街仲搵埋餐廳俾我揀我又點會放過佢啊呢間餐廳係馬小姐嘅名單入面好啦 晚餐就你啦 阿來係香港食飯等位好正常等左大半個鐘 終於有得坐低啦（係出面等位千祈唔好企背向馬路右手邊個鐵閘出入口附近 會俾野咬）等位黎講其實真係唔算耐但一定唔係快不過落完柯打之後就好快有得食我地分別叫左：炒金邊粉、冬蔭功、滷豬脾、鮮蝦柚子沙律、炸蝦餅、魷魚炒金邊粉味道啱啱好曾經食過一間好甜（唔係阿來）滷豬脾亦夠入味冬蔭功真係好好飲雖然好多香茅、檸檬葉等渣但係唔會阻到我飲晒佢架蝦餅就還好 同想像中有啲唔同魷魚有驚喜唔會烤得太熟唔會韌呢幾日一直想再去食多次但日日OT冇辦法希望可以快啲再去食啦 - 念念不忘冬蔭功

好耐冇同舊同事一齊去食飯好掛住又酸又辣又野味的泰國菜。依簡直係我哋舊同事相聚嘅飯堂。抵食夾大件。個人覺得來講冬蔭公人少少叫個細嘅同大嘅的其實都份量都差唔多，同埋唔係個個飲。細嘅酸辣湯有三隻蝦大量嘅菇同埋新鮮嘅車厘茄。拼盤係每次必點。最鍾意食佢嘅蝦餅，魚餅都係好香，唔似得出街嗰啲雪藏味。 春卷係素菜春卷，有粉絲係入邊味道正宗，外層非常脆口。反而雞翼就一般般。軟殼蟹咖喱因為有同事鍾意食蟹所以呢佢要求的建議入嚟呢間嘅咖喱都有好多泰國風味大量嘅洋蔥同埋聽朝咖哩的奶香味同脆卜卜嘅軟殼蟹好夾。可以用佢的汁嚟送多兩碗飯。呢個鐵板蠔仔蛋係我嘅至愛每一啖都有蠔仔蛋炒得外脆內鬆軟好友鑊氣仲有淨係底層嘅芽菜一樣好味。 泰國豬手飯唔係度度都有得食呢個飯就不過不失不過真係好大碟非常抵食鍾意豬手嘅朋友不容錯過。 呢度嘅炒野係好好食嘅好似個炒金邊粉又唔油膩味道恰到好處而且大蝦爽脆大隻非常抵食。 所以嚟到呢度炒金邊粉都係我必點之一。

.因為疫情持續，好少約朋友食飯聚舊啦，但朋友始終要見，飯要照食！好耐冇食泰國菜，今晚一於約妹妹仔去開餐醫肚，順便拎口罩啦！我自己先到，今天被安排上樓上坐，見到店家都有做足隔板相隔搭枱嘅措施！好口喝，叫咗杯咸檸7up，順下個喉嚨先，個咸檸好夠味，好解渴！妹妹仔到啦，開始點食物！首先，來一個半打串燒沙嗲，選擇咗豬肉同雞肉！好香沙爹味，不嗆喉，又多醬，啖啖肉，正！馬拉盞炒椰菜苗，大大碟，爽口！靑咖喱豬肉，不辣但好香，肉質嫩滑，又多配菜喎！當然配蒜茸包（4片），脆口，陣陣蒜香，大大塊，這個組合係最佳拍檔！今次叫咗個阿來海南雞飯！嘩，無骨，肉質勁嫩滑，又多件，個黃油飯好香，不膩！正！特別蒜汁，配上嫩滑雞件，好好味！太飽啦！甜品唯有下次先食！食物水準一直都保持到，值得一讚！

困咗喺屋企咁耐終於可以出去食啲好嘢慰藉下自己， 有排都冇得去泰國唯有食住家鄉菜先， 今次喺openrice見到呢間食評唔錯， 所以就同屋企人去試下呢間成日經過但係又未試過嘅泰國餐館。 位置嚟講地區方便唔難搵， 入到去餐館內地方唔算大有泰國特色。 餐館有提供幾款套餐， 算幾抵食， 雖然呢間舖頭出名食海南雞 ，但今次呢餐唔係好想食雞飯豬髀飯及冬陰功湯， 加埋屋企人唔食得太辣。 天時暑熱先點咗個青檸梳打水解解渴先， 餐牌內種類款式都算多選擇，最後單點點咗泰式酸辣鳳爪沙律， 泰式炒金邊粉， 泰式小食拼盤， 半打沙爹串燒。 酸辣鳳爪個汁覺得幾好甜酸到啱啱好， 清新怡人， 有啲地方食過一係就好酸一係冇乜味。 金邊粉都算乾身個汁既味道都好夠味 蝦肉亦算爽口， 如果多多兩三隻就好啦 小食拼盤味道ok正常嘢, 我嘅至愛蝦餅 蝦餅肉厚 彈牙. 最後係沙嗲牛雞串燒 牛肉串厚肉多汁, 原本想叫埋芒果糯米飯, 但係已經好飽食唔落.