阿來泰式地道風味

营业中

休息中

今日行過先達 突然又想食泰國菜見價錢相宜，就入左去。間餐廳有二樓, 裝修都幾地道兩個人, 有二人餐， 但今次就想散嗌一個香葉炒河,材料好豐富， 係我鍾意嘅粗身泰國河粉， 有炒過嘅香味，少少辣，幾惹味泰式海南雞飯，無骨，大大份， 係黃油飯，有辣汁， 其實正常人真係食一碟就飽。豬頸肉炒椰菜苗， 都係份量十足， 有炒過嘅蒜香味，豬頸肉都多，椰菜蕃唔會苦， 幾好。蒜香牛油雞翼， 份量又係想像中多，一上碟果陣好香蒜味。炸到金黃色，賣相吸引。芒果糯米飯大大份， 有成個芒果d 汁夠濃， 掛到去d 飯到。overall:抵食夾大件

平時食泰國嘢多數都去九龍城食，今次去左旺角依間小店食，雖然餐廳細細間，但係都幾有泰毒風味，值得一試！馬拉盞炒椰菜苗椰菜苗好多時都整得太硬身，但依間餐廳炒得好有鍋氣，食落唔會太硬身，馬拉盞好惹味。泰式明爐烏頭大大條烏頭魚好厚肉，魚肉都好鮮甜，而且仲有好多配料，有秀珍菇，芹菜，椰菜，加上泰式酸酸甜甜嘅湯汁好fresh好惹味。咖喱炒蜆泰式咖哩食得多，第一次食咖哩炒蜆，啲蜆好大隻好鮮甜，咖哩微辣有好香椰汁味，又唔會蓋過蜆肉嘅鮮甜，都幾特別。

每次來旺角shopping，想食平靚正泰國菜， <阿來泰式>泰國菜都會係好選擇，今晚來到，小店人氣依舊，好彩好快就有位。<泰式滷豬髀>每次來到我都要叫呢一個泰式滷豬髀，豬髀肉醃得非常之嫩滑入味，而且仲配有兩隻醬汁鹵水蛋及鹹酸菜，非常好食。<泰式鐵板蠔仔蛋>呢個鐵板蠔仔蛋熱辣辣咁用鐵板上枱，蠔仔蛋仲用上好多芽菜一齊來炒，份量非常之多，有勁多蠔仔，啲蠔仔隻隻都脹卜卜㗎！入口感覺非常新鮮，爆汁好味！<泰式肉碎生菜包>生菜包嘅肉碎炒得非常之香，充滿鑊氣，非常之惹味，用新鮮生菜包住肉碎來吃，特別好食！！<泰式炒金邊粉>呢個泰式炒金邊粉同樣係招牌菜之一，成日都賣曬，佢用上新鮮大蝦來炒，蝦嘅size非常之大，而且入口爽口彈牙，味道酸酸甜甜，炒得非常乾身好味。最後當然要來一杯泰式凍奶茶，茶香夠濃，非常好味。

當晚七點左右來到餐廳，餐廳已經超過九成滿座，只剩下最近門口的相連的兩張檯，用來放他的外賣，我們兩個人坐了相連的另一張枱。招待的哥哥姐姐也不太有耐性，因為我們坐下後等了一會也沒有餐牌，我們問他們攞餐牌，他們也展出不耐煩的神情。因為之前已經吃了小食，而且這間舖的招待態度有點令人卻步，但想着已經來到，所以我們只點了三個菜，分別是泰式鹹魚炒通菜、泰式鮮蝦冬蔭功（小）以及一個泰式香芒蟹肉炒飯。第一次來未知份量如何，如果味道好/份量不夠的話，可以再加菜。🤔 泰式鹹魚炒通菜（$78）不清楚是否旺角舖位租金太貴，一碟炒通菜的size只有平時碟頭飯飯的大小份量；至於味道方面，通菜還通菜的味道，旁邊散落的鹹魚完全和通菜，好像是兩個材料混合一起而已；炒菜用的油也很多，某程度上也說明了火候不足才會用這麼多油，但通菜的溫度只是一般熱。通菜咬落都脆身，只是一邊吃一邊要用紙巾擦嘴上的油，減肥的女士慎吃。推薦指點：3/10😐泰式鮮蝦冬蔭功（小）（$78）湯底有少許椰漿、香茅枝、䓤，溫度也正常，湯味道微辣、鹹味適中。而湯料有頗足份的秀珍菇、兩三塊番茄，以及圖中看不到的三隻中型蝦。說實在，蝦的質地尚算有彈性，蝦殼仍然黐住

好耐都冇喺旺角食泰國菜🇹🇭附近要搵一間平靚正真係好難🥲呢間平日會full house 建議book位🫶🏻餐廳款式多，而且上菜快🔥幾好～📍泰式鮮蝦金邊粉（$68）份量超級多 多到男仔都食唔哂🥲配料有蝦、蛋絲、豆腐乾、芽菜仲中意加少少青檸汁💚味道更昇華～整體炒得乾身、幾好食🍤味道如果再酸啲會更惹味🤪📍泰式明爐烏頭魚($168)黎到已經出晒煙🔥勁大條魚🐠湯底夠酸 仲有肉碎、蘑菇、葱好彩叫咗走辣🤣唔係越煲越辣食唔到～魚肉好嫩滑 骨唔算多 小朋友👧🏻都食到🫶🏻可以3-4個朋友share🙂📍海南雞飯 （$58）小編覺得好抵食 超多份量！！雞肉係好嫩滑+無骨🐓唔算特別油～真係好送飯🍚仲搭配泰式醬汁更加惹味 正！📍香葉肉碎生菜包 ($88)食泰國菜一定要叫🇹🇭 好送飯同埋成日感覺好似有菜健康啲🤣肉碎醃得好香 連埋洋蔥辣椒一齊炒～整體味道酸酸辣辣🌶️

今晚去旺角行街食飯，係通菜街見到間泰菜館🙊 門口都幾多人排隊等位同埋等外賣👭👫👬 ，雖然附近都有好多食店選擇，但只有呢間泰國餐廳門口有客人拎飛等🥴 ，所以就決定一於同朋友一齊試下佢🤭 食泰國野首先梗係唔少得海南雞🐥 ，海南雞肉質嫩滑，雞味出眾，雞皮彈牙又香口，半隻都只係賣緊$138，真係大份夾抵食💕再叫咗個飛天通菜💓 ，廚師火喉熟度掌握得好好，通菜食落爽脆，味道唔會太辣，香口又開胃🫶 最後㨂多個麵食，泰式金不換肉片炒河是也🌟 河粉同一般常見嘅款式完全唔同，係成大塊落鑊炒，食落好有口感，油香又不會太膩👍 肉片尺寸都頗大，肉質嫩滑又鬆軟，越食越惹味🤤

旺角超級棒的泰國菜，一定要試試這家———阿來泰式地道風味🇹🇭😋呢度有兩層高，唔係講笑，晚餐時段爆場，真係好多人都鍾意來呢度食就估到沒選錯，更加像試下呢度美食😋1. 阿來海南雞飯 $58 不得了喔，超滑既海南雞配黃油飯，而且價格方面好實惠，必食啦2. 椒鹽軟殼蟹 $108 呢個椒鹽軟殼蟹係泰式，泰式配料好重要，軟殼蟹香脆，泰式風味小小辣，配酒一流。3. 馬拉盞炒通菜 $68 通菜炒得好夠火候，大大碟夠滋味4. 芒果🥭糯米飯 $58 食泰菜唔少得的甜品類別，芒果🥭甜甜不錯😌5. 椰青 $22 飲品就飲椰青，呢度算抵喔。整體來講十分滿意，服務又好，2人埋單都唔洗$400 又食飽飽，值得翻吃😋

其實留港消費都有好多抵食選擇嘅好似$378一個 2人餐咁多嘢都幾吸引估唔到生菜包做得甘好肉粒微辛兼有啲啲肥膏甘香之餘好想一食再食我自己食咗3嚿餐之外我仲叫左湯因為太鍾意飲了冬陰功無令我失望蝦爆蝦膏爽甜仲有原粒番茄仔喺入面非常鮮香海南雞無揀錯肥瘦適中而且無骨梗係要配埋油飯香料味突出又夠乾身唔黏口三色冰椰香味重有齊紅、黃、綠三色細路見到會好鐘意生蝦刺身通透，肉質較爽同厚職員禮貌細心即使咁逼人都成日笑笑口會講「唔該曬」、「多謝曬」

📍旺角🇹🇭阿來泰式地道風味泰式生蝦🦐做前菜👍🏻生蝦新鮮彈牙,配埋搭配辣椒、大蒜、檸檬汁和香草等香料製成的青醬，味道鮮美。咖哩軟殼蟹法包🦀🥖必食賣相好正,份量都好多,軟殼蟹炸到幾脆又厚肉,包大個,點埋咖哩so match!泰式炸蝦餅🦐保持蝦的嫩滑彈牙🪄泰式海南雞🐓雞肉嫩滑,雞皮爽口,搭配泰式醬汁,食不停無論你喜歡肉類、海鮮、蔬菜還是甜點，阿來泰式地道風味都有多種選擇滿足你的口味🪄👍🏻

阿來泰式地道風味 (旺角)旺角通菜街97號地舖。呢間泰國餐廳經過左成千次都有，位於先達對面，成日都見佢好多人食。當日平日放工去，都要等左一陣先入座，我成日覺得多人食嘅餐廳質素一定有番咁上下。明爐冬蔭公烏頭（$168）明爐烏頭真係好好味～ 今次仲要加埋冬蔭公，惹味提升，湯底加埋魚嘅鮮味，我忍唔住一路食魚一路飲湯呀。泰式火山排骨（$118）火山排骨係近年泰菜好興嘅菜色，排骨輕易離骨，配上酸酸辣辣醬汁，十分開胃，勁好送飯。另外叫左蒜蓉炒椰菜頭（$68）同白飯（$15），兩個人咁就食到飽飽～ 。

同FD行旺角，想食好食又唔貴嘅泰國嘢，咁encore哩間餐廳啦。晚市好full，未夠7點鐘已差唔多坐滿。可樂，食辣一定要飲隻汽水。凍泰式奶茶，泰式香味好濃，成杯甜度啱啱好，飲落唔會好甜。泰式鹵豬脾（例牌），豬手鋪滿一碟，分量好大。豬手滷得好軟嫩，入口即化。豬皮骨膠原滿滿，食落Q彈爽口。伴碟仲有鹵水蛋，酸菜同青菜，咸酸菜中和咗豬手油膩，唔錯。泰式香葉炒肉碎，落咗大量香葉，辣椒同魚露同肉碎一齊炒，好香辣惹味，就飯簡直一流。馬拉盞炒通菜，哩碟餸炒得好有鑊氣，通菜炒得啱啱斷生，食落好脆口。加入馬拉盞同蒜粒，辣椒一齊炒，好泰式風味。

係Openrice見到呢間好高評價嘅泰菜，決定試試餐廳分上下兩層，夜晚來到都算幾旺場而且多數是年輕一輩來 ( 感覺更可靠🤭 )整體味道Okay👌🏻 都值得同友人來飯聚𓂅 火山軟殻蟹法包 HKD 158每枱必點的軟殼蟹✨ 實物也同樣大份底層的法包浸著咖喱浸到入曬味不過稍嫌軟殼蟹粉漿落得少少重手𓂅 青檸酸辣蒸烏頭 HKD 148😚不會不好吃的烏頭！夾雜著青檸來蒸也太香了酸酸爽爽的，而且烏頭本身魚身也挺嫰🥺😆𓂅 冬蔭功炒飯 HKD 68呢個炒飯真心幾抵食，而且辣度十足夠惹味如果個飯無咁濕就好啦～

喺旺角想食泰菜，阿來泰式地道風味係個好選擇👍🏻價錢大眾化，食物選擇亦多。平時夜晚都好多人幫襯，呢日同朋友就5點幾嚟食個early dinner🥢呢度一個飯都係$5x-$6x，相當抵食！我點咗泰式滷豬髀飯，滷得好入味，而且肉質好軟稔，最鐘意食呢種😋仲有配咗啲酸菜，可以輕輕一解膩感。朋友嘅泰式燒豬頸肉飯都幾香，肥瘦均勻，入口咬落有彈性，配嘅醬汁辣辣地好惹味，仲有好多件tim👍🏻另外仲叫咗兩款小式share🥢食泰菜必食嘅泰式生蝦刺身，爽口彈牙，又夠凍，生蝦汁都調得好對味，配埋蒜片同辣椒食，不得了🦐仲有蒜蓉牛油雞中翼，估唔到小食都咁大份，有成十隻左右，雞翼表面乾身，入面有肉汁🐔蒜味香濃，我仲用咗啲蒜粒撈飯😆好正！飲品方面就都係泰式為主，叫咗泰式奶茶同青檸梳打，都唔錯！

一枱枱食客起身，很快又有一枱枱食客坐低，門口一直都有人等入座，連店舖嘅外賣單都響個不停，可見餐廳有幾人氣～雖然係街店，其實仲有2樓，環境不過不失，賣點係好味又價錢公道！泰式明爐烏頭魚($168)因為人多，等咗一小段時間才出場嘅明爐烏頭，嗌咗走辣，湯底夠酸，烏頭好大條，冇泥味，抵食～例牌海南雞 ($88)肉質嫩滑結實，配搭辣醬好惹味馬拉盞炒通菜 ($68)炒通菜多人食，新鮮炒熱辣辣，唔會好鹹，唔會好多水，真係有馬拉盞嘅香味和蝦粒

海南雞飯這碗雞飯真是太好吃了！雞肉嫩滑，每一口都是濃郁的雞肉香，搭配著香噴噴的油飯和醬汁，真是絕配！必食推薦，以後呢度可以做飯堂喇！燒豬頸肉豬肉烤得恰到好處，外皮香脆，內裡軟嫩多汁，配上店家特調的醬料，真是美味到爆！香葉肉碎生菜包新鮮的生菜包著香噴噴的肉碎和泰式香料，吃起來清爽又健康。泰式生蝦新鮮的蝦子搭配泰式特調的醬汁，帶來濃郁的泰國風味，讓人回味無窮。珍多冰好多七彩顏色既粉條～龍眼冰唔會太甜，岩岩好！