阿來泰式地道風味

营业中

休息中

旺角有好多間泰國餐廳，今次同屋企人揀左間小店，性價比高同埋可以試下正宗泰國風味。我哋叫咗明爐冬陰功煮烏頭、豬頸肉炒通菜、同埋泰式滷豬髀。明爐冬蔭公煮烏頭幾特別，好似未見過用冬陰功做湯底，味道意想不到，又酸又甜。加上秀珍菇吸收湯汁，真係好好味。仲有一碟辣汁，魚肉沾埋辣汁更加鮮味！豬頸肉炒通菜好香口，蒜味濃郁。豬頸肉份量多，雖然有啲硬，但味道好入味。泰式滷豬脾肉質軟嫩，入口即化，好啱老人家食。仲有酸菜同滷蛋，醬汁多而且入味，整體味道好好。飛天炒椰菜苗香口，辣辣嘅味道好開胃，真係好好味，椰菜苗又爽口。龍眼冰夠晒Fresh，可以解飯後嘅油膩感，食泰國野必點。

以前起旺角搵間泰國野真係周圍都係....而家想食反而揀左好耐先揀到🥹都慨嘆而家好多都結左業，但調返轉諗仲守到嘅質素一定係唔差😎～阿來泰式地道風味其實起旺角好多年不過一直未試過食泰國野點可以唔叫Pad Thai 同炸蝦餅先😎😎本來想叫埋串燒，咖哩雞，同生菜包不過份量都好多下，所以最後就掙扎叫左海南雞同咖哩炒大蜆本來都想叫返咖哩雞架，但已經有海南雞所以就叫左咖哩炒大蜆其實都係第一次食泰國咖哩配海鮮，估唔到又幾夾所以話食泰國野一大班人食更爽，因為每樣都會好想試😂😂

嚟到旺角食泰國菜，感受一下泰國風味環境好正好熱鬧好多人真係好唔錯的佢哋嘅侍應服務質素非常高，超級好人。我哋嗌咗個菠蘿炒飯意想不到咁大碟配上肉鬆同埋海鮮真係好好食我哋亦都嗌咗海南雞飯佢嘅雞同埋佢嘅油飯配合得超級好肉質好嫩滑仲有我哋嗌咗金邊粉酸酸甜甜配上檸檬真係好開胃啊份量都好多即叫即整仲有我哋嗌咗小吃炸蝦餅好脆口配上佢哋嘅酸甜醬汁超級好食炎炎夏日好適合嗌返杯嘢飲我哋嗌咗三色冰同埋龍眼冰仲有佢哋嘅泰式奶茶真係好正

泰國菜通常都係去咗大角咀，反而第一次喺旺角鬧市，地點非常方便，門面普通，入到去座無虛席，邊食邊有驚喜。飲品最快到，椰汁味濃唔太甜，冰係碎粒，飲落質感好順滑，唔會冰還冰，飲品還飲品。串燒好大串，啖啖肉，而且裏面肥肉唔多，醬汁亦比得好足料，裏面有牛肉同美味道雞肉各三，沙嗲味濃質地厚，肉質好滑，邊食配飯，正！驚喜之選：芒果蟹肉炒飯食咁多泰國菜第一次叫呢個，蟹肉融合左入粒粒乾身嘅炒飯，但芒果清甜、果肉幼滑加左入去，完全無違和感，我推介呢個！金邊粉微微酸辣香，加上蛋絲，好吸引！碟碟都夠份量，又抵食，難怪7點後已經開始爆。小店服務真心幾好，唔小心跌左筷子，我都未反應得切，店員已經拎對新嘅俾我下次mk食泰菜首選呢間！

我真係好鍾意食泰國菜，呢間位於旺角，係地鐵d出口行多幾分鐘就到。每次黎到都差唔多坐滿哂，食物款式種類有好多，亦都有泰國特色既飲品，唔駛去泰國都可以食到泰國菜啦。先講，好鍾意佢地既海南雞，好食到叫左半隻都唔夠食，可能下次要叫全隻。佢個海車汁都係自己調製，有少少辣但可以接受。另外一樣我比較鍾意係泰國鳳爪，係無骨既，加上佢地整得好入味，每次都係最快清空既菜式，最後，今次食得好開心，下次會再黎食，因為真係好方便

🇹🇭呢間真係超抵食泰國菜，平日都全場滿座，咁抵食當然就算得兩個人都可以叫到成枱都係。以前成日都去長沙灣店，係回憶嘅味道😋🐔阿來海南雞飯 $58呢個真係阿來必點招牌菜！雞好滑嫩，充滿雞油香。油飯充滿雞油香，香而不會油膩。重點係佢個泰式酸辣醬汁，點雞同撈飯都一樣惹味，次次都會成碟醬點晒。🥄泰式肉碎生菜包 $88肉碎調味偏辣但好惹味，好夠鑊氣，用生菜包住肉碎食，一塊接一塊放入口，超滿足🐓青咖喱雞 $78有豬牛雞海鮮揀，雞件無皮份量好多，仲有好多豆角。青咖喱調味香甜，滿滿椰香🥖蒜茸包$38食咖喱點可以唔配蒜茸包，蒜茸包size 不算大但有四件，啱晒開心share。不過如果蒜茸味再香d就仲好🥥椰青 $38椰青水清甜解渴，不過呢個椰子肉有d老要花多d氣力先刮到出黎🧋泰式奶茶泰菜味道夠濃，唔會過甜

位於旺角西洋菜街，紅Van站旁邊的「阿來泰式地道風味」經常都座無虛席，皆因這裏的食物質素高，價錢又很平民化。今天和家人去旺角Shopping，之後來到「阿來泰式」食晚飯，Order完不夠10分鐘已上晒菜，速度非常之快。《泰式濕炒豬肉河粉》$68濕炒河配料很多，有蝦、蟹柳、椰菜、草菇、栗米芯……感覺餸比河粉還要多。《豬頸肉炒椰菜苗》$78街市買椰菜苗比一般的蔬菜貴，這碟椰菜苗炒得青翠可口，非常清甜，豬頸肉彈牙。《海南雞》 例牌 $88海南雞果然是招牌菜，雞皮薄得透徹，皮下脂肪略有少許，雞肉肉質鮮嫩幼滑，絕對美味。《大蝦柚子沙律》$78清甜的柚子混合小蝦米和花心粒，還有大大隻的鮮蝦，生津開胃。《龍眼冰》$25「阿來泰式」簡直是平、靚、正，怪不得經常人頭湧湧啦！

旺角 🇹🇭 地鐵站附近，近近地食間泰菜。🏠一間有速度有味道嘅泰菜館，落單快，上餸快👍🏼🔸見openrice d comments話魚正，甘就叫左個鹽燒鰂魚＄148。（要等半個鐘）但好既野係值得等待。真係太正！！！🎖️外面皮鹽燒，魚肚塞左香茅同九層塔，成條魚既肉又多又嫩又香，真係好正了。千祈一定要叫魚，下次等我試下明爐烏頭先😙🔸串燒沙嗲$88（半打）雞加豬，啖啖肉又夠沙嗲醬～🔸炒通菜蒜茸$68，唔會輸呀，食泰菜叫通菜🔸熱龍眼水$22，有埋龍眼食～

呢間泰國菜餐廳CP值真係爆燈🤣，每人百幾蚊已經食都好飽，而且好好食呀。🔹️阿來海南雞飯 $58雞肉好嫰滑😍，份量幾多下，$58來講超抵，泰式醬汁用來點雞肉真係好正。🔹️泰皇咖哩火山軟殼蟹法包🦀 $158火山包好大份量，軟殼蟹好厚肉🦀，炸得好脆，咖哩好惹味😋，個包吸咗咖哩都好正，🔹️泰式炒金邊粉 $68金邊粉炒得幾香😋，唔會太乾或太濕，酸酸甜甜，食落幾開胃🔹️芒果糯米飯 $58芒果新鮮🥭，糯米蒸得啱啱好，好有口感，配埋椰奶幾正呀。

之前好似嚟過呢間食，今日行路好肚餓唔使搵 想食啲屋企食唔到嘅味道，所以就求其搵咗間附近嘅泰國舖頭，又見到幾多好評，入到去法國午餐價錢實惠，但係當你想嗌啲小食嘅時候同埋細心品嚐，就知道佢用嘅材料非常不符合價錢，好似冬陰功湯咁，我哋嗌咗個大嘅冬陰功湯，入面有六隻蝦，但係喺好肚餓嘅情況之下食 都係覺得好明顯的雪貨 預咗係冇蝦鮮味，但係佢係個頭都半粒，啲腳又黑黑地，好似有啲明顯係下架嘅貨色，唔係好符合150幾蚊嘅價錢，成餐飯俾得最慷慨就係蔬菜譬如菇類… 就算咖喱海鮮收貴啲$86 ，入面都係得指甲咁大嘅 墨魚仔 泰式蝦餅成$78 ，都係得三件切成六粒嘅墨魚餅，雖然個味道OK，真係太少太孤寒！整體嘅食物都係咁，只有五$60嘅午餐係抵食！就算係海南雞，佢都不是太有滑雞嘅感覺，只有 雞髀或少少，雞胸比正常海南雞擦。。。環境我哋自己要求想坐上面，闊啲 但係就會變咗冇侍應服務，自己行去同佢落單個侍應竟然唔耐煩嘅語氣話有啲咩一次過落，佢哋放緊飯….雖然間嘢食嘅調味都唔錯，好似青咖喱咁其實我幾欣賞，不過整體就覺得價錢偏貴不符合食物質素 環境服務都係欠佳.. 係有獨立廁所呢啲唔錯 下次應該都唔會嚟食了

旺角有間食泰國菜嘅餐廳，阿來泰式地道風味裝潢充滿泰式風格調，價錢平民化，今日同埋同事過嚟食午餐。阿來海南雞飯，海南雞飯有爽彈雞皮及嫩滑的雞肉，另外還附上泰式酸辣醬汁蘸點，提升味道層次。至於油飯帶有濃郁甘香且不油膩。泰式豬髀飯：豬脾肉已經去骨，一啖入口，即時感覺到濃濃泰國香料嘅滷水味道，而豬脾肉就夠哂軟腍，啖啖肉好惹味。泰式粉絲大蝦煲：大蝦肉質彈牙，加入粉絲一起煮，粉絲吸水力強能夠吸盡醬汁的味道，口感亦煙韌彈牙吃起來便更加滋味！芒果糯米飯：口感黏糯的糯米飯配上香甜的芒果，是食泰菜不能錯過的甜品。鹹檸七：咸檸七是七喜汽水加上鹹檸檬所製成，喝起來甜甜酸酸中帶一點鹹味，非常特別。凍檸檬茶，喝起來酸酸甜甜，最為解膩。

每次喺旺角又想食泰國嘢一定會嚟呢度貪佢夠平，又大碟泰皇咖喱火山軟殼蟹法包軟殼蟹外層炸得金黃酥脆夠，咖喱煮得好濃郁入邊有唔少洋蔥同青椒，再加埋個法包，真係一流泰式鮮蝦炒金邊粉鑊氣十足，味道好香蝦肉夠爽身，搭埋金邊粉的彈牙口感，食落幾滿足馬拉盞炒椰菜苗馬拉盞超級香，椰菜苗仲保持得好爽口健康又惹味椰汁三色冰青檸梳打大大杯，夠哂清爽！椰汁西米糕本身想食芒果糯米飯，但係一諗起糯米飯相當有份量之下，決定留翻下次，西米糕唔會太甜，椰香味濃

通常朋友講起旺角有咩泰國菜好食，我都會推介呀來泰式地道風味，因為佢性價比真係好高差唔多你諗到想食嘅泰國菜，阿來都有得叫泰式鐵板蠔仔蛋蠔仔蛋好大一份，而且蠔仔嘅數目都好多，蠔仔食落新鮮，一啲都唔腥，配上泰式醬汁，份外惹味串燒沙嗲沙嗲醬好香濃，有花生醬嘅香味，而且串燒燒得好香，每條串燒都有大量嘅沙嗲醬，正！椰汁雞湯細份雞湯好足料，而且椰汁味道香濃，帶有一啲辣味，好似返咗泰國咁泰式蝦醬炒飯蝦醬炒飯配上臘腸同埋煎蛋，味道鹹鹹甜甜，配合得好好椰青食泰國嘢一定要飲，清甜解膩最後兩個人食埋單都只係三百幾蚊，真係飽到要抱住肚走

阿來其實係泰文🇹🇭發音，係美味咁解，店主希望可以滿足食客既味蕾，帶黎美味可口既食物，呢個初衷幾好👍🏻 裝修行簡單既泰式風格，以深啡色為主，幾光猛，店員既態度都好，要佢地幫手都唔洗等好耐～ 野食方面價錢親民，全部都正宗又有鑊氣，惹味又好食😋(5 😍 係滿分，🤩係半分）泰皇咖哩火山軟殼蟹法包 🇹🇭🍛🌋🦀🥖 - $158 (好味指數：😍😍😍😍🤩)個法包🥖超大，質感濕潤軟熟，而且索晒咖哩汁🍛既精華幾正🤤 今次既咖哩係泰國🇹🇭既黃咖喱🍛，裡面有紅蔥頭、大蒜🧄、薑黃🫚、香茅🌱、芫荽籽、孜然、小荳蔻、肉桂等等，再加埋椰漿🥥、椰子忌廉🥥同棕櫚糖等等，仲有啲蛋花🥚tim😜 所以味道比較溫和醇厚，但依然濃郁惹味，個軟殼蟹🦀有成6舊，炸得酥脆，味道鮮甜甘香，唔會有油溢味，夠新鮮～馬拉盞炒椰菜苗 🔥🥬 - $68 (好味指數：😍😍😍😍)馬拉盞係東南亞常見既調味料，主要用蝦醬🦐、蝦膏🦐、蝦米🦐、蒜頭🧄、炸蒜🔥🧄、炸乾葱、紅葱頭、乾椒、紅椒🌶️等食材加工而成，用嚟炒菜🔥真係有鹹香又香口，啲椰菜苗🥬真係細細條咁，口感爽脆，惹味又入味，唔會過鹹同過油，又無草青味🌱～ 泰式香芒蟹肉炒飯 🇹🇭🥭🦀🔥🍚 - $73 (好味指

平時都係放假先出動去搵食，但係今次有友人自外國返嚟，朋友聚餐簡簡單單食，朋友提起話好耐無食過東南亞菜，好想返嚟食一餐，於是我就帶咗佢嚟旺角阿來，舖頭位置相當便利，就係先達側邊條街頭，依度亦係旺角其中一個搵食位置。1. 泰式鐵板蠔仔蛋依個一定要試， 原因無多，蠔仔份量之多係香港少見，而且以鐵板盛盤更少見（本人少見姐），蛋入口相當脆，蠔仔每粒都好大隻又無腥味，成道菜處理得好好。2. 蝦頭油海鮮炒飯一開始以為係冬陰功炒飯啲朋友，雖然有少少辣，但係都好香口惹味，每粒飯色澤均勻，份量足夠2個人食！3. 青咖哩牛肉依度唔建議大家炒飯同青咖哩同時叫的，因為炒飯係比較味道濃嘅菜式，蓋過青咖哩嘅味道，會發揮唔到青咖哩嘅潛力，青咖哩味道相對清淡，牛肉鮮嫩，跟白飯比較適合開胃。除咗牛肉，仲有豬、雞、菜同海鮮選擇視乎大家口味。4. 豬頸肉炒通菜炒通菜算係泰國菜必備菜式，而佢哋炒出嚟嘅通菜仍然保持到翠綠色澤，豬頸肉咬落爽口，一啲都唔馬虎可能位置優勢，餐廳係街頭位置，令佢哋入座率奇高，我同朋友一路食一路傾，隔離幾張枱已經翻枱至少一次，大家不妨去試下。