阿來泰式地道風味

营业中

休息中

睇戲之前 突然之間心思思好想飲冬陰功湯搵咗間泰國餐廳食飯😝好彩因為都算早去 啱啱好有位所以唔使排隊見到之後就已經開始排長龍😆- 泰式肉碎生菜包而家好似每次食泰國菜都一定會叫生菜包今次個肉碎 有少少青檸味喺入面食落會好開胃 而且仲辣辣地😍- 冬蔭功湯成餐飯重點梗係冬陰功湯啦😍入面嘅料都好足有兩隻蝦 仲有啲菇喺入面添好香椰奶味❤️好好飲- 燒豬頸肉豬頸肉唔會整到好乾身 而且10分入味口感仲好爽口添仲可以配埋個醬汁點落去🫶🏻- 泰式炒金邊粉金邊粉炒得好香❤️而且份量十足撈埋旁邊嘅花生碎 仲好味啲😍

阿來泰餐廳位於九龍旺角通菜街97號地下,餐廳裝修簡約,牆上貼有餐廳菜牌相片,環境光猛乾淨衛生,餐廳主打泰國菜,餐廳設有全日套餐,性價比高,服務員招呼態度親切友善。酸辣鳳爪沙律沙律配料有香蔥.車厘茄,辣椒,洋蔥生菜,芹菜和泰式酸辣汁,鳳爪份量都不是少,食落爽口彈牙,酸酸甜甜好醒胃。黃咖喱火山軟殼蟹法包法包配料有紅椒,洋蔥,芹菜,青椒,香蔥,生菜和蛋漿,廚師烹調軟殼蟹炸到香脆,將食材放入法包內,法包吸收咗黃咖哩蛋醬汁,微辣,食落煙煙韌韌有口感。芒果糯米飯糯米飯被椰醬完全覆蓋,微甜,入口軟糯,芒果清新香甜。飲品有熱檸水和咸檸七。

旺角的泰式餐廳，阿來泰式地道風味，裝飾充滿泰式風情溫馨氛圍。泰式溼炒豬肉河粉，裡面配菜有介蘭、秀珍姑、粟米芯及紅蘿蔔……等，河粉細膩滑爽，豬肉嫩口不鞋，而且整個溼炒河非常多湯汁，搭配特製的醬料，味道層次豐富。泰式鹵水豬髀，肉質酥軟，鹵汁香濃，配有鹵水蛋，及與酸菜、生菜的清新相得益彰，帶來酸甜交織的美妙口感。鹽燒鯽魚頗大條，廚師已將魚皮揭露才上枱，內裏魚肉鮮嫩，魚肉食得出的鮮，鹽香配著魚肉的非常鮮美。椰汁三色冰，椰香濃鬱，冰爽清甜，爲炎炎夏日帶來一絲涼意。冰凍的可樂，清新解渴。

旺角阿來泰式地道風味餐廳真係好正！😋 我哋今次試咗幾道招牌菜，真係每一道都好有驚喜。首先講下辣椒膏蝦頭油海鮮炒飯，呢道炒飯真係色香味俱全。🍚飯粒粒分明，🍤蝦頭油嘅香味好濃，辣椒膏嘅辣度啱啱好，唔會太辣但又夠味，食到停唔到口。海鮮好新鮮，配埋炒飯真係一流。跟住就係泰式明爐冬蔭功烏頭魚，呢道菜嘅湯底酸辣開胃，🐟烏頭魚肉質好嫩，吸收晒湯底嘅精華，真係好味到不得了。冬蔭功嘅香茅、🍋檸檬葉同🌶️辣椒嘅香味交織埋一齊，真係好正。青咖喱雞都唔可以錯過，咖喱汁好濃郁，雞肉好嫩滑，仲有🍆茄子同青豆，口感好豐富。🍛 青咖喱嘅香味真係好吸引，食到你食指大動。最後，我哋揀咗整個椰青做飲品，清甜嘅椰汁為呢次嘅美食之旅畫上完美句號。🥥 椰青嘅清爽口感，真係好似置身泰國海灘咁🌴，享受住🌞陽光同海風。總括嚟講，旺角阿來泰式地道風味餐廳唔單止提供正宗嘅泰國美食，仲有濃濃嘅泰國風情。每一道菜都充滿驚喜，係鍾意泰國菜嘅朋友必去之地。🇹🇭🍽️

食物味道正常，份量正常，睇相有二樓唔開，谷哂啲客坐地鋪，食到一半被要求調枱。收加一，價錢唔係特別平，旺角嚟講好多選擇。環境舊，少少污糟，地下好油。侍應傾完計會應你。

前幾日去咗阿來泰式地道風味，佢喺旺角地鐵站附近，好容易去到。入到去見到有好多客人，差少少就冇位，如果想食真係要早啲。還原餐牌覺得佢啲嘢食好似都幾抵食，價錢唔貴。我哋分別左一個雞肉青咖喱，飛天炒通菜，泰式Suki炒粉絲配海鮮，同埋炸蝦餅。嘢飲方面我哋叫咗一個泰式奶茶同埋檸檬梳打。先講吓個青咖喱雞肉，青咖喱個味道好濃配埋雞肉食剛剛好，好惹味。另外飛天炒通菜炒得好香口，亦都好好食。鹹到十分適中，值得再encore。另外泰式Suki炒粉絲都好好食，味道好特別，口感亦都好好，裏面有好多海鮮配料，粉絲亦都好夠，成個餸好飽。最後佢嘅炸蝦餅味道都好唔錯，最重要係好有蝦味仲好彈牙，亦都炸得好脆。嘢飲方面都冇咩好挑剔，算係好地道嘅泰式嘢飲。整體嚟講性價比十分之高，值得推薦，下次會再去。

以前大家都泰國菜都淨係會食到去九龍城，但係從呢間餐廳開咗之後喺旺角都可以食到正宗泰國風味嘅泰國菜啦。呢間餐廳極方便喺旺角地鐵站附近，所以成日晚上都大排長龍勁多人幫襯，好在餐廳有兩層座位都足夠多。講返食物味道方面佢哋唔止保留泰國正宗風味，性價比更加超級抵，今次我就食咗佢哋個抵食二人晚市套餐。🥳**海南雞例牌**隻雞皮滑肉嫩，仲有陣陣雞油香，雞肉完全唔鞋，入口即溶，配埋佢哋自家調配嘅醬汁，酸酸甜甜，簡直係完美組合。份量都幾大，啱晒2個人食。😋**燒豬頸肉**豬頸肉燒得好香脆，肉質彈牙，肥瘦適中，完全唔會覺得膩！咬落去卜卜脆，勁滿足！我個人覺得佢哋嘅燒豬頸肉調味啱啱好，唔會太鹹，亦唔會太淡，簡直係完美嘅火候同味道！🤤**生蝦刺身（6pcs）**蝦肉爽甜彈牙，入口即化，新鮮程度爆燈！我平時都幾驚食生蝦，但呢間餐廳嘅生蝦真係好新鮮，完全冇腥味，食落去好放心。仲要係大大隻，非常滿足。👍**泰式肉碎生菜包**肉碎調味得好惹味，配埋爽脆嘅生菜，一啖咬落去，口感豐富到不得了！肉碎唔會太油膩，生菜又夠新鮮，包埋一齊食，真係停唔到口。😂**椰汁三色冰****龍眼冰**椰汁三色冰夠晒冰涼解暑，椰汁味濃郁，三色

2024.10.17今日放工同朋友係旺角行完街就去咗呢到食晚餐🥣因為餐廳除咗地點鄰近地鐵站🚉而且食物款式多價錢又親民💁🏻‍♀️今次我地兩個人叫咗⬇️💟泰式炒金邊粉 $68超大碟又夠鑊氣🔥仲有大大隻嘅鮮蝦🦐💟飛天炒椰菜苗 $68十分嫩綠爽口💚💟椰汁雞湯 $68/小兩個人已經好夠分😉酸辣得嚟好開胃🤤而且超多嫩滑雞肉同秀珍菰🍄‍🟫💟生蝦刺身 $88每次食泰國菜必叫‼️一碟有6️⃣隻🦐冰震🧊超新鮮爽口😊💟椰青🥥 $38超清甜又解膩🤍

約咗朋友去食泰國菜，位於旺角嘅阿來泰式地道風味。餐廳環境充滿泰國風情，服務員親切有禮，weekend晚上仲需要排隊，可以睇得出口碑好好，價格實惠超抵食，下次仲會去食～✨冬蔭功湯湯底酸辣適中，可以食出椰奶香，蝦肉鮮嫩，搭配香茅及檸檬葉，令人一口接一口。湯中還有好多菇，吸滿湯汁，口感嫩滑增添了層次感，不愧是招牌～有小份好適合一人食～✨泰式粉絲蝦煲粉絲吸收了蝦的鮮味和湯汁，口感滑順。蝦肉又多又鮮美，可以食得出好新鲜，加上香料的點綴，使這道菜更具風味。✨炒通菜炒通菜我揀咗唔辣嘅馬拉盞醬，色澤誘人。通菜超爽脆，馬拉盞醬的香氣四溢，讓整道菜品更加開胃，是配飯的絕佳選擇。✨椰青椰青清甜可口，新鮮清爽無比，非常適合搭配辛辣的泰國菜～仲可以食新鮮椰子肉～

餐廳位置就近旺角先達廣場，不論旺角或旺角東站行過去都方便，餐廳主打地道泰國菜，價錢貼地，一路食都keep住坐滿。我地一行四人，分別叫左二人餐(A) 和二人餐(C)各一個。海南雞例牌油飯有油香味，粒粒分明。主角海南雞口感滑嫩，雞皮油脂味濃郁，值得一讚無咩骨或碎骨，食落啖啖肉。咖喱炒蜆蜆肉大大塊，份量絕對唔少，配上咖哩汁亦係一大特點，建議可叫埋蒜茸包點咖喱汁食用，咖哩汁有少許的三色椒和薑絲，食落會無咁油膩。冬蔭功湯份量足夠幾個人飲用，材料都幾豐富，有大蝦、香菇、蕃茄仔等，正宗冬陰功湯底，香辣惹味，椰香味亦十足。泰式炸蝦餅外皮炸得香脆，厚度剛剛好，蝦肉肉質彈牙，附有甜酸醬沾點。青咖喱牛咖喱是泰式青咖喱，辣度適中，椰香味特別濃郁，配上牛肉片、洋蔥、四季豆等配菜，口感豐富，味道香口惹味。馬拉盞炒椰菜仔馬拉盞味道香可惹味，通菜色澤翠綠通透，通菜厚實粗壯，食落相當有滿足感。蒜茸炒通菜跟餐原先係通菜，但可要求轉椰菜仔，口味亦可選擇蒜茸、馬拉盞炒，口感較結實。青檸疏打 / 泰式奶茶

今次已經係二訪呢間泰國餐廳，應該係旺角最好食嘅泰菜，一到門口已經見到好多人排隊，絕對係性價比好高嘅一間餐廳，今次我哋分別叫咗唔同嘅菜式，佢另外仲有二人餐，但今次就冇叫到，我地分別叫咗泰式火山排骨、泰皇咖喱炒大蜆、泰式鐵板蠔仔蛋、飛天炒通菜、薄餅，每一樣份量都超級多，兩個人真係完全食唔曬，每樣都好好食，唔小心叫咗4人份。泰式火山排骨（$118）：排骨嘅size比想像中大好多，份量都好多，肉嘅質感軟淋，煮得啱啱好，配上佢哋特制嘅酸辣泰式醬汁，真係超好食。泰皇咖喱炒大蜆（$128）+ 薄餅4件（$38）：咖喱香口惹味，帶有甜味，唔會好辣，咖喱入面仲加咗雞蛋，配埋薄餅一齊食真係好夾，蜆肉大粒，好有口感。泰式鐵板蠔仔蛋（$98）：蠔仔嘅份量完全冇吝嗇，每一啖蛋都食到蠔仔，蛋食落口感都好滑，入面仲有芽菜。飛天炒通菜（$68）：通菜清爽新鮮，帶微辣，充滿泰式風味。員工好有禮貌，環境乾淨，上菜速度超級快，大件夾抵食，大推！

今日去開旺角藥房度買日用品行行下啲肚餓入咗一間食泰國餐廳醫肚餐廳光猛 ，乾淨企理 餐牌款式多午餐供應至下午5:30食午餐幾抵食蠔仔蛋飯份量夠大 蛋邊位外脆蠔夠大粒而且蠔嘅份量都唔少 配搭辣醬 撈落飯同蛋夠曬惹味性價比高 飯粒粒分明唔會係啲爛飯 夠哂飽肚加六蚊可以有特飲椰汁三色冰 加16蚊又椰汁西米糕 今日放假獎勵下自己order泰式生蝦擺盤精美 生蝦新鮮彈牙 地方就腳地鐵站行兩分鐘就到 價錢經濟 店員有禮 地方試正絕對係打工仔聖地

呢間泰國嘢已經第二次食啦！仍然係咁平靚正😍今次叫嘅嘢同上次有少少唔同，同大家介紹返～❣️冬陰功湯(小） $78標榜鮮蝦嘅冬陰功湯，酸辣味都好足！入邊仲好多菇～加上有三隻鮮蝦，唔係雪藏蝦！🦐每人都飲到兩大碗🥰超級開胃❣️馬拉盞炒通菜 $68基本上食泰國嘢必叫嘅菜，出品穩陣👍而且好有鑊氣🤯份量超多😋❣️泰式串燒 6串 $88豬同雞各半，如果有埋牛就更好～沙嗲味香濃仲食到少少花生粒串燒都好大串基本上食完都飽咗一半😂😂❣️鹽燒鯽魚 $148呢味餸上一次已經食過，因為實在太鮮甜太好食所以encore💕超大條魚啖啖肉😍基本上啲骨都好分明，唔使擔心有碎骨簡簡單單就咁鹽燒再點泰式醬汁已經好好食唔點汁仲食到魚本身嘅鮮甜味😋呢條魚其實成家人食都夠，但我哋兩個人都清晒🤣🤣不過都記住燒魚都要等返30分鐘以上～回頭率：5/5 食第二次就知啦😙

好耐無去過泰國了，媽媽約我放工出旺角食泰菜，止下癮。店舖都幾多人，去到要等一陣位。雖然舖頭唔係好大，但係店員都會主動比張凳我放背囊❤️好窩心。 另外我哋叫咗幾樣嘢之後，唔使5分鐘全部嘢食都嚟晒，覺得好勁，點解可以咁快，而且度度菜都香噴噴😍黃咖喱$78太菜，通常都有黃、綠、紅咖喱揀，個人比較鍾意食黃咖喱，因為會濃郁一啲，而咖喱類嘅肉類有牛豬雞同埋海鮮，牛肉係薄片，但係有好多塊，加上有青椒，洋蔥，蕃茄仔等配菜，平衡下啲油膩感，牛肉片切得薄薄的，令咖喱非常入味！而且份量好足，抵食！蒜蓉包四件 $38依個係必叫的！勁脆口之餘，牛油分布好平均，蒜蓉有點焦香味道，點唔點咖喱都咁好食！豬頸肉炒椰菜苗$78豬頸肉片有焦香嘅味道，帶一點彈牙，而椰菜苗比較幼嫩，相當有咬口。相信依碟菜，係由鹹魚炒成嘅，食落鹹鹹香香，十分惹味。椰汁三色冰 $25我哋都叫咗椰汁三色冰，粉條不會太粉，少許呈啫喱狀，椰奶味幾香口，而且不會太甜，沒有油膩嘅感覺。泰式炸蝦餅 $88呢個幾乎係我媽媽去親食泰國嘢都會點嘅菜式，佢十分滿意，炸得剛剛好,好彈牙，唔會死實實，而且唔會炸得好燶👍👍👍今晚我地食得好開心，食物美味之餘，服務仲要好好，仲

同朋友去旺角行街，行行下又到晚飯時間，見到呢間泰國菜好似唔錯就一於入去試吓😀環境企理舒適，坐低之後職員好快比左餐牌我地睇！服務有禮！兩個人叫左4 樣野- 泰式生蝦刺身- 泰菜必叫既小食😎生蝦大隻又夠凍，配埋生蒜，泰式辣汁，超有風味！正！ - 串燒沙嗲（豬肉，雞肉各半）- 一黎到見到沙嗲汁上面有花生🥜粒粒，個醬好香，豬肉雞肉燒得啱啱好，唔會過老，非常惹味，食下食下又一串，勁快清晒😂- 泰式咸魚炒椰菜苗 - 朋友話想試下泰式咸魚，所以揀左呢款菜！又係勁惹味，咸咸香香！菜好爽脆！泰式咸魚同我地平時食既咸魚差唔多，要黎炒野又幾香口喎！- 辣椒膏蝦頭油海鮮炒飯 - 開頭驚辣但又想試下蝦頭油，好似幾特別！ 黎到見到蝦好大隻，試左一啖唔算辣，好香好味，又係勁快食晒👍🏻最後仲叫左椰青、咸檸七！椰青係可以刮埋d 肉食！正！ 咸檸七都好好飲！呢間無意中發現既泰菜絕對可以再黎！👍🏻