影片
更多
2020-07-08
90 浏览
咁啱今日想食泰國嘢，終於有機會去食下啦，由於我地早食快，等左幾分鐘就有位。泰菜餐館格局有點像一般茶餐廳，但勝在食物選擇相當多，價錢親民，乾淨企理，而且食物質素不錯添～ 先點一份海南雞飯，海南雞望落去好新鮮，雞味濃郁，肉質嫩滑，雞皮夠爽口，唔會有過多肥膏。再配埋正宗既秘製嘅海南雞醬汁， 味道提升更惹味！油飯夠香軟，不感油膩。這個冬蔭公湯（小）夠香偏辣，有三隻大蝦，大大隻，以78蚊呢個價錢飲到真係覺得好抵。蝦肉入味，又易脫殼，岩晒我口味。椰香味都幾重，好好飲，有咁嘅味道、份量，真心滿足！炒通菜辣度適中，小辣左右啦，菜炒得好有鑊氣，食落真係炒到熱辣辣，夠哂香口，2個人食食到停唔到口，真係好正大家一定要試呀。 椰汁西米糕做得好滑溜，唔會好甜，而係帶清甜既椰香味唔會過濃，西米中和左少少，芋頭粒粒令口感同味道都更有層次，食落夠冰凍，好啱夏天食！三色冰唔甜，椰香味濃，就算杯嘢飲入面勁多冰都唔會沖淡，底下好多三色啫喱條，顏色好靚，食完辣野飲岩岩好。朋友仲叫個去食泰國菜必點的椰青。整體來講，今日開心又愉快，雖然舖頭裝修唔係好豪華，但價錢親民，乾淨企理，而且又可以食到好味泰國菜，當去左轉泰國～唔怪知得咁快
先點一份海南雞飯，海南雞望落去好新鮮，雞味濃郁，肉質嫩滑，雞皮夠爽口，唔會有過多肥膏。再配埋正宗既秘製嘅海南雞醬汁， 味道提升更惹味！油飯夠香軟，不感油膩。
這個冬蔭公湯（小）夠香偏辣，有三隻大蝦，大大隻，以78蚊呢個價錢飲到真係覺得好抵。
蝦肉入味，又易脫殼，岩晒我口味。椰香味都幾重，好好飲，有咁嘅味道、份量，真心滿足！
炒通菜辣度適中，小辣左右啦，菜炒得好有鑊氣，食落真係炒到熱辣辣，夠哂香口，2個人食食到停唔到口，真係好正大家一定要試呀。
椰汁西米糕做得好滑溜，唔會好甜，而係帶清甜既椰香味唔會過濃，
西米中和左少少，芋頭粒粒令口感同味道都更有層次，食落夠冰凍，好啱夏天食！
三色冰唔甜，椰香味濃，就算杯嘢飲入面勁多冰都唔會沖淡，底下好多三色啫喱條，顏色好靚，食完辣野飲岩岩好。朋友仲叫個去食泰國菜必點的椰青。
整體來講，今日開心又愉快，雖然舖頭裝修唔係好豪華，但價錢親民，乾淨企理，而且又可以食到好味泰國菜，當去左轉泰國～唔怪知得咁快爆滿，大家想食就要提早BOOK定位啦。
张贴
