阿久根和牛拉麵屋

营业中

休息中

啱啱去完日本旅行冇耐，返到香港都真係會特別掛住日本嘅美食，尤其是係日式拉麵🍜！今次就來到位於旺角嘅呢間阿久根和牛拉麵屋，小店以慢煮和牛同埋多款自家熬製嘅足料湯底為特色，真係一間與眾不同嘅拉麵店～味自慢炙燒豚肉沾麵💰HK$130沾麵嘅沾醬就揀咗濃厚味噌蝦湯，味道鮮甜濃郁，加入咗味噌亦將蝦湯嘅味道變得更加立體！拉麵嘅麵質係比較粗身嗰一種，口感煙韌，同沾醬嘅濃厚味道相得益彰！炙燒豚肉肥瘦均勻，表面仲帶有微微嘅焦香，味道有驚喜～燒牛肩胛拉麵💰HK$99牛肩胛肉質緊實多汁，用來配搭日式拉麵又係另一種風味！湯底揀咗濃郁嘅雞白湯，呢到雞白湯味道與別不同，餐廳係使用咗日本薩摩雞經20小時熬製而成，味道柔和而不油膩，鮮美撲鼻！拉麵係比較幼身嗰一種，掛湯能力高，可以吸收晒湯底嘅精華～一口芝士💰HK$48一口芝士外脆內流心，點埋旁邊嘅沙律醬，味道一流～荀💰+HK$15口感爽脆嘅荀，同湯底同埋其他配料形成咗一種良好嘅對比！所以話呢，食拉麵一定要配埋荀，整體嘅口感會更加多元化～烏龍奶茶💰HK$23每碗拉麵原本都已經有埋紫菜、大蔥同埋糖心蛋等配料！而且仲唔收加一服務費，明碼實價，真係一個良心小店～

🥰慢煮A4和牛叉燒（拉麵）大推！好好食😭 好林，但四邊又會有少少煎過既感覺，好有口感！湯底都好正，雞白湯，夠rich夠濃，但又唔會口乾。拉麵掛湯，讚！🥰味自慢灸燒豚肉沾麵呢個都滿分。友人話個湯送到黎係保持長時間熱辣辣，仲有啲櫻花蝦，味道好香！！咁樣沾既面係最好食！豚肉大大舊，半肥瘦，而且燒過，見到師傅嘅心機，而且份量絕對唔吝嗇👍🏼👍🏼👍🏼當日仲叫咗波子汽水，真係有啲懷舊，好耐冇飲！

我好鍾意食沾麵因為好鍾意食好濃既湯底今日我又發掘到係旺角一間食拉麵或沾麵鋪頭細細的唔算好多座位好在lunch hour 唔算太多人唔洗等🥳我就揀左「人氣慢煮安格斯牛小排沾麵」熱辣辣滾住既超濃蝦湯底我諗冬天食一定好暖笠笠每款沾麵都配溏心蛋&紫菜紫菜浸係湯底索哂啲湯汁 好好味雖然湯底好濃郁但食完唔會口渴👍主打「安格斯牛小排」切得好薄每塊牛都係6-7成熟中間粉紅色的唔會韌 好林 沾麵浸係湯底掛哂湯汁最後連湯都飲埋呢間不錯 有驚喜佢地另外仲有小食&飲品波子汽水、茶類、汽水、熱茶都有同埋佢地唔收加一服務費下次要帶埋老公去試

在旺角的廣華街上，有一家我最近非常喜愛的拉麵店——阿久根和牛拉麵屋，這裡的氛圍真的是讓人感受到濃濃的日本風情，讓我這個熱愛日本文化的年輕人一進去就感到無比親切！.店內的裝潢正宗又溫馨，讓人彷彿置身於日本的小巷子裡。最讓我驚喜的就是他們的拉麵，真的是好好食！特別是湯底，選擇多達三種，無論是濃厚的味噌蝦湯、濃厚的雞白湯，還是黑蒜濃湯，每一款都比一般拉麵店的湯底來得更濃郁，我個人非常喜歡這種濃厚的口感，讓人每一口都能感受到滿滿的幸福。.我點了他們的招牌三色拉麵（豚肉、雞肉及A4和牛），一次滿足3個願望！每碗麵上都有日本溏心蛋、紫菜及芽菜，這些配料不僅增添了色彩，還讓整碗拉麵的口感更加豐富。而且那A4和牛，簡直是入口即化，讓人忍不住想要再來一碗！.另外，日式鳳尾蝦餃配灸燒豚肉的限定優惠，$85的價格讓我覺得非常划算。蝦餃的皮薄餡多，搭配上香氣四溢的灸燒豚肉，簡直是絕配，讓人一口接一口，根本停不下來。.除了拉麵，也有不同小食及飲品，包括日式餃子、烏龍茶等等。.總的來說，阿久根和牛拉麵屋絕對是拉麵愛好者的天堂！如果你也熱愛日本文化，或者單純想享受一碗美味的拉麵，這裡絕對值得你親自來體驗！🍜.地址：

岩岩去完日本 已經掛住日本既拉麵 所以今日係旺角做完野要搵拉麵店 呢間已經開左好耐對上一次食已經疫情前 唔知質素保唔保持到呢呢到拉麵/ 沾麵 而且湯底都有幾款選擇每碗麵都有 蔥、紫菜、溏心蛋味自慢灸燒豚肉沾麵豚肉灸燒過 所以好香但咬落係已經炆淋晒 肥瘦比例適中 唔會膩濃厚雞白湯沾麵最重要係濃醬汁 配上粗身既拉麵每食一啖都吸收埋滿滿既醬汁招牌三色拉麵就係豚肉，雞肉及A4和牛一次過滿足三個願望 特別開心香蔥醬油湯底醬油湯底味道同層次都會比雞湯濃厚 而且做到提鮮既效果唐揚鷄件有五件 岩岩炸完就上枱 熱辣辣雞肉炸得好嫩 保留住肉汁 粉漿唔厚 食落仲脆口保持到水準實在難得 唔怪得知平日晚上九點都仲要排隊啦

今日同大家去旺角食拉麵。位於廣華街一帶，有唔少糖水舖。其中有一間門面唔太顯眼既日式拉麵店，而且門外都有D人排緊隊。而佢地賣既拉麵用料都幾用心。入面裡面店面唔算好大，都係吧檯為主，坐得有點逼，但店員都好主動、有禮，會主動上前比多張櫈放袋。我揀咗呢個「慢煮A4和牛叉燒拉麵」。小店用上A4和牛做叉燒，油脂豐富，食落好軟嫩，比起豬肉叉燒更富油香。湯底係用左黑蒜豬骨濃湯，都幾濃味。麵係用左較幼身既麵線，食落都爽口，而且都可以掛到湯。糖心蛋蛋汁香濃，味道唔錯！朋友點左呢款「香煎虎蝦沾麵」。表頭大大隻既虎蝦好吸睛，食落都好多用，煎過既虎蝦仲要幾香。我幾鐘意佢地呢個味噌蝦湯底，食落海鮮味好突出。麵係用左較粗身既麵線，食落幾有口感，而且更能掛到湯汁，幾正👍🏻！今次都係仲叫咗一份餃子🥟，一份有4隻，食落都幾多汁。整體嚟講，呢度既拉麵沾麵都唔錯，幾香濃，再配埋虎蝦、和牛等食材更吸引。大家經過旺角不妨一試～

男朋友IG見到人推介，放工帶左我去食，滿心歡喜、期待。岩岩好去到唔洗排隊，qr code落單，最後黎錯左一碗。我地各自都叫沾麵，我個份係牛、海老、沾麵，黎左牛、海老、拉麵。我認衰，肥哥哥問牛海老邊位時，我認左、應左話係我。食完，俾完錢，走埋，我先諗起我叫左既應該係沾麵。不過算喇，當試晒拉麵同沾麵都好。到味道喇，簡單來講，最多最多都只可以叫一般般。談唔上好味🙈短時間內亦唔會再去食，Sorry🙈我個碗食左兩啖，個味道都真係好一般好一般，差左陣味，落左白芝麻同七味粉幫手加少少少味。係好左少少既，但我只食左半份就冇再食。至於男朋友個份，等左好耐先到，小事，沾麵湯底熱辣辣。佢都係要海老湯底，係濃過我個份拉麵，但都係差左陣味。如果真係要搵樣野去讚，我會讚佢地粒蛋，好食👍🏼，味道好，生熱度都好完美👍🏼👍🏼👍🏼

旺角地道特色拉麵「阿久根和牛拉麵」餐廳非常有特色座位唔多 想食嘅朋友要早啲排定隊😉但絕對係值得🫶🏻⭐️生牛肉拉麵配黑蒜濃湯做法類似越南生牛肉但係用咗日式整法牛肉薄片非常嫩口😍黑蒜湯底濃郁非常好食🤤⭐️味自慢灸燒豚肉沾麵配濃厚雞白湯餐廳主打特色沾麵石鍋裝住熱辣辣嘅湯底🤩粗拉麵沾上雞白湯非常掛汁三大塊灸燒豬肉肉質嫩滑😆外面燒得好香脆唔錯嘅選擇⭐️日式餃子餐廳限定優惠四隻餃子一人份量啱啱好外面皮薄而入面好多肉汁😋⭐️飲品啤酒汽水都有今次就叫咗白桃烏龍及荔枝烏龍配拉麵唔錯😃

經過旺角入咗間主打慢煮和牛嘅拉麵店，設有木吧枱位好有日本風味，店舖座位有限 ，繁忙時間可能要預留時間排隊等位～🍜慢煮A4和牛叉燒拉麵平時食豚叉燒多，呢度有A4和牛叉燒😍採用阿久根A4和牛西冷，經慢煮後兩大片叉燒呈嫩粉紅色，牛味香濃，油脂豐富所以入口軟滑；拉麵彈牙，湯底可選濃蝦湯或雞白湯，選了濃厚雞白湯，飲落清甜唔膩更能突出和牛味，配上溏心蛋、木耳絲、大蔥、紫菜非常豐富🥰🍜燒牛肩胛拉麵 ($99)牛肩胛燒至七成熟，加上黑椒燒得好香，肉質爽彈較和牛叉燒有咬口～呢碗搭配濃厚味噌蝦湯，香醇濃厚，鮮味十足😍好似擺咗幾百隻蝦落去煲咁🤣🥟日式餃子餃子有四隻，皮薄餡多，餡料係韭菜豬肉～滿滿豬肉餡，蘸上帶柚子味嘅餃子醋幾滿足😋總結：整體不錯，而且仲要免加一！

喺旺角呢間拉麵店，其實都好多年一直都卻步冇入過去試吓，今日有時間鼓起勇氣入去，又比到驚喜我喎。叫得和牛拉麵屋，咁佢主打都係和牛。另外佢熱賣嘅係蝦湯拉麵。但係我今次叫咗呢款三色拉麵，有齊A4和牛、雞叉燒、豬腩叉燒，可以試曬幾種配搭。A4和牛叉燒，完全係A4和牛燒肉嘅味道，入口油香爆發。豬腩叉燒平平，但係都用火炙過，香氣撲鼻。雞胸叉燒就最有驚喜，驚喜在佢嘅調味係甜豉油烤過嘅味道，十分惹味。而咁濃味嘅配料就一定要配返重口味嘅湯先至襯托得到。濃厚味噌蝦湯有三種唔同嘅蝦再用八個鐘頭熬煮而成，再加入高級味噌，所以口味會偏鹹少少，但係一啲都唔會過份。拉鍊已經包咗紫菜同味玉，味玉都入晒味，仲keep到流心嘅效果。其實你仲會見到有一隻雲吞，係鳳尾蝦雲吞，我額外加落去嘅。雲吞入邊係原隻鳳尾蝦，都值得一試。

好耐冇食過拉麵喇，今次就去咗旺角食日本拉麵，餐廳都好有日本風格，裏面嘅座位雖然唔多，但輪轉得很快，出餐速度都好快，每張餐枱都配有日本香料，七味粉，芝麻等都任君選擇雞軟骨餃子小食嗌咗雞軟骨餃子，餃子煎得香脆，裏面啲雞軟骨好爽口，食落去索索聲，好惹味燒牛肩胛(拉麵)燒牛肩胛好重牛味，煮得剛剛好軟熟，仲有一完整隻流心蛋，好大方，湯底揀咗雞白湯，雞白湯好濃鬱又唔肥膩，拉麵煮得好好，QQ彈彈咁，係我鍾意嘅口感招牌三色沾麵三色沾麵裏面包括豚肉，雞肉和和牛，三款肉肉都係我鍾意食嘅，豚肉/叉燒煮得好軟熟，肥瘦都好均勻，雞肉好嫩口，應該用了慢煮方法烹調，和牛好大快，感覺只係輕輕拖一拖熱水，好新鮮嫩滑，少少咬口，有融化嘅感覺， 湯底揀咗黑蒜濃湯，好濃濃嘅蒜頭味，沾麵嘅面係粗過拉麵的，感覺會硬少少，但係加落沾麵湯底一齊食，掛滿曬沾麵嘅湯底，好滿足

二訪人氣拉麵沾麵店阿久根和牛拉麵屋.ᐟ好久沒來還是這麼多人排隊，證明真的好吃～很想念它的濃蝦湯，這湯頭真的一試難忘♡⧐ 燒牛肩胛拉麵配濃厚味噌蝦湯 HK$99 ⧏真的很推薦這裡的濃厚味噌蝦湯，非常濃郁♡還有大量的櫻花蝦，蝦味Double up.ᐟ燒牛肩胛重牛香，較有口感～⧐ 日式鳳尾蝦餃配炙燒豚肉拉麵 HK$85 ⧏⧐ 加麵底 HK$15 ⧏這裡除了濃蝦湯出名之外，雞白湯也很高人氣♡味道會比濃蝦湯清淡，適合輕口味人士～大推炙燒豚肉，與多年前一樣好吃，入口即化.ᐟ如果鳳尾蝦餃子有煎過就更完滿了～⧐ 唐揚雞件 HK$38 ⧏⧐ 雞軟骨餃子 HK$48 ⧏另外也點了兩款小食，日式炸雞外脆內軟很鬆化，但是雞件肥了一點，雞皮與肉也是分離的，雞軟骨餃子煎得剛剛好，這個很不錯♡加上餡料用上雞軟骨，特別有口感.ᐟ

好耐冇過嚟幫襯呢間拉麵啦，仲記得啲湯底好濃郁，啲和牛又勁好食。而且免收+1服務費。🍜慢煮雞肉🐔（拉麵） $80湯底：濃厚雞白湯🥟日式鳳尾蝦餃(+HK$10.00)首先講個湯底先，湯底依然係好濃郁，好夠味，配上嫩滑嘅雞肉、大量蔥絲同紫菜，真係好滿足啊！另外佢麵嘅份量其實都好多，而且入口煙韌有口感。🍜招牌三色拉麵（🐷豚肉，🐔雞肉及🥩A4和牛）$138三色拉麵真係可以一次過滿足晒三個願望，試晒三款肉，薄切和牛充滿油脂嘅香味，而豚肉就厚切大大塊🤩，煎到好香口。湯底：濃厚雞白湯🥟日式鳳尾蝦餃(+HK$10.00)味自慢灸燒豚肉 2pcs (+HK$30.00)飲品🥤：熱蜂蜜檸檬🍋烏龍茶（500ml）

位於旺角嘅阿久根和牛拉麵屋🍜主打慢煮和牛配沾麵,並有多款足料自家熬製湯底🥣好似香濃海老湯、雞白湯、香蔥醬油湯、激辛湯等🤩除咗和牛外,亦有豚肉同雞肉可以揀🐷🐔🐮慢煮A4和牛叉燒沾麵用上A4級鹿兒島阿久根西冷和牛🥩醃製後以低溫慢煮八小時至約兩至三成熟,再喺表面輕炙🔥入口即溶🤤肉質嫩滑Juicy💦牛味濃郁🐮沾麵揀咗香濃海老湯🦐蝦湯用咗兩款唔同嘅蝦,首先炒過帶出味道,再熬九個鐘,雙倍濃郁,蝦味香濃🦐沾湯上有大量櫻花蝦,沾麵底亦加上餐廳自製蝦油,濃厚味噌蝦湯,令成碗沾麵蝦味十足🤩享受完沾麵後,仲可以叫師傅加入清湯於醬汁內,立即變成可品嚐嘅湯品🥣燒牛肩胛拉麵拉麵亦有多款選擇🍜試咗另一款牛肉-燒牛肩胛🐮肉質有彈性,肉味濃郁😛拉麵口感彈牙😙每碗麵都會有紫菜、糖心蛋、蔥、荀🍜另外餐廳都有多款小食供應😚我試埋日式餃子🥟香脆多汁💦非常惹味😝

喺旺角呢條後街原來有間人龍排隊拉麵店，平日未夠七點已經大排長龍，呢間拉麵店主打沾麵，有唔同嘅湯底同埋肉類選擇。招牌三色沾麵（豚肉，雞肉及A4和牛） $148招牌三色沾麵咩配料都有啲，一次過滿足晒幾個願望，豬腩卷個醬汁好香，雞肉係經過慢煮，而和牛入口軟腍，肉味香濃，呢款就揀咗濃厚味噌蝦湯，蝦味好重，粗身嘅麵條好掛湯，食耐咗覺得太鹹仲可以加湯調整味道，而糖心蛋煮得啱啱好，都幾入味。燒牛肩胛（拉麵） $102以燒牛肩胛作為配料嘅拉麵比較少見，牛肩胛燒至半熟，都食得出肉味，呢款揀咗黑蒜濃湯，啱啲比較重口味嘅人士，麵條方面就係幼身嘅曲麵，份量都幾多。沖繩苦瓜餃子 $48第一見苦瓜餃子，入面有啲苦瓜碎，感覺冇咁油膩，而且冇想像中咁苦。