阿一豬扒酸辣米綫

营业中

休息中

經過這間小店進來，點了鮮蠔仔泡飯，蕃茄先牛肉泡飯和鮮牛肉米線。必定要大贊鮮蠔仔湯泡飯包飯，非常大碗而且鮮蠔份量也非常之多，十分抵讚而且價格非常抵食而且價格非常抵食，下次必成再來光顧

呢間我食過好幾次啦，韮菜餃同豬扒都幾好食。酸辣湯底惹味，食完無話太口渴咁。值得一讚嘅係佢服務幾人性化，可能我食得比較淡啦，有次問侍應拎左杯水打算溝淡。侍應見我倒水就立刻叫停我，係廚房拎左碗無落鹽嘅湯出黎俾我溝落去。頓時覺得呢間鋪服務真係唔錯！而且佢啲米線唔算貴，啲餸都幾多，性價比高，所以都會keep住幫襯～

佢嘅豬扒雖然有啲咸，但炸得算ok，唔會乾到柴。撈丁亦ok彈牙。但湯底極重口味，咸到冇一次食得晒一碗。（我食過三次，每次都因為想食炸豬扒而以身犯險）而最頂唔順嘅係佢一男一女員工，你想order時佢哋叫極都唔應人，一係望住個廚房發吽豆唔知做乜，一係分花生，總之唔會理你。到佢要你落單時就狂摧你，落單期間又唔諗得，諗多少少慢少少都啐啐聲，甚至行開咗，咁你就要等下次機會先有得落單了。落完單又試過即時唔記得再問。佢問你嘢你聽唔到佢又會皺眉就會啐，以再差啲嘅語氣再問。你問我點解有第二次第三次？對，我犯賤⋯⋯

一個人食一個午餐，經過筲箕灣東大街都知道有好多嘢食，但係好多粉面門口都大排長龍，下一豬扒米線，雖然有人等，但係前面都係得三四個人排隊。果然多一個人即刻入咗唔使等。叫咗酸辣豬扒米線 加凍檸茶$52米線質地同一般連鎖店唔一樣，比較大牙同埋爽口，豬扒其實都幾有heart ，因為係炸過的豬扒，酸辣未到處理得好平均，唔會話太辣亦都唔會話太酸，恰到好處非常平衡。已經習慣唔飲甜野好耐，所以飲開都係凍檸茶走甜，佢哋冇凍檸茶走甜只可以叫凍檸茶少甜。但係嚟到嘅時候一啲都唔少🥲午餐時間其實都坐滿人完全冇空位

📍#阿一豬扒酸辣米線#MFJ筲箕灣 #MFJ中菜 #MFJ港式人均消費: HKD107 阿一豬扒在東大街開業已久，小時候吃過一次，不懂品嚐酸辣🤣 人大了口味變了，心血來潮想再試一次！💯阿一豬扒酸辣米線🍜$52米線上鋪滿各式各樣的配料，香蔥榨菜花生每樣都有！把清湯加入米線，那種酸辣感覺真的很爽！酸得來十分開胃，配料配搭超級出色、和米線極配，真的連湯都喝清！豬扒一共有三件，聽說他是手打豬扒， 豬扒葉得非常入味，味道偏濃，但加上酸辣湯想不到這麼好味！⭐️上湯韭菜餃🥟$35我非常喜歡吃韭菜餃， $35有六隻，也算大隻，不過看起來就不算很飽滿！初時沒什麼期望，因為覺得韭菜不太多，誰不知咬下去，發現調味調得非常的好，香濃惹味！吃一隻加一口清湯，美味！今次終於明白為什麼大家都說必食阿一豬扒米線！一個人食光一碗米線到一碗韭菜餃，飽到飛天，真心好味✅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #ch

好多年前，成日lunch排隊食阿一，印象中係最好食既真酸辣米線，真係好夠味，又酸又未去死辣🤤諗住好耐無食，同男朋友過下癮，結果大失望🤦🏽‍♀️，今次食完真係以後say no啦。一上菜，五成清湯，五成紅紅地橙橙地？香就香，但心諗，奇怪🤔好似唔係咁架？！🤔愈食愈淡味，酸又唔夠酸👎，辣又唔夠辣👎，同呀姐講，呀姐話：「比辣油你，自己加辣」，咁都算，咁唔夠酸點算，：「要唔要比醋你自己加？」。。。。。😑下？？？難道我味覺有問題？？好似加呢啲醬唔係同一回事？？突然，執緊外賣單既姐姐加左一匙 特製酸菜醬 比我，簡直係畫龍點睛，即刻肥姐上身，今次真係夠味啦🤤，話口未完，後面個幾枱都舉手話要加。。。。。。好彩今次有外賣姐姐幫我，如果唔係，我真係加辣油同醋。。。。😭😭😭

上星期行完山，落咗去筲箕灣揾嘢食，去到筲箕灣，第一時間走去東大街逛吓，成條街都好多人，至出名果幾間排晒長龍，唯有走去間冇咁多人排隊嘅「阿一豬扒酸菜米線」未入去，有店員已經叫我哋order定食物，睇完餐牌之後，點咗幾樣嘢食，其中包括有「生牛肉酸辣米線」，一碗生菜，而當時有個行山腳話呢度「招牌豬扒」好出名，好多人嚟到，都會叫嚟試吓，所以我單點了一份，點知落單嘅哥哥話單點一份好貴喎，然後望住我，跟著問我有冇睇餐牌，我梗係有睇餐牌先識點餐啦哥哥。。到份生牛肉米線嚟到，啲生牛肉完全冇味，個湯又淡，真係食唔到落去。相反個豬扒又真係有驚喜，肉質鮮嫩，又食唔到梳打粉味，呢個價錢真係扺食！最後剩係食哂豬扒，啲牛同米線冇再掂過

阿一豬扒酸辣米線今日山長水遠諗住去筲箕灣食雞蛋仔夾餅，點知兩間都因為疫情關係冇開，本身好無癮諗住去第二度食野架啦，但行行下筲箕灣東大街，見到有間米線好多人排，就坐低試下佢。餐廳係舊式茶餐廳格局，唔太乾淨，服務態度就見仁見智啦，今次就唔係幾好啦，串串地咁。。。但坐低咗，都照食啦，好食即餐廳，多數係有啲格既。酸辣豬扒紅薯粉豬扒有三大件，肉質幾淋身，而且非常入味。但今次食呢件就比較肥，好多肥膏位。而紅薯粉就正常。配料方面有花生，菜甫，酸菜等等，花生唔太新鮮，唔淋唔脆，但其他就正常發揮。湯底微辣，帶少少麻味，辣味唔會太嗆喉，配紅薯粉食幾唔錯。雪花羊肉卷酸辣上海麵羊肉卷份量好多，而且十分有羊味，幾有驚喜。而羊肉味同湯底更加夾，幾好食。而上海麵係比較粗既，食到最後都唔會吸得太多湯而淋晒。本人比較喜歡上海麵，比紅薯粉更有特色。

阿一真味豬扒酸辣米線$44(外賣).要數到外賣快靚正，阿一豬扒一定係筲箕灣其中一間，豬扒永遠保持到同一個水準，瘦嘅位置唔會柴，肥嘅位置唔會膩，仲要舊豬扒做得好香，咬落去又淋又入味，個日仲要有三舊，正👍🏽.講完豬扒正常就講湯底但係我覺得要講嘅係花生同埋酸菜，花生炸得香脆，酸菜夠味又唔會太酸☺️.湯底就正常發揮，啲酸菜帶起左成個湯底嘅質素👏🏽.CP值及夠飽一碗米線有豬扒你食，個湯底OK， 40幾蚊，個份量唔少㗎，抵食☺️.翻啅其實呢間都係飯堂黎，佢嘅蠔仔肉碎泡飯，同埋手撕雞都唔錯😆

我成日都來筲箕灣呢間分店食lunch嘅。但有樣野就係次次叫親凍檸茶少甜都超級甜！！好似糖水咁！今次索性叫走甜，佢話少少甜ok ma? 原來本身係有甜嘅…點解咁遲先發現？？！！今次叫咗「走甜」就真係少甜喇～～～啱啱好以前食開都係叫豬扒湯米線,啲豬扒索晒啲湯好好味！但近期就食多咗雞絲湯米線，因為佢會配埋蘿蔔同生菜，蘿蔔都有好幾塊，都唔少，超級鐘意～鐘意多菜嘅朋友可以考慮叫呢款～當然佢嘅麻酸辣次次都好正，唔駛多講

每次黎東大街都食阿一酸辣豬扒麵加蠔仔，豬扒好淋身又好入味，啖啖肉好香口~ 蠔仔粒粒都好大隻，好襯酸辣湯底～ 推介呢個組合！記得叫多花生吖😝今次上海麵煮得太軟，如果可以彈牙d就仲正～

豬扒酸辣米線專門店 店面不大豬扒麵,肉既份量都相當大份 唔食辣既朋友都頂得住,唔算好酸辣麵條吸飽酸辣既湯底,滑溜美味豬扒醃得入味又夠軟淋,一咬即開,豬扒薄身夠肥夠香口成碗麵食完都唔口渴,味精唔算重!可以一試一碗只賣$42,香港而家物價算合理了!阿一豬扒酸辣米綫 平均消費$42評分7/10

放假天想到郊外走走便決定去石澳然後便決定先筲箕灣吃個午餐！住在大西北的我們決定吃一下只有在港島有分店的阿一豬扒酸辣米線(¬ -̮ ¬)店裹小小的是很地道的香港的餐廳！桌面偏小要和朋友親密一點坐著朋友叫了一碗豬扒酸辣上海麵(小辣)份量超夠，豬扒也很大份不太能吃辣都能handle的辣但略嫌上海麵煮得太久所以沒有了那種口感然後自己叫了一碗阿一真味豬扒麻酸辣撈(小辣)也是一樣份量很夠，女生吃真的吃不完麻的程度很夠夏天不想吃湯，撈水晶粉真的是一個好選擇水晶粉也很彈牙，好吃！我們還有叫了一份炸韭菜餃雖然有點冷了不過韭菜餃本來的味道也很夠！

來到必吃豬扒！豬扒醃得入味又軟腍，一咬即開。雖然豬扒較薄，但夠肥夠香，好吃！這裏用上特粗米線頭，米線除了粗身彈牙，更帶香濃米香。湯底酸辣但不會過濃，質地較稀，比較清爽。值得一提的是，這裏的酸辣菜脯十分惹味，令整碗米線生色不少！

今日放假就同朋友坐車過黎東大街既啊一豬扒酸辣米線👍🏻👍🏻 好好彩三點鐘完全唔洗等位😀店舖入面既環境適中，而今次我就就叫左一碗最有名既酸辣豬扒米線($42) ，佢有三塊大豬扒都好入味，湯底都好吸引，我仲叫左杯凍檸茶，凍檸茶就冇乜特別，叫做解口渴既飲品不過送餐速度都好快，食左大概45分鐘就離開👍🏻👍🏻總結今次既食評，我整體都比較滿意👍🏻而價錢都適中，食完一碗仲好飽肚，下次經過筲箕灣都會再幫襯佢