阿一豬扒酸辣米綫

营业中

休息中

筲箕灣東大街有好多出名好食既餐廳小店，今晚揀咗阿一豬扒酸辣米線，豬扒炸得香口唔會食到有鬆肉粉既味道，上海麵軟硬適中面質爽口彈牙，蘿蔔甜美冇渣， 叫多個美極雞中翼，但就覺得比較普通，亦食唔到美極既味道，雖然係炸既，但唔使1分鐘就已經得，亦唔會好熱所以肯定一早整定

阿一豬扒 之前已經聽過出名好好吃 去開東大街就試下聞名的招牌豬扒酸辣米線果然真係好大大碗 2個女仔SHARE都得  店員好好禮貌 當我問有冇辣度分?佢即提議"酸辣另上 咁咪唔怕"果然好彩有另上 酸辣就係屬於麻酸辣多D 豬扒份量夠大 1碗有三大塊  醃得好出味 味道濃郁 美中不足: 環境空間很小 人多的時候差不多手貼手 而且衛生要改善! 

筲箕灣東大街有很大出名食店，魚旦粉西餐日本菜樣樣有，要在這街企穩亦不容易～所謂常客無闊客，客人長期光顧，有時只需要產品quality穩定即可，阿一米線就係一例我都光顧左N次海蜇雞絲酸辣撈👍👍👍👍👍👍👍👍愛spicy 愛酸菜者極力推介🥰🥰🥰🥰🥰🥰🥰🥰🥰🥰味道做得剛剛好凍檸茶茶膽新鮮，一飲就飲出分別Life is amazing! Life is so simple!Full of energy !

🌶真味豬扒麻酸辣撈水晶粉🍜Pork Chops with Hot Sour Noodles-之前聽朋友講呢間豬扒好正，既然未試過就試下啦😎店員熱情推介招牌豬扒同蠔仔，貪心嘅我因為兩樣都想食，所以加咗9蚊雙拼🤤水晶粉好大份，爽爽哋嘅口感幾少見，校嘅味好食。豬扒味道ok嘅，不過唔係特別有特色，試一次就算喇，有興趣可以試下其他餸嘅😌-$46+9🍜🌶少辣個辣度都幾啱我嘅🌶朋友話同自己煎差唔多🌶高期待下產生咗小落差🌶樓面姐姐好好人，不過好慘成日俾收銀鬧#nataliefooddblog

招牌豬扒酸辣米線 | $43份量超多😳 真係兩個人share一碗都得豬扒兩大大塊 非常入味外面炸過好香有點酥脆感入面亦唔覺乾米線好彈牙煮得啱啱好以酸辣米線黎講佢只有麻辣沒有酸 酸菜得好少麻辣嗆過哂所有味道如果少點麻多點酸平衡返會比較好喜歡麻辣的朋友應該會好鍾意韮菜餃米線份量不相伯仲 餃子勁大粒皮薄餡多好食！麻香海蜇雞絲 | $43以小食來說$43有點貴但碟頭夠大算合埋海蜇爽但雞絲有點鞋 麻辣味好香好麻 唔錯性價比幾高的米線店但食得麻辣的先好黎鍾意酸辣的可能會失望

天氣冷便想吃點辣的東西暖胃。今次點了海蜇雞絲麻酸辣撈水晶粉，海蜇雞絲一般，水晶粉比較軟稔，還是招牌豬扒比較出色。不過水晶粉酸辣開胃，而且分量十足，$48一大碗絕對能填飽你的胃。招牌豬扒味道固然不錯。不過有一點可惜的是略嫌不細心，同事有碗外賣豬扒上海麵變了豬扒米線，裏面更翻出了一條單邊雞翼骨。好在外賣米線湯有另上，令米線不會稔上加稔。另外也叫了蓮藕餅，味道不錯。菜心蘿蔔入邊有一隻蠔仔，應該也是漏網之魚。

遠足完畢，看到這家平日大排長龍的店子竟然有幾張空桌，立即內進。豬扒酸辣米線：這真的要必點，我選了小辣。豬扒有3塊，很好很好很好味，其中一塊很大。湯頭酸辣度剛剛好，米線煮得有點過軟，爽口一點更合我心。鮑片蠔仔湯飯：鮑片應該是螺片，有4塊，蠔仔很多，湯頭很鮮，飯很多，吃不完。魚腩蠔仔上海麵：朋友點的，請我吃了一塊肉腩，不錯。凍奶茶：沒想過米線店的奶茶會那麼好喝，很滑，茶底有茶味又不會苦澀，讚！柑桔蜜：朋友點的，她說不錯。

呢間米線同出面嗰啲有啲唔同，冇咁多餸菜可以揀🙈 我覺得最好食嘅就係佢最出名嘅係豬扒米線sorry我唔食得辣，所以我唔知道酸辣嘅味道點樣，但係好多人都有食😛豬扒起碼有三四塊，醃得夠入味幾香，應該係用咗基本嘅豉油糖豆粉醃😋 肉質夠腍，而且唔乾👍🏽 米線係粗身少少，唔係彈嗰種😆 配有幾舊大嘅白蘿蔔，都幾好食，煮得幾腍😂 不過每次食都係focus咗係個豬扒度，對豬扒以外嘅嘢唔係太高要求🤣男朋友可以食辣就嗌左個小辣嘅豬扒麻酸辣撈水晶粉🤪 豬扒嘅味道一樣，但係脆口啲唔會浸淋咗🤩 小辣其實都辣辣地，勝在好惹味，食得過癮😌 其實佢嘅湯飯都幾出名架，都可以試下😚▫️阿一真味豬扒米線 $41▪️阿一真味豬扒麻酸辣撈 $46

【招牌豬扒酸辣紅薯粉🐷🍜】HK39呢間又平又好食，好推薦👍🏻豬扒🐷炸得香口，醃得入味，好腍身完全唔嚡口，夠juicy，仲要有4大塊😍 紅薯粉滑身，煙煙靭靭幾好食😋湯底揀左酸辣湯，唔會好辣大部分人都應該會接受到嘅。唔鐘意辣嘅可轉清湯、蕃茄湯。份量都唔算少架，一定夠飽！呢個價錢係超值👏🏻

這家店出名了好久，終於有機會食！沒有令我失望，湯底好入味，適合我這些重口味的人! 豬扒分量非常足，有3大舊，我叫左少面都好飽。這個酸辣的味道好令人上癮，過一段時間又想吃。 十分推薦！！

間中行過門口會見到好多人排隊等外賣，咁啱有日上晝放假就喺呢度食晏啦！散叫咗一個蠔仔泡飯，本身仲諗緊使唔使嗌個小食，好彩冇嗌咋，因為個泡飯嚟到嘅時候係超級大碗！！！🍚我諗三個細食嘅女仔一齊share都仲得！個泡飯裏面有蠔仔、肉碎同芫荽蔥，係基本野。個湯嘅調味唔錯，夠味食完亦都唔頸渴（我最後仲要食唔晒😂）！店員好殷勤，上菜亦勤快，唯一唔好嘅地方係鋪面太細，peak hour坐滿人嘅時候好逼，加上冷氣唔夠既情況下，令人食得唔係好舒服！

由於今日工作太忙，未到十二點個肚已經餓到打鼓，於是決定提早食飯。但天氣咁熱，又唔想食飯，經過東大街見到有間野專食酸辣米線，即刻二話不說衝入去。先叫杯凍0T冰凍下先，凍0T果然係要去依啲地道港式餐廳飲先最正！叫左個鮮牛肉酸辣米線，由於天氣太熱，所以走辣，廢是食到啲汗係咁滴！走辣既米線雖然清淡左啲，不過都幾好食，牛肉幾新鮮嫩滑，米線幾彈牙，份量都唔少，好多女仔都係兩個人share一碗。食完都幾飽下，埋單一個人平均都係$40-50，不算太貴，野食質素亦不過不失咁啦！

阿一豬扒應該無人唔識咁岩公司附近有一間所以一有時間都會去食下啊一豬扒其實好似車仔麵咁可以揀唔同嘅餸唔同嘅面而佢最特別嘅係可以夾上海麵我喺外面食上海麵通常都會煮到好林但係啊一豬扒嘅上海麵會好有咬口比較粗身係餸方面我主打係鮮牛肉，豬扒同埋豪仔豪仔粒粒都好肥美又大粒洗得極都好乾淨豬扒同埋鮮牛肉都奄得好夠味但係唔會好大浸雪味面上邊嘅花生都有鹽醃過所以都好好食唯一嘅缺點係啊一豬扒位置唔多通常都要等位而且入到去都會迫迫地不過味道搭救😀😀😀

早前有一篇「香港十大酸辣米線」的文章出現在網絡上，我這個米線迷當然有第一時間點進去看看，看有沒有我覺得好吃的米線在榜單上。我發現這個點評的觀點中肯也很有參考價值，所以我便決定跟著這個評比去試一下，在榜單上我還沒有吃過的米線店。在十大酸辣米線的榜單上我還沒有吃過就是當中排在第十的：阿一豬扒酸辣米線。阿一豬扒米線+腩肉豬扒是他們的王牌，所以我是抱著一個極大期望去吃的（可能真的太大期望）1. 份量真的很多，絕對是一塊大豬扒。2. 醃得很入味，味道濃郁3. 肉質很干也沒有上網說會有很多肉汁流出來（吃完去結帳的時候，看到廚房有一大盤而經炸好的豬扒，我以為是會即炸的）腩肉則不錯，不是街外那些醃制好的薄腩肉，這家是厚切腩肉，一邊肥肉一邊瘦肉，肉質鬆軟，不錯。魚肉蓮藕餅很驚喜的小吃，魚肉和蓮藕的配搭令口感更有層次，再加上很脆的邊邊，很好吃，誠推！（但是榮X雞扒的蓮藕餅依然是我心中的第一名）酸辣湯底，可看到有辣椒碎在湯底中，所以這家辣味會重過酸味（我喜歡重口味，叫小辣好像有點不夠味，所以建議可以吃辣和重口味我人，可以叫中辣）然後，這個湯底會有後勁一陣麻辣味出來，我覺得不錯。環境就真的很差，因為我坐在的那

我好鍾意食米線，成日周圍試唔同嘅米線，呢間阿一嘅米線比normal ge米線粗身少少，好有咬口。湯底分酸辣、麻辣、番茄、清湯4款，我好鍾意食呢度嘅酸菜，厚切又夠惹味。呢度嘅餸料款式多，好多選擇，蓮藕魚餅、美極雞翼、羊肉卷等等，但我都係揀左招牌野真味豬扒。阿一真味豬扒酸辣米線 $37，豬扒賣相好似上海排骨，好大塊，夠厚身，味道都還好，同湯底都幾夾。不過呢度服務麻麻哋，可加以改善，清潔度不足。坐位就唔算太舒服。