阿一豬扒酸辣米綫

营业中

休息中

北角收工返東大街揾食，已經八點半，可以選擇的粥粉面飯又太飽。東大街的阿一相對比北角分店稍微細。如果不選擇套餐，野飲飲品需要另外加錢。而最常食的是蠔仔酸辣米線，融合了鮮、酸、辣風味的米線料理，蠔仔（小牡蠣）的鮮甜加上酸辣辣油或者番茄或酸菜，清爽開胃。夜晚宵夜可以試一試。而不選擇海鮮或者肉類，同事選擇了魚肉雲吞米線。雲吞內餡通常使用 **魚肉（如鯪魚、馬鮫魚或鱈魚）**，口感細嫩滑彈，帶有淡淡的海鮮甜味。 佢雲吞皮薄滑，吸湯後仍保持韌性，咬開時魚鮮味會釋放到湯中。。😀實物系無問題，不過張臺細，四個人搭台圍住又真系好逼。🤣不過對比北角分店，東大街多人好多。

今日喺筲箕灣試咗間餐廳，點咗炸豬扒米線，真係好正！🍽️炸豬扒外脆內嫩，咬落去肉質鮮美，裡面仲有豐富的肉汁，簡直係一口接一口！而且佢嘅調味唔會過鹹，正好襯托出豬肉嘅原味，食完真係令人唔停口！👍🏻另外，餐廳仲有配搭嘅小菜，特別推介佢哋嘅酸菜，味道酸酸辣辣，正好可以中和炸豬扒嘅油膩感，令整個餐點更加平衡！🥬總括而言，呢間餐廳嘅炸豬扒真係值得一試，價錢合理，味道一流，如果你喺筲箕灣，一定要去試下！推介指數：⭐️⭐️⭐️⭐️

最鍾意嘅米線舖，特登過嚟食，已經食過無限次，水準都keep得到，都係咁好味🥰佢嘅招牌係炸豬扒米線，我加多個什菌雙拼🤭豬扒有2大塊，軟腍入味，湯底清甜，米線又滑又彈牙，配上佢特製嘅辣酸菜粒，開胃又過癮，每碗仲有花生同蔥花配搭，口感層次更豐富，最後連湯底飲埋都完全無涸喉。份量仲要超級足，真係抵食到不得了👍呢次叫埋炸雲吞：鮮肉雲吞口感扎實，經酥炸後外皮薄而鬆脆，外脆內嫩，令人不禁一口接一口吃唔停呀！😋

去完郊遊 喺東大街食咗少少小食打底 就諗住搵間餐廳坐低食個early dinner 見呢間米線多數分店都係港島 平時冇乜機會食就試下 叫咗一個招牌豬扒酸辣米線 同埋一個撈薯粉如果話係招牌 咁呢個豬扒米線就比較有啲普通 湯底係普通清湯 米線尚算煮得有咬口 配料有啲鹹酸菜同花生 花生好脆值得一讚 豬扒就係普通豉油豬扒 偏薄冇特別炸得酥脆嘅印象 就係好普通 四十幾蚊街坊餐廳算係咁 唔使特別試而撈薯粉就比較失望 撈麵嚟講配料唔算足夠 都係有啲花生同酸菜 撈薯粉嘅“汁”主要係辣油 但係油嘅味道講唔上香辣 食落嘅感覺就係冇味好油 有啲慶幸冇嗌撈公 因為起碼薯粉唔會太索油整體嚟講薯粉留低嘅壞印像實在太深刻 真係盡咗力都食唔晒

胃口麻麻!見到佢地鲍片蠔仔肉碎湯飯外賣上公司食!大大碗，湯同飯分開上，已經細心!味道方面幾好，蠔仔也很多，冇沙!入口鮮美!肉碎也唔少，又有鲍片同葱花，值得一試!

無意中經過見到咁多人～一於試吓～果然有驚喜👍都幾多選擇，而且仲有比較少係米線店見到嘅 蠔n羊～🍽阿一真味豬扒酸辣米綫🍽💰46💰一打開見到豬扒咁多都幾吸引🤭豬扒唔鞋口～花生好香～酸菜惹味～真係唔錯👍值得一試～CP值：🈴味道：🉐

今日去開筲箕灣,諗起之前分別有幾個人都推介我去東大街可以試食阿一豬扒酸辣米綫,所以今日一於去試下今日叫左2碗米綫~蠔仔豬扒米綫蠔仔好滑好好食,都唔會係好迷李豬扒分量OK,但味道就一般般~韮菜餃豬扒米綫韮菜餃味道OK!

每次吃午餐都見到這家店有很多人叫外賣，加上本人為米線愛好者，所以試試這家店的米線可不可以變成我的新飯堂1. 阿一真味豬扒酸辣/清湯米線第一次食這家店，當然要點招牌菜，雖然我不能吃辣，但為表誠意，我還是叫了微辣試試看🤣果然，對於譚仔十小辣都覺得不能接受的我，還是太看得起自己，辣到我眼淚狂流所以我第二天又試了清湯，不得不說，酸辣湯還是比清湯香的，尤其是酸辣湯的花生，可是十分香口，花生味非常濃郁，就算泡久了湯，入口還是脆的，真的是畫龍點睛之作👍🏻豬扒份量非常足，看圖就見到有三大塊豬扒，非常入味，一點都不韌，容易咬開，符合追求午餐平靚正的打工一族的要求必2. 凍檸茶檸檬茶其實只要檸檬入口不苦，茶底不要太淡，基本上是不會有問題的 但這家店竟然不能叫熱的，還要不能叫「走甜」，對我來說就不太能接受，不過對一般人應該沒什麼影響整體來說是個不錯的午餐飯堂，想不到吃什麼都找他應該就不會錯了❤️‍🔥

午餐想食啲開胃又濕嘅嘢。就諗到想食下一豬扒酸辣米線。因為好少過嚟筲箕灣對上一次食已經係幾年前。今日係觀音開庫嘅日子對面個天后廟排曬長龍。好彩間米線條隊無咁長午市要排隊排咗一陣間好快有得入去。環境你返集普通面店咁，坐得有啲逼。叫咗個招牌豬扒酸辣米線，45蚊。加個飲品可樂要9蚊都幾貴。豬扒有三舊都幾大塊，有少少肥膏食落好香口。個湯酸味味好開胃。個湯入面有好多酸菜夾埋啲米線一齊食好正。口淡淡嗰陣時食下呢碗嘢都幾舒服架~！

看見有不少好評，所以入內試下。可是，實在大失所望，太難吃了，很久未試過出街食飯食淨大半碟咁大嘥。不明白店舖為何這麼多顧客。豬扒乾巴巴，調味非常麻麻無咩味道。豬扒酸辣米線只有辣味毫無酸味。豬扒撈丁的豬扒無湯浸住仲更加乾，撈麵極難吃，吃不下去。不想浪費食物但真的吃不下了,貼錢買難受。很少寫差評，但這次真的忍唔住要寫,十個伏，完全不明白“著名”在哪。店員服務亦很一般，落單追飲品回應只係一兩隻字，講多句都嫌費事。

朋友介紹有間又嘢味又抵食嘅米線店，就係阿一豬扒，原來佢有幾間分店，我就揀咗筲箕灣呢間。筲箕灣分店位於出名美食多嘅東大街。舖頭啱啱裝修完，唔係好大，都擺放咗5張枱。朋友話最出名嘅係豬扒酸辣米線，但我見到佢有上海麵一於就嗌豬扒酸辣上海麵。碗麵份量都好多，表面有蔥、花生、自製酸辣菜。湯底酸酸地辣辣地真係好惹味。感覺到佢個湯係清湯，所以唔會太鹹，酸菜爽口又好食另外叫咗個麻辣魚皮小食，啲魚皮好鮮好爽脆，仲有好多青瓜半碟，唔怕冇菜食地址筲箕灣東大街30號地舖港鐵筲箕灣站B2出口步行約2分鐘

🎈 建議場合：#即興食飯 👤 建議人數：1-2人（最多可容納4人檯）💸 人均消費：<$50【1個人食咗啲咩？】阿一豬扒酸辣米線⭐「好可惜 已經完全失曬準」我又細細個個陣已經好鍾意食阿一，當年佢啲豬扒鬆軟可口，調味料好惹味、好入味，對我黎講真係全港最好味嘅豬扒！個湯底充滿蘿蔔清甜嘅味道，配上開胃嘅酸菜，辣辣地好過癮。一碗麵嘅份量都好大，食到個肚好撐都係先唔洗$40埋單。咁當然依家通脹加價都好合理，但係食物嘅水準已經完全無曬。近尼一兩年食嘅阿一豬扒乾到無人有，真係好難食，連以前嘅味道都無埋，所以我決定唔再去食。到最近，我想俾多次機會阿一，睇下野食嘅水準有無皓好番啲，結果4塊豬扒入面得一塊係好似之前咁，其他都係乾噌噌、又硬。依家湯底亦唔再送蘿蔔，亦無蘿蔔味。如果有機會，我真係好想可以再食到阿一豬扒酸辣米線以前嘅味道，但係依家真係太難食啦，真係好可惜，而我應該都唔會再去食了。📍 *阿一豬扒酸辣米線筲箕灣筲箕灣東大街30號地舖 (港鐵筲箕灣站B2出口 約2分鐘路程）

👉🏼酸辣豬扒拼魚腩米線👉🏼酸辣豬扒拼雲吞米線豬扒一般俾2塊如果細塊嘅話會俾3塊分量超超超足魚腩有2件2大粒雲吞滑嘟嘟但味道今次就退步咗🥲冇酸冇辣味仲以為叫咗清湯米線過淋以前食嘅彈牙感唔見咗🙈味道：🌕🌕🌗🌑🌑CP：🌕🌕🌗🌑🌑--------------------

好耐冇食過呢間出名嘅豬扒酸辣米線啦🤣 今次咁啱嚟到東大街，一定要黎食返碗先🍜 佢嘅豬扒真係整得超好食，大大塊啖啖肉👍 再配埋調味啱啱好嘅酸辣湯底，簡直冇得頂😋

Havent visited for awhile, and I was craving for mixian🤤 I ended up deciding to go A One🤩! We ordered the turnip and dumplings noodle in spicy and pickles soup and famous pork chop noodle in regular soup.Sponge like turnip absorbed all the soup that every bite was a mouthwatering taste🤩 Generous amount and big size turnip pieces not only just act as a vegetable role but giving an unique texture. Noodle was chewy and all coated with soup. Dumpling wrapping was thin that it's see through the stuff