阿一豆花

营业中

休息中

熱咗幾日，今日又降溫，行過深水埗見到好多老人家係呢間門口排隊買豆花，可能因為門口大大字寫住選用加拿大非基因改造特級黃豆，再加上現場新鮮製造，所以咁吸引啩店里有少量企位可以堂食，可以自己中意落多落少薑汁等調味，不過位置比較擠逼，見到價錢牌，11 －13元各種豆腐花，每款都唔貴，都係外賣買返去同屋企人一齊分享豆腐花本身就有少少甜味，我想健康D選擇唔落糖，豆花非常嫩滑，綠豆紅豆🫘薏米都大大粒，芝麻糊香濃，都好味，下次可以試吓淨芝麻糊

今天下午，我們去到深水埗桂林街阿一豆花(深水埗)下午茶外賣。 我們分別點了五款豆腐花：冰糖豆花、薑汁豆花、紅豆沙豆花、芝麻糊豆花和薏米銀杏豆花。冰糖豆花，是一道經典的甜品，豆花滑嫩，淋上冰糖，甜而不膩，讓人回味無窮。薑汁豆花則帶有一絲辛辣，薑汁的溫暖感覺與豆花的柔軟形成完美的對比，特別適合寒冷的天氣。紅豆沙豆花，則是另一種受歡迎的選擇，香濃的紅豆沙搭配豆花，口感豐富，讓人感受到傳統的美味。芝麻糊豆花，則以香濃的芝麻糊為基底，散發著濃郁的香氣，讓人每一口都充滿幸福的滋味。最後，薏米銀杏豆花，不僅美味，還有養生功效。薏米和銀杏的搭配，使這道甜品更加營養。這些豆花各有特色，都是絕佳的 下午茶 選擇。

路經位於深水埗站C1出口附近的「阿一豆花」，看到有不少人在排隊購買，店外寫着選用加拿大非基因改造特級黃豆，而店內則有立食區，也站了不少顧客堂食，我決定買幾碗外賣回家與家人分享。除了原味豆腐花外，當然要試試這裏的特式糖水雙拼：芝麻糊豆腐花、紅豆沙豆腐花、綠豆沙豆腐花、薏米杏仁豆腐花，雙拼糖水有齊我喜愛的味道及香滑的豆腐花，好味道！豆漿亦有多款味道，例如無糖純豆漿、薏米純豆漿等，我想特別啲試吓燕麥味豆漿，好香燕麥味，好好飲！

天氣轉涼想食碗暖心豆腐花，仲要係咁加紅糖同姜糖水🥰個隻，係深水埗C1出口後面，見人地企係街到食緊一碗碗野，八掛下原來係我心心念念的豆腐花！大大隻字寫住用上加拿大非基因改造黃豆，而且仲有好多款口味豆腐花、可以自行加紅糖薑糖黃糖，嗜甜人士一定要食，而且價錢都係$11一碗，仲可以雙拼芝麻糊！陳皮百合蓮子紅豆沙：百合能清心安神、潤肺止咳、益氣養陰。鮮蓮子能養心健脾、益腎澀腸。 對脾虛泄瀉、。 紅豆能清心火、補心血、養顏抗衰老，同時紅豆能强化骨骼，用上自家陳皮，仲要賣緊良心價錢$11一碗，不得了。臭草海帶綠豆沙：綠豆花煲至棉滑，具有清肺解热、治疗消化不良，有健脾理气、开胃的功效，而且臭草气味芳香，行散理氣。薏米白果豆腐花 ：甜度適中，味更綿密更滑順，薏米清熱解毒白果養顏，豆腐花香軟細滑，豆味濃郁。芝麻糊：一食就知自家磨製黑芝麻糊，吾係用粉沖！黑芝麻有良好嘅纖維、仲可以生頭髮、多食幾碗，可以有助睡眠、熱食更正！總結：一想起中式豆腐花 一定要嚟深水埗呢間阿一豆花價錢優惠 味道合宜

突然想食豆花，見到呢間專賣豆花，唔係乜都賣的一般甜品店。於是order 左兩碗中式糖水人氣熱賣的芝麻糊豆腐花，豆腐花勁滑，又有豆味，芝麻味濃，果然冇令我失望。蓮子百合紅豆沙，勁大粒軟綿紅豆，好重陳皮味，超正

呢排打風，天氣開始轉涼，諗起係時候落深水埗食豆腐花😬隔咗一排冇食，依然係幸福嘅味道。#見到阿一豆花最近加咗價，升幅有$1-2，仍然係抵食嘅。不得不提，原本係無三拼嘅選擇，但員工畀我自己揀三款：凍蓮子紅豆沙、凍芝麻糊、熱豆腐花，只不過收多$2咋！員工好隨和，都好flexible。#滿足咗我三個願望之後，好天氣加上好心情，食落零舍滋味😆推介豆腐花要叫熱嘅，口感嫩滑啲，又可以緩衝吓豆沙麻糊嘅凍，始終食太多生冷嘢對身體唔好。#細細一碗，豆腐花比例佔最多，紅豆沙同芝麻都唔少，有幾粒蓮子，味道濃郁，$10一碗認真抵到爛呀。#疫情前呢間店出面都企晒食豆腐花嘅人，而家冇咁迫，可以入去小小隔板嘅位置安心品嘗。

自唔再食公和哩d無良垃圾店之後,成日經過哩間豆腐花店都會想試下,成日見到d 人街係街度食,依家咁環境更係買走拎返鋪頭食啦,反正男人一向喜歡豆腐花,就黎個薑汁凍豆腐花,多薑汁,兩匙更紅糖,賣相幾好,入口薑味先黎,唔錯,夠薑味,涼涼既豆腐花幾滑,豆味都幾香濃,加埋紅糖,食得幾舒服,一碗係$8,雖然見到佢貼左張紙雙拼係$7,咁單拼仲貴一蚊?是旦啦,反正唔鍾意溝埋芝麻糊果d 食,$8食幾碗都抵吖...男人好快成碗啪曬,我食得兩啖,早知買兩碗.

本身抵，依加疫情做優惠，買二送一，更扺！💰本身$9一碗豆腐花，依加平均$6一碗！不過打工姐姐有時幾惡，態度其實唔算咁好。.小編經多次幫襯佢既經驗，建議食⭐️熱豆腐花。熱豆腐花比較滑，入口好順。凍豆花較實，較鞋，入口有少少微粒咁，冇咁好食。.🔸花奶豆腐花($11)⭐️分數: (7/10)小編本身就好鐘意食花奶，所以好推介呢個。熱辣辣又滑既豆腐花，加埋花奶既香味係我至愛。熱豆花最緊要係落黃糖，唔似落糖水果種死甜。.🔸黑芝麻豆腐花($11)分數: (4/10)唔好食，佢個芝麻糊味同豆花完全唔夾！.佢既堂食只係店內(4個企位)/店外(門口)既立食，疫情期間，當然買走食最好啦！

如果我後來不是在「開飯喇」戶口裡面，不斷搜尋其他深水埗中式甜品店的話，我也不會及時發現，當日在深水埗光顧的豆腐花甜品店，名稱不是叫「一豆花」，而是應該叫做「阿一豆花」。深水埗「一豆花」雖然存在，但是不是我今次光顧的深水埗豆腐花甜品店。恰巧當日我在深水埗光顧「阿一豆花」期間，「阿一豆花」旁邊有工程正在進行，所以「阿一豆花」附近都搭建了很多棚架，棚架將「阿一豆花」裡面的「阿」字都完全遮蔽。結果當時的我胡裡胡塗地，不小心把「阿一豆花」當作了「一豆花」看待，還差點寫錯食評。幸好我一向積累太多已光顧的食店，但是未寫的食評，上天還給了機會我，尋回真正的「阿一豆花」。我直到準備寫食評的一刻，翻查「開飯喇」裡面的食店資料，發現原來另外有「阿一豆花」，我才能逃過一劫，尋回「阿一豆花」，寫到真正的「阿一豆花」食評，「阿一豆花」招牌頂蓋裝修棚架幾乎壞了我大事。我在「阿一豆花」只是購買了一碗，同時有豆腐花跟芝麻糊的甜品「芝麻糊豆花」而已。「阿一豆花」的甜品售價頗為便宜，只需要港幣十一元而已。不過，食客在深水埗「阿一豆花」裡面享用豆腐花甜品，唯一方法只有「立食」一個方法而已。食客全程都只能夠站在「阿一豆花」舖頭

住得遠但成日都特登搭車去食😋豆腐花同豆漿的豆味濃 又唔太甜健康好食👍🏻薏米大大粒 粒粒有咬口 口感一流 正！豆品款式味道多選擇價錢實惠門面阿姐又好禮貌推薦舖面細細間但的確係同區最好味

難得星期一紅日唔洗返工，就去深水埗睇下平野同食吓野啦😋 比朋友拉咗入呢間「阿一豆花」，佢食過話好味要一齊試，好啦平平哋一試無妨😉😉我見啲街坊都係堂食，店裡面有幾個企位，亦都有唔少人拎住個碗就咁係門口食😋 其實見佢款式都幾多，但我今次淨係試咗薑汁味，下次有機會經過應該會試埋其他😇😇🔸薑汁豆花🔸 ($9)我哋2個人share一碗，份量都幾多。有得揀落紅糖、薑糖同冰糖✨👍🏻豆花好滑🤤亦好香豆味，有3款糖逐個試都幾正😂

第一次食覺得幾好，豆腐花夠嫩滑，蕙米係我鍾意既口感，煮到剛好有咬口的，不會太林，不錯。糖都可以加薑糖漿，呢樣野都抵讚！下次都試下其他，呢到仲有紅豆沙、綠豆沙豆腐花，仲有望落好正好滑既芝麻糊，係店到可以企係到食，不過可能係豆制品有腐乳個啲，所以有少少唔係太好聞既味，但接受到。

由於要去外地揸車，所以上深水埗運豬處囉國際牌，好順路行咗去阿一.今次點咗個"黑白"，即係豆腐花併芝麻糊！極欣賞阿一嘅自助落糖方式，唔夠味可以任加，當然，做人又唔好太過分不停咁加啦！今次先發現，原來一直加嘅"糖水"，唔係一般普通嘅"糖水"，係薑糖！再嗒真D，係喎，有薑味喎！而且薑味唔少喎！失覺哂！連小小嘅糖水都咁細心重視，有咩辦法唔俾Like呢？

今晚做電車男，落去香港秋葉原買電腦產品！攪掂完想食D野，但又唔係好肚餓喎，腸粉又排哂隊，okay，食碗豆腐花啱啱好。大大話話兩年無食過阿一，唔知有無搬走，好彩重係到！早排去海記食咗一個淡戊戊嘅綠豆，今次又試試阿一嘅綠豆甜度如何先！叫咗一碗凍綠白...... 天氣雖然涼咗好多，但係..... 都重係未想食熱嘅豆腐花囉！其實有D擔心阿一去貨快，雪得唔夠凍，所謂嘅凍豆腐花可能一D都唔凍，點知擔心係多餘，碗豆腐花夠哂凍！正！第二樣擔心綠豆唔夠甜，又係多餘！阿一提供埋黃糖同冰糖水，重有薑汁添，夠哂細心啦！不過，綠豆本身都煮得夠甜。豆腐花夠滑之餘，份量又足夠。見到佢有黑白，如果係芝麻糊的話，下次試黑白。

今晚天氣11/12度，來開鴨記買野，經過呢間豆腐花，見到不停有人食呢間豆腐花，好似好吸引咁。行埋去睇下，見到如果堂食既話，佢係用舊時個隻公雞碗裝住架，好有feel.呢間鋪頭十分細，鋪入有數個堂食既企位，但我地揀左企係鋪頭出面食。姐姐舀左一碗豆腐花俾我地，薑汁就擺左出來俾我地自己加，紅糖都係自己。薑汁係呢個天氣食真係超正！食完成個人暖晒！而我個人好鍾意大家企街邊齊齊食小食既感覺。而雖然係小食店，呢間野既衛生程度唔錯，啲枱面同碗都好乾淨。