閨•家 (寶榮大廈) (已結業)

睇完late show，係平板螢光幕都感受到餐廳的熱誠，媽媽的豐富煮食經驗，囝囝的食物執著，囡囡的飲食要求。因此，決定搵日幫親下！我住九龍的，唯有早點去買外賣回家食！5點鐘到達，點知職員已説：冇豬扒冇豬手冇雞冇老火湯！煲緊要6:30先有！仲要話，老火湯是送的，不會補任何嘢給你！心諗，唔係呀嘛！已經唔係太想食，但我又山長水遠坐車專登嚟，就買個飯食下！再細心諗諗，杜先生的威力好驚人，可以令此店起死回生！勁！咖哩牛腩飯可自選辣度，我要咗中辣，真心味道唔錯，咖哩係港式咖哩味，味道帶濃，以港式手法來説，真是高手！當然唔可以同巴基斯坦咖哩來比拼啦！豬軟骨飯豬軟骨好淋，肉質好軟，好有肥膏嘅口感！味道非常不錯，肉好入味。今次唯一的失望是不能品嘗其冇味精老火湯，希望下次能買到啦。

粉紅色嘅外牆，比到我一種好舒服嘅感覺，間隔亦唔會好似茶餐廳咁有一種好壓迫嘅感覺，成個感覺，真係好似「家」❤️係下午茶時段，叫左個招牌豬扒紫薯麵😋 等左十分鐘左右就到👍🏽 勁鍾意佢地個湯底😭❤️ 真係完全feel到無味精，仲要勁好飲😋 本身無期待太多，點知一飲好驚訝🤭 至於麵，雖然食唔出有紫薯味🤣 但口感真係幾特別，好自家製feel，係其他地方唔會食到🤭 豬扒就不過不失啦😉成個餐包埋野飲，四十蚊真係抵食🤪

光顧既時候特登揀下午茶時間，但都係要等位大約等10分鐘左右差唔多就到時幫你落埋單量體溫，搓手後就入得去坐，等多一陣就有得食了我去到既時候大約4：15pm ,已經無曬豬手同藕餅所以點左個咖喱飯配一盅小湯+$5有野飲小妹點的是中辣，咖喱好好味，豬扒好淋，醃得夠入味唔會有腥味，薯仔亦炸過唔會散汁飯分開上係超級讚，因為我唔鐘意整到啲飯糊狀的都睇得老闆們細心的安排湯亦好好飲，差啲想買多個外賣湯真心比起鴻x堂個啲湯好飲好多，好清甜正享用我午餐的時候，豬扒及堂食送的小盅湯亦相繼沽清雖然餐廳有限座令，但網上外賣平台的外賣聲不斷叮叮網上外賣平台 大叔亦有係門外守候。。。欲免向隅，如果想食你心目中既美食真係要早啲黎啦=）同路人加油，手足加油黃藍是政見，好食是良知呢一篇食評係我第一次寫既食評我開左咁多年openrice account都無想過要寫但係我想更多人知道你哋既好，幫到更多既人雖然我呢啲中女一定上唔到前線但願做個肚餓都只吃黃店的小市民讓更多人明白你我雖然力量微小但每人多走一步就形成黃色經濟圈

睇完杜生介紹，就立即約朋友去試下，一放工6:45pm就到閨家，當晚重落住毛毛細雨，但已經排梗條小人龍，企左唔係好耐，老細已經同我地講有部份食物賣晒，包括我最想試既豬手、藕餅、豬扒😭雖然咁，但都無阻我繼續排隊嘅決心（其實係朋友未人齊，都唔知去邊好，咪排住等😅）但老細真係好好人，不時冒雨走出嚟照顧另一條外賣既人龍，不時又更新我地重有咩賣，而且重叫啱啱到既唔好排，下次先再黎，好有禮貌，重送左碗湯比剛到既人，等佢地唔洗白黎，但等得出佢係計住計住自己重耐唔耐湯水先送。我地終於入到店內坐低食，其實選擇已經唔多，好彩重有我都想試既手打麵，有3款，包括紫薯、甘筍、菠菜，今次我揀左紫薯麵配雞翼，朋友就揀左紫薯麵配口水雞，另一個就要魚柳咖喱飯（唔記得影相🙈），雖然大部分都唔係鋪頭既招牌野，但都唔差，雞翼好香口，重有雪菜比我配麵食，而且放麵既湯底都好正，絕對唔係味精湯，飲多兩啖都唔怕。原本食麵既係無湯配，但老細見我地辛苦排隊，送多埋比我地，係蟲草花煲雞湯，超甜超好飲，蟲草花仲好粗食😆

又一間價錢平宜的小黃店，仲標榜住家風味sell健康。學生去仲可以免費飲湯。今日去到好多人排隊，竟然等左大半個鐘。奈何最期待的豬手賣晒，叫左其他野。1.香煎蓮藕餅配豬扒飯+老火湯（細）蓮藕餅煎得香口，蓮藕絲粗幼適中令口感豐富，很足料。豬扒則較淋，且較鹹。2.咖哩雞飯+老火湯（細）咖哩汁叫了最少辣，食落冇咩辣味，正合我意。汁甜甜地有少少椰香，非常易入口，送飯都一流。雞脾本身也有少許調了味，配上咖喱汁很開胃。3.紅蘿蔔沙蔘煲鹹排骨湯以上飯均免費配老火湯。湯真係好好飲。標榜無味精，真係冇呃人。很清甜，而且排骨竟然真係鹹香，不只是普通瘦肉放入煲湯。

前幾日睇杜文澤既yellopenrice節目介紹呢間良心小店，見好吸引，決定同個朋友去食個晚餐支持下佢地～果然受到節目加持後，好多人過來支持佢地，我地要等左成半粒鐘先入到去食～呢間小店日日都有唔同既無味精靚湯個湯味道非常清淡，十分足料仲有湯渣食～真係同屋企既阿媽靚湯同一味道啊～咖哩魚柳飯$46（中辣)有別於其他餐廳，佢地既咖哩非常重椰汁味，中辣都唔算好辣，魚柳細細塊炸得好香口，呢個咖哩撈飯食絕得一流👍👍👍五香肉丁炒飯$45熱辣辣非常有獲條，仲炒得好香～總評：店主非常有心經營餐廳，價錢又經濟實惠，高度推薦給大家啊～

幾個月前小店岩岩開張無耐 lunchtime經過 見到坐無虛席 又被menu上既幾款手工麵吸引住 所以早早bookmark了閨·家☺️近排喺fb睇左閨·家老闆娘同囡囡既訪問 所以就的起心肝要幫襯一下😆小店地方唔大 但一入去就好似置身自己間房咁😍 pastel色調既牆身上有童話畫風既圖案💕 柔和舒服😌 好有一種媽媽為囡囡度身訂造睡房既感覺~~講講食物啦💁🏽‍♀️手剁鹹蛋煎肉餅配手工菠菜麵($43)手工麵軟硬度適中👍🏽 無添加防腐劑果然口感同平時食到既麵唔一樣~~肉餅充滿鹹魚嘅鹹香 煎得香口 讚!咖喱豬扒飯($48)除左咖喱專門店 好少餐廳會俾客人自選咖喱既辣度🌶 本來諗住「家」既味道應該會清淡d 有衝動諗過叫大辣 好彩最後揀咗中辣🤪 因為中辣已經夠刺激啦!咖喱既濃度岩岩好 同豬扒幾夾😀雙蛋豬扒飯($43)無咖喱既豬扒飯更突出豬扒既味道 微微果香 肉質鬆軟👍🏽用心做既食物就好好味呢度既食物全部都人手製作 預備需時 欣賞堅持零味精!一定會再黎💛

經過咁岩見到有間新開嘅茶記鋪面細細燈光光線充足，牆壁幅畫少女風，好夢幻呀♡ ♡ ♡招牌豬扒飯豬扒薄薄一片醃好秘醬汁肉質更Juicy配合豉油非常之夾，另外配菜有家咗香蔥同雪菜撈埋白飯更加香😋♡ ♡ ♡五香肉丁炒飯我其實都幾鍾意食炒飯嘅今次帶咗個五香肉丁碎炒飯配合左香蔥啦請用啦。當然重點係五香浴丁說加咗一隻蛋係吵架成個整體嘅口感係非常豐富, 炒飯粒粒分明唔會太油，有少少辣味好味，我太肚餓比我食晒🤣♡ ♡ ♡✨睇餐牌原來呢度都有手工麵，麵條全部都加咗菠菜、紫薯同埋蘿蔔夠晒健康，下次一定要試吓☺️

買外賣，三份下午茶+三杯凍檸茶，返到屋企先發現得兩杯凍檸茶😔講真，今時今日，唔會為左一杯凍檸茶再嘥一個口罩落街攞返。只係諗住打去講返一聲俾你地知。打左六次，終於有位小姐聽電話，我俾單號佢查返，我都只係期望聽到一句sorry。佢睇完，答我: 你睇返單啦，我地只係收左你一杯凍飲錢丫，收左一次兩蚊咋，你話同事仲俾多左一杯你添？？Excuse me，我係叫三個餐，三杯野飲！我點知你點入單？總之而家就係少左一杯野飲！你講到咁，我係咪要多謝你送多左一杯俾我呢？🤷🏻‍♀️然後呢位小姐話: 我地頭先忙丫嘛，唔好意思囉~~~!! 繼而收左我線！！無錯！係cut左我線！我未試過幫襯一間餐廳嬲到要寫食評！無下次！☹️☹️

同朋友去街當然就要食野啦，肚仔餓要去食下野先，見到附近有粉紅色既餐廳【閨•家】，就係北角蜆殻街6-16號寶榮大廈地下F號舖，被餐廳內牆上既壁畫吸收住。🍫朱古力脆脆西多🍞 $30又厚又大件既朱古力脆脆西多，又多醬又惹味，特別係西多面有好香既朱古力脆脆，好好味☕凍奶茶 (跟餐+ $5)香滑凍奶茶，奶同茶份量剛好，好飲。🐖家傳炆豬手飯 (限量供應) $46呢款係限量供應，店員話有時好早就賣哂，🤩好彩我地剛去到有幸食到，唔食呢個你就蝕底啦。肉質又滑又軟綿綿，仲好大件，有種入口即溶既感覺，個汁仲好好味，🍚撈飯真係一流，又抵食又好食😋，一食就愛上。配 老火湯 (細)🍲今日個老火湯係五指毛桃准山煲雞，個湯又香又足料，夠哂保身。🐖慢煮豬軟骨手工麵 (紫薯麵) $45 有3款麵選擇 ( 🥬菠菜麵、🥕甘筍麵、🍠紫薯麵) 手工麵係即叫即製，絕無防腐劑及添加劑，特別加入咗各種蔬果而製成，真係好特別。所以我選擇咗🍠紫薯麵🍜，出面我從未食過，有紫薯味既麵，又軟綿綿又好有咬口，真係好特別，連個湯底我都愛上🍫熱朱古力 (跟餐熱飲)熱朱古力一啲都唔甜🍫

係炮台山七海商業中心附近橫行有間幾靚既餐廳.我個可愛既小朋友話好想黎食就黎食野啦裡面粉紅色裝修,好靚呀…難怪小朋友會鍾意啦還有好多好得意而有意義既公仔.更加覺得值得要黎每個餐具同碗都有閨家餐廳的名,好似提醒我地go home 朱古力脆脆西多$30 小朋友同大人都好鍾意.好好味,又唔太濃韭菜豬肉水餃手工麵(波菜麵)$35清清地,水餃好有口感雞翼薯條$30大大堆薯條.新鮮整出黎,超級好食老火湯$28 海底椰栗子煲豬展(超級滋潤,補身)最岩屋企煲唔到湯既朋友黎飲.好足料凍檸蜜兩(下午茶包埋)好大杯.好滋潤職員好友善,細心!值得加分食到我地兩母子攬住個肚走人.小朋友話好鍾意.得閒要帶佢黎!

今日嚟炮台山, 見到開咗間 「閨．家」，揀呢間餐廳，係比個 老火靚湯 吸引。疫症期間，店員好貼心，給予信封擺放口罩。午餐時段，揀咗招牌菜：香煎蓮藕餅配豬扒飯，熱辣辣嘅蟲草花冬菇雞湯，好甜好滋潤。豬扒果然係招牌菜，好淋，唔會好鞋。豬扒個汁好入味👍🏻蓮藕餅都好好食，煎得好香，配埋薑蔥同梅菜兩種口味。因為今個午餐有驚喜，叫多碟麻辣雞腎試下，好正。香濃蒜香嘅辣味😋幾十蚊食到一餐用心製作嘅午餐，仲有靚湯飲，好抵食👍🏻

2020年3月16日。晴。炮台山。呢日屋企冇飯食，放工就同同事一齊喺附近搵食喇～撳下撳下見到呢間黃店，就食佢喇！一坐落店員就好貼心咁擺低兩個抗疫信封畀我哋～～見到仲有酒精搓手液添～餐廳入面牆身畫咗好夢幻嘅獨角獸～啲凳仲要係粉紅色，成個風格好少女～餐牌最引人注目就係呢個招牌豬扒系列～見到都流晒口水！仲要有湯送～供應時間係11am至2am！換言之即係全日供應咁濟！晚餐都只係$45，呢個時勢真係買少見少！另一樣引人注目嘅就係呢個色彩繽紛嘅手工麵～嗌飯餐嘅話會有湯送，仲要每日轉款！！！凍檸茶，跟餐+$5可能太耐冇飲凍檸茶喇～覺得好好飲～凍奶茶，跟餐+$5同事嗌嘅凍奶茶，都唔錯咁喎～抗疫老火湯，跟餐免費有湯飲～星期一係青欖、青蘿蔔、杏汁同豬展介紹度寫嘅功效係青欖利咽生津解毒，杏汁止咳平喘好啱呢排飲呀！！仲要係不含味精！健康好味～蠔油生菜，跟餐+$10除咗生菜仲可以揀菜心唔鍾意蠔油又可以揀豉油～蓮藕餅豬扒飯，$48飯量非常多，最後食唔晒。。。早知叫少飯喇，唔好浪費～有一塊藕餅同一塊招牌豬扒～藕餅睇落平平無奇，食落喜出望外！口感有層次，蓮藕嘅質感爽脆，但又未去到食落嗦嗦聲嘅地步同肉碎撈埋整成肉餅，煎

前幾日我同女朋友不停發掘有咩新嘅良心小店可以食 又唔想成日係公司附近食 之後比我地搵到呢間距離OK 又未食過嘅 今日見收工得閒即刻去試吓先🙈餐廳喺炮台山地鐵站出會近啲入到去餐廳有好多得意嘅擺設 同埋裝修好有少女心🙈呢度有好多唔同嘅港式菜式！最緊要係佢仲有好迎合時勢嘅抗疫老火湯添阿！希望飲完可以強身健體啦💪🏻•咖喱牛腩飯🥩🍚•-我首先就叫咗個自己勁鍾意食嘅咖喱牛腩飯！呢度嘅咖喱牛腩飯椰汁味好重 而且份量仲好足添阿！🙈而佢嘅牛腩就炆得好入味 每一舊一咬就鬆開🥰•五指毛桃煲雞老火湯🥘🔥•-呢度每個套餐都會有送一個老火湯 好抵阿！而且每日都唔同架！👍🏻雖然套餐嘅係細細盅 但材料一啲都唔孤寒！•麻辣雞腎🐔•-之後我哋仲叫咗一個小食！呢個雞腎少少辣多多麻 辣得嚟仲好開胃添阿 而且仲好爽口🤤•凍檸蜜🍋🍯•-食咗咁多嘢最後嗌番杯凍檸蜜消下膩先☺️大大杯檸檬味同蜜糖都好👍🏻.呢間小店咁貼心 梗係要支持下啦！🙈

我一坐底就比左張A4接成既信封比我放口罩（店員超超超貼心蓮藕餅配埋雪菜肉絲好好食仲要係2大塊個麻辣雞腎唔夠辣但都ok個手工紫薯麵有驚喜，終於知點解唔做外賣麵超超超超～香係一間超高汁黃店食完有種幸福感維持到依家P.S成間店好粉好有少女心，但感覺好溫暖