閔大人 (啟岸)

营业中

休息中

舊區重建帶給我們的除了更多(更大也不盡是)的屋住地方外, 其新起的商業空間也提供了不少不同菜式的新餐廳, 就像今次介紹的韓式炸雞, 也是在新屋苑地下. 餐廳名為”閔大人”不知道是否因為老闆是大長今的Fans, 但主打韓式炸雞在紅磡這舊區來說, 也算新鮮. 店家面積不大, 作為炸雞這類速食, 翻枱夠快, 營運上應該還算可以.套餐是半份無骨炸雞配紫菜飯卷, 有汽水, 泡菜和醃蘿蔔, 六十元的價錢說是飽肚. 飯卷口感清爽, 有青瓜, 黃瓜, 紅蘿蔔和餐肉, 味道微酸開胃, 比起薯條等炸類Side Dishes, 這飯卷更健康. 原味無骨炸雞外皮香脆, 炸彈粉夠薄, 雞肉Juicy而沒什麼油膉味, 比起連鎖集團的品質控制好, 略嫌雞件較細件, 似吃Chicken Nuggets多於傳統炸雞.Mr. Min Chicken is a Korean deep fried chicken restaurant in Hong Hum that is a typical old district in Kowloon. Since she is located at a new mansion, it

閔大人 (紅磡)紅磡馬頭圍道63號啟岸地下24-25號舖韓國食物真是我的摯愛，除了因為喜歡看韓劇，平時對韓國有憧憬，韓國食物也是非常吸引。這次就在紅磡找來一間韓國食店，店名是我最愛的角色「閔大人」。店內的裝潢有活力，現場播最韓國熱門的歌曲，一邊品嚐美食，一邊聽歌，環境舒適，食物優質。炸醬麵配炸雞翼（原味）$68炸醬麵撈勻來吃，麵條彈牙，炸醬本身有點像豬軟骨，但同時有炸醬香。炸雞翼外脆內軟，酥脆的炸粉，包裹着嫩滑的雞翼肉。紫茶飯卷配無骨雞（原味）$68紫菜飯卷很有麻香，裏面有最愛的小黃瓜甜蛋，配上泡菜吃一流。火龍果沙冰$38新鮮即點即搾的火龍果沙冰，甜度適中，用料十足，整杯都是濃濃的火龍果味。網紋密瓜沙冰$38網紋蜜瓜甜度高，用來製作沙冰一流，甜甜的網紋蜜瓜沙冰，細滑的冰粒！用料同樣足！抵飲！同場還叫了幾款炸物，平時在香港韓國店吃到的食物通常也是細細盤的，但這裏的一反我對韓國菜的形式，所有菜式都很大盤的，所以最後發現點多了。抵食！秋葵$28大杏鮮菇$28韓國人參$38蕃薯片$28炸物粉漿不會太多，粉漿有調味過的所以炸出來味道很好，特別喜歡炸仁蔘，第一次吃炸仁蔘甘香可口，連住粉漿吃是不錯的

收工有少少想食炸雞，諗起附近開左呢間新餐廳，土瓜灣既餐廳真係越開越多，岩岩搬過黎，真係有排我慢慢探索( ´ ▽ ` )ﾉ-半份蒜香味有骨炸雞$78有冇人同我一樣炸雞一定要食有骨既✌🏻炸雞比較細隻，但好香脆可口，唔乾，咬落都juic反而蒜香味我覺得唔係好出，但都好食，cp 值高-韓式年糕$38份量都幾多，魚糕都有好多塊年糕大大條，煙煙韌韌，而且煮得入味-紫菜飯卷$38材料豐富，幾種食材配搭有酸蘿蔔既飯卷真係好爽脆開胃

朋友搬左去土瓜灣，經佢介紹今日去左間好有韓國地道風味嘅炸雞店，快餐形式～餐廳播住k pop嘅歌，邊聽食雞食到好High🤭🤭一行二人叫咗兩個炸雞套餐 （$98）蜂蜜醬油無骨雞：食落好重蒜香味，炸雞好juicy、皮脆肉嫩，一啖咬落去雞油雞汁爆哂出嚟，口感非常豐富！食到膩再飲番杯Asahi，個杯好盞鬼，解渴又舒暢，真係happy friday😗😗兩個食到飽哂埋單都唔使$200，性價比好高，下次會再嚟過～

中午決定行遠少少去到啟岸嗰邊食晏，呢度開咗唔少餐廳，地舖有一間係食韓國嘢🇰🇷，叫「閔大人」。餐廳人氣好高，午市全場爆滿👏，我都要等咗陣先有位。呢度面積唔算大，環境裝修係常見嘅韓風，即係播緊K-pop同貼滿明星海報。呢度主打韓式炸雞🍗，佢設有套餐以及半份嘅選項，即使一人自私食都不乏選擇，好感動。另外，值得一讚嘅係餐廳出餐好快，炸物都居然唔使等好耐。套餐1: 炸醬麵配炸雞翼(原味)($68)，🍜炸醬麵唔錯，看似深色重口味，但實際上幾惹味，洋蔥煮到好甜好淋，而豬肉粒就肥瘦適中。麵條有啲似油麵同拉麵，麵質幾彈牙，加入咗青瓜絲🥒，有助提升整體口感。跟餐🐔炸雞翼有三隻，原味有啲寡，所以加咗$10轉蜂蜜芥末🍯，芥末味偏重，少少攻鼻，有汁蘸嚟食感覺無咁熱氣。雞翼炸至皮脆肉嫩，而且好肥美，就算食三隻都好似唔太夠喉。杏鮑菇($28)，無諗過炸物小食都咁大份，🍄佢有成接近十件，而且每件都大大嚿。杏鮑菇炸完都仲保持多汁，炸衣好正，薄脆如天婦羅一樣，非常香口，仲帶少少辣，佐酒一流。跟餐有酸蘿蔔粒作開胃菜🤤。總括嚟講，呢間韓國餐廳幾有水準喎，炸物好出色，炸漿控制得宜，炸完亦唔覺太過油膩👍。佢定價亦比市面上其他炸雞

呢日去到紅磡呢間新開嘅炸雞店食dinner。呢度有幾款炸雞套餐可以選擇，亦都可以單點。今次點左韓國燒酒套餐，有紫菜飯卷、無骨雞同埋燒酒，滿足多個願望，都只係88蚊。一份套餐當然未夠喉啦，我地再點多份嘉士伯配無骨雞，蜂蜜酱油味既無骨雞配啤酒真係超夾，無骨雞炸到外脆內軟，勁惹味。另外，我哋重點咗魷魚鬚同埋烤魚乾，烤魚乾真係超好食，勁香口，配酒一流。烤薯角好酥脆，勁邪惡。高度推介呢度既芒果沙冰，感覺真材實料。

紅磡馬頭圍道開左好多新餐廳，今日想食韓國菜，就去左呢間主打炸雞既韓國餐廳。當然一定要試下招牌菜炸雞！我同朋友叫左2個set, 韓式年糕配無骨雞&紫菜飯卷配無骨雞，仲叫左兩杯沙冰。炸雞係即叫即炸，上菜時係熱辣辣架！外表脆卜卜，裏面雞肉好嫩滑，而且仲有肉汁，唔會好乾好硬，非常推薦！韓式年糕份量好多，裏面有魚糕，魚糕吸左啲醬汁好入味，年糕夠煙靭，咬落去非常彈牙。紫菜飯卷同樣不遜色，裏面餡料好豐富，一份有8舊，好飽肚！最後，沙冰夠大杯，唔會太甜，一邊食炸雞一邊飲沙冰，好清涼又降火，個人推薦菠蘿味，清甜而且有果肉！

土瓜灣有好多小店，啟岸有間韓式炸雞新開無耐，一人炸雞套餐好抵食，可以配紫菜飯卷、炸醬麵或者韓式年糕，炸雞口味有成8款咁多😍紫菜飯卷配無骨雞 $68紫菜飯卷嘅材料有蛋絲、青瓜、紅蘿蔔同酸蘿蔔等等，青瓜絲同蘿蔔絲新鮮爽脆，仲食得到淡淡嘅麻油味；套餐嘅炸雞有3件，韓國嘅炸雞最特別係佢嘅炸漿同平時食開嘅唔同 ，炸雞酥脆可口得嚟仲外脆內軟，配埋蜂蜜芥末醬真係好惹味🤤蜂蜜醬油雞翼5隻 $48雞翼外脆內軟，入面勁juicy，蜂蜜醬油唔會太鹹，佢個甜味仲令到隻雞翼嘅味道更加有層次，大推呢個口味👍🏻炸杏鮑菇 $28杏鮑菇多汁，口感Q彈，加上佢本身嘅調味都幾足，所以唔駛點其他醬都好好食😆炸番薯片 $28呢度嘅炸野全部都好抵食，價錢唔貴但係份量都好多，番薯片厚薄同大細都切得啱啱好火龍果沙冰 $38呢杯沙冰真係好足料，飲落滿滿嘅火龍果蓉，淡淡嘅鮮甜味，天然冇添加😙

🥢 閔大人@ 紅磡經過見到呢間新開嘅炸雞鋪嘅裝修好似韓國地道小店，就入去試吓🤣🤣6:30pm左右嘅時間滿座要等位((等咗10分鐘左右))，仲要不斷有外賣單，忙到餐廳暫停接客😂😂喺呢個氛圍下等嘅時候超級期待😛好彩冇失望～性價比好高嘅一間炸雞店🌟👍🏻呢個質素絕對對得住個價錢同份量。炸醬麵嘅醬汁同埋啲肉都好好食好多 美中不足嘅係佢個麵質可以淋啲（或者直接轉做第二種麵）炸雞炸雞翼全部都係外脆內軟好多肉汁，不過個醬汁就未去到好出色 下次可能會試吓其他味～P.S 真路暫時只有原味🥲炸醬麵配炸雞翼(原味) $68蒜香汁無骨雞塊(全份) $78總括嚟講，一定唔夠redchicken好食，但係佢價錢只係red嘅1/3。。。再加上佢有red冇嘅炸醬麵🤓🤓🤍呢個性價比絕對會再幫襯👍🏻👍🏻📌馬頭圍道63號啟岸地下24-25號舖營業時間: 12:00 - 22:00

好抵食既炸雞呀!自從土瓜灣小區的轉變經常去啟岸飲咖啡好方便日式燈籠美食巷之中有拉麵 章魚燒 cafe 等等今日見到有新開韓國菜 😛 望下餐廳 價錢$40+已經有主食竟然仲有套餐 $58有炸雞配小食選擇很多 各款口味炸雞仲有炸醬麵 韓式年糕 紫菜飯卷飲品有汽水 燒酒或自家沙冰 座位跟韓國街頭餐廳相似有圓枱 有4人座 唔會好逼電視播著kpop mv 氣氛不錯 套餐：韓式年糕配無骨雞(原味) $58韓式年糕的份量很多，即叫即整，香味十足，而醬汁微辣帶甜，也不會太多醬而過濃味 反而每條年糕都沾到辣醬味道，也有魚糕片一起煮，地道風味又好抵食！跟餐的炸雞件無骨 啖啖鮮嫩雞肉，同樣即炸口感，很脆又唔油膩，共3件雞，已經十分滿足！ 炸醬麵  $48單點了韓國的地道菜式，價錢也很平價，以為只有味粉調配，但很足料，有濃郁炒香的韓式炸醬，混入粗身的拉麵，味道很香口又不會太鹹，有洋蔥，芝麻和青瓜絲，整體口感豐富。 芒果沙冰 $38自家的特飲選擇，新鮮的芒果味道，而冰冰是綿綿口感，冰涼舒服，配韓國菜原來也很夾！

閔大人😋😋😋Yeah滑滑炸雞店唔駛搭飛機，仲以為去左韓國、 紅磡oppa韓式炸雞專門店、店內播放韓國流行勁歌熱舞、引起食慾😘配合埋商場嘅佈置、相影小巷別有一番味道、視覺效果吸晴、正👍🏻主食Set套餐炸醬麵配無骨雞（原味）$58CP值高質炸雞好juicy、冇骨雞塊、炸得外脆內嫩配埋醬料、提升味覺、口感豐富！韓式炸醬麵沾滿了韓式嘅black nean sauce醬汁、味道濃厚果香、伴入青瓜絲、好清新開胃！有驚喜、good👍🏻👍🏻泡菜紫菜飯卷配雞翼$68韓國嘅壽司卷都好出名、材料豐富、有鰻魚、紅蘿蔔絲、蛋絲、青瓜絲等等、用紫菜裹包着配埋啲壽司飯、味道一流、飽肚、yummy yummy 😋 、雞翼炸到外脆內嫩好大隻、夠酥脆多汁、超級好味😊炸物有好多選擇：最鍾意都係番薯片$28係用黃心番薯🍠、真係超級超級好味、有驚喜、沾上薄薄嘅炸粉、黃番薯香甜軟綿綿、脆口而不油膩、灑上椒鹽提升味道👍🏻👍🏻👍🏻Oppa韓式炸雞一定要再encore雞中翼五隻$48加配蜜糖芥末$10、雞翼炸得酥脆、油而不膩、沾上蜜糖芥末、賣相一流、超級及晴、so chill😘特色水果沙冰、有紅肉火龍果、台灣金皇芒、韓國網紋瓜、842

好耐冇食炸雞，於是放工同朋友食韓國菜。唔洗加一既關係，我地叫到成枱野都只係二百幾蚊，真係好抵食！紫菜飯卷（$38）包括蟹柳、青瓜絲、蘿蔔絲、酸瓜等，加埋泡菜嚟食，清新得嚟帶有辣味作點綴，健康開胃。炸醬麵配原味炸雞翼（$68 ），炸醬麵份量大方，而醬汁唔算鹹，食哂全部都唔會覺得口渴；炸雞翼有3隻，同朋友share啱啱好。蜂蜜醬油無骨雞 $58有6件，味道甜甜地好易入口，加入咗蜂蜜之後更減去炸雞既油膩感。炸魷魚鬚（$38）既炸衣唔會太多太厚，咬落脆卜卜，而魷魚就煙煙韌韌，好食到停唔到口😆炸薯角（$38）外層酥脆，不過內裏軟綿綿，唔錯~一路食一路聽住韓文歌，好有去咗首爾既錯覺😆

隱世超抵食好味韓國菜因為朋友係紅磡返工話附近開左間食韓國菜好好食於是同朋水友去試下。一入到去就放哂 BTS 海報😍 坐位亦有韓式的感覺，我地叫左韓式紫菜卷，入面係韓國魚餅餡料，好好味😋 重叫左個炸醬麵，這個真的一定要再 encore ，好有在韓國食的口味，唔會太鹹太甜， 好好味，味道啱啱好，另外我地重叫左個全份無骨雞配酸甜味和蜜蜂醬油， 兩款醬汁再配炸雞超夾，唔會太油亦十分鬆脆. 一份只係 $78 真係超抵食，重有炸南瓜片也非常脆口😋😋重有鮮果沙冰，大滿足😌😌

未出發先興奮，諗住疫情放緩了，第一時間會首選去韓國走一轉，但今晚已急不及待先要到土瓜灣馬頭圍道啟岸基座商場的（閔大人)，同朋友試咗幾款個韓國炸雞套餐。商場佈置別樹一格，甚有日本小巷韻味，卻有一間韓式炸雞翼店，視覺效果卻意外地夾。炸醬麵配炸雞翼套餐$68，第一次食韓式炸醬麵，沾滿了韓式black bean sauce，醬汁微苦，濃厚醬果香，伴入清爽青瓜絲，開胃首選。雞翼炸至鬆脆，再加上白芝麻，更加提升香氣。泡菜紫菜飯卷$58，材料有鰻魚、紅蘿蔔絲、蛋絲、青瓜絲等等。原味無骨雞連啤酒套餐價大約$88/$98，視乎點選那一個品牌的啤酒。一口炸雞的炸漿香脆不厚，而且一口炸雞大小恰好，每次一口一舊，唔蒜香味冇骨炸雞，濕潤感能夠保持之餘，不會太油膩。蒜味無骨雞，蒜香味充足，配合濃厚蒜味醬，入口更惹味。Draught beer : Carlsberg(Left), Asahi(Right)食炸雞點可以冇啤酒，一口炸雞一口啤酒，夠哂gur喉。

星期五係土瓜灣見完客，同同事Happy Hour，搵到附近有間韓國炸雞+啤酒幾吸引😍😍價錢仲要好抵食🥹.🍴全份有骨炸雞$138全份炸雞可以擇兩種口味，仲可以叫佢分開上醬汁，我地擇左酸甜同香辣味🍗🍗全份炸雞勁大份好誇張，有兩大盤炸雞只係$138，雞髀雞胸雞翼全部都齊，炸雞超超超超好食😋😋 皮脆肉嫩，香辣汁十分推介，辣得黎好惹味。.🍴燒酒套餐$88燒酒配炸雞翼 及杏鮑菇 都好抵食，杏鮑菇原條直切，炸粉真心出色，薄薄地一層又夠脆。.🍴紫菜飯卷配無骨雞 $58Set餐係幾抵食，8大舊紫菜飯卷，米飯粒粒分明有咬勁，配料簡單得黎又好食，無骨雞都好食，但個人鍾意有骨雞多啲🤭.叫Set另加$8就有汽水，如果叫啤酒餐就$88起，好驚喜既晚餐，超滿足既韓國炸雞🍗晚餐😋