閔大人 (啟岸)

营业中

休息中

睇咗食評去試吓係咪咁好食，同朋友叫咗細份冇骨炸雞，炸雞塊爽脆嫩滑多汁唔油膩！點咗食評推介嘅蜜糖芥末，同雞塊好夾！另一個韓式豬腩肉炸醬麵，麵質彈牙炸醬味道恰到好處！唔似出邊嗰啲一係太鹹，一係太甜！不過略嫌豬腩片細碎咗啲！仲有點咗韓式辣豬肉飯卷，包得好足料實淨，唔會飯多過啲餡料，配搭埋自家製泡菜同醬汁，真係好有韓國風味！差啲漏咗仲有個炸南瓜，份量足夠，食落唔會俾啲油漿住個口！下次可以再去試埋其他嘢先！

想提提廚師，你轉用年糕代替豆腐唔緊要，但至少要俾顧客知，知嘅話我可以轉其他野。外賣返屋企食，食食吓先發現一粒豆腐都冇，連豆腐碎都冇，真係會好唔開心，唔開心到要係度留言。唔算熟客，平均一個月食1-3次。

放假同朋友出去食晏，行到近土瓜灣，估唔到有驚喜。平民價價錢就食到韓式嘢，店內以貨櫃風做裝潢，播住KPOP嘅歌，真係好有氣氛。我哋好耐冇食韓式炸雞，咁叫得炸雞一定要叫埋啤酒先開心呀!!重點係啤酒有優惠推廣價錢!F Party 621 百香果味精釀啤酒 $29F Party 703 比利時式小麥白啤酒 $38炸雞配啤酒真係Chill到爆呀!!至於韓式炸雞仲有有骨同無骨揀，仲有唔同Size選擇，我哋就點咗中份(9件)無骨雞$98。揀咗蜂蜜醬油，另外加咗$10要多一款香辣醬。蜂蜜醬油甜甜哋，配上炸雞真係一流呀!!香辣醬配炸雞，真係好惹味呀!!另外，我哋點咗韓式辣年糕 ($48) 及 韓式紫菜飯卷辣豬肉 ($58)。韓式紫菜飯卷辣豬配上韓式辣醬，唔沾醬都好好食，如果想有啲辣味沾上辣醬就超惹味呀!!韓式辣年糕仲有泡菜喺入面，年糕口感軟軟，唔會過份煙韌，辣味唔算好辣，整體好好呀。午市仲有優惠套餐，下次試埋先！

餐廳內播緊不同kpop歌曲，氣氛勁似真係去咗韓國，炸雞口味選擇好多，經典口味更係韓國入貨，裝修用黃色貨櫃做主題，好有韓風😍😍食物方面有韓式炸雞、韓式鐵板飯、飯團、炸醬麵，見happy hour menu好似都幾抵飲無骨雞（9件）$98最鍾意啖啖肉既炸雞🤩脆脆既外皮，雞肉嫩滑多汁，配合蜂蜜芥末醬，解油膩感且十分開胃 炸魷魚鬚 （小份）$58呢款店員推介嘅，本身擔心咁多炸物會食唔晒，小食本身跟咗韓式酸蘿蔔同酸甜汁，粉漿不會過厚，香口得來不會流失魷魚鬚本身的口感 o(≧v≦)o 滷豬軟骨伴鶴鶉蛋飯 $68滷豬軟骨經過長時間的燉煮，肉質軟嫩，散發出濃郁嘅肉味、滷香。滷汁送飯食得好快水冷麵配蔬菜凍湯 $60夏天食最啱～涼涼地，無負擔生麵彈牙爽口，蔬菜配搭亦非常豐富🥒🥕睇落colourful，令人更加食慾大增F PARTY 621百香果味精釀啤酒 $29比利時式小麥釀製，送炸物一流，唔會有假甜怪甜味，酒精濃度亦唔高，適合聚餐／女士飲用

完全係港式豬肉炒小黃瓜洋蔥，傍邊放左啲泡菜，就叫韓式豬腩片飯？ 睇吓啲相，豬腩片係白色的，邊似韓式？ 其實唔難食，似家常炒豬肉，但你收$70 比呢盒嘢, 唔知其他嘢咩質素都唔想試，black list.

鹵水豬軟骨伴鵪鶉蛋飯今日經過見到有間韓國餐廳，咁就入去試下好無食。位置雖然唔多，但都舒服，今日應該落雨關係就無乜人，但見到門口餐牌都幾吸引就入嚟試下。我叫咗個午餐就坐低等，等咦唔係好辱就有得食。豬軟骨同紅蘿蔔都好入味，應該鹵咗好耐。三粒鵪鶉蛋都好食，午餐嚟講都真係好有誠意。哩排星期一至五下午12：00至5：00仲有85折！開咗學，學生們都可以去試下。

今日就同朋友去咗閔大人食飯餐廳裝修好有韓式風味,仲推出左炸雞啤酒優惠, 可以飲住啤酒食炸雞炸雞可以選擇有骨或者無骨, 全部係人手每件撲上韓國炸粉, 即叫即炸, 炸得超級脆, 雞肉經自家醃製, 啖啖肉好香口, 配撘蜜糖芥末醬, 超級惹味芝士熱狗棒香脆嘅麵包外皮, 包住juicy 既脆皮腸, 口感豐富，還原韓國人氣街頭小食腩肉炸醬麵配青瓜絲炸醬鹹甜鹹甜, 濃郁鮮香, 撈埋麵條, 咬落Q彈韓式炸魷魚外層金黃酥脆, 口感煙靭, 超級邪惡

好鐘意食炸雞😍 經小紅書推薦黎左呢間～韓式炸雞（無骨雞）中size 9 件💰98採用自家特製醃料，採用韓國生炸漿，即點即炸，外皮金黃酥脆保持雞肉鮮嫩多汁。搭配店家自製的韓式香辣醬真係停唔到口😂仲點左 蒜香醬｜蜜糖芥末｜同埋蜂蜜醬油味加💰10多一款醬汁芝士熱狗棒亦係一大亮點香脆的麵包外皮包裹住juicy的熱狗腸加埋醬汁，搭配韓式泡菜，絕妙的搭配。👍🏻韓式炸醬麵💰58醬料濃郁鮮香，麵條Q彈有勁，配青瓜絲，好味！韓式炸豆腐 （辣味）💰30環境令人有如置身於韓國街頭。強烈推薦給喜愛韓式美食既你 🥰🇰🇷閔大人 (啟岸) (紅磡)紅磡馬頭圍道63號啟岸地下24-25號舖

閔大人係我之前食過覺得最鬆脆好味既炸雞，而且仲可以跟飯卷order，價錢相宜。但最近期好似有啲退步左，飯卷卷得大舊左但又無以前咁靚，炸雞都有分別。今次叫左：韓式炸雞（無骨）9件 中份 Regular韓式炸杏鮑菇韓式炸雞比以前炸得黑左。以前炸雞金黃色，淺色啲既，宜家啲色就黑黑沉沉，望落無咁吸引。咬起上嚟都無以前咁juicy。炸杏鮑菇反而有啲驚喜。杏鮑菇好厚身，雖然係炸物但菇既水份保持到。粉漿有少少厚但都可以接受。最近食返確實有啲失望，希望炸雞可以維持返以前既水準，變番最鬆脆好味既炸雞。

炸雞配啤酒真係絕配呀呢間嘅炸雞仲有好多唔同嘅口味，啱晒成班朋友過嚟食住炸雞飲住啤酒，吹吓水除咗炸雞之外，佢哋仲有唔同嘅韓國嘢食，掛住韓國，但係又未有得飛嘅你哋可以食住呢間頂住癮先

早排同朋友仔出開紅磡行街,大家都心血來潮想食韓國炸雞🍗搵到附近有一間就去試下.🍙韓式紫菜飯卷(原味)每次食韓國野必點飯卷❤️每一舊既配料都好多,勁足料👍🏻入面配上蘿蔔,青瓜、火腿、蟹柳等等...另外跟碟附送泡菜😍🍗韓式炸雞(中份無骨雞)炸雞有10款醬料可以選擇,今次揀咗蜜糖芥茉醬🍯蜜糖味道比較突出,甜甜地入口,唔會覺得好油膩嘅感覺👍🏻炸雞好酥脆,而且雞肉真係好嫩滑😍🐔韓式脆炸單骨雞翼雞皮都係炸到好金黃同香脆,配上蒜香醬,真係好開胃😍而且雞翼本身係單骨,所以d 蒜香味道勁吸收😋🦐韓國大醬海鮮豆腐湯配白飯入面好多海鮮,非常足料👍🏻飲落好鮮甜,唔會好辣👍🏻配埋白飯真係同朋友成碗清晒🤣佢地e 家做咁Happy Hour 時間1set 4枝酒,真係勁抵飲🍺

早幾日去咗間cp值好高既韓國小食店到食午餐❤️鋪頭入面d位幾寬敞，冇乜壓逼感，仲有埋大電視可以睇波同聽歌，令人感覺幾放鬆。我地食左：👉🏻✨烤韓國鮟鱇魚乾✨ $38呢碟鮟鱇魚乾煙煙韌韌好有咬口，感覺比起其他魚乾既味道仲更加鮮甜，兼帶有陣淡淡既炭烤味，真係令人好難不愛🤣✨蜂蜜醬油味無骨炸雞✨ 小份$58炸到外皮香脆，雞肉嫩滑又多汁既小份炸雞－共有5件，份量唔少，香口到不得了；配雞既蜂蜜醬油汁甜甜地，好香蜂蜜味，小妹超中意🫶✨韓國大醬海鮮豆腐湯配白飯✨ $78呢個大醬海鮮豆腐湯入面既配料有魷魚、青口、豆腐、翠玉瓜、蝦仁、蜆肉同娃娃菜．．用料夠哂豐富！比日本嘅味噌湯濃味同多料，口味正宗，係稍微偏鹹咗少少，用嚟送飯絕對－流👍🏻✨柚子茶✨ $18好重柚子香，清新又解膩✨啤酒✨啤酒今期買一送一，真心超抵，約埋朋友過嚟一齊睇波食野飲啤酒都咪話唔爽🤟🏻🔶閔大人📍紅磡馬頭圍道63號啟岸地下24-25號舖港鐵土瓜灣站D1出口,步行約6分鐘

下午來到土瓜灣，看到啟岸小巷掛了很多燈籠，很適合打卡，閔大人門店風格很有特色，店內有大電視機可以一邊看球或聽歌，一邊飲啤酒，啤酒特價買一送一好抵！紫菜飯卷（辣豬肉）煙韌的紫菜薄片包住香噴噴的米飯、鮮美的豬肉、爽口的青瓜絲、胡蘿蔔絲和甜絲絲的玉燒片，十分豐富，加上韓國泡菜辣汁，真是色香味俱全，令人吃得停不下來。滷豬軟骨伴鶴鶉蛋飯滷豬軟骨經過長時間的燉煮，肉質軟嫩，每一口都散發出濃郁的肉香和滷味。鶴鶉蛋小而精，經滷汁浸泡，吸收了濃厚的滷味。炸杏鮑菇 炸豆腐一咬外層特別酥脆，裡面的杏鮑菇和豆腐又超級滑嫩多汁。腩肉炸醬面配青瓜絲好多炸醬，有少少甜味，跟麵條混在一起吃好惹味。腩肉柔軟，醬汁濃郁，青瓜絲清爽，麵條彈牙，真是正！

啟岸起左新樓仲裝修左條街，起左好多新餐廳，其中一間就係呢間。叫左炸醬麵+炸雞翼、飯捲、半份炸雞、燒酒加小食。炸醬麵本身無肉，有甜甜醬汁，同埋青瓜絲+黃瓜，混埋一齊食，好爽口又唔膩要加埋雞翼食，炸雞翼皮好脆，咬落卡滋卡滋🤤🤤飯捲飯薄多餡👍🏻炸尤魚酥好香口，炸雞係得原味，得有骨同無骨，都同雞翼炸法一樣，好脆口。店舖有少少似快餐形式，用即棄餐具，可以快食，又可以同朋友一樣慢慢飲酒傾計都好爽皮～～

今日我去咗紅磡嘅閔大人食韓國菜，真係有驚喜啊！佢哋嘅韓式炸醬麵配炸雞翼實在係一絕！🍴韓式炸醬麵配炸雞翼係佢哋嘅招牌菜之一，麵條煮得夠彈牙，配上濃郁嘅韓式炸醬，真係好開胃。而炸雞翼就更加吸引，外皮炸得香脆，內裡肉質鮮嫩多汁，每啖都好滿足。兩者一齊食，真係絕配！食完之後仲會留低韓式炸醬嘅餘香😝🍴炸杏鮑菇外脆內軟，每啖都帶有杏鮑菇嘅鮮香味，真係好開胃👍🏻🍴蜂蜜醬油炸雞都係一個受歡迎嘅選擇，必食！炸雞外皮帶有微微甜味，內裡肉質鮮嫩，真係好好食👍🏻👍🏻👍🏻🍴炸韓國南瓜 - 炸南瓜件件炸得香脆，南瓜內裡軟糯甜美，一啖落口即化。值得一試！佢哋仲有好多其他小食選擇等，下次要試埋！員工服務態度都好友善，係一個適合與朋友飲住酒食宵夜嘅好地方