開餐達人

营业中

休息中

每日 lunch 前 lunch 後都行過開源道都會聽到有個姐姐企係到問路人食左飯未，同埋話所有lunch 九折。今日我有個同事叫我地去個邊食，好丫試下新野都好，去到樓下上樓，好似入左迷宮咁，轉左兩個圈先到。去到餐廳，員工叫我地出門等等，佢地當然比埋餐牌我地先睇睇食咩啦望左餐牌我同另兩個同事都異口同聲地話要B，即係日式咖喱牛柳粒啦，之後我地係門外等左大慨 5-10分鐘到，係出門見到外賣餐牌，足足平過堂食有十蚊咁多，曾經有一刻想叫外賣最終都覺得算啦，都來左咁就係到食啦，等到員工叫我地入去可以入坐，我同另一女同事就好好奇地望下人地食咩，一睇就出事，我地見到個日式咖喱牛柳粒賣相唔係幾好咁wor，坐底左我同佢即去考慮食其他野，咁我叫見到 椰香汁焗雞扒幾好，我就叫呢個，而同事就叫 肉醬意粉，另一位就叫個貴野 豬扒配茄汁，最後一位就叫左 “日式咖喱牛柳粒“ 聽完我同另一同事 o 左咀，可能佢路上冇睇到啦 Anyway 冇提佢，等佢試下...上左餐湯，有紅有白，no comment，唔會expect 有幾好椰香汁焗雞扒開頭見個飯係炒飯底，好開心以為會有炒飯香，點之冇，而且仲一舊舊，傷心唔好食，雞扒同

我透過買團購券…同朋友一齊享用過呢間舖嘅晚上火鍋。我地當晚一共享用左兩款不同湯底嘅火鍋，分別係"四川麻辣素雞煲"同"芝士濃湯"。"四川麻辣素雞煲"，我個人而言算係少少辣嘅級數，但D辣味好就好香辣，香辣得來個素雞煲湯底又不會令人感到太油膩。還有店員仲好細心教我地個素雞煲係由咩次序去吃起煲中物先係正宗吃法添。"芝士濃湯"，我覺得個湯底嘅芝士味都好濃，特別用來煮丸係最match。由於我本人都算幾滿意以上兩款火鍋湯煲。加上，店員態度又nice，又會問下D客囉意見改善，又冇催我同我D朋友單(由19:00坐到23:00咁濟)，收費又算平。所以，如果約朋友聚舊晚餐，想食D又經濟，味道ok，又要享受好服務待遇嘅餐廳。我認為都不妨可以考慮佢。

早前跟朋友聚會，看價錢相宜，而且是小店，不是連鎖大企業，就來到這火鍋店支持一下。餐廳平日中午都會做午市，有各式午餐供選擇，跟茶餐廳差不多。至於火鍋，就在18:30開始，當日我們18:00左右到達，便向老闆娘提出讓我們先座下來歇一會，老闆娘答應了，但聲明要18:30才能開始點餐，我們都沒異議。飲品是任取的，有各款康師傅罐裝飲品，包括冰紅茶、冰綠茶、石榴汁、冰糖雪梨及百事7喜。醬料也是自助的，自己取豉油、辣醬、沙嗲醬。但紙巾是不供應的，友人向老闆娘取幾張餐紙，抹一抹氣水罐，但老闆娘黑面了。不明白為什麼紙巾幾張都要吝嗇，幸而，其他店員都很主動幫忙，而且態度也很好。湯底選了芝士湯和蕃茄湯。湯鍋剛到，店員就提示我們芝士湯容易黏底燒焦，要定時攪拌。芝士湯的確好濃郁，好稠杰，有如芝士醬。只可惜儘管我們有定時攪拌，還是焦了，一陣燶味。還幸店員主動說可以幫我們換一鍋新的湯底。蕃茄湯同樣不錯啊！酸酸甜甜，又濃郁，吃得出認真花心機熬煮過。食物方面，選擇不算多，主要是豬肉、牛肉、雞肉、丸、響鈴和蔬菜。最喜歡這裡有各式各樣的芝士丸及包心丸，這些都是我的火鍋必備呢！這類的可愛魚蛋，不好吃的，味道臭臭的！另外必須要

次次去食放題，通常都係傾唔到計，因為想響果短短2小時既放題時間入面有限時間爭取最大利益，就係狂食！但係今次我失敗鳥............因為呢間工廠大廈既火鍋小店推出無限時任飲任食任坐，可以狂食食到飽，仲可以吹水無極限，至於食物質素呢，呢間野其中一個特色係素食火鍋，不過我對素食興趣不大，至於肥牛呢，響任食既價錢，絕對不差，仲有超正嘅韓式部隊鍋，怕spicy嘅我也覺得超好食！野飲都有6款任簡，隻康師父酸梅湯幾正，同出面一渣渣既味道好似，同埋唔知個老闆響邊度入貨，真係冇見過街邊有罐裝既康師父酸梅湯，打邊邊熱氣，酸梅湯絶配！呢間野ok，有下次！

呢個係第一個openrice acilovehater 係一個只打劣評ac因為好評大把人打啦我會將我的真實經歷話比大家聽唔一定係嗰間餐廳平常表現只係當日食完覺得差就post 上黎好啦講返今次食飯 我一行十幾人去食呢間諗住可以坐好耐同有芝士湯底點知......野食方面，肥牛同豬肉都好肥，唔係平常人會食，無影到相，相可以睇下樓下的post , 另外丸方面，少款加上丸全部差唔多味，好多都係麵粉味，到齋丸，都係無味，丸根本唔係宣傳講到咁特別野飲方面，只有百事 美年達同康師傅飲品，開頭食都無咩，但食到9點已經無哂野飲，每次refill 都refill 好少，擺野飲個位冰又無咩剩低d水，種類已經少，仲要數量都少，完全唔知想唔想人飲- -最大問題係安排方面，我地7點幾食到11點，3個幾鐘剩低黎過4碟牛同3碟豬，10幾人本身以為食任食一定飽，點知最後個個唔飽仲食到嬲嬲地，不斷落單要食肉，佢就半個鐘黎一次，每次就一碟，碟又細10幾人完全唔夠食，到食左四五碟到，9點幾佢話所有肉無哂，雞肉一開始已經無，牛肉豬肉黎得慢又少，仲要11點完9點就無，衰過所有我食過的火鍋任食。服務方面，不斷落單想食野，全部勁慢先黎

環境是可以。諗住去個新地方食個飯。點知。但服務及食物唔得。叫左個芝士豬頸肉焗薯角。d芝士又少。豬頸肉黑到呢，爖到爆。而d服務員好唔識做。而同事叫左個青咖哩飯。d咖喱難食。唯有咖哩牛脷飯ok嘅…

一大班朋友gathering 有朋友話咁多人最好打邊爐 但我地中間又有人要食素既 所以每次諗食乜都用左好耐 有朋友上網搵有乜好食既時候無意中搵到呢一間素食火鍋 咁就啱晒啦 睇多少少資料先知 呢間開餐達人主打就係素食火鍋 當然仲有肉類架啦佢有5款特色湯底 分別係麻辣素雞湯, 經典皮蛋湯, 南瓜牛乳湯, 蕃茄濃湯, 同最特別既日式芝士濃湯 今次我地10個人試左佢3個湯底 佢個蕃茄濃湯勁香蕃茄味 個顏色呢係好鮮既橙色 淥塊牛肉落去會成成塊變橙色好盞鬼 然後就係南瓜牛乳湯底 一開始既時候飲左一啖 要dapdap下先有一陣牛奶味 不過都已經好過其他話自己有牛奶既非牛乳湯底架啦 到佢煲耐左到啲南瓜溶晒既時候個感覺仲正 嗰時啲湯啖啖都有南瓜蓉架 到最後最特別呢個就係日式芝士濃湯 個姐姐一拎個湯底上尼就提我地要成日攪 唔係會好易痴底 我地食食下先發現 原來係因為個湯底既芝士濃到唔攪佢就會變返做一pat pat既芝士 仲係可以搵筷子夾得起架 好正啊 呢個湯底一定要配芝士丸仲有公仔麵 正宗芝士麵就係咁尼架啦順帶一提 湯底要加水既話 佢地係會幫你加返原本既湯 咁個湯底就永遠都唔會淡啦佢呢到既素食火鍋並唔係只

相信很多朋友都喜歡食飯時慢慢享受，邊吃邊聊天但坊間很多餐廳都有限定用餐時間，往往令人總要食得很急速食完就走上要走，想多聊一會都不行最近朋友在hkplayndine的instagram上看到<<開餐達人>>正值推廣期晚市火鍋每位$128，包非酒精飲品，用餐時間是4.5小時!!! 對喔! 4.5小時!!你沒有看錯，小妹都沒有打錯!確實是4.5小時!!!! 6:30pm-11:00pm!!!!小妹當然去一試啦! 不過，事先聲明大家先要有心理準備開餐達人位於觀塘工業大廈，佔地面積較小，大家不要預期它是大型火鍋店火鍋的鍋都較小，是一人一鍋的大小，但這裡是兩人一鍋的他們會因應用餐人數增加鍋的數量我們點的是南瓜牛乳湯底，味道濃郁! 小妹十分推薦!!!食物方面，這裡有特別的素食，如素牛丸和素芝士腸素牛丸味道很特別! 相比普通牛丸，我較愛吃素牛丸!! 墨魚丸口感十分彈牙，蔬菜都很鮮甜! 證明質素不錯喔!!大家不防去支持支持!!!!!

游走素食與肉食之間很少寫食評，但也要花點時間讚一讚此店！因團購見到有素食火煱二話不說買了下來，我們一行五人，當中有二人都是素食者，所以知道有素丸素肉便心動一試，加上是任食火煱，坊間又真係確係少有，所以就買下一試。先說訂位，過程十分方便，打了兩次就訂到位，而且無加一，又不像一般團購諸多限制。雖然地點位於工廈，但入內店面光猛，食具清潔，所以食得開懷放心。而且有大大電視可以不用回家追劇集。湯底相當不錯，今趟本想試素雞，可惜缺貨。於是試了南瓜牛乳同蕃茄濃湯，湯底味濃，而且會不停加湯，服務態度不錯！雖然店子細細，但選擇也很多，特別是素食款式多，啱晒我的素食朋友。雖然部份食物未能提供，也會有執漏的情況，但大體還是滿意。食材算不上乘貴價貨，但這樣的價錢配這樣的食材也相當合理，如可引入炸魚皮就更好了！飲品也是任飲，店主以冰雪冷凍，細心十足！而且選擇也不少，康師傅石榴汁、酸梅汁也有…和朋友傾了很久，也沒有趕客，其實我們也不好意思，但他們服務態度很好很友善！值得推介！下次會再幫襯的！這樣的有心小店要多多加油呀！ 

很少寫依評，但也要花點時間讚一讚此店！因團購見到有素食火煱二話不說買了下來，我們一行五人，當中有二人都是素食者，所以知道有素丸素肉便心動一試，加上是任食火煱，坊間又真係確係少有，所以就買下一試。先說訂位，過程十分方便，打了兩次就訂到位，而且無加一，又不像一般團購諸多限制。雖然地點位於工廈，但入內店面光猛，食具清潔，所以食得開懷放心。而且有大大電視可以不用回家追劇集。湯底相當不錯，今趟本想試素雞，可惜缺貨。於是試了南瓜牛乳同蕃茄濃湯，湯底味濃，而且會不停加湯，服務態度不錯！雖然店子細細，但選擇也很多，特別是素食款式多，啱晒我的素食朋友。雖然部份食物未能提供，也會有執漏的情況，但大體還是滿意。食材算不上乘貴價貨，但這樣的價錢配這樣的食材也相當合理，如可引入炸魚皮就更好了！飲品也是任飲，店主以冰雪冷凍，細心十足！而且選擇也不少，康師傅石榴汁、酸梅汁也有…和朋友傾了很久，也沒有趕客，其實我們也不好意思，但他們服務態度很好很友善！值得推介！下次會再幫襯的！這樣的有心小店要多多加油呀！

因團購$98全包的優惠,特意到觀塘試下呢間新餐廳依家好難搵到$100有找的火鍋,免加一,收費簡單直接, 加上有芝士湯底同素丸, 感覺幾特別店內環境清潔, 裝修簡單明亮,幾舒服肥牛睇落唔新鮮(灰灰地色咁), 豚肉肥到5想食=(不限時,仲有任飲的飲品,不過飲品都好甜, 冇飲太多呢次食得好舒服, 素食食物同湯底都5錯, 只係肥牛同豚肉質素不太好, 主打素食的地方, 我覺得還好~

聽講呢間食堂晚上有素食火鍋，好想約埋朋友去試。上兩星期中午剛有空，諗住專誠去試吓午餐味道如何？摸到上去約兩點無乜人，睇到個餐牌好似無素食提供，見到個阿姐執緊嘢，於是問佢仲有無午餐？係咪有素食㗎？點知佢掘咗我一眼跟住好燥咁一句省埋嚟：「無啊！無啊！呢度無齋食啊！」無咪無囉，使唔使咁惡啊？咁態度算係點？阻佢做嘢想趕客？未食都一肚氣！

本人茹素，在Green Monday發現這隱藏在工廈內的火鍋小店，看到菜單，知道其食品佔大多數是適合素食者，所以就和素友一起來試試。這店要預先訂位，以確保有新鮮的食材。這兒是任點任食，且不限時，晚上由6：30至11：00，吃得輕鬆！有五個素食湯底可選，其中兩個標註是有奶，我選了南瓜牛乳湯，喝了幾口感覺香濃。素丸類大約有8款、其他的可供素食的也有約17款；若不是吃素，也有肉類可選。飲品是罐裝，也是任飲！二至三人一鍋，小小的鍋，感覺又另一番風味。他們很主動協助客人，態度熱誠、積極。添湯不是加水，而是加回原叫的湯底，若看到客人鍋內太濃，又會主動問要加水還是加湯，非常細心！雖然這對於非素食者來說款式一定不比酒樓任食火鍋的多，但對於素食者來說是一個喜訊！店內有卡位、有免費wifi、電視。由於他們是從1月起試行晚市火鍋，所以食客不算多，環境清靜，慢慢吃、慢慢聊，很relax！我們坐吃到9點左右，年輕老闆走來問意見，滔滔不絕的聊起來，閒談中得知老闆是首次創業，覺得這老闆很有heart，也有很多點子。這兒不算是有高檔食材的火鍋店，但其服務態度一流，熱誠的年輕人、清幽的環境，著實令人感覺舒適。是晚另一枱

看到雜誌介紹呢間餐廳, 推出素食火鍋放題, 雖然我本身唔係素食者，但聽落好似有點兒吸引，一於打去訂座試試。餐牌介紹有幾款湯底：麻辣素雞、港式芝士、日式蕃茄、南瓜牛乳、芫茜皮蛋。 點咗南瓜牛乳湯底，有新鮮南瓜，加上好香好滑嘅鮮奶，淨係飲湯都覺得皮膚滑咗...呵呵至於配料方面，都有好多選擇：肥牛、豚肉、芝士腸...呢啲絶對不能少啦。嚟到當然要試下素食配料，有素牛丸、素蝦、素熱狗腸、素芝士腸... 哈哈，望落幾可亂真，食落又不會感覺好"齋"、頗有口感、味道還不錯。 個人最鍾意就係素牛丸同素燒賣。總括嚟講，食物新鮮、質素唔錯，服務態度亦好，最緊要價錢公道！係約埋三五知己嚟歎火鍋嘅好地方！

E餐 日式咖哩牛腩（飯/意粉/薯角）加盒野飲柑桔檸檬幾好味d 牛腩幾“林”，幾滑 咖哩不太辣 幾香飯有點硬 哽頸外賣自取平3蚊有7款任你簡 每日都有唔同餐簡最平個餐20蚊 呢個外賣自取無得平