開心餅店

营业中

休息中

尼個喺我忍唔住訂俾自己嘅生日蛋糕☺️簡單得嚟又好靚-🍓草莓芝士奶蓋蛋糕🍓HKD208（6吋）綿密嘅奶蓋好似雪咁吸睛而且超滑 超濃厚 好好味 拎住個蛋糕由旺角去到元朗 有少少怕佢會塌好彩冇事 仲好夠挺身👍🏻我本身鍾意食cream尼個奶蓋比cream更加正呀😋草莓又甜又大內裡海綿蛋糕夾層都有滿滿嘅草莓同朋友分享 大家都讚好好味係會令人一口接一口唔覺意食多幾啖-位於旺角街市嘅傳統麵包小店仍不斷在創新真係要多啲支持吓已mark實要再嚟訂蛋糕同訂蛋卷-見到店內仲有多款傳統款式蛋糕價錢非常親民

😋味道：9.5/10📸打卡：7/10🗣服務：/🏡環境：6/10💵人均：$120-150 （卷蛋 其他另計）💰性價比：9/10👍🏻推薦度：10/10✨🏃🏻‍♀️回頭率：100% ✨（訂過三次了😋）.‼️相信大家對呢間餅店嘅卷蛋絕對唔陌生咁有人氣就知一定好難book🥺覺得佢好好嘅一樣野係 book呢間唔使同人爭但你就要預咗大概三四個月先有得食🥲‼️.🏡用電話預訂之後要去門市自取門口係好傳統舊式嘅餅店完全唔會覺得呢間店賣嘅卷蛋竟然係咁新式 咁受後生仔歡迎😂除咗卷蛋 仲有其他傳統嘅麵包同蛋糕賣😙.🍵抹茶焙茶生乳卷蛋 $148 (10/10)✨一開始有少少混淆抹茶同焙茶嘅味道 因為都係微苦但食落就會分辨出兩者獨有嘅茶香味🥳焙茶比較香濃而抹茶有少少苦得嚟又會回甘😌最欣賞佢唔會好甜 但又唔係單純苦 中和得好好而呢度最特別嘅係佢唔同一般卷蛋唔會用cream而係用生乳 比cream黏同密🥰兩隻味混合嘅生乳 又綿密但又輕身再配埋鬆軟嘅蛋糕簡直係無懈可擊🤤.🥜黑芝麻花生麻糬卷蛋 $138 (8.8/10)呢個都係店入面另一個招牌🤩蛋糕有淡淡的黑芝麻香生乳就主要由花生組成 仲會有花生粒粒🤤麻糬好軟綿綿 增加整個嘅口

想試呢間卷蛋好耐，但幾乎係冇可能買到每日現貨，唯有訂～等咗兩個月！好期待間店係超舊式嘅餅店，姨姨俾卷蛋我嗰陣仲會包埋乾冰，所以拎返屋企途中都放心訂咗丸久小山園青嵐抹茶卷蛋係好濃嘅抹茶味，小小苦，我同媽咪都好鍾意呢種苦苦地嘅抹茶味！裡面嘅cream都好滑，好好食唔小心就食哂成條跟住我同媽咪成晚都訓唔著！唔知關唔關啲茶太濃事，定係好食到訓唔著食完之後即刻諗定下次要食咩味，望一望Ig可預訂嘅日子，又要等兩個月啦

喺旺角一間傳統餅店入面竟然有得買ig人氣卷蛋😍😍😍不過一定要提前幾個月預訂 （因為得有個師傅人手做）店員都提議我Whatsapp 訂咗先再每次經過餅店去問下現貨要靠運氣先會有...🌟焙茶蛋卷$118蛋糕輕盈軟綿 口感鬆軟中間焙茶培茶忌廉軟滑香甜 焙茶培茶味道濃厚🤤🌟竹炭海鹽Oreo 麻薯卷蛋 $98 + $15（麻薯）蛋糕鬆軟而且濕潤度高Cream嘅份量非常足料 多到滿瀉加左海鹽所以唔會好甜 麻薯控一定要加麻薯 好煙韌🤤

黑芝麻花生麻糬($138)卷蛋好重黑芝麻味，食到一粒粒黑芝麻，而且卷蛋非常moist；卷蛋裏面有一層厚厚花生cream，非常濃郁花生味，再有一層花生粒；中間就係麻糬，麻糬非常非常煙韌，好多瑞士卷，或者蛋糕都有加麻糬，呢個係我食過最煙韌嘅麻薯配搭非常出色，冇嘢可以挑剔，味道濃而不甜，食到原材料嘅香，排咗一個月都覺得非常值得💯💯💯💯！冇誇張，真係百吃不厭食完，覺得有啲失落，因為又要再排兩個月！

丸久小山園青嵐抹茶生乳卷蛋🍵+麻糬🍡// 首先一拎出嚟已經見到好多抹茶cream~好興奮✧*｡٩(ˊᗜˋ*)و✧*｡//// Cream有好rich嘅抹茶味☺️而且絕對唔係死甜個隻！先係微甜，之後有微微苦澀抹茶味，最後就係抹茶嘅回甘🧚🏼‍♀️層次好精彩🎉✨//// 麻糬好Q彈😍同埋鐘意佢厚得嚟又唔會好重生糯米味🤏🏼配埋抹茶cream一齊食好夾🍵//// 最後，蛋糕體剛剛好💚唔會太乾💦而且好有彈性✨//（即使為咗影相壓咗個蛋糕但佢個shape都無變🤫）🌟蛋糕係採用咗0 kcal稀少糖🤏🏼同埋少油少糖配方㗎😍Food: 🌕🌕🌕🌕🌕🌖

竹炭海鹽oreo卷🖤// 黑色竹炭蛋糕捲住微鹹嘅忌廉和粒粒酥脆嘅oreo😚口感幾好💫 //// cream因為加咗海鹽所以微鹹😧起初食嘅時候覺得有啲奇怪，不過食耐咗覺得依個配搭都幾特別🧚🏼‍♀️//// 但係個人唔太鐘意甜同鹹同時在一起😖所以對依個卷蛋就未到鐘意嘅程度🤫//// 而且覺得味道比較普通(´๑•_•๑)沒有被它驚豔到啦🙉//Food: 🌕🌕🌕🌘🌑🌑

個fd book咗個蛋糕叫我幫手去拎，跟住個地址去到，行嚟行去都見唔到我預計會見到嘅餅店，原來經過左幾次，我都唔敢相信原來係一間咁舊式嘅餅店，以為自己去錯硬着頭皮行入去，店員拎咗個蛋糕出嚟，放有一個超舊式嘅蛋糕盒裏面加埋個蛋糕好普通，其貌不揚，仲諗緊個fd係咪定錯咗呀點知去到切蛋糕環節，個蛋糕出奇地好味，芒果好多好甜，最出色係佢個芝士奶蓋面芝士好香，又唔會甜，中和左蛋糕嘅甜味，好味到雖然好飽，但都食晒原來人同蛋糕都不可以貌相

原來除咗人不可以貌相，連餅店都唔可以㗎！如果唔係睇到網上介紹，我完全唔會覺得一間咁傳統餅店竟然會有打卡蛋糕賣囉！買之前做咗少少research，見好多人都話綠茶味係必食，所以我就買咗朱古力味同埋綠茶味。我覺得個茶味濃得滯所以好苦，所以我唔係咁鍾意，加上蛋糕嘅部份又冇乜味，有少少唔明白點解咁多人推介。😅而朱古力味都有同一個問題，個蛋糕嘅部份冇乜味，我覺得可以甜多少少。無可否認影相係幾好睇嘅😂

預早1-2個月嘅卷蛋真係超級期待，兩款茶味都好濃，好正，下次又要預兩個月前訂嗚嗚焙茶卷 焙茶味新口味比抹茶更有驚喜😍可能因為抹茶味回甘味偏苦澀，而焙茶係完全冇澀味🥰﹗食落焙茶味都好香濃㗎，個人推介大家要試焙茶味😛抹茶麻糬卷 $128 ＋$15麻糬抹茶味好香濃，特別係Cream嘅部分，滑得嚟唔會好稀同太甜，食落唔肥膩。海綿部分好軟熟得嚟唔似食空氣，麻糬好煙韌，呢個配搭穩陣🤪抹茶味好香濃，特別係Cream嘅部分，滑得嚟唔會好稀同太甜，食落唔肥膩。海綿部分好軟熟得嚟唔似食空氣，麻糬好煙韌，呢個配搭穩陣🤪

望穿秋水我條卷蛋終於拎到🎊！呢間人氣ig卷蛋 @happyrollerhk 係傳統舊式老餅店，店面買嘅都係懷舊港式麵包和蛋撻，要食人氣卷蛋就一定要上網訂啦！/🍵流心抹茶卷蛋 $128 +麻糬 $15訂左個半月所以真係勁期待🤩，採用上丸久小山園出品的抹茶，茶味非常濃郁，食落回甘微澀唔會太甜，卷蛋爆曬Cream多到滿瀉，麻糬夠煙韌，蛋糕都保持空氣感好軟熟，超足料！/依家想再訂已經要等到出年啦🥺～絕對值得回購，大家唔好同我爭🤣！

終於食到喇！訂咗成個月，終於食到喇！🤤.為咗滿足兩個願望，揀左抹茶x焙茶，茶味🍵夠回甘，蛋糕濕潤夠texture😋.但攞蛋糕一刻，先發現原來自己冇加麻糬，崩潰🤯，下次再買過，不過又要再等一兩個月先食到😩.Btw，攞餅姨姨🧑🏻‍🦰勁好人，好好傾🗣

漏哂出黎喇啲Cream！好濕潤！不枉獻出我既第一次 - ig買bakery，有時網上買野食始終見唔到實物就要比錢，但呢間實係次次都搶到唔現貨😂 試過朝早打左100次都係電話唔通我放棄唯有早半個月預訂，睇下佢何方神聖。讓我獨在家中抗疫都可以享受佢既Cream包圍住我靈敏既舌頭，茶味比出面的濃，店主應該相當重口，分左兩日嘆，第一次比較濕潤去到第二日剛剛好但一樣咁正，一定要翻啅！一條$128可以切到5份，如果厚份都有4份，除反開其實都好抵食！

開心餅店既店面係傳統中式面包店既外形，真係估唔到會有咁多新式蛋糕、卷蛋，仲要咁高質，價錢唔貴，CP值高👍🏻最近好多介紹都係推介緊佢地既卷蛋，今次適逢慶祝生日，就試試佢既蛋糕先🎂芝士奶蓋草莓蛋糕🍓表面蓋上一層厚厚既奶蓋已經令人食指大動🤤下面見到蛋糕外圍都抹上左草莓忌廉，粉紅顏色十分夢幻。切開內層有三層海綿蛋糕夾住草莓忌廉同新鮮草莓果肉，忌廉食落好creamy好light，唔會好漏，好香甜甜既草莓味，完全唔係藥水味道😋😋海綿蛋糕好鬆軟，芝士奶蓋好綿滑好厚，食落一開始好濃奶味，之後咸香味慢慢出黎，非常香濃既奶蓋，超級推介！大家生日蛋糕都可以考慮下搵依間傳統餅店😋😋😋

卷蛋蛋糕一直俾我的感覺就是很傳統的，普通奶油忌廉加蛋糕卷在一起，因此儘管fb間中都有廣告介紹，都冇諗過試。上個月有朋友介紹，話happy roller 朱古力卷蛋蛋糕加麻糬好好味，所以就決定訂一個番黎試一試。八月中訂要九月尾才有期，但這卷蛋絕對值得期待！happy roller 是間傳統賣麵包的店鋪，拎蛋糕時都有數名顧客正在挑選麵包。店鋪很貼心，提取蛋糕時會附送冰袋，不用怕卷蛋蛋糕會溶。朱古力味很濃，餡料十足，而且不會太甜，很好味！加$15 可以加麻糬夾心，麻糬煙煙韌韌，與朱古力味都好夾。絕對會再encore!