影片
港铁土瓜湾站D2出口, 步行约2分钟
继续阅读
电话号码
36187486
36187487
营业时间
今日营业
07:00 - 00:00
星期一至日
07:00 - 00:00
以上资料只供参考，请与餐厅确认详情
今晚同三位同事出去食饭，去返同事平时食开嘅「镒沣小厨」，小菜份量足，定价合理，老板仲好亲切又好招呼-南乳吊烧鸡 (半只) $118，外皮炸到脆卜卜又够香，鸡肉滑嫩紧致多汁，调味刚刚好又唔劲油，点埋南乳汁更好味-虾酱通菜炒牛肉 $80，通菜爽嫩吸收到虾酱味道又唔会太浓，牛肉唔会乸到冇哂味，有肉香也有嚼劲，同样唔会好油腻-椒盐鲜鱿 $95，炸到金黄干身，附上镇江醋，鲜鱿新鲜爽滑，椒盐味道个人觉得咸咗少少，炸酱如果再薄啲会更理想-滑蛋炒虾仁 $85，虾仁大只爽弹有虾味，滑蛋蛋香浓郁，调味恰到好处，加咗芽菜同葱花炒，色香味俱全，最钟意佢唔会落劲多油
继续阅读
门面ok， 但态度恶劣，嘢食难食，落order好似丐佢咁，恶到一个点啊！一个炒饭炒完出嚟都系湿到黐埋一嚿嚿，啲小炒又咸得滞，同埋D芡汁好似一劈浆糊咁，土瓜湾真系冇乜好食嘅茶餐厅！
继续阅读
一向都无礼貌，落完单或者未落完单直接cut线。今次好似平时咁，叫外卖佢话无咁快，问佢大概几耐，佢话唔知，等到你就等，等唔到你就食第二间。真系火都黎，如果你觉得几十蚊一个饭唔志在，一系你就讲明要够几多钱先送，一系你就唔做外卖。
继续阅读
身为何文田社畜嘅一份子，袋住一两间深宵食堂傍身喺基本配置。讲到平靓正嘅，我同同事首选浙江街嘅《七喜小厨》。除咗性价比高嘅小炒面食，佢$88一大煲足料嘅“螺头虫草花炖汤“可以话喺镇店之宝！甘啱今日同前老细一齐被钦点放工做义载司机，一支旗两架车HOTEL ICON入鲤鱼门，决定回程去《七喜》回味下昔日嘅味道。19：30嚟到浙江街，泊好车先发觉《七喜》失咗纵？！无谂过一向旺场嘅《七喜》都有做唔住嘅一日，执咗😳！ 大失方寸嘅我哋唯有向附近嘅餐厅埋手，最后俾《镒澧小厨》厨师推介嘅剁椒海鲈鱼吸引咗，决定试服/伏。两个人嗌咗：〰️〰️〰️🐟 剁椒海鲈鱼 $88 (CP：◼️◼️◻️◻️◻️)▪️ 胜在厚肉少骨，有鱼香但唔鲜嫩，偏瘦欠缺油脂感，重点“剁椒“辣但唔香，唔惹味，无追食嘅冲动，普通！🥘 海鲜粉丝杂菜煲 $75 (CP：◼️◼️◻️◻️◻️)▪️ 见到呢个煲嘅等一个反应喺“海鲜煲？“。 骤眼睇除咗西兰花，菜心，豆卜，枝竹同粉丝，海鲜嘅成份就喺得𠮶几粒虾米仔。最后经过一番深入了解先发现煲底𠮶几旧鱿鱼！与其话喺海鲜煲，话喺唔小心跌咗几旧炒鲜鱿落个粉丝杂菜煲到嚟得更贴切！🗣 西兰花同菜心翠绿色口感偏腍，调味上整体算喺正常发挥，值得赞嘅喺个煲上枱够热同粉丝入味得嚟保留到一丝嘅脆度，唔会腍哂。整体嚟讲出品有啲离题，味道一般！〰️〰️〰️💸 连两个白饭 (+$10@)， 埋单$183，人均 $92。🗣 味道好一般，茶记一贯嘅setting，迫夹咗啲，卫生有进步嘅空间。差唔多嘅价钱我会有好啲啲嘅选择！今次一别可能就是永远～ 再见了浙江街，再见了我嘅回忆！
继续阅读
食材几好，很多选择，价格也不贵，我睇了菜脾同个仔见到样样都想食。今日点了烧鳮，酸菜鱼，d鱼冇骨。餐厅装修是普普通通，但其他都OK . 味道又OK 算系咁对得住个价格了
继续阅读