鎰灃小廚

营业中

休息中

今晚同三位同事出去食飯，去返同事平時食開嘅「鎰灃小廚」，小菜份量足，定價合理，老闆仲好親切又好招呼-南乳吊燒雞 (半隻) $118，外皮炸到脆卜卜又夠香，雞肉滑嫩緊緻多汁，調味剛剛好又唔勁油，點埋南乳汁更好味-蝦醬通菜炒牛肉 $80，通菜爽嫩吸收到蝦醬味道又唔會太濃，牛肉唔會乸到冇哂味，有肉香也有嚼勁，同樣唔會好油膩-椒鹽鮮魷 $95，炸到金黃乾身，附上鎮江醋，鮮魷新鮮爽滑，椒鹽味道個人覺得鹹咗少少，炸醬如果再薄啲會更理想-滑蛋炒蝦仁 $85，蝦仁大隻爽彈有蝦味，滑蛋蛋香濃郁，調味恰到好處，加咗芽菜同蔥花炒，色香味俱全，最鍾意佢唔會落勁多油

門面ok， 但態度惡劣，嘢食難食，落order好似丐佢咁，惡到一個點啊！一個炒飯炒完出嚟都係濕到黐埋一嚿嚿，啲小炒又鹹得滯，同埋D芡汁好似一劈漿糊咁，土瓜灣真係冇乜好食嘅茶餐廳！

一向都無禮貌，落完單或者未落完單直接cut線。今次好似平時咁，叫外賣佢話無咁快，問佢大概幾耐，佢話唔知，等到你就等，等唔到你就食第二間。真係火都黎，如果你覺得幾十蚊一個飯唔志在，一係你就講明要夠幾多錢先送，一係你就唔做外賣。

身為何文田社畜嘅一份子，袋住一兩間深宵食堂傍身喺基本配置。講到平靚正嘅，我同同事首選浙江街嘅《七喜小廚》。除咗性價比高嘅小炒麵食，佢$88一大煲足料嘅“螺頭蟲草花燉湯“可以話喺鎮店之寶！甘啱今日同前老細一齊被欽點放工做義載司機，一支旗兩架車HOTEL ICON入鯉魚門，決定回程去《七喜》回味下昔日嘅味道。19：30嚟到浙江街，泊好車先發覺《七喜》失咗縱？！無諗過一向旺場嘅《七喜》都有做唔住嘅一日，執咗😳！ 大失方寸嘅我哋唯有向附近嘅餐廳埋手，最後俾《鎰澧小廚》廚師推介嘅剁椒海鱸魚吸引咗，決定試服/伏。兩個人嗌咗：〰️〰️〰️🐟 剁椒海鱸魚 $88 (CP：◼️◼️◻️◻️◻️)▪️ 勝在厚肉少骨，有魚香但唔鮮嫩，偏瘦欠缺油脂感，重點“剁椒“辣但唔香，唔惹味，無追食嘅衝動，普通！🥘 海鮮粉絲雜菜煲 $75 (CP：◼️◼️◻️◻️◻️)▪️ 見到呢個煲嘅等一個反應喺“海鮮煲？“。 驟眼睇除咗西蘭花，菜心，豆卜，枝竹同粉絲，海鮮嘅成份就喺得嗰幾粒蝦米仔。最後經過一番深入了解先發現煲底嗰幾舊魷魚！與其話喺海鮮煲，話喺唔小心跌咗幾舊炒鮮魷落個粉絲雜菜煲到嚟得更貼切！🗣 西蘭花同菜心翠綠色口感偏腍，調味上整體算喺正常發揮，

食材幾好，很多選擇，價格也不貴，我睇了菜脾同個仔見到樣樣都想食。今日點了燒鳮，酸菜魚，d魚冇骨。餐廳裝修是普普通通，但其他都OK . 味道又OK 算系咁對得住個價格了

因男友幫他的朋友搬屋到土瓜灣，今日特意跟男友在土瓜灣食晚飯，但時間較夜，就在附近入了小廚食小炒！一向都喜歡有鑊氣的餸菜，所以這個時菜炒班球一定對胃。有鑊氣之餘也很香，魚塊的數量也合理及好食。菜心也很新鮮，餸飯一流。另一碟是欖菜肉碎炒四季豆，這個有欖菜就已經好香，肉碎跟豆的配搭又夠味，完全係可以全碟沽清。兩人食了一碟也不會嫌多呢！兩個人share 1 碗飯，食哂所有餸，就已經好滿足。叔叔的招呼也好街坊好親切。

經常路過鎰澧, 總會被貼係窗口嘅南乳吊燒雞彩圖吸引, 不過成舊水半隻雞, 赤貧線下生活嘅我總覺得有D肉痛 (孤寒就真啦!) ....今次入去幫襯, 望完成個 menu 都唔知食咩好, 結果.... 肉痛地叫咗個南乳吊燒雞....再點咗個肉鬆蒸水蛋.我對吊燒雞要求唔高, 皮脆, 肉嫩, 唔肥.以上三點，鎰灃絕對達標，而且無話燒到過火變得太深色，雞肉點咗南乳汁，甜甜地更惹味！原本蒸水蛋技術唔太巧，嘗試過幾次之后都叫做可以接受，但總係無餐廳蒸得咁滑咁靚.隔住個芒都睇得出，鎰灃嘅蒸水蛋，外面唔夠平滑有明顯水泡，慶幸入口仍然極之嫩滑而且蛋味足，只係蔥花唔夠多吧了.鎰灃無咩人客總有原因，過幾日去一條街之隔嘅七喜幫襯，南乳吊燒雞半隻都係90蚊咋！

好耐無去七喜，點知入到去勁熱，好似無開冷氣噤，單都無落馬上閃人，過對面鎰灃小廚！入到去簡直好似由地獄去到天堂，冷氣足夠涼得多，即使價錢貴咗少少都值，好過食到身水身汗攞自己黎受.點咗黑椒牛仔骨，西蘭花鮮魷.優點：1, 黑椒牛仔骨入味，食得到黑椒味，而且帶少少甜，夾自己口味，肉質 juicy 唔會煮得過火，滿意.2, 西蘭花鮮魷係水準之作，鮮魷炒得鮮嫩，滿意x2.3, 兩個小菜份量足，無偷工減料.4, 最滿意當然係冷氣夠凍啦！缺點：1, 西蘭花鮮魷無提供蝦醬.2, 價值貴咗少少.我地係最后一枱客，不單只小菜無hea做，而且佢地見我地埋單先關冷氣，服務滿意啦！

自從年多前由七喜轉手去鎰澧之后, 就一直都未幫襯過, 最主要原因係價錢比其他餐廳貴, 到我想幫襯佢就關門, 無緣！今次終於有緣見識一吓鎰澧小菜, 點咗瑤柱粟米魚肚羹, 南乳吊燒雞, 魚香茄子煲.優點 :1, 落單時要求魚肚羹多蔥, 真係多蔥, 服務好過七喜啦!2, 魚肚份量不少.3, 吊燒雞雖然唔係燒 (依家D食巿重邊會燒!) 而好明顯係炸, 不單只皮脆, 雞肉極嫩滑, 連骨都炸脆, 推介!4, 魚香茄子煲上枱時香味撲鼻.5, 茄子煲有落咸魚, 名符其實有魚香.6, 每個小菜份量足夠.7, 客唔多, 所以上菜速度快.8, 好奇怪, 其他餐廳便宜嘅小菜, 鎰澧就標價貴, 但人地嘅貴價菜咖哩蟹, 避風塘炒蟹, 哩到就係百零蚊喎! 真攪鬼!缺點 :1, 瑤柱粟米魚肚羹遙極都遙唔到一條瑤柱出黎!2, 南乳醬份量不足.3, 魚香茄子煲雖然魚香撲鼻, 但咸魚好聞唔好食.4, 小菜價錢略貴.5, 雖然得翻我地一枱客, 都唔洗熄哂冷氣掛, 開翻一部俾我都得掛!6, 上面不停拍拍拍! 拍到大大聲！意思係….. 上面部滅蚊燈不停係到拍拍拍呀! 你做咩陰陰咀笑啫! 

Very yummy dishes with a reasonable price!😍 this restaurant is probabaly our family canteen, we come like twice a week as it located in the middle of To Gwa Wan👍🏻 The one I love the most is 椒鹽九肚魚 omg omg must order!!❤️ Dinner is nom nom, will try their breakfast next time☺️