影片
任食打边炉2小时，汤底麻麻，不过火锅料多选择，云吞吾错，牛肉都ok,虾一串串都食得方便，我觉得猪红同猪肝麻麻，吾建议叫。菇类都ok,饮料及雪糕任饮任食，服务ok!价钱平，打边炉吾想食咁贵，可以来呢间。不过我记得我成㶽都系野食，间餐厅一到2个钟就赶人卖单
继续阅读
食物质数不错 原本都想翻兜 可惜服务劲差 明明话任食两小时 我哋三个人 我同一个朋友1900到 佢安排我哋入座 但我话仲有人未到 佢话唔紧要 会俾我哋食多阵冇所谓 锦既然你锦讲 我哋咪入座啰 我哋系1910入座的 我哋剔剔吓食物纸 俾佢抢咗张纸 话要落咗先 叫我哋再划过第二张 我哋边食边等 1930左右我朋友到 食到8点几 佢走嚟话够钟 催我哋走 仲将啱啱到嘅食物攞走 我好大声话我哋未够钟 你check清楚先啦 佢见我哋有啲燥 先将啲食物俾返我哋 之后每10分钟催我哋一次 期间佢都不断催其他枱走 最嬲系佢叫我哋唔好讲嘢 食完先好讲 真系嬲爆 未够9点 仲有个女侍应伸只手埋嚟熄我哋个炉 结果我哋死坐到2110 足两个钟先走 原本以为佢出面好多人等紧先咁急赶人走 但出到去系一个人都冇啰 完全唔知佢催乜 以后都唔会再帮衬！不知所谓嘅服务态度！
继续阅读
打边炉通常去酒楼打，今次试下一间日头食点心夜晚打边炉ge店可以话唔会咁吵咁多人，不过地方就细D啦有几款汤底选择有自助调味bar拣左清清地猪骨汤，都有唔少配料每张台随离有车仔放野食叫左肥牛，份量OK，肉质几新鲜仲有海鲜类可选择，D虾都几大只几新鲜，是日海鲜系蚬，不过就比较细粒鳝片劲好食，好甜好新鲜，一叫再叫!!唔经唔觉食左好多野，真系唔错，D野食都好新鲜叫左个滑牛就一般，都系肥牛好食D有2个时段，5:00pm-9:30pm 成人收费 $158、小童 $98， 9:30pm-2:00am 成人收费就 $138、小童 $98，星期五六日、公众期假及前夕，每位加收 $10， 7:30pm 前结账离座每位减 $10。 呢度算又平又抵食，可以再黎食过!
继续阅读
我哋晌晚上5至9:30嘅时段嚟，未计加一$158一位任食两个钟，以旺角嚟讲都算合理。虽然佢哋晌旺角同太子交界，当日亦正好系晚餐时间，但嚟到嘅时候都唔到半满，的确有少少意料之外。环境方面就同坊间大部份火锅店大同小异，只系啲位摆放得比较迫，有啲仲要系靠柱而坐，对于身形比较健硕嘅人嚟讲可能会有少少唔方便。酱料系自助嘅，除咗比较大路嘅豉油、辣椒、蒜蓉、炸蒜蓉、葱花同芫茜之外，仲有沙姜碎、花椒油同麻酱等等。饮品都系自助嘅，有罐装汽水同唔同款式嘅韩式饮品，选择算多。甜品方面当晚无宣传牌写嘅泰式甜品，只系得雀巢雪糕，不过口味都几多，包括有芝麻、红豆、芒果同呍呢嗱四款。火锅料大约有几十种，用画纸仔嘅形式order，选择大众化想食嘅都有。呢度有要额外加钱嘅台式汤底，但对我哋嚟讲吸引度唔大，所以只系叫咗正宗麻辣锅，汤底被一层又厚又红嘅辣椒油彻底覆盖住，仲隐约可见底下有大量辣椒片。无几耐店员就将我哋order嘅食物拎嚟，当中比较深印象嘅系黑豚肉几松化、羊肉片膻香、手切肥牛软嫩，海虾、手打墨鱼滑同黄金鱼腐都几鲜香弹牙，豆腐滑溜、猪肚爽口，韭菜鲜肉饺同鲜虾水饺都声称自家即日制作，外皮薄肉馅丰富，包得实净唔松散。我同朋友分别饮咗忌廉沟鲜奶、石榴汁同乌龙茶等等，韩式饮品比较细罐，咁就可以饮多几罐唔同口味嘅。最后以芝麻同红豆雪糕做总结，好饱呀！我哋埋单走𠮶阵啱啱好过咗9:30， 正正系$138一位嘅特价时段， 食客相继入座， 场面变得热闹起嚟， 似乎而家先系佢哋嘅黄金时间。 宣传牌上指佢哋系间新派火锅，实际上火锅料嘅选择比较大路，不过以价钱嚟讲质素都算唔颓。 至于所谓嘅新派， 我觉得应该系指有提供韩式饮品吧， 始终以港式火锅放题嚟讲又真系比较少见啲嘅。
继续阅读
以每位168加一来说，野食是相当可以的，牛肉肥瘦适中，虾都很鲜甜，手打虾滑、墨鱼丸好好食！水饺云吞都好出色！无论上菜或者收盘，楼面都做得很好！就是座位安排上，建议提早订位，并准时或提早五分钟到！（小插曲：有客人迟到，有没有通知食市，楼面有没有打电话追问客人，结果两张四人枱空置了近半小时，另一客人又嘈坐位安排，其实当时楼面应该打电话问一问订枱的客人是否会到，再进行座位安排），另外付款＄400，本来应该找回30，楼面例牌把其中＄10全是硬币，如果老公攞完20，楼面即时关上收银簿，咁就收咗＄10尾数，有点俾人老强的感觉另外日头是点心，下次一定揾机会过嚟试一试！
继续阅读