鍋心 (已結業)

任食打邊爐2小時，湯底麻麻，不過火鍋料多選擇，雲吞吾錯，牛肉都ok,蝦一串串都食得方便，我覺得豬紅同豬肝麻麻，吾建議叫。菇類都ok,飲料及雪糕任飲任食，服務ok!價錢平，打邊爐吾想食咁貴，可以來呢間。不過我記得我成煱都係野食，間餐廳一到2個鐘就趕人賣單

食物質數不錯 原本都想翻兜 可惜服務勁差 明明話任食兩小時 我哋三個人 我同一個朋友1900到 佢安排我哋入座 但我話仲有人未到 佢話唔緊要 會俾我哋食多陣冇所謂 錦既然你錦講 我哋咪入座囉 我哋係1910入座的 我哋剔剔吓食物紙 俾佢搶咗張紙 話要落咗先 叫我哋再劃過第二張 我哋邊食邊等 1930左右我朋友到 食到8點幾 佢走嚟話夠鐘 催我哋走 仲將啱啱到嘅食物攞走 我好大聲話我哋未夠鐘 你check清楚先啦 佢見我哋有啲燥 先將啲食物俾返我哋 之後每10分鐘催我哋一次 期間佢都不斷催其他枱走 最嬲係佢叫我哋唔好講嘢 食完先好講 真係嬲爆 未夠9點 仲有個女侍應伸隻手埋嚟熄我哋個爐 結果我哋死坐到2110 足兩個鐘先走 原本以為佢出面好多人等緊先咁急趕人走 但出到去係一個人都冇囉 完全唔知佢催乜 以後都唔會再幫襯！不知所謂嘅服務態度！

打邊爐通常去酒樓打，今次試下一間日頭食點心夜晚打邊爐ge店可以話唔會咁吵咁多人，不過地方就細D啦有幾款湯底選擇有自助調味bar揀左清清地豬骨湯，都有唔少配料每張檯隨離有車仔放野食叫左肥牛，份量OK，肉質幾新鮮仲有海鮮類可選擇，D蝦都幾大隻幾新鮮，是日海鮮係蜆，不過就比較細粒鱔片勁好食，好甜好新鮮，一叫再叫!!唔經唔覺食左好多野，真係唔錯，D野食都好新鮮叫左個滑牛就一般，都係肥牛好食D有2個時段，5:00pm-9:30pm 成人收費 $158、小童 $98，  9:30pm-2:00am 成人收費就 $138、小童 $98，星期五六日、公眾期假及前夕，每位加收 $10， 7:30pm 前結賬離座每位減 $10。 呢度算又平又抵食，可以再黎食過!

我哋晌晚上5至9:30嘅時段嚟，未計加一$158一位任食兩個鐘，以旺角嚟講都算合理。雖然佢哋晌旺角同太子交界，當日亦正好係晚餐時間，但嚟到嘅時候都唔到半滿，的確有少少意料之外。環境方面就同坊間大部份火鍋店大同小異，只係啲位擺放得比較迫，有啲仲要係靠柱而坐，對於身形比較健碩嘅人嚟講可能會有少少唔方便。醬料係自助嘅，除咗比較大路嘅豉油、辣椒、蒜蓉、炸蒜蓉、蔥花同芫茜之外，仲有沙薑碎、花椒油同麻醬等等。飲品都係自助嘅，有罐裝汽水同唔同款式嘅韓式飲品，選擇算多。甜品方面當晚無宣傳牌寫嘅泰式甜品，只係得雀巢雪糕，不過口味都幾多，包括有芝麻、紅豆、芒果同呍呢嗱四款。火鍋料大約有幾十種，用畫紙仔嘅形式order，選擇大眾化想食嘅都有。呢度有要額外加錢嘅台式湯底，但對我哋嚟講吸引度唔大，所以只係叫咗正宗麻辣鍋，湯底被一層又厚又紅嘅辣椒油徹底覆蓋住，仲隱約可見底下有大量辣椒片。無幾耐店員就將我哋order嘅食物拎嚟，當中比較深印象嘅係黑豚肉幾鬆化、羊肉片羶香、手切肥牛軟嫩，海蝦、手打墨魚滑同黃金魚腐都幾鮮香彈牙，豆腐滑溜、豬肚爽口，韭菜鮮肉餃同鮮蝦水餃都聲稱自家即日製作，外皮薄肉餡豐富，包得實淨唔鬆散。

以每位168加一來說，野食是相當可以的，牛肉肥瘦適中，蝦都很鮮甜，手打蝦滑、墨魚丸好好食！水餃雲吞都好出色！無論上菜或者收盤，樓面都做得很好！就是座位安排上，建議提早訂位，並準時或提早五分鐘到！（小插曲：有客人遲到，有沒有通知食市，樓面有沒有打電話追問客人，結果兩張四人枱空置了近半小時，另一客人又嘈坐位安排，其實當時樓面應該打電話問一問訂枱的客人是否會到，再進行座位安排），另外付款＄400，本來應該找回30，樓面例牌把其中＄10全是硬幣，如果老公攞完20，樓面即時關上收銀簿，咁就收咗＄10尾數，有點俾人老強的感覺另外日頭是點心，下次一定搵機會過嚟試一試！

又係吃貨女子組出動既日子, 組員之一先前係呢間火鍋放題食過覺得可以"回頭", 就咁話啦!價錢好實為 ($158位), 任飲任食2小時, 滿6位仲送一位, 咁岩我地就係6位, 計五位錢, 正呀!!!由地下上一層就到, 入座選好湯底後就當然第一時間落火鍋配料單啦, 都好多選擇喎!我地點左呢個芫茜皮蛋湯底, 全部人都岩食又無沙嗲咁肥一開波梗係烚左左牛肉食先啦, 最快有得食嘛, 牛肉成薄片, 唔肥喎, 食落都有肉味, 每次都一整盤落晒去烚, 咁就全部人都有得食啦!海鮮類有蜆, 雖然細細隻, 但食落幾鮮甜喎; 另外佢D蝦賣相相當靚仔, 又夠大隻, 食落仲好彈牙同有蝦味, 以放題水準黎講, 有驚喜喎, 食返佢一斤都回到一本半啦......哈!組員對呢碟鱔片相當滿意, 肉質鮮美, 烚一陣就食得, 不禁叫完又再叫, 食得佢相當滿足呀!丸類選擇都多, 而且味道都OK, 最LIKE佢既龍蝦丸, 烚完都彈牙!上食物速度快, 咁親民既價錢, 食物水準唔錯, 唔怪之得組員會回頭啦!

上次朋友帶我黎鍋心食點心，又划算又好味，隔幾個月再去，今次已轉menu，至於款式少左合我們口味的。脆脆叉燒腸 $21原來內裡有平日食粥配的脆脆，不是「葉翠翠」XD，嫩滑的腸粉皮再配豐富的叉燒餡，當中質感帶脆口，特別又美味！一會兒全球點心都來齊蝦餃 $8/隻，最少要點2隻全都是蝦肉，皮薄餡靚～Q版豬仔叉燒包 $15我覺得似小老鼠，哈哈叉燒包，外皮沒有平日那麼軟熟，整體質素也可以的。鳳爪 $18今次再點同樣美味~~大隻夠腍，醬汁入味。

就係呢個宣傳牌，令我朋友見到後心郁郁話要上去試試。坐低發現晚市沒有點心供應(其實係佢自己睇錯)，佢話有尐中伏feel，但當食物端上來後，那一點點不滿又拋到九霄雲外去了。湯底及食物種類不算太多，不過已經cover哂一般會叫的種類，唔好諗住有好特別嘅野就得，而且有尐選擇都幾generous，例如朋友見到有鱔片直頭雙眼放光，話唔係好多任食火鍋會有。真架，我就試過係九龍城某火窩店(唔係放題)俾錢叫鱔片，可能因為當日冇乜人叫，所以到最後都係無劏到俾我。呢度就有得食嘞，當然你唔好要求好高質數，但朋友話已經好感動。而且有尐聲稱係自家製嘅野，你咪理係唔係真，總之無論賣相味道都唔係一般大路貨色， 值得一讚。任飲嘅飲品again 唔算好多選擇，不過除左可樂cream soda都仲有尐韓國飲品俾你揀，都幾得意。Bottom line：火鍋料新鮮、衛生，落order後上檯算快，份量合理，服務良好，朋友話咁嘅價錢質數一定要再去。我同意。

同朋友仔去旺角食晚飯, 唔知食咩好, 上Openrice search 倒呢間, 有38, 應該啦, 點知...唉, 對於我腰痛人士黎講, 真係辛苦, 一條較直既樓梯。間店細, 大部分係卡位, 但枱與凳之間太窄, 枱與隔離枱之間勁窄, 擺埋架車仔, 根本唔駛出去攞野飲√食物係好新鮮√職員只有男職員服務態度❌全店女職員服務態度不予置評(仲有四十分鐘先夠鐘, 竟然走過黎, 同我哋講: 夠喇嘛！跟住我哋冇理佢啦, 唔夠五分鐘又走黎叫我哋埋單, 好彩個男職員幫佢兜返黎講: 埋左單先, 之後可以慢慢食‥.❌跟住第二次order既終於黎, 食食下, 都仲有10分鐘, 最尾兩碟肥牛, 個女職員無啦啦收起, 但仲有成盆菜又唔收喎, 收d唔收d, 玩野呀最後走時候, 有個男職員仲叫我哋攞埋雪糕先走仲好有禮貌咁: 唔好意思, 嗰啲人係咁(感覺係指女職員)最後, 間野就話兩個鐘, 熟客就唔只兩個鐘, 生面口既, 90分鐘都冇,

前幾天，天氣冷冷的，在回暖之前吃吃火鍋是必需的。在網上經常看到鍋心的介紹，貌似不錯，饞嘴的我當然要試試看。有幾種湯底供大家選擇，四川蕃茄鍋、粟米豬骨鍋、正宗麻辣鍋、皮蛋芫西鍋、川式酸菜鍋和豆腐清湯鍋等。近期吃了很多辣鍋，今次轉一轉，選了粟米豬骨鍋。菜單有大量食物供大家選擇。生猛海蝦小心跳出來！每一件都很鮮甜，蝦味足夠，忍不住每叫多一碟。這裡的脆骨腩滿好食，十分脆口，鮮味與口感都十足，值得一食。手切肥牛脂肪比例不錯，份量也滿多，不會太韌，肉味也很足夠。在任飲任食的前題下，價下相對便宜，食物也不錯。

作為鍋心的粉絲，一知道旺角開了間火鍋的，立刻去了幫襯！ 這裏的收費價格相宜， 平均每人才158元一位任食火鍋， 簡直是新開張益街坊！ 而且這裏配料款式十分多， 大大話話起碼有超過80款選擇， 又豬牛羊到海鮮到餃子到丸丸都應有盡有！ 啱曬一家大細嚟食！ 當然湯底就不能要求太高了， 大眾化的皮蛋芫茜湯底就已經很符合心意了， 始終收這個價錢不能夠要求有什麼花蛤大蟹煲吧？！ 醬汁方面，都是可以去到自助吧那邊自行調配， 生蒜、熟蒜、辣椒、芫茜、蔥花 、山茶醬、沙爹醬……應有盡有！ 點單時，寫上人數，再選取食材， 夥記們便會送上一定份量的食物， 避免造成浪費， 圖中的分量是揀選了2人的份量來的。 其實算蠻多的。 想不到這裏連田雞呀、牛展、白鱔魚、海蝦等比較貴一點的食材都有得食，尤其是鱔魚，食幾碟番曬本！ 同時這裏食啲肥牛質素也不錯， 當然不會去到和牛般級數吧，不過也叫做入口嫩滑，質素過得去啦！ 而且切得夠薄，用湯輕輕灼熟便可以食， 我們也大戰了四小碟呢！ 白線魚是整晚是日推介， 新鮮富有彈性的鮮鱔片， 含豐富骨膠原的鱔魚皮，雪白嬌嫩的鱔魚肉…… 教人怎能不動心？ 我簡直是獸性大發地吃了三碟！個人！

又到我張神介紹野食，對於任食打邊爐嚟講，我比較著重就係海鮮方面，因為海你鮮呢樣野先可以試都任食打邊爐既真功夫。而鍋心是日海鮮大蝦係絕對新鮮，大隻加鮮甜，正!而鱔片就超爽口，新鮮就更加唔話得啦。有一樣野值得一提，就係佢細細碟，份量唔多，所以我地可以試多幾款野食，同唔會浪費。店員服務好好，有提我地記得要食雪糕。同價錢唔貴!總結嚟講，值得推介!!

食點心唔一定去飲茶食ge!!呢間鍋心日頭就食點心，夜晚就打邊爐，都幾有諗法。今日就日頭去左食點心，裡面唔大，坐位都好緊貼。2個女仔我地都算叫左幾多野...蝦腸，一般，冇咩特別，蝦都算幾大粒。呢個好食，煮得好林好入味又夠熱。油菜，真的非常油，食想都係想清一清，可唔可以唔好咁多油...奶黃包，有點失望，唔算好熱，食左2淡都唔係好想食。超油ge炸春卷，個杯底係有油滴架，成條都好油咁ge味，我就唔中意食啦小籠包，一個一個咁叫，一隻完整比個朋友食左，我果個整穿左，冇曬汁...咖哩魷魚都好大舊，幾唔錯，唔會太辣都幾入味，魷魚都幾滑。叫左個特飲，綠豆冰，真係超冰，好椰奶味。最後叫左甜品雙皮奶，等左好耐，但完全冇皮囉，不過個味都ok ge。都唔係食左好多姐，哈哈

天氣涼涼地 食飯離不開打邊爐今晚媽媽話太子有間任食火鍋幾抵 要去試下餐廳唔算太大 二十枱左右啦 全場爆旺區黎講算抵食 任食2粒鐘 只係$158早啲或者晏啲又平啲 唔怪得之咁多人單單係火鍋湯底已經有6-7款選擇我地㨂左粟米豬骨湯火鍋配料更加有驚喜 勁多選擇特別少少嘅 竟然有田雞 同 黑柏葉先黎個肥牛試一試 雖然任食 但質素好好重要encore左5-6碟都係相同質素 抵讚全隻田雞 好耐都無係出面食過手打丸 係好食嘅 墨魚滑勁彈牙重有好多其他配料 全部都有質素的

早兩日一家三口出去行花墟，行完後又到晚飯時間了，於是就在附近一帶揾食團年飯，行左陣途徑太子道這間火鍋店，而且當時天氣較為寒冷，一家人都好想打邊爐所以二話不說就入內攞位，入店後好快就安排坐位，坐低後侍應即時問我地要咩湯底及解講飲品同調味料都是自助的而食物就要剔紙既，都幾細心同有禮貌，低讚👍🏻而現場都有九成滿座，先嚟湯底，我地揀左個粟米豬骨鍋，賣相唔錯以任食來講都算幾足料，其後送上已点的食物有手切肥牛，推介海鮮(蝦同蜆)，蟹柳，韮菜餃，墨魚滑等等，其後第二轉叫左蓮藕片，粟米，雞肶菇，貢丸，濑尿肉丸，蜂巢豆腐等，款式普普通通，而最值得推介係手切肥牛同白鱔片，兩者都厚切新鮮好味這兩款食物我共叫了五轉，整體上冇漏過單食物種類亦多，飲品款式都不小，最重要係質素以百零元嚟講真係性價比高👍🏻👍🏻最後我一家三口都抱住個肚很滿足地離開😋😋