鐵牛台灣牛肉麵 (希爾頓大廈)

营业中

休息中

下午時間都比較多人所以要喺門口等一陣先至有位坐 不過就搭枱囉我就叫咗佢主打嘅紅燒牛肉麵牛肉有3塊左右 味道都可以接受個湯底都有牛肉味所以都唔錯面方面就正正常常不過不失

每次行過搭過海巴都話搵日去試，好啦，終於試到啦！但其實係失望既...一般台灣野都比較重口味，但佢個紅燒牛筋腩麵就唔多夠味... 點講呢，唔係唔好食，亦唔係話淡而無味，只係同預想既有落差，佢比茶木既淡，但好就好在無咩味精! 個紅燒牛筋腩乾拌麵都係一樣! 我就睇下有冇萬能既辣椒醬，豆版醬之類. 咁就有位讚啦！ 呢個辣醬，一打開個蓋就聞到香辣，撈埋落個麵到就即刻加哂分! 我地仲叫左個炸豆腐，同樣唔夠香，不過舊豆腐就好滑身! 凍檸檬冬瓜都唔錯，唔會太甜

成日都係紅磡行去尖東食野，前排先發現原來地庫有餐廳，今晚係附近做野就試一試~坐低見到本餐牌，係用台灣最常見既棉羊仔做封面，係幾有心思既~睇睇餐牌，尖東黎講，一啲都唔貴，同朋友每一叫左一碗面，再加兩個小食。我點左一碗鹽酥雞肉燥乾拌面~$64，鹽酥雞同湯係分開上既，湯可以隨自己喜好加，鹽酥雞好脆，唔係淨係得粉，幾好食！肉燥面就普通，不過不失~麻辣豬耳~$38，辣辣地幾爽口鹽酥小拼盤~$48，想試唔同款既小食可以揀拼盤，份量都正常，炸番薯值得一讚，外脆內軟，外邊仲灑上梅粉，甜甜地幾match！其實野食正正常常，小食都好味既，點解我會話冇下次呢~因為服務同環境真係好差！服務員態度好差，冇問人就收走啲野，問佢點解收走，竟然係回左句食完咪收囉！當下呆左環境望落算乾淨，但一路食就一路聞到陣陣臭味，攪到食得好唔安落~

要數尖東好味既餐廳，鐵牛係一個不二之選，未去過都唔知係地底位置有間餐廳，但食飯時間總有人排隊，香港人好鍾意去台灣，無得去時就食台灣菜炸豬扒面： 豬扒稍稍有點乾，但面好食搭夠返油菜夠大碟，平衡一下外出食菜唔抵既心理珍珠奶茶都唔錯牛肉面既牛肉好淋呢度絕對係值得一食再食既餐廳

之前都食過鐵牛, 不過就係食晚餐, 上次已經覺得唔貴, 原來佢下午茶都幾抵食喎, 30幾蚊一位！而且下午茶時段都唔多人, 坐得舒服啲~!滷肉飯入味開胃, 當下午茶份量啱啱好, 對女仔食量來講, prefect!滷水蛋OK, 唔算特別！ 鹽酥雞外面加左椒鹽, 夠酥脆, 唔乾!! 麻辣牛肚絲就真係做得好好, 夠麻夠辣, 好啱鍾意食辣嘅朋友! 豬爽耳都做得唔錯, 夠味夠爽口! 台式飲品也不錯, 如果有更多選擇就更好! 總括來講呢度嘅小食比主食做得好~!

今天下午同同事去鐵牛食個lunch. 時間尚早。仲有空位座。一坐底就即刻點左個招牌牛肉麵。而同事就點左個鹵肉飯加台式腸仔。首先我講下個牛肉麵，湯底來講好比心機。好濃香既味道。而牛肉就好似牛腩咁。本身我好鐘意食牛腩。所以好岩食。而麵就比較粗身。所以都十分有咬口，配埋自家制允酸菜就一絕。鹵肉飯配台式腸仔套餐。鹵肉飯同平時食開用肉碎不同。他們用五花腩來制作。所以比較油份多。食左幾口已經覺得有點滯。不過佢配有三款清淡的前菜。所以都可以完全食完碗飯。而腸仔上配有生蒜片。有點辣味。好好食。

唔經唔覺已經到左夏天啦🌞自己份工好多時都要户外工作，有時曬完大半日👩🏿，夜晚都無咩心機食飯，所以岀街食晚餐嘅時候，都會簡番麵食🍜今次就去左鐵牛試拌麵啦！其實我係應該簡番牛肉試下，不過始終豬軟骨真係好吸引❤️麵底有啲似上海麵，煮得岩岩好，唔會淋晒，而且都有足夠嘅汁拌麵，如果有得加少少辣椒油🌶️一定再香口啲🤤但係唔係每一舊豬軟骨都夠軟同入味，下次都係再試牛肉為主嘅菜式另外叫左尼個小食拼盤，包括豬耳🐷、雞蛋🥚同埋豬大腸🐖其實豬耳同滷水蛋都十分不錯，但係個豬大腸就比較一般。因為上菜速度夠晒快，所以岩晒想食個快lunch or dinner 嘅人👍🏼✨

今天下午三時多到鐵牛吃麻辣牛肉麵，牛肉味道濃郁，特別喜愛它的湯頭，像去了台灣一樣。另外喜歡吃它的牛筋，超級入味；麵質亦爽滑，每次去尖東也會到鐵牛吃，不二之選！此外，薄荷咖啡（走糖）亦不錯，可以一試！

難得有時間可以中午過來吃午市套餐，套餐選擇都不少，不過一場來到，一定要試經典的招牌牛肉麵啦麵一端上來就聞到很香的牛肉味，第一口一定要喝個湯頭，好好味，再來看看牛肉，足足有4-5個大塊牛肉還有牛筋，牛肉或者牛筋入口即化，很軟熟，都是很好味有機會一定會再來試其他套餐

lunch time同朋友黎左鐵牛食台灣野，一向鍾意食麵，所以就叫左佢地嘅招牌紅燒牛肉麵，再加一杯珍珠奶茶。紅燒牛肉麵嘅湯底好濃郁，不自覺咁飲左好多，而且牛肉肉質好嫩滑。而杯珍珠奶茶餐飲黎講就不過不失，不過珍珠略嫌少左啲。

有無都係牛肉麵🍜既fans舉手舉手🙋🏿🙋🏻‍♂️鐵牛係其中一間我鍾意，就腳又唔駛點排隊既牛肉麵🥰🥰番茄味都幾濃下，食得出係新解既番茄味，唔係海底撈個種溝出黎既味😂😂當然我覺得佢都係有落味精既😂😂牛肉都叫做幾大塊🤔其實同普通既牛肉麵既牛肉係一樣既🙈不過腍得黎又唔會無咬口，又牛味🐄之餘又唔會膻👍🏻好似好簡單但其實好少店做到😭最最最重要係‼️‼️個麵好彈牙😍😍😍煙韌控一定要去試🙏🏻就算慢慢食，食到最後一樣咁彈牙👏🏻👏🏻•佢既紅燒牛肉麵都好好食🤤有藥材味，但就比較重口味，所以我會按返當日心情揀😂想食清淡就番茄🍅濃味就紅燒💯

差少少 (20分鐘) 唔想等, 食唔到下午茶, 照想食午餐! 晏 d 去好處係唔駛等位! 先行到櫃枱買飛, 店員會將餐送到枱上! 滷肉香酥排骨便當 $58 包一杯熱飲 ~ 一大塊排骨, 皮炸得極度鬆脆, 肉質則有點咬口又未至於硬, 唔係厚切豬亦唔會薄如紙! 珍珠米白飯面有少量滷肉, 份量於我剛剛好! 家鄉滷肉便當 $46 包一杯熱飲 ~ 多好多滷肉, 相對哋無排骨便當咁抵喇! 各款便當都有3款小食, 半隻滷水蛋 (硬到鐵蛋咁), 黃牙白, 醃蘿蔔! .註: 水準是維持到的, 我比較喜愛呢度既便當多過麵! 

鐵牛牛肉麵都算係人氣小店！有好幾間分店！今次行過尖沙咀美麗華商場！ 見唔使排隊就入去試吓啦！好難得weekend 的 lunch time 都唔駛排隊！坐位都幾闊落，唔需要坐得太迫！坐得都幾舒服！呢度係要自行入座、 諗好食咩，再去收銀處排隊付款，等侍應送餐！整個過程大概15分鐘就有得食啦！我同朋友分別點了魯肉飯和招牌牛肉麵！一齊開心Share!招牌牛肉麵湯底加了一點藥材，湯味非常濃郁！但對我來說就有一點太重味了！牛肉真的很鬆軟， 而且麵條亦很彈牙！Overall都好OK嘅！但係魯肉飯就真係好一般！ 飯有一點硬！而且味道亦都十分普通！沒有太大的吸引！

喺尖沙咀返工，喺附近食來食去，都食到唔知食咩好啦。聽同事講，鐵牛有下午茶，細細份好岩女仔食。上次星期六嚟就無，應該閑日先有呢個優惠😳今次見到門口有棟個牌出嚟，就入去食喇～價值方便好實惠，$36數起，野飲可以加錢揀檸茶檸水以外嘅選擇。不過主今選擇就唔多啦，得四款。小食可以叫三款，非常驚喜。好開心咁叫左脆薯、小香腸同鹽酥雞。野飲加錢要冬瓜茶，味道超級甜。細細碗，份量岩岩好，好開心。下次再來食過。試埋其他小食！

夜晚8點幾收工天寒地凍，一個人去左鐵牛食台灣牛肉麵，價錢普通，點了一個麻辣豬肚，焦糖珍珠奶茶少珍珠，還有一個招牌牛肉麵，麻辣豬肚夠惹味，牛肉麵夠熱，湯底濃而不膩，麵口感有彈性，少少甜可能因為一口麻辣一口湯關係，牛肉入味不癡牙，食牛肉最怕的就是癡牙，這間反而沒有，放膽大啖大啖咬無問題。珍珠奶茶有改善空間，奶茶奶味好重無茶味 ，少珍珠還是很多珍珠，加上水吧有點大意，給了細飲管，吸左一陣發現唔對路，示意店員給回粗飲管。最後值得一讚店員有禮貌，互相幫助清理檯面不會像木頭人般，有講有笑才能令客人更舒服。總分： 食物 8.5 / 10 。1分係改善空間，0.5係珍珠奶茶扣的環境 9 / 10坐在33號台一個人面對牆邊另一張台的人，感到尷尬。服務 9.5 / 10 店員有禮貌，有歡迎光臨，有眼神接觸，有微笑，有講多謝晒拜拜。一定會再光顧，會帶朋友去。😊😊😊