鐵板一 (裝修中)

話說今日本身約咗朋友喺銅鑼灣食飯，點知，一個電話打黎，最後得返我一個人食，一個人好難搵地方食，想搵啲靜靜地既地方食個單人飯，終於係附近搵到間環境舒適既地方，不過入到去發現都幾多情侶🤥🤥🤣 本身睇下有無黯然銷魂飯叫，最後叫左個出水芙蓉原隻鮑魚滑蛋蝦球飯 $88 ，哈哈😆 份量適中，對我黎講好夠，但味道質量相當唔錯，蛋夠滑，蝦夠甜，飯夠香，鮑魚夠大隻，爽！ 簡單直接！ 唔錯，好食！下次一定捉埋其他人黎食。

好耐冇食過牛扒，今日到銅鑼灣特登搵咗一間西式有得食牛扒嘅地方，睇嚟應該冇搵錯，因為幾日都冇睇已經發現好多人，即刻開動我個Scanner，望一望附近啲客人叫咩食，發現叫嘅種類都非常不同，最重要係份量相當驚人，我朋友隻手已經好大，塊牛扒仲大過隻手。所以二話不說我哋坐低就開始叫嘢食！我一嚟就叫咗鐵板肉眼 $98, 我朋友就叫咗鐵板波爾多紅酒會牛柳條飯 $75可以不失所望，因為嗌五成熟嘅關係，所以對我來講啱啱好，啲黑椒汁亦都好入味！ 性價比好高，喺銅鑼灣區食到呢啲質素已經非常唔錯！ 下次會再嚟幫襯！

喺朋友社交平台見到佢介紹呢間餐廳👍🏻今日食lunch冇人陪我食，所以我都自己去咗呢度試吓！首先呢度嘅店員服務質素好好，安排入座好用心，而且都有好認真介紹Menu👍🏻整體感覺幾好！而且呢度嘅lunch都有好多唔同嘅菜式可以選擇！👍🏻店員介紹咗呢個鐵板波爾多紅酒會牛柳條飯😌一見到呢個鐵板上咗嚟嘅時候！仲以為自己已經收咗工🤩好有食dinner嘅感覺！而且呢個牛柳條好好食！咬落去好林，而且牛肉味好濃烈！再加上呢個汁同牛柳好夾！！👍🏻整體來講，呢間餐廳嘅環境裝修同食物質素都算好高分！再加上喺銅鑼灣區用幾十蚊就可以食到呢一個lunch！可以話係超值飯堂之選👍🏻👍🏻

平時返工好大壓力，所以一般食lunch嘅時間都唔會係公司食，都會想出去唞吓氣！既然要出去食飯，梗係想食得好啲，慰勞下自己啦見到OpenRice呢度有間新開嘅餐廳好似幾吸引，所以就走咗想去試吓海龍皇海鮮湯意大利粉 $88一見到呢個意大利粉就忍唔住即刻點左！係好香好香好濃烈嘅龍蝦海鮮湯！對於一個龍蝦愛好者來講，呢個湯絕對係冇得輸！非常濃郁，口感十足！食得出係用咗唔同材料熬製而成好有心機！再加埋呢個意大利粉亦都好好食，烹調火候啱啱好，軟硬適中！

臨近中秋，成班女仔突然興起話要做節。行開銅鑼灣就走入登龍街睇吓有咩食。去到呢幢大廈好多餐廳都冇位。見呢間餐廳啱啱有位我哋就入去試吓新野。呢度價位唔貴，好適合我哋一班慳家女慶祝節日。初時見佢唔係特別貴，諗住一班friend食餐正正常常就算啦。點知入到去發現食物質素十分之有驚喜。首先係佢哋嘅餐酒十分之平，有紅酒白酒，味道偏fruity，好適合女仔飲。我哋點餐嘅時候發現佢哋有一個淨係海鮮嘅鐵板拼盤，有蝦有帶子有鮑魚。食海鮮最緊要食佢嘅蝦，因為蝦最可以反映出食物新唔新鮮。佢哋啲蝦好彈牙，食得出係新鮮蝦。另外不得不讚佢哋嘅牛扒，以呢個價錢來講嘅牛扒真係非常好食，食物質量高，連配菜嘅調味都一絲不苟，照顧得非常周到。係呢種偏平價位嘅西餐廳，好少食到連配菜都好食嘅菜式。最緊要係我哋食咗幾樣嘢食，味道都唔係偏鹹，食得到食物原本嘅鮮味。係個裝修太暗，食食吓飯睇手機有少少辛苦。不過以呢個價錢食到呢個質素嘅食物就算啦。

又到放假食好西嘅時候喇，今日出到銅鑼灣，聽聞有間好抵食嘅西餐廳。今日就同個同事係準備出去行街戰鬥之前食個飽肚午餐就出發。一入到間餐廳發現都幾多人，事不宜遲我哋一坐低睇吓Menu就開始叫嘢食。 咁我哋今日就叫咗海龍皇海鮮湯意大利粉 $88佢嘅龍蝦湯味非常濃郁鮮甜，一邊仲有好大粒嘅蜆肉，一啲都唔希，因為其實好老實喺出面食嗰啲湯好大部份都係好希，呢個真係未到好入隻蝦有好大隻好好食。 香辣激情墨西哥雞皇焗飯 $52呢個墨西哥雞皇飯有香有辣所以我嗌咗罐可樂，啲雞好亂好似手指公咁大舊，份量非常之多，啲香辣風味好出色！ 整體來講唔錯唔錯非常好！

今天放假，約咗表妹過嚟銅鑼灣搵我食午餐，搵咗一間好適合傾偈嘅特色西餐。一入到去個環境其實都幾靚，最重要係款式都好多，見到都好多人食，啲份量亦都非常之大。咁我地就叫咗一個鐵板橄欖油蒜片鳳尾蝦球炒意大利粉 $68。平時出面食啲蝦都冇咁大隻仲要係成個意粉都好入味，啲蝦仲要冇雪味好彈牙，果汁味道啱啱好唔會太多囉。出水芙蓉原隻鮑魚滑蛋蝦球飯 $88，表妹話啲蛋好滑，啲蝦好有蝦味，啲飯唔會太晏煮得啱啱好。午餐來講真係要比九分。👍👍👍👍

朋友唔講都唔知道原來銅鑼灣登龍街呢度開咗一間新嘅西餐廳！☺️😆對於一個鍾意試新野嘅人來講，見到新餐廳梗係一定要去試吓啦！一上到餐廳見到環境好有特色！而且餐牌上亦都有好多唔同種類可以選擇！今次我哋就叫咗一份南瓜忌廉汁海鮮焗飯同埋巴馬臣芝士焗牛肝菌醬長通粉😆食物質素來講，呢度嘅食物算係好高質，全部都新鮮熱辣即正咁樣整出嚟！我最鍾意嘅都係呢個芝士焗牛肝菌醬長通粉，呢個牛肝菌醬好惹味！而且非常香，配合埋芝士同埋長通粉食，真係食到停唔到口！芝士味道好香濃😆😆對於一個鍾意食芝士長通粉嘅人來講，絕對係值得推介！

今日朋友介紹去咗呢一間喺銅鑼灣嘅BG Steak & Pasta❤️聽講好抵食同埋食物質素好好，所以就忍唔住今日lunch自己去試吓😍一去到就已經覺得氣氛環境好適合拍拖😍而且呢度嘅裝修環境好有格調！❤️鐵板唐揚炸雞配蘑菇燒汁飯 $68呢個鐵板炸雞蘑菇燒汁飯冇得輸😍首先係呢度嘅炸雞做得好好，炸得啱啱好，而且雞肉都好大舊，都依然可以保持到肉質好嫩滑！再加上呢度嘅蘑菇汁好好食！❤️同埋呢度成份都係用鐵板上，望落去已經覺得好有心思！再加上喺銅鑼灣佢食lunch可以用呢個價錢食到，簡直係性價比好高！！

🎈銅鑼灣西餐🎈BG STEAK & PASTA同事介紹話呢度附近有一間新開嘅西餐廳，食lunch好正！朋友介紹開嘅不嬲都係有信心保證！所以今日趁住唔係好多嘢做，所以就走咗過去試吓🎈餐廳唔算好大，不過感覺到好有氣氛，好有情調嘅一間餐廳！再加上呢度嘅嘅環境佈置到好用心👍🏻👍🏻🎈香辣激情墨西哥雞皇焗飯 - 呢個香辣墨西哥雞皇焗飯好有特色，首先呢個嘅香辣味道好啱，對於唔係太食到辣嘅我來講都算係啱啱好！而且呢個辣味唔係單純嘅辣，係有層次感的！🎈然後再加上呢度嘅雞皇份量十足，啲雞肉都係大大件，而且非常嫩滑！同埋呢個焗飯都覺得啱啱好，出到嚟好香！

呢間BG STEAK & PASTA位於銅鑼灣，係一間以西餐廳來講環境店舖環境算唔差嘅餐廳之一！😉基本上餐廳嘅環境裝修好有氣氛，而且亦都好有心思，長上面掛咗好多唔同嘅佈置，感覺好有氣氛！😉今日lunch上咗嚟試吓呢個巴馬臣芝士焗牛肝菌醬長通粉👍🏻食落都幾好食，而且呢個焗長通粉覺得好香，再加上上面有好濃厚嘅芝士，再加埋呢個牛肝菌醬，成個配搭非常啱！係食落好香嘅芝士味，而且仲有少少拉絲！！😉成個長通粉好足料，而且非常豐富，絕對係一個豐盛嘅lunch！😉

撞正見到新開西餐廳做全單半價，即時去試試，永光中心本身都好多餐廳，一層一間，一入去個環境已經好吸睛，暗燈加綠葉牆同小熊公仔Menu都算簡單易明，前後4頁紙呢度都有啲優惠加配咁上下嘅選項，叫一個主菜意粉飯類就可以加配，例如紅/白酒＋$22法式海龍皇湯 ＋$58湯底係龍蝦湯Lobster Bisque做底，加上蝦蜆同藍青口，個湯唔會太濃太稠主菜：南瓜忌廉汁焗四蔬 $68南瓜忌廉汁比較淡南瓜味，反而重椰汁味，不過我覺得係唔錯嘅，四蔬有西蘭花，椰菜花，蜜糖豆同茄子主菜：鐵板西冷牛扒伴鵝肝 $ 166鐵板超夠熱，未落汁都已經炸炸聲，而且個汁做得靚，因為唔係打好多麵撈果種咁稠，西冷筋少即切，不過成數就好受鐵板影響，如果食5成就要叫3成，因為我叫5成變全熟主菜：鐵板海鮮大燴 $ 188好有睇頭，鮑魚，扇貝，大蝦同蜆，加上用法式海龍皇湯做汁鮑魚唔會韌，扇貝就少少過火唔夠滑主菜：醬油燒汁厚切豚肉煮 $ 88賣相一流，豚肉原來係五花腩，正真係厚切，差唔多2吋厚，但係唔鞋口，居然做到好似慢煮嘅質感，好軟滑，個汁鹹鹹甜甜好餸飯呢餐真係太為食，叫左4款主菜同4個加配，好彩有5折，$380/兩個人都抵食，我地真

環境幾好，坐既位背面係一大片樹，又有盆栽擺設，加上木檯木凳，吊燈燈光柔和，屬於唔太亮又唔太暗既暖光，店內音樂亦有鳥叫聲等大自然既聲音，音量恰好，好似置身係森林入面既小木屋一樣。而檯與檯之間唔會太逼，我坐既咁啱係卡位，都幾舒服。雖然地方唔大，不過係最尾個d位兩頭既牆壁都係鏡，比人無限延伸既感覺，都幾有趣。至於食物，我就點咗份牛扒同忌廉粟米湯。牛扒雖然唔係特別大塊，不過肉質唔粗糙，加上黑椒汁，味道不錯。我最中意就係汁擺隔離自己淋，因為牛扒下面係薯角，淋好曬既話薯角就會軟曬，個人唔係太中意，所以呢個汁擺隔離既設計正合我意。呢排有優惠，我係2點幾去食，又有8折，又唔洗加1，jeng

今次叫咗三份野食，都冇中伏，！紅酒牛腩飯既牛腩夠鬆軟，少少酒味，幾香，撈飯一流。佢係比咗個飯同牛腩係鐵板度，跟住擺係你檯面先會淋汁，燒既聲音都幾療愈下。🤣🤣🤣南瓜忌廉海鮮飯我會極力推薦！！！實在太好食。入面有魷魚，青口，蜆，蝦，南瓜忌廉汁又濃，又creamy，有時候南瓜會帶d青味，呢個就冇，加上飯顆粒分明既口感，令人一啖接一啖咁食，最後食完仲叫多咗一份，就知有幾好食😎芝士肉醬長通粉都唔錯，肉醬都多，芝士可以拉絲，醬入邊既番茄酸酸地幾開胃，小朋友就比較鍾意食，不過可能食多肉醬類既產物🤣，我就覺得南瓜忌廉海鮮飯的味道驚喜d。食物真心唔錯，每份分量都幾足，加上有優惠，抵食！不過lunch 就比夜晚少，等我下次去翻呢度再食個dinner先！服務態度幾好，都非常nice，雖然唔加1，但唔會話有怠慢客人既情況出現，食得都開心既！雖然位置係樓上鋪唔係太好搵，但勝在食物服務態度環境都非常之唔錯，乾淨衛生，設計理念都幾好，BG代表Boys and Girls，環境設計得幾清新，背景牆一片樹林，打卡影相都好睇，希望可以繼續keep住水準啦！

特登揀咗個懶有型嘅角度去影哩幅相，因為我係特登為咗哩件火山石醬油汁燒豬鞍扒而來😝，事關睇佢ig嘅相真係好靚吖！出菜嗰陣個waitress 係咁提我小心熱，因為件火山石係好似铁板咁熱架，成吋厚嘅豬鞍扒喺上面炙烤住，發出zz聲，好香吖影完靚相準備食嘅時候就麻煩少少，要將件扒擺返碟上面鋸，因為都擔心掂到件火山石。火候掌握得幾好，外皮焦香，肉質又嫩。醬油汁係店家自製嘅，味道ok，唔會太鹹下次會來試下佢嘅海鮮大燴