鐵板一 (裝修中)

今晚實在太罪惡了，一個人食完一份铁板西冷牛扒拼鵝肝，又同人分享咗好幾份小食，分別有保雲蘇焗扇貝，巴馬臣芝士焗廣島生蠔，清酒冰鎮鮑魚，法式焗田螺同脆炸單骨雞翼。真係停唔到口啊，樣樣嘢都啱我心水！尤其係清酒冰鎮鮑魚，賣相本身已經好得意，成個浴缸都搬咗出來，望落似係兩隻鮑魚喺入邊浸浴咁，勁搞笑。鮑魚咬落爽口，味道清新，細味有淡淡酒香，就咁食已經好正，再點下蜜糖芥末，層次更加豐富啲。完全滿足嘅一餐，食完又要返去做多幾個深蹲啦

係銅鑼灣行街,無意中上到BG,餐廳竟然有咁多美食第一次食咁好味的法式海龍皇湯鲜甜又濃烈.點火山石酱油汁燒豚皇扒係睇到餐單上的圖片,覺得特别,估唔到味道都幾特别,重有初戀標誌橄榄油蒜香焗卜卜蜆配上紅酒,哈哈哈酒唔醉人人自醉,埋單時先留意到装修,两面墙都係花草,好似坐係花園中.唔错,冇計劃的晚餐好满足

經過登龍街，見到有人派傳單，就上去試下，去到20樓同大自然好近，裝修好多綠色植物~今次就揀咗鐵板西冷牛扒鵝肝(HK$166)，一試就有驚喜~^v^~好食~也有情侶套餐，無論一個人去或一對情侶，也有岩菜式。仲有好多好多菜式，下次一定會再去試!

朋友介紹，係食肆林立的銅鑼灣登龍街永光中心20樓開咗一間新餐廳，裝飾特別，滿懷好奇心，相約BG。一入餐廳，就被滿墻的綠色植物包圍，深色天花配上一盞盞簡單款式的吊燈，仿佛夜幕降臨，草木摇曳，安寧整潔的夏日庭院。用餐環境令人放松，暫時忘記外面世界的浮躁。一道道菜式擺上餐檯時，更加無語，忙著視覺嗅覺味覺的享受，最惊喜係［清酒冰鎮鮮鮑魚］，清甜爽口，偏偏又配上一小碟芥末醬，這種味覺享受唔識掂講。其實對美食的喜好，好主觀，不過BG值得你去試一試。

行到登龍街唔知食乜好見到阿姐拉住個Ben那20樓有間BG鋸扒喎，就上去試吓，裝修幾靚叢林感覺，坐低問吓店員有咩好食，推介左個龍蝦湯，小食扇貝，主菜安格斯牛扒，餐飲叫咗杯紅酒，嘩個湯真係有驚喜非常鮮甜，再問吓店員原來用三種蟹毆出來仲有蝦、青口、蚧點綴下，飲完個湯個胃開晒，個扇貝都好鮮味，牛扒叫咗5成鐵板上蒜蓉汁，上菜等鐵板熱力煎到塊扒有7成切落去唔韌食落好有牛味，再問吓店員原來用澳洲牛，食飽再攤唞下嘆埋杯紅酒睇吓個環境，嗰一刻覺得好滿足，埋單用消費券，二百零蚊落樓，可以返食👍🏻

環境ok: 一出電梯見到幅裝飾牆掛滿砧板，都幾好玩，唔知係咪真係用得嘅呢🤭入面燈光少少昏暗，不過作為西餐廳來說都可以接受，玩情調吖嘛服務態度ok: 幾好笑容，樣樣野都上得幾及時，收碟又收得快，唔會整到檯面立立亂食物質素ok: 衝佢fb熱推嘅南瓜忌廉汁海鮮焗飯而來，又真係幾好味，南瓜忌廉汁口感綿密，甜度適中。海鮮都算足料，有魷魚圈，蜆，蝦，仲有2隻青口，夠晒誠意。而且上來個焗飯係熱辣辣嘅，我仲攤凍咗一陣先可以大啖大啖食😅 不過哩一點係抵讚👍嘅下次貼兩撇鬍鬚來試下佢地啲男仔推介先😁😁😁