鎔記潮州飯店

营业中

休息中

這天的晚飯，來到泰國菜館林立的九龍城，不過這次我吃的不是泰國菜，而是潮州菜。店名「鎔記潮州飯店」，是一間新開不久的潮州館子，賣的多是潮州打冷常吃的鹵水、小菜，也有一些其他廣東菜式。兩夫妻叫的不多，就四樣常見的潮州傳統菜式，已可吃得飽飽的。「韭菜豬紅」（$58）十分大碗，豬紅多，韭菜反而不太多，豬紅滑，韭菜亦嫩而無渣，雖稍油，仍可接受。「鹵水拼盤」（$118/細）是沒有鹵水鵝的，但其他鹵水卻有甚多，鵝腸、鵝腎、紅腸、墨魚、豬頸肉、豬耳、豆腐都有，鹵水汁濃，各款鹵水都鹵得入味，當中我最喜歡的是爽脆的豬耳和軟腍的豬頸肉。老婆仔喜歡吃「椒鹽九肚魚」（$88），當然也要點來一試。這兒的「椒鹽九肚魚」是起了魚骨的，啖啖都是薄薄的脆漿和隱藏在裡面的九肚魚，不用理會那些細碎的九肚魚骨。蘸點喼汁吃，特別惹味。實在很久沒吃過潮州蠔餅了，這晚也少有地點了它。這兒的「潮州炸蠔餅」（$68）十分大件，蠔肉飽滿，香口的蠔餅，脆與軟的口感兼而有之，趁熱吃，最好。

黎到九龍城唔一定到食泰國菜既，今日同朋友黎到呢頭行左個圈，發現到呢間隱世既潮洲打冷小店，完全比佢櫥窗掛滿各式各樣嘅潮州滷味吸引住，差唔多成9點鐘依然座無虛席，即刻上openrice 睇下d食評，見到好評如潮，所以決定入黎幫襯。餐廳面積唔算太大，但感覺都幾舒適，除左地鋪個層仲有2樓既，岩晒同d 親戚朋友黎聚會鹵水鵝片潮洲打冷指定既指定菜式，肉汁豐富，啖啖肉， 墊係底既滷水豆腐都好正，鹵得好入味韭菜豬紅呢知係第2樣必食既，韭菜好新鮮嫩滑完全冇渣， 至於豬紅好有咬口，全部大大粒唔會碎濕濕椒鹽九肚魚好香椒鹽味，入口滑溜仲保持住魚既鮮味，而且薄薄嘅炸漿咬落好香脆唔會覺得成口炸粉蒜蓉蒸開邊蝦海蝦新鮮彈牙，肉質爽口，加入大量蒜蓉一齊蒸，真係好正，仲有鋪係底既粉絲係精華所在，完全無得輸煎蠔餅蠔餅都幾大份，香脆可口但又唔會太油膩，食得出蠔仔好新鮮又唔會太細隻總括黎講，如果下次黎開九龍城，一定會再黎幫襯，呢到價錢公道食物質素高，而且職員既服務態度好好，仲會同我地推介當日有咩正嘢，值得一讚。

閒時都會到九龍城吃晚飯今天突然想吃潮州菜剛好經過這一家 — 鎔記潮州飯店 便決定試一試小菜有潮式香口鹹菜和香脆花生滷水拼盤有雞腎、豬腸、鵝腸、魷魚、豬耳、紅腸和牙菜等滿滿的一大盤用料十足配有甜辣醬油、辣椒醬和酸辣蒜汁等隨自己喜歡的口味配搭蝦仁炒蛋蝦是用新鮮蝦製成的 蝦肉大大粒 新鮮彈牙再以香蔥和雞蛋一起炒 嫩滑可口 好味道薑蔥田雞煲田雞煲一上枱熱辣辣 還冒著蒸氣田雞新鮮嫩口 肉質滑溜 以薑蔥一起煲配合一起吃十分搭 不錯不錯 蒜蓉炒菜心菜心新鮮 簡簡單單以蒜蓉一起炒吃下去濃濃蒜蓉香健康又好味

今日行開九龍城本來都想食泰國嘢，但係兩老就想食打冷大排檔嗰啲，咁啱見到呢間餐廳就入去試吓。.六點幾七點去到冇乜人，得我哋一台人。店員主要都係一啲中年嘅叔叔姨姨，佢哋都會自己打下牙膠吹水。.三個人唔係叫咗好多餸，呢間專門食潮州打冷嘢。.煎封倉魚第一次食呢一味餸，口感都幾特別，外脆魚肉嫩，都幾入味既。 半煎半炸方法煮熟，再用配料調味封煮。一碟有6條魚，好夠食。椒鹽豆腐咁多個餸一邊最鍾意呢一個，因為本身自己鍾意食椒鹽味，豆腐一口size，味道足夠，正正常常就啱食㗎啦，又係一碟好簡單嘅菜式，好難整得唔好食嘅。😂😂 韭菜豬紅聽講呢度出名豬紅，份量大，味道正正常常啦，食落都嫩口嘅。好多潮州菜打冷都有呢道餸。仲叫咗一支生力啤酒同埋可樂，兩支收咗$40。🤔🤔整體來講，佢勝在夠大碟，味道就同普通潮州菜差唔多，行經過有興趣都可以黎試吓嘅。

作為九龍城街坊，有新店當然想試試看，今天終於有機會嚐嚐這家鎔記潮州飯店！椒鹽九肚魚($88)外脆內嫩嘅九肚魚加上惹味椒鹽真係人間美味，一定要趁熱食，入面嘅魚肉入口即化，超正的！滷水拼盤($118)看到爆膏的鵝腸心情就像中獎一樣，另外鵝腎亦滷得相當入味，口感扎實，啖啖滿足！吊片、粉腸、豬耳等十分爽口，蘸醋口味更清新～春菜腩肉($58)春菜是打冷必點菜，春菜煮軟後徹底吸收湯汁，與肥瘦適中的腩肉一起吃，讓味道更鮮。韭菜豬紅($58)嫩滑的豬紅超入味，一口接一口把滑溜溜的豬紅咬開，香氣充滿整個口腔，一不小心就吃了十幾顆。

好耐冇去九龍城，朋友家住尼區，於是相約食飯順便交收消毒用品，九龍城最多泰國菜館，不過今日朋友話不吃泰菜吃潮菜一入店內，店員熱情招待，原來朋友係常客，二話不說一碟招牌滷水已經放在枱上，內有滷水大腸，腎，豬肚，豬頸肉，全部都醃得入味，鵝腸，墨魚也十分爽口椒鹽鮮魷，炸得外脆金黃色，食落酥脆香口，內裏魷魚爽口，點埋喼汁，就更惹味九菜豬紅也是必食的，九菜新鮮，豬紅夾起放口裏咬一口，忍不住彈起手指公來，豬紅質地煙韌，味道調得剛好，不會淡而無味又不腥，點埋潮州辣椒醬，真係好食到一件接一件春菜豬肉，第一次食這道菜式，春菜煮得比較淋，朋友和我吃菜也喜歡偏淋一點，所以覺得特別好吃，豬肉貌似過份肥美，但軟熟無比，油脂香滑，不油膩這裏買的是傳統潮州菜式，一般的滷水食品，蠔餅，一盤盤的潮州菜，凍烏頭，大眼雞，難怪咁多人幫襯

每次去九龍城都會揀食泰國菜，今次見到呢間新開嘅鎔記就入去試試。嗌左一碗蠔粥、炸蠔餅、鹵水拼盤（鵝腸，墨魚，生腸）同牛仔骨煲。碗蠔粥好大碗仲要粒粒蠔都勁大粒好足料👍份量建議2個人share食。食緊鹵水拼盤個陣，師傅再拎左碟辣椒豉油比我哋，推介鵝腸同生腸點辣椒豉油，而墨魚就點潮州辣椒油。果然係好好嘅配搭師傅仲會問下意見，好用心嘅小店。炸蠔餅一樣有大大粒仲好多蠔😍不過店舖座位不多，可能會有少少迫，支持有心機經營嘅新店。

今日去到九龍城新開的鎔記潮州飯店食潮州菜。喜歡吃豬紅的朋友，其實好易分辨出豬紅的新鮮度，而這個豬紅確實是用料十足，很滑溜彈牙。一般的潮州飯店都離不開煎蠔餅，所以點了酥炸珍珠蠔，它有別於平日食開的蠔餅，因為每粒蠔是逐粒炸出來，但這種烹調方法令到味道變得香口，很有口感，而蠔的本身很大粒，鮮甜。下次還會點這個菜。第三道菜是椒鹽蝦，通常點這款菜是考驗師傅夠不夠獲氣，幾考功夫的。我覺得味道是適中，蝦味鮮甜，夠獲氣。到最後點了潮州人最喜歡的鹵水鵝，剛巧我的鵝是偏瘦。但如果喜歡吃淋身，還是點肥的好。食了四道菜，最喜歡是韭菜豬紅，其次是酥炸珍珠蠔。

新一年先祝大家恭喜發財。🥳 嚟到九龍城，原來除咗有泰國嘢食之外，仲有潮州菜喎。😯⁣⁣韭菜豬紅（$58）［好味度：7.5/10］⁣⁣⁣講起潮州打冷，又點可以唔食韭菜豬紅呢。😗 呢度嘅豬紅一啲腥味都冇，而且夠曬滑溜。👍🏻 再配上新鮮嘅韭菜，真係好配搭。😁 而且，原來豬紅都好有營養價值㗎喎，食多幾舊都唔怕。🤪⁣⁣鹵水鵝（$98）［好味度：7/10］⁣⁣⁣呢都嘅鹵水鵝，鵝肉鬆軟得嚟夠晒入味。😋 而且加上味道豐富嘅滷水，唔使點醬經已搞晒足味。😛 而且皮肉比例完美，唔使怕肥。😆⁣⁣鎔記小炒王（$88）［好味度：7.5/10］⁣⁣⁣小炒王加入咗大量韮菜，配上蝦乾，腰果及魷魚等等。😎 炒得非常有鑊氣，亦都好香口，配啤酒真係一流。🍻 而且韭菜一啲草腥味都冇，就算唔食開嘅都唔怕。😂⁣

今日同朋友們去踢足球後，肚子已經開始有些打雷了，又系食飯的時候，跟著我們就想食些潮洲打冷嘢，就選擇了這間飯店，看店裏裝修很有傳統的老店風味，而食物方面很多正宗潮州菜，我們就點了些菜食，苦瓜豆豉蒸魚，味道很香，一點點苦瓜的香味而魚也相當不錯很滑又入味，當然也少不了九菜豬紅的經典菜啦，有些少辣帶出豬紅的口味非常之正宗而凍魚也不錯，夠乾身，冷食真係是最好的方法，還有一個我就很喜歡這就是雪𥚃紅，好新鮮又健康用來配一個白粥簡單又好味不過，下次再去試吓其他嘢，因為今次人不算多所以很多沒有試過，希望很快約好朋友再去過。

今日同朋友去左九龍城食潮州菜，好耐冇食潮州菜，去之前好期待啊！去到餐廳，見到餐牌上有好多好吸引既傳統潮州菜，全部都好吸引，我地點左5道菜！第一道當然係滷水拼盤，入面有鵝腸、豬頸肉、紅腸等等，好香口。第二二樣分別係椒鹽九肚魚同埋椒鹽蝦，椒鹽九肚魚既魚肉好嫩滑，椒鹽蝦就好好香脆，個殼可以食埋，蝦肉好新鮮同埋彈牙。第四樣就係豬紅，豬紅好大碗，幾抵食。最後一樣係菜心炒臘肉，菜心好鮮嫩，配埋鹹鹹香香既臘肉！

九龍城除左泰國菜，都有啲唔錯既潮州菜架，今日同另外兩個朋友去左一間潮州菜館到食晚飯。呢度有好多傳統既潮州菜。去食潮州菜當然要食滷水啦，我地就揀左一個細既滷水拼盤，入面咩都有，包括鵝腸、紅腸、豬耳、豬頸肉等等，好豐富！另外，我地仲叫左椒鹽九肚魚，椒鹽九肚魚外脆內軟，好惹味。另外仲有呢個椒鹽蝦，蝦肉好有鮮味又彈牙，懶既話可以連殼一齊食添啊，因為佢既殼都幾脆下。我地仲叫左個小炒，入面有啲臘肉，同菜心一齊炒好香！

好不容易今天放假，約上小夥伴一起過來九龍城覓食。早就聽說這邊潮州菜很出名，看到這間熔記就進來試試。餐廳裝修很傳統，一看就知道是很多年的老店了。菜品也是正宗潮州特色。聽老闆娘推薦，海鮮🦞是特色，而且是每天限量供應，那一定要試試了。青椒醬爆蜆子今天的限量供應菜品，老闆娘說每天她都會去採購當天最新鮮的海鮮，而且用最新鮮的食材，以及當季最好的海獲，端上餐桌。所以每天都不一樣。這道菜是菜單上都沒有寫的。蜆子很入味，而且超級大個。我朋友超級喜歡😘一個人基本上吃了一大碗。姜戎海蝦🦞蝦子很新鮮，從中間破開擺在盤子上，好像會跳舞一樣。鋪上調制好的蒜蓉蒸熟之後，特別鮮美。豆芽炒豆脯很普通卻也很地道的蔬菜🥬炸九肚魚外皮酥脆裡面的魚肉鮮嫩，魚骨也很細軟，補充了很多膠原蛋白。...熔記潮州飯店 (九龍城)九龍城城南道33號地下

最近路過這裏，發現有一間新開不到一個月的潮州食肆，今晚便來試試。　滷水鵝$98，滷水味道適中，鵝肉嫩滑入味，連碟底的滷水豆腐，味道也不錯。滷水鵝腸$78，鵝腸爽口彈牙，點些潮州辣椒油，味道層次更加豐富。魚香茄子煲$78，鹹魚和肉碎的味道，帶起了茄子的鮮甜味道，份量夠多，確實不錯。粉絲雜菜煲$78，粉絲吸收了湯底的鮮甜味，雖然是簡單的蔬菜煲，不過味道做得不錯。雖然是小店，不過店員換碟速度很快，值得一讚。👍宵夜時段：10時後，全單八八折計，除特價菜外。

來到九龍城，朋友有興趣去食打冷，行到城南道，就看到一間裝潢新簇的打冷店。從窗外已看到不同河鮮放在前台，有別於其他打冷店，放上肉類食物。故此走進去試試。一入去，就看到一道特別菜式，炸鳳尾魚。鳳尾魚一般只想油浸罐頭。炸鳳尾魚感覺也好，加少許鹽吧，帶出新鮮味道。對方提議我們食招牌菜，九菜豬紅。豬紅真的味道可口，吃過不停。油份又比較少，很難得。黃金蝦：新鮮，絕沒有任何蝦腸。而且油泡到可以連殼食，蝦頭部份可以吃到蝦籽。 值得一試。烏頭 ： 屬於本地的烏頭，有元朗認証。完全沒有大陸魚的腥味，而且有黃油。 每條魚上菜時，一定會保留認証魚牌，保証絕無假貨。最後，打冷總會挑少許肉食，打冷拼盤。腸類乾淨肥美。 唔錯。整體來說，感覺上食物地方都不錯。而且他們亦有一閣樓，適合一大班人圍埋一邊食打邊爐及打冷。 值得一去再試