鍾菜館

营业中

休息中

位於火炭嘅鐘菜館，雖然入邊菜式唔多，但係做工精緻，用嘅材料上乘，製作有心機。入邊嗌咗個鮮竹卷、馬拉糕、黑豚肉腸粉、珍珠雞、春風得意卷，再加杯茶，咪話唔寫意，其中最好食嘅係黑豚肉腸粉，黑豚肉用料上乘，十分彈牙，再加少少豉油，就十分好吃了。

我和家人一起用餐，餐廳位置不錯，座位較大，整體用餐環境尚可。適合與家人朋友一起聚餐。我們點了各式菜餚，但是菜品賣相和口味都一般，價錢較貴，總體來說性價比低。最重要的是服務員態度極差。我們到的時候大概是早上十點，餐廳沒什麼客人，服務人員已經不太想理睬我們的訴求。我提出座位太冷，希望能換到冷氣較小的位置，服務員居然對我大吼大叫，說有位置給妳再說啦。明明早上都沒有什麼人。之後我提出的服務要求例如倒水倒茶都要我自己搞定。再也不想去了，望大家避雷。

已有兩個蟹季，揾食肥華和靚媽，冇去鴻星食佢嗰個，兩皇一后大閘蟹餐，因覺得此店呢款蟹餐，價錢越嚟越貴但食物質素就越嚟越曳！但今個蟹季肥華得知，位於火炭的亦有兩皇一后大閘蟹，蛇羹餐供應，而且價錢比鴻星平成舊水，所以在11月25日肥華就帶靚媽到此店，尋找久違兩年的兩皇一后，而此店呢個餐嘅食物質素亦無令肥華及靚媽失望，大閘蟹有4至5両重一隻，膏亦算多而個蛇羹及各項配菜亦Ok，加上肥華另外柯打嘅一瓶十年花彫酒，令到呢餐季尾蟹宴，有近乎完美嘅感覺👍👍👍

服務真係差，都沒人理。前台脾氣好大。咁大個餐廳冇人手，平日人都唔算多，唔似做生意咁，脾氣咁大。菜品中規中距，不算差。地方唔好搵，司機都不知道路。下次唔會來啦。大把飲茶地方。

星期日沒有特價， $300入會的會員卡可以當天免收+1 ，今次係第二次去，普洱茶茶葉一啲味都冇，建議自己帶茶葉。勝在有泊車位，價錢整體見賬單，中途掛住傾偈冇check單，有個腸粉冇到都唔知，鍾菜館炒飯同櫻花蝦炒飯個樣差唔多，本來想叫炒河粉，但廚房竟然話嗰日冇。

繼皇仁之後，我食左另一個人生數一數二嘅佛跳牆。呢種福州version，同平時食嘅好唔同，個種濃度同材料嘅精彩，真係我近年食過嘅最好，當晚冇食過嘅朋友全部一致讚好，多謝朋友安排。呢個傳统名菜，它的主要原料包括海參、鮑魚、魚翅、花菇、鴿蛋等等，最緊要如果你有威士忌或者干邑，你加落去或者一啖湯一啖酒咁飲，好爽。福洲佛跳牆（每位）懷舊蝦多士伴沙律菜雙蔥炒斑球原隻脆皮乳鴿(每位1隻)濃湯肉粒腐竹浸莧菜苗堂煎珍珠飯(位)陳皮燉雪梨當晚菜單都係$1000位，仲要有好好嘅設備，所以我即刻再book枱食。

Nice chinese restaurant close to the fo tan station. They have these tea stations at your table so you get a tea packet at the front desk when you wait for your table then the machines automatically dispense water into the tea pots which are then heated. A great idea to have to not constantly chase the waitresses up for water. Additionally you order via QR code so the interaction with the staff is fairly limited.The food itself is good and the char siu is something i would highly recommend- i be

老人家生日，點少得食中菜、食壽包。疫情令家庭聚會減少，當政府放寛至十二人，梗係出街食晚飯。一家大細總共九人，點了一個三千幾嘅套餐（方便唔使諗），應該有個菜冇影到相，食物味道方面都算好食，但上菜很混亂，加上假期天，都有很多枱酒席，服務員不足夠，肯好沖茶🫖是自助的酒樓有好多打卡位，

呢度啲野食幾好食既，仲有代客泊車服務本來都食得好開心直到有個服務員錢文華過黎之後就一切都好唔滿意呢個女人好燥底，會鬧小朋友，想問佢拎啲凍水，佢講左一大堆野之後先肯拎過黎，除左佢既差服務態度，整體都滿意。

行完山和朋友去鍾菜館飲茶。生拆鮮蝦餃好食，餡足料皮靚。手打鯪魚球彈牙不腥有陳皮味。手打牛肉球肉質不錯。宫廷蘿蔔糕和安蝦咸水角有水準。泡椒雞腳和春風得意腸我最愛吃。人均消費$125左右，價錢合理。

一如往年,媽媽嘅永久居所會送月餅,今年同上年一樣,係鍾菜館(上次食評係2021年9月16日刊登嘅呢篇: https://www.openrice.com/zh/hongkong/review/blue-%E4%B9%BE%E7%A1%AC%E5%8C%96-e4162947),包裝大致相同,只係普洱茶轉咗用鍚紙袋,我哋到6-9-2022 (Tue)晚至攞嚟食,因為想同生隆作即時比較,切開睇,蛋黃同樣係乾,又係見到都冇晒心機,我食咗一啖生隆嘅,然後食一啖呢個,蓮蓉嘅分別係最大,呢個好油同味道有啲唔同,唔識形容,味道係差啲嘅,唔係蓮蓉香.味道: 1.5分

平時飲茶多，晚飯小菜比較少黎。大時大節呢度一定勁多私家車，泊到出去對面街，有一定嘅支持者。今晚三個人叫左4個餸，先黎半隻脆皮燒雞，燒雞個皮真係好香脆，雞肉白淨有雞味又有咸香味，不錯！之後係薑葱斑腩煲，炆得好乾身，好入味，而且份量好夠，都有十幾廿舊，唔會全部骨，都有啲肉食。西芹炒黑松露帶子，帶子夠大粒，有味道，黑松露醬好多，不過就無乜味，好彩帶子同西芹好味道。上湯菇菌菜苗，菇菌經過泡油特別香口，小白菜夠甜夠嫩，感覺好健康。今晚嘅湯係姬松茸螺頭燉雞湯，湯渣都一大碟，好多姬松茸菌，降膽固醇降血脂又抗癌，螺頭夠林，雞湯清得黎味道好濃郁，真係真材實料。不過成餐飯都要$800有啲貴囉

前一排去火炭探個親戚，探完之後就話去附近地方食飯，由於附近都冇咩選擇，而且呢間酒樓附近係可以停車，所以就揀咗呢間酒樓。但入咗佢哋嘅停車範圍之後，嗰啲印度籍管理員就係咁叫我比架車佢哋泊車，我講咗唔需要，我大把時間，但係佢哋死都要幫我泊。但又唔係無位，我都泊到啦。感覺佢哋係好想最尾你俾佢小費，我非常唔鍾意呢個感覺。所以如果要揸車嘅朋友想試呢間餐廳就要小心。點左幾個菜，燒鵝好多骨，雖然味道唔錯。另外有個蝦味排骨都還好，蝦味幾特別，而且非常脆。茄子煲就冇咩驚喜，感覺上係茶餐廳質素，但酒店嘅價錢。而且店員嘅服務態度一般，下次去火炭都未必會再幫襯。食完之後本來諗住坐多陣，但係覺得佢哋啲冷氣越嚟越凍，好似想趕人走咁。

星期四早上特別的駕車去火炭飲茶， 因為有人介紹此地點是獨立一座菜樓， 有免費泊車， 又唔太要等位， 於是去品菜。泊車剛泊最後一個位便爆滿， 車場只可泊十幾部車， 車位都幾迫。待應有禮貌， 10：30am去到唔駛等位, 但目測都9成滿。待應問飲什麼茶， 便放一包茶葉在枱， 自動煲水機在每枱旁， 方便唔駛麻煩待應加水。茶葉味都幾出， 沖左8-10次都仲有味， 唔係好淡， ok.barcode 自助下單，點了盅頭飯孖寶。 鳳爪排骨飯+冬菜叉燒腸鳳爪排骨飯 ＞ 味道嘗可， 飯唔乾又唔濕。冬菜叉燒腸 ＞ 冇味， 食唔出有叉燒 食到最後一條仲叔左， 即時同待應反映。 待應主動說可換時菜或金錢肚拼鳳爪變壞了的腸粉生煎菜肉包 （3個）菜肉冇味。潮州粉果2個 （1個$10， 單個點）淡味，普通時菜手打牛肉球（1籠4粒）睇唔到時菜在那， 牛肉球味道嘗可。總評** 5分🙂酒樓門面中國feel, 特別是獨立幾層高， 在火炭工廠區只有一小座， 找位方便。😑食物質素就好一般。以$20-30-40。價錢計， 唔太抵。

喺火炭工業區有間鍾菜館, 酒樓裝修佈置好有中國風, 好特別, 最特別嘅就係用紫砂茶壺, 好有風味; 坐位相隔有距離, 坐得舒服, 另外, 有多款點心可以叫一件, 人頭份唔使嘥嘢, 事不宜遲介紹番啲食物先👇🥢生拆鮮蝦餃😐蝦餃皮太靭, 雖然好多蝦肉, 不過唔算鮮甜, 亦唔juicy, 但係蝦肉都算爽口彈牙👎🥢菜苗海皇餃😐餃皮太淋, 蒸得太過火, 餡料嘅蝦亦無蝦味, 菜苗太淋👎🥢黑松露上素果😐呢款餃皮就正常少少, 餡料係普通嘅上素餃餡料, 食唔出有黑松露味👎🥢春風得意腸😐賣相就靚, 內裏餡料極少, 好似食緊腸粉皮捲住 一條炸粉咁, 另外, 腸粉豉油亦好咸👎早市及下午茶皆有優惠, 不過先要付費入會(1年制), 付費後其實都冇蝕底, 因為佢有coupon送返俾你, 另外, 入左會唔使收加一服務費, 茶錢就要$13。食物質素今次屬於非常差, 因為我已經入咗會, 之前來過幾次, 都覺得幾好, 唔知點解今次咁差, 可能點心師傅失手🤔🤨 因為沖茶(自助水機)及落單(QR code)都唔需要侍應嘅關係, 侍應人數不多, 同時侍應的服務態度亦不算太好😔