鍾菜館

火炭真係好少酒樓，今次黎到呢間離港鐵這只係幾分鐘路程嘅酒樓！入面嘅裝飾古色古香，而且環境好大，有兩層！點心主要係用點心紙點的，而呢度星期一至日都有唔同嘅特價點心可以食到！鮑魚燒賣，$9就可以食到鮑魚真係好抵，鮑魚爽口彈牙，燒賣唔太油，食落唔錯！蜜汁叉燒包，係酒樓飲茶點可以唔叫返籠包食，叉燒包絕對係經典！趣緻卡通流沙包，流沙包造型有點似minions，非常可愛！入面嘅奶黃餡能夠做到流沙嘅質地，味道又唔會好甜！十年陳皮牛肉獅子球，呢度嘅牛肉球比平時嘅大粒，整到好似獅子球咁，味道同平時食到嘅牛肉球差唔多，中意食牛肉球嘅朋友唔好錯過！瀨尿蝦水晶餃，水晶餃皮整到好精瑩，望到餃入面嘅餡料！平時食餃通常係蝦肉，呢度用瀨尿蝦肉好特別！懷舊雞絲蒸粉卷，呢款經典嘅點心當然要食啦，粉卷外皮好滑，內餡有雞肉、蘿蔔、木耳等，唔會好油！冬瓜蟹肉海皇灌湯餃，呢度嘅灌湯餃會用小爐熱住，飲嘅時候唔怕凍左！碗內有灌湯餃子、蝦肉、冬瓜粒，湯底清甜，加埋紅醋更惹味！芝士沙律醬焗海皇酥，海皇酥係成個小蛋撻咁嘅樣，鬆脆嘅蛋撻皮，食落有芝士嘅咸香，又有沙律醬嘅酸味，有種開胃嘅感覺！XO醬炒腸粉，腸粉用上煲呈上，上枱嘅時候熱辣辣，腸粉唔會炒得太油，滑溜得黎帶有微辣，唔錯！…查看更多

估唔到火炭工廠區會有一間古式設計嘅酒樓‼️由外到內，比我嘅感覺都別樹一格環境舒服闊落外，呢度嘅濃湯大碗翅餐都非常吸引只係$2️⃣8️⃣8️⃣⭐️濃湯大碗翅魚翅份量非常多❤️ 每一羹都有魚翅，湯頭濃郁有雞味，並唔係味精雞湯呢個價錢真係值回票價‼️⭐️小食拼盤⭐️紙包骨拼砵酒焗蠔呢個等嘅時間會耐少少，真係即叫即整，砵酒焗蠔好大隻，外層粉薄，炸得好酥脆，一咬開，隻蠔好juicy，炸嘅時間岩岩好，仲有蠔鮮味❤️⭐️頭水紫菜浸菜苗⭐️脆鱔飯鱔球好肥美，肉質脆彈嫩滑，魚油滲入飯內，令啲白飯更加香😋⭐️懷舊芝麻卷好少地方有咁高質嘅芝麻卷食，呢個芝麻卷完全可以媲美太子果間專門店❤️每一層都做得好透薄，芝麻夠香濃，可惜晚市無得獨立order，如果唔係我一定會encore呢個餐有齊咁多嘢食「鮮沙薑胡椒雞煲」沙薑同胡椒好夾，胡椒香夠濃，雞件好入味，連雞胸部位都好食…查看更多

住左火炭咁耐，成日都想去試，今日終於有機會～一到門口，見到石獅子同綠植牆，夜晚燈光一照，環境好有氣派感～唔入去都唔知原來環境咁大無諗過呢個環境，對比起啲菜式價錢又唔貴喎特別係個今晚有好餸系列300蚊唔使有個「金不換雪花肥牛龍蝦🦞」龍蝦球外脆內嫩，和牛肉質滑嫩，味道層次豐富盤中成隻龍蝦頭做裝飾，實在高檔！再來一個特製醬炒秋葵，秋葵翠綠新鮮切開仲有黏液但唔影響口感，特製醬汁同紅椒、洋蔥一炒，味道濃郁食落好開胃🤤最後一味係獨門陳皮炒河粉🍲河粉彈牙有嚼勁，陳皮香氣撲鼻配上蔥段同芝麻，香口令人回味👍🏻服務方面，員工態度都幾nice餐廳嘅氣氛同菜式嘅精緻度真係配得上稻苗學院嘅名氣，下次可以試吓佢個早茶～🍵…查看更多

這間粵菜館位於火炭，自設停車場，對自駕人仕來說非常方便。室內非常寬敞。環境比一般酒樓舒適。勁蔥雞所謂勁蔥雞，非常多的蔥把半隻雞都掩蓋住，雞肉屬於咸雞性質，已經足夠夠味，無須再搭配任何醬料。雞肉與蔥完美配搭。鹹豬骨大芥菜煲鹹豬骨作為湯底，味道濃郁，搭配大芥菜的清香，讓人食指大動。豬骨肉質軟滑，湯汁吸收了骨頭的精華，喝上一口，暖心又暖胃，特別適合寒冷的天氣。濃湯大碗翅餐一個套餐包括了6道菜：小食、主菜、翅、青菜、飯及甜品。對於食量不大的女仕未必食得晒。首先小食有三款包括七味豆腐、沙薑豬手和涼拌青瓜。風味各異，開啓食慾。主菜是一件紙包骨及一件砵酒焗蠔，紙包骨有神秘感。焗蠔外脆內軟非常鮮美。濃湯紫菜浸菜苗，份量不多，加入紫菜，更有口感。脆鱔飯，鱔肉放在飯上，飯食落是即叫即蒸，飯香四溢。手工芝麻卷是最後的甜品，甜度剛好，軟軟糯糯令人滿足。…查看更多

這間餐廳的用餐環境非常寬敞，整體裝潢簡約而不失高雅，讓人感覺舒適放鬆。食物的水準相當不錯，無論是前菜還是主菜，都能品嚐到食材的新鮮與料理的細膩。更令人驚喜的是，餐點的價格十分親民，性價比極高，絕對值得一試。此外，服務人員態度親切，招呼周到，無論是點餐還是需求協助，都能迅速而貼心地處理。這是一次非常愉快的用餐體驗，下次一定會再來光顧！…查看更多

最近同酒友去左鐘菜館。無論菜式質素、份量還是味道，都好高性價比。---### 1. **酥炸原隻鮑魚**照片中的酥炸原隻鮑魚，外層金黃酥脆，內裡鮑魚肉保持彈牙鮮甜，炸粉薄而不油膩，入口先是香脆，咬下即感受到鮑魚的鮮味與彈性，層次分明，是必點的高性價比海味菜。---### 2. **菠蘿咕嚕肉**這道「菠蘿咕嚕肉」擺盤用上新鮮菠蘿，色澤鮮艷吸引。每件咕嚕肉都裹上酸甜醬汁，外皮香脆，內裡肉質鬆軟多汁，配上鮮果菠蘿粒，令整體味道更清新開胃。這種傳統粵菜做得如此用心，證明廚師功力不俗。---### 3. **魚翅煲**用料十足，湯底濃郁鮮美，魚肉吸滿湯汁的精華，配搭冬菇、蔥段等配料，口感層次豐富，暖胃又滋補，份量也很足夠多人分享。---### 4. **金牌蒜蓉蒸聖子皇**絕對是本晚另一焦點。聖子新鮮，肉質爽甜，蒜蓉和粉絲完美吸收了豉油的香氣，入口鮮甜而帶微微蒜香，沒有腥味，誠意推薦。---### 5. **藤椒東星斑**魚肉滑嫩，椒絲、蔥花、豉油的比例恰到好處，凸顯出紅斑的鮮味。魚件厚身，份量十足，適合多人聚餐。最緊要免開瓶費，岩哂酒友推介指數: 9/10…查看更多

夜晚晚市三個人去食飯，餐廳提供外面代客泊車服務，是由南亞裔人士提供，必須交低車匙。坐下沒多久已經發現碗碟有未洗淨的食物殘渣，但餐廳來食物質素還好，但有個奇怪的位置是，是用QR code點餐，再下單的時候是$550，但是最後結帳的時候未計+1及茶芥，都已經是六百多，但賬單上的項目是沒有錯誤，不知是否code菜單的標價錯誤收費。而且有茶芥比較貴，人數不多去食的話相對上比較貴。最後取車離去時，發現車內皮革硬物刮爛，當然餐廳及代客泊車的人不願承認，而且叫我哋報警，但代客泊車死無對証，駕駛人士去的話自己睇路啦…查看更多

今日係蛇年開始嘅第二日（年初二），約晒啲姨媽姑姐食飯，不過出去酒樓食飯又要等位又要限時，費事啲姨媽姑姐問候我啦。所以我就去咗鍾菜館度買盆菜啦！鍾菜館平時夜晚都有食，味道都算唔錯，今次就試吓佢哋嘅盆菜啦！個盆菜入面有鮑魚海參雞！個底就有蓮藕同鯪魚球，同以前食盆菜嘅（芋頭）底有啲唔同！呢個擺盤梗係啱晒啲姨媽姑姐影相啦！賣相第一，味道就第二啦⋯不過$1400嘅價錢算值換票價啦!**仲送埋一支紅酒，紅酒都算唔錯。…查看更多

經過火炭工業區，搵到依間酒樓坐低飲下午茶。入面裝修係中式木系，予人感覺高檔。依間中菜係稻香集團與職業訓練局合辦的訓練酒樓，如有稻香會員可享有折扣。下午茶茶位每人$15，菜式都幾多選擇，而且有啲點心仲好平，仲有得叫乳鴿。🍠紅燒乳鴿 $68買一送一乳鴿肉質幾嫩，會有職員幫你分4份，而且附有一杯百香果汁解膩，性價比不錯喔🍠星洲炒米孖寶 $148孖寶包括一碟星洲炒米及一碟菜心。賣相都幾吸引，但略嫌米粉不夠幼，味道過咸。🍠川汁抄手 $32一碟有6顆，味道幾好而且皮薄！🍠蜆蚧鯪魚球 $10🍠懷舊上湯炸粉粿 $38🍠南乳花生炆豬手 $10🍠生拆手工蝦餃皇 $10一件🍠雞湯脆竹卷 $10總括點心質素唔錯，多選擇之餘，味道都算OK。幾抵食！📍鍾菜館火炭坳背灣街13號鍾偉平大樓地鋪…查看更多

10月26日揾食肥華和靚媽，連續兩年，晚上到此店食，大閘蟹套餐。今年此餐食品内容，可說同對上一年，面目全非，首先主角大閘蟹，由兩皇一后變為兩后一皇，美味嘅 蛇羹亦變為一盅，平淡嘅是晚燉湯，大澳蝦醬骨就轉為香煎牛仔骨連碗羗茶圓肉湯丸，都變為祇得羗茶圓肉，湯丸和礶隨餐汽水，已齊齊失踪了，而今年蟹宴食品方面？主角大閘蟹，體積比較細，但美味依然，肥華，靚媽，欣然收貨，其他配角，除咗碗生炒糯米飯，有極佳水準，同埋頭盤個三味食品，豬手，青瓜，雞絲粉皮，味道尚好外，其他食品可說，強差人意，加上肥華今晚被此店，門口接待處位，女職員待客態度激親，連配蟹 花雕酒，都冇心情飲，所以今年此店，呢餐兩后一皇大閘蟹宴，衹值👍👍😔…查看更多

你到火炭工業區度搵食咁就有人介紹我食呢一間稻香嘅廚藝學校咁我覺得環境好寬闊啦但係呢入邊嘅侍應冇乜禮貌人手亦都明顯唔夠嘅不過我覺得佢嘅點心手工唔錯蝦餃餃同埋一啲炸物都幾好食但係唔使特別入嚟呢度食…查看更多

老人家住係火炭果邊，就番佢地係果頭飲茶，上網睇果邊選擇唔多，不過呢間鍾菜館就幾多人推薦咁，所以就預約定去試下佢啲點心啦。去到人都幾多，不過有提早打電話預約，所以可以直入唔使等。去到緊係唔少得要叫幾籠燒賣。原蝦燒賣皇同生拆鮮蝦餃都係一籠一粒，好大粒，都好足料。燒賣好食啲，餃子大粒但皮太厚，味道一般。另外仲叫左啲普通點心，家鄉煎薄撐、安蝦咸水角、香煎鮮蝦腐皮卷、香煎瑤柱蘿蔔糕、黑椒金錢肚，味道都唔錯架。…查看更多

個地下滑過街巿，又有個鄉音嘅女人係咁企係你後面講嘢，又冇禮貌，叫個客聽佢講野，又危險，成壺熱水放係架搖搖下嘅車仔然後放係你張凳後面，成件事唔知做乜，食物又唔好食，總之以後唔會黎，不知所謂。。。..............................…查看更多

同家人一齊慶祝父親節同端午節飯局屋企人就推薦去鍾菜館格局比起普通酒樓無咁人多嘅酒店點知就食到成肚氣！！！！！！！！！！一埋枱係要自己沖茶餐廳要自己用手機scan QR code落單見到隔離枱食緊龍蝦伊麵但係餐單到搵唔到 就問待應生「鍾經理」點知佢就話「手機無架，要一入黎個陣自己問門口拎」 唔緊要啦，我照叫埋手機菜單入面無嘅嘢食我手機落單唔小心叫多左隻雞，已經即刻叫人黎取消點知鍾經理一句話 「落左單無所以無得取消架」我都好聲好氣話 我哋只係唔小心按錯左鍾經理又回覆表示 「無辦法，你哋自己手機落單」 「你地自己按，真係無得取消」 哈，真係呆左，落左單成個過程一分鐘都無就話無得取消，係自己手機落單，係食客責任😅😅真係聽到都呆左唔緊要，你咁嘅態度希望你可以繼續營運到我哋自己帶左支紅酒，叫侍應比2隻杯我哋鍾經理（澳牛待應tone）咁問： 飲咩酒呀？我哋個個都唔識比反應以為餐廳唔比帶酒定係無酒牌唔比飲酒佢再問多次：飲咩酒？我比番啲合適嘅杯你哋哦！！原來咁解 唔了解真係會以為比佢責備緊咁到埋單睇番張單見到帶酒飲係加100蚊，雖然喺香港係比較合理，但係都應該係我哋同佢講我哋帶左酒黎個陣同我地講聲，而唔係要我哋自己係張單到自己發現個感覺好似打蛇隨棍上咁6個人叫左8碟餸椒鹽豆腐，鴨，雞，乳鴿，菜，炒飯，魷魚，龍蝦伊麵埋單1698餸菜不過不失，餐廳標榜 少鹽少油但已經不是賽馬日，食物都比較偏咸🤔🤔…查看更多

第一次過嚟食，非常失望，嗌咗十幾樣餸冇樣好食點心全部要點XO醬先入到口燒賣$16一件 肉帶酸味 (後尾阿姐話因為啲蝦導致有酸味)薄撐入面有三包豆又奇怪又唔好食粉果完全冇味 不予置評唔會有下次👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多