鍋霸吃到飽台式養生火鍋 (莊士倫敦廣場)

营业中

休息中

心心念念想打邊爐，特別想食台式麻辣火鍋，呢間「鍋霸吃到飽台式養生火鍋」設分店於旺角和佐敦，佐敦分店位於莊士敦廣場6樓，鄰近C1出口，好方便。餐廳佔地全層，設卡位雅座，坐得舒服又寬敞同朋友大嘆火鍋一流。午市火鍋放題仲可以食足4.5 小時。基本調料整曬，可以自行混醬，炸蒜熟蒜豉油、和麻醬咩都有提供。最緊要飲品任飲有自家製冷泡茶、烏梅子山楂、仲設有暖櫃可以飲麥精維他奶。湯底方面，除了藥膳養生鍋、沙茶底、蕃茄濃湯、麻辣湯、壽喜燒芫茜湯等任君選擇。我地食第二級，美國牛肩胛肉和西班牙無激素豬肉肉片任食，追加海鮮，游水海蝦、花膠任食、鱔片、黑毛肚、蜆、帆立貝等。仲有超過60 款火鍋配料無限任食。台式麻辣雞/藥膳沙茶牛肉（鴛鴦鍋）：沙茶香濃而不膩，真係真材實料有大大舊牛腩熬煮，麻辣又吾會太辣，反而好香！有曬花椒八角層次感，加埋豬血就啱曬。回本位一定要任食牛肩胛肉，肉質結實同時有彈性、牛味濃。花膠都要任食滋補養顏、海蝦爽彈、蜆脹卜卜飽滿。無激素豬肉肉質可能會更加緊實，且脂肪分佈更為均勻。記得食埋movenpick /哈根達斯雪糕先好走。總結：抵食高質火鍋 朋友聚會好地方

同朋友去佐敦火鍋放題，超滿足！又滿足口腹之慾，又覺得好養生😋湯底第一次呢兩個鴛鴦鍋😍一邊係姬松茸什菌雞鍋，一邊係藥膳椰子雞鍋。姬松茸湯底好濃郁，好多姬松茸同菇菌，飲落去好鮮，營養豐富，好養生藥膳椰子雞湯底就香濃又夠味，兩者都好夾！新鮮海鮮🦐游水海蝦勁彈牙！我哋仲叫咗沙白、帆立貝、白鱔片、花膠片！肉🥩牛肉、無激素豬肉片、西班牙伊比利亞黑毛豬、PRIME肥牛片，每款肉質都嫩滑，肥而不膩！手工美食：手工黑松露墨魚滑、手工韭菜餃、芝士小籠包（流心）、手工香菇雞軟骨餃，口感豐富！蔬菜拼盤🥬新鮮蔬菜種類好多，菜心苗、唐生菜、娃娃菜、油麥菜、鮮萵筍、鮮淮山！仲有好多菌菇類！最後最正係每人一個雪糕！😆好多好吸引嘅新口味，揀咗Dreyers D-collection嘅開心果同呂宋芒味，真係令人一試成主顧！

農曆年假很多地方都沒有開，搜尋之後，發現這裏的火鍋放題可以無限時，還在農曆假中開市，今日下午便來到這裏。假日成人Prime Grade美國安格斯肥牛餐$ 396，鴛鴦鍋$48，追加海鮮$40。藥膳花膠雞鍋，藥材味道不算太濃，湯底清甜。麻辣牛肉鍋，台式麻辣味道香濃，藥材味十足，用來吃牛肉或豚肉，非常配合。湯底內還有三件牛肉，軟腍腍可口。安格斯肥牛，脂肪分布均勻，牛肉味道香濃。無激素豬肉片，脂肪甘香，肉質鮮美。海鮮之中，以海蝦最為爽口鮮甜，另外蜆肉都是另一個最佳選擇。飲品有數十款，其中自家製烏梅汁最為酸甜，甜度適中。最後當然是吃每人一杯的名牌雪糕。

冷天氣最愛去吃火鍋，朋友帶我來吃午市任吃台式火鍋，慢慢坐慢慢聊天，有多款湯底，棒棒喔藥膳濃湯和麻辣牛肉湯，各有特色店員親切，令人自在套餐有多款肉任吃，包括西班牙無激素豬肉，西班牙伊比利亞黑毛豬和美國肥牛，肉質很好，肉汁香濃，嫩滑之口感，特別好吃任吃台式養生火鍋 ，值滿分，裝修地道，地方寬敞，令餐廳爆滿！雞肉肉嫩鮮甜的雞件，味道香濃帶層次，肥牛脂肪含量高，雪花分佈平均又細緻，口感鬆化而香，棒。火鍋配料有超過三十多款，有菜，丸類，雜菌菇，海鮮，飲品櫃有多個飲品，醬料區也有多款醬料。最後的甜品是雪糕，選擇多，質素也高火鍋放題，抵吃肥牛肉，非常漂亮的肉色和雪花紋路，輕輕入鍋涮，肉質細膩柔軟，棒湯底新鮮，清甜氣息，麻中帶香。涮肉後可口，香濃滿滿，棒

今日同朋友去咗呢度打邊爐，坐得超舒服，嗰日仲要安排咗我哋坐窗邊！我哋叫左Prime Grade美國安格斯牛套餐，啲牛肉片切得薄薄哋，淥幾秒就熟，入口好嫩滑，肉味好濃，完全唔會韌，真係幾好食！Prime肥牛片油脂分布好均勻，食落去好香，但又唔會太油膩，朋友都話好食！湯底揀咗日本壽喜燒Sukiyaki鍋，好足料咁俾左好多茹，甜甜哋嘅味道好適合配牛肉同海鮮。脆鯇魚片魚肉好爽脆，完全冇腥味，仲有帆立貝，個日食左二十幾粒，好爽🤣淥完之後依然好彈牙。另外仲試咗花膠片，淥完之後滑溜溜，膠質豐富，食落去好滋潤。呢度啲手工丸好值得食，魚皮餃都係自家製，皮薄餡多，丸類都好多款可以揀！一開始會有兩款前菜提供，麻辣拍青青瓜爽脆，麻辣味唔會太濃，食完之後好開胃，打邊爐嚟講一流！

在莊士倫敦廣場的鍋霸吃到飽台式養生火鍋，讓人流連忘返。這裡的成人LV2 Prime Grade美國安格斯肥牛，肉質鮮嫩，每一口都令人陶醉。若再加$40選擇海鮮，則更是物超所值，特別是游水海蝦和花膠片，鮮味十足。自助醬料區提供多種選擇，讓每位食客都能調配出心中理想的醬料。芝心包和芝士小籠包的流心效果，令人驚喜，濃郁的芝士香氣令人難以抗拒。此外，手工黑松露墨魚丸和梅菜豬肉丸的口感亦相當出色，肉質扎實，風味獨特。在蔬菜方面，皇帝菜和菜心苗新鮮爽脆，為火鍋增添了清爽感。炸魚皮的酥脆口感和鹵水豬耳的獨特風味，則為這頓火鍋增添了不少層次感。整體來說，鍋霸的火鍋不僅食材新鮮，環境舒適，更是一個適合聚會的好去處，讓人忍不住想再來一次。

這晚係開完會真氣難下。開足半日同老闆頂足半日。感覺好委屈自己。心裡決定要食返些好野去平衡自己的心態。決定係找找好食餐廳。餐廳內的飲品種類繁多。配料醬汁都多不勝數。火鍋配料超過十幾款。仲要平時睇不到的配菜都有。另外新鮮菜類甚有質素。Level 2美國牛肩胛PrimeGrade。牛味濃厚。肉質鮮美。源源不絕鮮蝦。雜丸。鮮味十足。新鮮肉彈。鮮蝦新鮮。肉質美味。脆魚皮。烏冬魚皮新鮮可口。香脆無比。再配上新鮮上湯烏冬。更是滿足感爆發

今日中午我嚟到位於佐敦嘅鍋霸食飯，呢間火鍋很香港有兩間分店，今次我就嚟到位於佐敦嘅分店打邊爐。我哋嘅套餐就係伊比利亞豬放題，呢個放題本身就包牛肉同埋豬肉，我哋另外亦都加咗海鮮，令到配搭更加豐富。我哋叫咗個鴛鴦湯底，一個就係蕃茄湯，另一個就係壽喜燒湯。伊比利亞豬豬肉肥瘦均勻，入口有香濃嘅油香味，肉片唔會切得太過薄，令到入口好有口感。牛肉牛肉嘅脂肪唔會太過多，肥瘦比例啱啱好，每一次點嘅份量亦都唔會過多。海鮮方面有海蝦，蜆，花膠等等。每一種海鮮都幾新鮮，海蝦夠晒大隻，蝦肉亦都好結實。除咗依啲之外，餐廳亦都有提供唔同種類嘅肉丸，所以款式都幾豐富。整返嚟講，我覺得今餐嘅價錢相宜，食物質素亦都唔錯。

食過好幾間任食台式火鍋，暫時今日喺佐敦食嘅鍋霸食到飽台式養生火鍋係食過質素最好嘅。我哋揀嘅係午市火鍋放題4.5小時任飲任食（甜品每人獲送一客），level 2 prime grade 牛肩胛肉（$198），另有加一服務費湯底我哋加$48要咗鴛鴦鍋（揀咗藥膳椰子雞鍋+田園蕃茄濃湯雞肉），兩款湯底都好濃郁鮮味。另外每位再加咗$40升級海鮮同配料（包括游水海蝦，花膠，鱔片，黑毛肚，沙白及帆立貝）。除咗帆立貝我哋冇點之外，其他我哋都試晒。如果你都係鍾意食海鮮嘅話，推薦大家加$40升級呢個，因為佢所有海鮮都好新鮮。我哋今餐基本上九成都係食海鮮，一成先至係食Level two入邊嘅嘢。沙白又肥又鮮甜。海蝦蝦膏味濃郁。要讚一讚佢個鱔片切得夠薄好快熟，肉質彈牙。花膠啱晒女士食。黑毛肚爽口易咬。prime grade 既牛肩胛肉質素比我想像中嘅好。有牛肉肉味，又唔多肥膏。手工三寶丸，手工黑松露墨魚滑：呢兩款都推介大家點。墨魚丸同墨魚滑都有墨魚粒喺入邊，有咬口。牛丸同豬肉丸都有肉味彈牙同多汁。另外我哋仲嗌咗午餐肉，魚皮餃，萵筍，鮮淮山，蓮藕片，菜心苗，鴨血，腐皮同脆鯇骨腩。全部都新鮮而且屬於質素高。飲品方

新一年同朋友聚一聚打邊爐任食放題，我地午市去，可以食4.5小時，慢慢食慢慢傾計。我地揀了lv 2 美國Prime Grade 牛肩胛肉套餐。我地揀了藥膳養生花膠雞涮涮鍋，啲花膠好滑，都重藥材味，正。一坐底，店員有送到前菜來，有酸辣木耳清瓜。之後就出去自己調醬料同埋拎飲品，天氣凍凍地，我同朋友都拎熱飲品～牛肩胛肉花紋好靚好新鮮，叫了幾次質素都係咁好，好香牛肉味。另外，我地叫了手工三寶丸，有墨魚丸、豬肉丸、牛丸，手打丸真係好滑真材實料，推薦。最後，我地叫埋個雪糕就走人了。

我地叫左個【吃到飽養生火鍋套餐第二級: 美國Prime Grade 牛肩胛肉 Prime 牛肩胛同埋西班牙無激素豬肉片再追加左$40蚊任食海鮮 呢度既套餐分左5級價錢合理平同貴都有午市最長可以食成4.5小時真係可以慢慢食。呢度既配料係自助既，飲品都有多款冷泡茶同凍熱飲品都有，湯底款式選擇超級多，藥膳，蕃茄，麻辣都有。我地揀左花膠藥膳雞湯底推介流心芝士湯丸，咬落入面勁多芝士涵料，牛肉比較瘦食落無甘邪惡，海鮮推介海蝦入面有好多蝦膏同埋白鱔片好爽脆既口感，帆立貝都幾新鮮。丸類品種好多，qr code落單好方便，最尾仲有雪糕1人1杯。

平時食開一鍋堂、牛大人，今次發掘咗新舖頭—鍋霸鍋霸喺旺角同埋佐敦都有分店，而我今次就係去佐敦嗰間，環境闊落位置相當近地鐵站，午市仲有4.5小時任食放題，價錢實惠，食物飲品選擇都非常多，值得一試！食物方面有肉有海鮮，例如魚、海蝦同埋蜆，仲有啲手打墨魚滑蝦滑牛丸等等，菜方面嘅選擇都非常多，比較特別嘅係有羽衣甘藍同埋皇帝菜，另外亦有面，例如稻庭烏冬同埋公仔麵👍🏻炸魚皮同埋響鈴，非常新鮮冇油益味。另外，飲品方面有凍有熱，非常貼心，都有好多茶飲解膩。總結，鍾意打邊爐嘅朋友不妨一試呢間鍋霸！

任食火鍋最怕時間短，特別係屋企人都食野慢。大時大節一大班人黎緊係想坐底慢慢食，傾下計，飲返杯。 環境座位都坐得舒適，飲品選擇多，今次我地每人+$40 仲有任食海鮮!!我地最中意緊係大蝦❤ 墨魚仔❤ 蜆❤ 脆骨LAM❤~ 款款都鮮味十足!! 大大隻😛而其他火鍋配料就一定要叫佢地多款既台灣丸❤真係好好食，同唔係周街都有得買~湯底我地叫左養生花膠雞❤ 同 重芫茜湯❤!!食完仲有一人一杯雪糕❤ M記❤定H記❤都有絕對大滿足呀!!!

鍋霸吃到飽台式養生火鍋 (莊士倫敦廣場) (佐敦)佐敦彌敦道219號莊士倫敦廣場6樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：美國Prime Grade 牛肩胛肉火鍋放題 $188，升級海鮮及配料 +$40，鴛鴦鍋 +$48牛肩胛肉火鍋放題：可任點美國Prime Grade 牛肩胛肉、西班牙無激素豬肉片、秘制沙茶牛肉及秘制台式雞件，款款肉質軟嫩鮮美，油脂分布均勻，口感滑順，肉香濃郁，是火鍋肉的極品！😄😄😄升級海鮮及配料：包括游水海蝦、精選花膠、新鮮鱔片、黑毛肚、墨魚仔及帆立貝。海蝦鮮甜多汁花膠口感滑嫩，鱔片肉質細腻，黑毛肚感酥脆，墨魚仔肉質順滑，鮮美味道鮮美，款款好味！👍👍👍鴛鴦鍋：今次火鍋湯底選了麻辣蕃茄牛肉涮涮鍋及日本壽喜燒Sukiyaki鍋。麻辣鍋色澤紅亮，既有辣味的刺激，又有蕃茄的清新。壽喜燒鍋透明清澈，醬油味濃郁，味道醇厚！😍😍😍

✳️今次同阿女一齊去試吓佢哋嘅LV2 Prime Grate火鍋放題，每位$248，再加每位$40追加海鮮，真係抵食！我哋揀咗藥膳花膠雞鍋做湯底，湯底濃郁，花膠同雞肉都煮得啱啱好，好滋補。👌🏼火鍋配菜方面，我哋點咗深海魚柳、豬肉片、是日海鮮、游水海蝦、帆立貝、花膠片、墨魚仔、羽衣甘藍、沙茶牛肉、秘制台式雞件、PRIME肥牛片同脆鯇魚片，樣樣都新鮮，特別係PRIME肥牛片，肉質嫩滑，入口即化。仲有出前一丁麵，吸晒湯底嘅精華，極好味。✨甜品方面，有Movenpick雪糕杯同哈根達斯雪糕杯，兩款都係我同阿女嘅最愛，食完火鍋再嚟個雪糕，真係完美嘅結尾。飲品方面，有各款汽水同無糖凍飲茶類任飲，性價比高。