鋮記一品粥鋪 (已搬遷) 新店位置

又再為鋮記寫食評, 一間可以令一個起碼十年出街加埋唔食多過5次粥既人專登1個月內走去食3次, 呢間野應該值得再次推介, 上星期終於試左佢個魚卜粥, 可惜只係得六,七個魚卜, 唔係傳聞中至少八至十個, 魚卜炒過後, 再放落粥度, 入口依然好好味, 唔會令到碗粥油冧冧, 俾今日走去食隔離街那間少味精同好食好多, 而佢d腸粉則麻麻地, 前個禮拜帶同事去食, 個蝦腸無酒樓那d好食, 但個白灼魚皮依然超正, 炒麵依然好味, 及第粥依然很多料, 但價錢則每樣平均加了1元, 這點係呢個糧食供應短缺及咩都加o既時勢都可以理解的. 但衛生真的麻麻, 最近那次去到好多蒼蠅飛來飛去, 應該要改善一下, 如果唔係好易趕走d客.

前個禮拜下午, 出佐敦文苑拿教科書, 一條冷係附近想搵野食, 行經這間粥店, 見佢個餐比前個街口那間粥店平2蚊雞, 加上見到有我一直想去彌敦粥麵試食的白灼魚皮, 所以衝了入去, 叫了個餐(及第粥, 炒麵加豆槳) $26, 再叫了碟白灼魚皮$16, 魚皮食落非常爽脆, 超正! 個餐份量很多, 碗粥雖然已經係細碗份量, 但我都係只能消化一半, 炒麵比較多油, 但好好味, 豆漿麻麻地, 飲落唔似豆漿.食完成日心思思想去再食過, 下次應該會淨叫白灼魚皮外, 仲會試下腸粉.雖然個餐係好抵食, 但係係而家米價勁升, 兼好似話全世界糧食短缺的時候, 食唔晒同食淨晒d野食, 個心都覺得自己有點兒折墜.

最好是兩大塊豬肝, 有用酒處理過, 略灼半熟, 十分脆口, 豬粉腸夠淋, 肉丸太肥有肥肉粒, 豬心近呎喉管位太實, 其他內臟OK有蔥段, 菜絲(雖然不夠多)粥底有強烈味精, 昨晚吃完今早還口苦本想叫炸魚球, 但環境實在太差, 不想座下去, 加上一碗粥也漏單(晚上九時許只有一半桌有客)

4月3日，20:30 算是完成了灶君的兩項建議，很累和喉嚨痛，幾天在深圳睡不好時，又羊肉、麻辣吃不停，自作自受~m~到佐敦經過麻辣王時不敢停步，真無奈。便快步到這店來碗下火加魚卜，醫醫喉嚨再補充點骨膠原。晚市時段，差不多滿座。粥仍是滿滿的，唐生菜和蔥段足。粥底綿和鮮甜；皮蛋糖心、甘香；鹹瘦肉醃得夠火喉；魚卜爽脆肥美。這碗粥有食療和滋補之效。

吃完蛇王南，行了兩條街，有些口痕，想找些小吃，見這間寫明即叫即拉，入到去叫了一碟牛肉腸粉，等了五分鐘就有得吃，腸粉好滑、內有牛肉和蔥，士油煲過，吃落甜甜地，正。

2:30pm 人在佐敦搵lunch 食, 想食碗魚粥, 0黎了呢度. 見有較少見的魚卜供應, 叫了個魚咀魚卜粥(魚咀粥$23; 加魚卜$6) 試試.碗粥係滾熱的, 好足料, 份量亦好大... 粥底幾綿, 味道唔錯, 而且加了一絲絲好爽脆又幾甜的椰菜, 口感不過我覺得幾鹹0左d, 而且食完幾口渴; 魚卜(即魚鰾?) 有4-5 「抽」, 應該係用薑蔥爆過的, 食落極爽口, 完全唔腥, 推介! 魚咀原來係魚頭, 又係有成4-5 大件, 雖然無乜肉, 但滑滑的, 味道又鮮,「輪」得過癮, 好食!環境up dup, 衛生情況麻麻, 不過食完個肚無唔舒服, 算啦; 招呼好好, 阿叔們對熟客生客都好友善, 見我起勢係度「輪」魚頭, 又主動拎隻碟俾我放骨, 好有人情味的一間小店!埋單$29, 雖然環境係差d, 不過食得好滿意, 會再幫襯食魚卜!下次亦會試試即拉腸粉.

對食少有要求的男友說想食粥，正好在街坊食店林立的佐敦，稍作搜尋便走到這裡。環境自是街坊格局，每人點了一碗粥，外加一碟油菜。本來還想食炸兩，可惜漏單了。粥是阿姐一桶一桶由廚房搬出，保證新鮮。一碗份量也很大，我只吃了四份一也飽了，剩下的打包回家。我的鯪魚球陳皮不算多，算是吊吊味吧，男友的香茹雞鮮味很出，茹味陣陣傳來。這些老店最有特色通常就是老侍應們。此店的伯伯們招呼很好，而且也很風趣。客：油菜全走伯：全走？客：走蠔油呀伯：我地油菜無蠔油wor老實得可愛呢。

6/1(日) 2:30pm跟友人到油麻地上過首課纖腰舞後,會約男友赴伊院探望不慎滑倒的外婆.消脂後肚皮已發出聲響,避免出現反效果,不欲吃得太過火,到了鋮記平平腸胃.覆核自己的食評,原來把此具質素的粥店遺漏了.是日的午餐:魚骨粥$22.粥底不稠不稀,魚味濃香.魚骨經爆香後更為惹味,魚骨肉厚沒魚腥;真材實料的魚粥.老闆亦做到禮貌周周,略遜一籌是其不太乾爽,燈光偏暗的環境!

下午兩點半,胃還有quota,心想和味粥就在附近,怎料在途中遇到這店,得來全不費功夫.便一闖而進.格局與和味差不多,稍一遲疑,以為到了和味,定一定神,才知不是.價錢和出品都在牆上,圖文並茂.兩家都差不多.又以魚粥和魚的食品為主.因為怕鯹,不要魚粥.叫阿姐寫及第粥,阿姐像老虎眼一樣,掂行掂過.一於借了聾耳陳隻耳.過了五分鐘,才施施然回來答道:"及第粥呀馬?"真有個性!十分鐘有得食,材料很多,很足料,豬心,粉腸,潤,肉丸,腰,只是無肚.煮得剛熟,很爽口,粥底味精少.稀杰程度剛好,葱很多,正合我意.份量又大,滿足得很.可能將來要多些來了.可惜的是地方稍為不清潔.不介意的話,可以一試.

在這裡見到這店有那麼多笑臉, 心想一定很正, 所以今日專程來試試. 叫了粥餐\:及第粥: 有豬潤、豬粉腸、肉丸、豬心. 味道OK, 但是蔥和生菜絲太多, 個人不太喜歡. 生滾牛肉粥: 牛肉應該沒有用鬆肉粉, 牛肉都算滑, 但沒有牛肉味.生滾肉丸粥: 肉丸不是用豬肉造的, 竟然是用魚肉造的!!! 而且太實, 口感不佳, 與旺角的妹記相比, 水準差得太遠!! 水準以下之作!齋腸和豆漿都不大好味, 一般而已. (後來才知齋腸是來貨而不是即拉的, 被騙了!!!)感覺上是名不副實的一間食店!!

鋮記已經聞名多趟，其大名可跟幾間老粥店齊名，理應有其特點，是日專誠到訪，希望不會失望而還。座下，首選魚鰾應該是正路，看到廚房師傅猛火炒制後才放粥，不用懷疑，在加什麼配料方面反而猶疑未決，看見旁桌光顧的老漢正大嘆其白灼豬雜，就此拍板，魚鰾豬雜生滾粥。一個師傅一個爐頭，想快都頗難，但等這份耐性只是對這碗生滾粥朝拜的試金石，想著希望愈大失望愈大的情況下，會否又一次被坊間傳聞所累呢！混混愕愕的想啊想啊，碩大的生滾粥已經上檯，份量真的足稱，再用匙羹韜兩韜，魚鰾及豬雜用料不小，而魚鰾及蔥段經過爆炒而微焦的香味滲透粥裡，配上豬雜的鮮甜，不用懷疑吧，這老饕此時只能大快朵兒，豬肚，甜美爽口、豬潤，腍身夠香、豬粉腸，糖衣毒藥，你不要的話送來吧、豬肉丸，手打夠彈牙、豬心，會在口裡彈來跳去的、到女主角魚鰾，不要提吧。埋單時阿叔幫忙左度右度來組合一個平宜的價錢，那裡是老店是沒有服務可言的傳聞啊。似乎兩種掛頭牌的配料已經試過，著實不錯，傳聞是正確的，現正頭痛下次來怎辦？

魚卜粥+ 腸粉~Items:-魚卜粥= 粥+ 魚卜x 10 + 大量蔥段& 菜絲腸粉= 齋腸粉(人手拉制, but not 即時, they were pre-made and kept heated up in the box)Result:-魚卜粥= $26 = 入口清甜& 好綿 = 魚卜爽口彈牙but not very clean腸粉= $6 = 彈牙+ 實淨 = 豉油味道good but 份量較少 = 味道跟大排檔所吃的很相似Conclusion:-份量多但味精偏重環境衛生欠佳next time 試下鮑魚雞粥or 魚腩or 及第粥I'll come back again.N.B.:-隔離亞龍咖哩冇乜人..

天氣轉來轉去，與同工一齊病了，不過都係要食野，到了呢度食個粥﹗入到黎先知死，原來成間野都係食魚粥的，咩魚卜呀，魚皮呀，魚腩呀，全部都唔岩我呢個唔食魚既人揀。好不容易在餐牌發現有鮑魚雞粥，即時一人叫番碗食下，怕唔飽再加多個蝦米腸。粥好綿好香，入口清甜，好重香菇同埋雞味，大大碗真係兩個人分都得﹗連病左本來無咩味覺既味蕾都重現生機，好多料呢﹗鮑魚我想應該唔係真呱，不過又真係幾好味架喎﹗蝦米腸真係熱烈推介，即叫即蒸，人生第一次食彈牙既腸粉，好滑好實淨，不過唔係厚既感覺，係又薄又軟又彈又實，好多蝦米，大家真係要試下﹗一人一碗大粥加埋個腸飽哂﹗滿足呢﹗好多人來食呢﹗可能魚粥都應該好正﹗有興趣可以來試下﹗

主人與奴隸獸已經有一段時間沒有光顧粥品店，所以看見此店外張貼的推介時，頗有吸引力，便入內幫襯：1. 魚卜併魚咀粥（HK$32.0）：份量大，粥綿甘香，沒有腥味，但有酒香味，魚卜爽口彈牙，有咬口。魚咀味道亦不錯。2. 及第粥（HK$22.0）：大大碗，足料，有豬潤、豬粉腸、豬肉丸，並有少見的豬腰、豬心。每一樣都爽脆可口，果然是招牌粥。味道實在無得頂，但是衛生欠佳（環境可謂Very Dirty）。莫非求美食，亦要大冒險？

日前在網友的網誌中見到一碗拍得很吸引的豬潤粥照片,腦海中常常浮現著一碗豬潤粥,終於在週末上課前來一碗,有名的粥店遍佈佐敦,隨意選了最接近的鋮記。座位剛在煮粥師傅前面,看到師傅如何將自己點的粥煮出來,下了一把蔥一把生菜絲後就送到自己面前,好爽!及第粥($22)表面看到米花,濃稠度也不錯,用湯匙攪拌一下發現材料也很豐富,豬心、粉腸、豬潤每款約有4件,豬心切得不太厚也很爽口、粉腸不苦也沒異味、豬潤切得頗厚也很爽口,好吃!份量只有兩粒的豬肉丸也很不錯,咬開後看到一點點魚皮似的東西,也許豬肉丸也加有一些魚肉;加上大量蔥段的香味和菜絲,整碗粥變得蠻好吃!不知道是否自己不斷用筷子夾配料吃,最後粥變得水汪汪!而且發現有隻小蟻蟻在粥內,為美味及第粥增加了多一點肉味。鮮蝦腸($15)即叫即拉,大大碟的腸粉外表極吸引!腸粉外皮米白色但閃亮,質感是軟滑中帶點煙韌,米香雖不太重,是很有水準的腸粉質素!蝦仁頗大隻也不是玻璃蝦質素,雖不是爽口鮮甜之流,但已經足以收貨了。豉油味道也很配合,不會過咸或過甜,只可惜豉油份量較少,對我這個豉油怪來說極不足夠;這碟腸粉的味道和質感,跟兒時在大排檔所吃的很相似,很有想當年感覺。