銀龍粉麵茶餐廳

营业中

休息中

美孚都唔知食咩好，想食小菜，同埋已經10點幾，冇咩選擇下入左銀龍，印象中佢小菜都ok叫左小菜二人餐會有小菜兩個，炒菜一碟，白飯及湯各兩碗先來炒小白菜份量好少，味道正常，但出左好多水想食清少少，叫左一個大蝦粉絲雜菜煲以為係有d獲氣果種點知上到黎就係一個水亨亨嘅雜菜湯+粉絲+煲熟嘅蝦呢個煲真係當食菜算⋯個蝦又粉，唔新鮮另外呢個咸魚煎似餅有驚喜好香好送飯，但就真係咸左些少，冇咸魚臭味只有香味。有成6塊，我地每人得一碗飯只食到4塊，淨番兩塊唔夠飯送，但已經飽了。

夜晚10點幾係美孚萬事達廣場搵食, 譚仔早已關, 大家樂香港地也準備打烊,就只有一家銀龍做到11點, 集團經營就是這樣, 平時我不甚吃銀龍, 旺角尖沙咀做遊客生意, 其他地方的就坐落在領展裡, 所以在揀無可揀的情況下就入了銀龍。晚餐一個小菜(無飯無湯無野飲)要六十多元, 不值, 雲吞麵牛什麵也賣差不多四十元一碗, 太貴,最後只好選一個四十多元的常餐, 沙哆牛麵, 配火腿午餐肉, 再配炸雞翼, 又有杯茶可飲。落單後2分鐘, 侍應告知沙哆牛一早已賣晒, 可以轉五香雞丁, OK, 3分鐘後上菜, 五香雞丁通丁丁不多不少, 普普通通, 味道算OK, 通粉也不太淋,午餐肉不算薄, OK, 接受得到。美中不足是炸雞翼太乾了, 無美味可言。最後是杯熱檸茶, 濃度算是濃, 但可能已是晚上十點, 不算香, 味也不是特別特出。總括而言, 要不是無得揀, 我應該不會再來。

美孚看來連鎖餐廳甚多，沒法子。也是大屋苑商場，小店站不住，只好讓大裁團壟斷。早餐時段連午餐齊吃，原來不一定是太遲起床，這次就是因工程局限而需提早吃午餐😒。點了沙嗲牛肉麵、牛角包🥐炒蛋，熱奶茶。沙嗲牛肉麵，麵條未全林🙄，沙嗲味淡，牛肉沒味道，但至少沙嗲醬不算冰冷冷。牛角包🥐炒蛋，看圖還以為牛角包不會這麽細小，豈料原來實物這麽小型。早吃的早/午餐，真生怕不夠飽。熱奶茶，茶味一般，但以連鎖餐廳來說，其實味道不太差。集團經營，早餐定好，傳統製作，沒甚特色，一式一樣，收費四一，不會再吃。

美孚無乜餐廳選擇，銀龍算係我經常去嘅茶記，一來多選擇，二來對正地鐵出口非常方便，今日我地兩公婆就試下炸醬撈麵同海鮮炒烏冬食物ok好食，但價錢略貴，不過無選擇之下都可以接受

今日星期六又訓到日上三竿，一起身就食下午茶，試試美孚有咩新野，揀左開左好耐但我未食過既銀龍。揀左炸豬扒薯條，落左order見到台面有呢個，即加$13食香脆奶油豬，嘩，黎到勁大份，絕無呃錢，仲好脆口同夠晒鍊奶添， 豬扒黎埋都好大份， 好在我今日未食過野 如果唔你就要打包！但整體黎講都幾好味， 下次會試魚旦河！

銀龍遍佈全港,但真係第一次食,都知出名唔好食,不過親身試過都覺得係唔好食好難明點解有咁多間分店,又唔係平豬扒炒公仔面,D面一舊舊,豬扒又好硬,好難啃而且十分油,D油浸住D面食左1/3 已經頂唔順扒餐有隻迷你牛角包全晚唯一可以食得落肚既食物羅宋湯唔好飲,好水,又酸.................牛扒,黑椒汁好咸好杰...........塊扒又唔新鮮咁樣都食左$13X,好難食,下次食麥記算!!!!!!!!!!!!!

D 伙記服務態度極差 D嘢又貴 比錢買難受 一去到呼呼喝喝 成間嘢都超嘈 環境差尤其個幾個男人 落單好似同顧客嗌交咁拎餐過來時 成隻手插左落d湯到 重要有灰甲叫個牛腩飯 一舊牛腩 真係咁都得

夜晚10點運動完諗住去茶記快靚正，嗌咗個小菜等咗25分鐘未嚟催侍應佢同我講做緊，再等多5分鐘我問其實係咪真係煮緊，未煮不如我轉嗌粉麵丫個侍應同我講煮緊煮緊今晚得一個師傅體諒吓。我餓到出汁，再等多5分鐘我再問可唔可以幫我取消order等我嗱嗱聲去隔離舖嗌碗粉麵食醫肚兼醫埋就嚟爆炸嘅情緒佢又話煮緊煮緊, 最後碟小菜响我落單嘅40分鐘先上枱。我知唔關侍應事但你得一個師傅係咪應該早啲收舖無謂開宵夜時段呢？我知師傳都好無奈，而家難為員工又難為食客，管理層麻煩檢討吓宵夜時段廚房人手安排。

雖然有朋友話呢間嘅荃灣店啲嘢食唔係好掂，但因為已經約好左喺美孚呢間一齊食午餐，懶得再改地點，所以一於照原定計劃。入到去感覺乾淨企理，非常光猛，雖然入坐時間係十二點半，正值午餐時間，但係都唔係好多人喺度，仲可以隨意搵枱坐底，坐底之後叫左白汁芝士焗海鮮飯(都幾貴，成$62一個，因為唔係午餐套餐，係散叫)丶咖哩豬排飯丶同埋柱侯蘿蔔牛腩牛筋飯，真心覺得雖然不至於話好好食，但是又未至於好似朋友講到唔係好掂，反而覺得佢嘅奶茶唔錯。

喺美孚萬事達廣場呢邊, 要喺夜晚食十點鐘宵夜, 其實選擇不多, 附近有間食米線幾好食, 點知琴晚提早打烊, 燉X佬又賣曬河粉, 於是第一次去試喺呢區新開張嘅茶餐廳.呢個集團嘅出品價錢越嚟越貴都預咗, 但係都估唔到喺呢D茶仔食一個雜扒都要90蚊我叫咗一碗五香牛腩河$35, 呢個價錢比起 其他粉麵檔係貴啲, 仲要加$10先有嘢飲, 不過因為想食河粉關係,所以都照叫.碗牛腩河湯底幾香, 河粉亦都好好食, 牛腩幾有五香味, 可惜又靭又多肥膏.試過一次,下次免問.

銀龍進駐美孚，新餐廳當然要即刻試，早餐選擇多樣化，中西式組合有9款，另有粉麵選擇，其中A8號早餐一般茶餐廳是比較少有，有新鮮感。A8號早餐正是菠蘿油配火腿通粉，暖暖的菠蘿包，甜度適中，外皮脆脆，邪惡的核心正是一大片牛油，完美！火腿通粉彈牙，送到客人檯上仍然熱辣辣，湯底有味但不算鹹，有味精但不算多。飲品方面，是次點的是凍齋啡走甜，以茶餐廳比較，已經是有水準，沒有酸味，亦不會苦澀。店內以卡位為主，以黃色做主色，燈光柔和，環境清潔，不會油煙，冷氣充足！