銀龍粉麵茶餐廳

营业中

休息中

有日去咗呢間美孚銀龍食下午茶，咁門口睇原餐牌大概知叫咩食？ 坐低就同個夥計落order我話要個常餐A轉淮山麵，佢就話：「我哋冇賣淮山麵喎」，咁我記得個餐牌有寫我就話：「唔係喎，你個餐牌有寫喎」，我句嘢都未講完佢就即刻個樣好似有啲唔耐煩仲要哄近少少，然後逐隻逐隻字好慢咁講「唔.好.意.思.我.哋.冇.賣.淮.山.麵」 咁樣同人講嘢，我即刻okokok😅🤷🏻‍♂️ 就話咁要普通面凍奶茶少甜。之後諗返，即係感覺好似我睇提出咗啲無理要求當我西客咁，都唔知你話冇賣係今日賣晒，之前有而家冇，定一路都冇。 又或者佢記錯我都費事深究啦，如果之後都冇嘅話我建議不如改一改個餐牌啦，費事咁多麻煩嘢～ 我都明白呢啲服務行業有時好忙唔容易，不過呢間餐廳服務就真係冇乜溫度同態度…之後我都唔會想再去呢間美孚銀龍食嘢😮‍💨

食茶餐廳早餐最緊樣樣嘢熱辣辣上枱🔥🔥🔥🐑沙爹牛麵，飲啖麵湯，係滾熱辣嘅，非常好，可惜冇乜味，要加兩大羹潮州辣椒油落去加辣加鹹個味先好番啲；牛肉用食粉乸得佢幾滑，但又唔會過份爛，幾好；沙爹汁唔係好沙爹，味道普普通通；個麵就淥得幾好，冇過淋冇中間生骨，時間拿捏得宜🐑炒蛋，係超熱嘅，係即炒，唔係炒定一份份等上枱嘅。炒得好嫩滑，蛋味唔算好香嗰隻，亦冇調味，自行加番少少鹽同胡椒粉就ok🐑牛角酥，Outsource叫番嚟嘅貨，唔好期待佢會有好鬆化嘅效果，不過佢個牛油味都好足，同埋暖暖地上枱，都算係咁啦~🐑茶走，個杯係熱到焫手嘅，夠風味，叫咗少花奶希望個茶相對會濃啲，從色澤上睇係合格嘅，茶香亦足，可惜唔夠厚身同回甘度唔夠，建議茶葉調配方面，粗茶可以再加多少少就更好

這天吃了一個售價親民的下午茶。$32就有紫菜三寶河1碗，另加熱飲，若選擇凍飲，加$3。先試一口湯頭，味道不錯。三寶包括扎肉一片、魚皮餃兩隻和肉丸一粒，扎肉和肉丸比較一般，魚皮餃質感和味道都好，另有大量紫菜，微微帶點甜味，也不錯。河粉不是很薄那種，很滑，好吃。這紫菜三寶可份量不算很多，不過因為是下午茶，而且以這價錢來說，我覺得已經性價比不錯。飲品我點了凍檸檬茶走甜，茶底不苦澀。

製作食物弄錯了，經理不知所謂，既不更正，又不道歉，現在的員工比較懶散，急不及以前那一批員工，對於一些舊客，例如美孚的老街坊，會殷勤招待，對於一些新客，態度認真一般。

忽發奇想，想寫一下關於你奶茶嘅系列相信之前應該可能有相關嘅嘢雖然唔係有一條豬橫「脷」，但都想用用家嘅角度同感覺去寫一下每一杯奶茶嘅感覺首先，同仔放游水堂食飯，已經係晚餐時段，餐飲叫咗熱奶茶（中完舞廢未咳完所以叫熱）奶茶上枱，正常色水，未攪之前一啖，水溫熱咗少少，奶味偏重，攪勻再試，茶味唔係好出有少少𠲵⋯⋯唔知點解，加咗糖都無乜甜味⋯呢杯茶一般，茶味唔出，奶味偏重

服務態度差，出菜極慢。中午幫襯，人多正常，只點雲吞麵，竟然半小時也出不到餐，服務員還說人多係咁耐， 實在等不了，去結帳走人，才端出來，還說不要早出聲。 態度極差，真令人氣憤。

叫外卖，接电话阿叔态度唔好，好似吹住你落单咁，但最后都要落错单！攞番屋企至发现少咗杯奶茶，又要走多转！咖喱朱扒火腿饭同焗肠片肉酱饭两个饭啲酱係酸酸酸酸味！之前其实已经失望多次，星洲炒米完全无味，粟米肉粒饭还是京都肉排饭还是椒盐肉排饭啲肉都非常之肥，只净番帮衬最简单嘅下午茶餐，为嘅只係杯奶茶。但经过今日之后应该要有一大段时间唔帮衬佢！而且嬲得滞一定要上嚟写返个食评，希望佢地既管理层会见到，加以改善！张单白纸黑字，check下张单係边位师傅做！

今天在銀龍用$70 叫了一個海南雞飯，來到見到全係雞胸加幾件骨，同侍應講！侍應話如果要雞肶要加多$10 ，結果我我加了$10 吃了人生中最貴又最難吃的海南雞飯😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😠😠

人生中最難食的海南雞飯，飯可以，雞真係差到,又HI又多骨。。。仲難食過我平時用滾水煮的過一D雞!!  。。。啲雞又老又鞋又冇味又多骨。。。極之差 未試過咁差的海南雞飯。。。唔建議去食飯叫海南雞飯。。。

今日落大雨所以就近近地食銀龍貪方便，之後價錢相對上比其他茶餐廳貴少少都算啦，我就叫左個午餐，肉醬汁雞扒飯(3號餐)少飯加熱華田(p.s.因為個餐牌寫3號餐少飯減1蚊)，張單到左見收我正價，我心諗吓？點解冇減1蚊，算，我食埋飯先再問，之後個飯到左，食左幾啖發現有曱甴，咁就同職員講唔要，個職員問洗唔洗換個第二個餐，我講唔洗，退左佢啦，之後張單返嚟見到個餐退左但杯熱華田收返我正價20蚊，我就問咩事，佢講「咁你飲左杯野，咪收你20蚊，叫左你換餐你唔要」，我即刻著火，大姐，宜家係你個飯有曱甴，我仲點敢食你其他野，你仲好意思收我野飲錢？個職員講我冇話唔幫你退，宜家幫你退，之後即刻收返我杯野飲。真心呢間野係我食過最垃圾嘅一間餐廳，價錢貴，食物質素差，環境污糟，職員態度差，完全冇樣野好。

個椒鹽鮮魷冇椒鹽，油未滾就放落去，炸粉同鮮魷分開，鮮魷下面仲濕既、好難食。其實我經常食銀龍，其他都好好食，美乎依間真係吾掂、之前食叉燒炒蛋，叉燒縮既、待應叫我換個第二樣，可能怕Q左個廚房😂

位置不錯招牌吸引， 肚子餓了就進入餐廳了，大失所望 上當一次以后都不去了，服務差 食物差 假期要收附加費，這樣質素不知可唯持多久。不改進 客戶只有越來越少 靠生客 沒有回頭客

三號風球天氣，唯有去美孚室內泳池游泳，完後，到銀龍茶餐廳吃個晚餐，餐廳位于美孚地鐵站C2出口旁不遠，進去環境簡潔，座位挺寬鬆。點了【生炒牛肉飯套餐】$65。生炒牛肉飯份量不用説確實慷慨，因白色等邊三角形的碟子中間是凹下去的，盛食物要有一定份量才能令食物凸起，所以見這碟飯是凸得高高的。牛肉不嫩不滑炒過火了，相當韌，有好幾塊是嚼不動的，飯粒炒得算幹身，粒粒分明，但整碟飯越吃越幹，口腔所分泌的水份也難以將咀嚼的飯而咽下。尚好已多點一碟【油菜】$18，油菜也算嫩，新鮮爽甜，菜汁可伴隨過幹的飯徐徐咽下。總的來説，服務週到，服務員挺善解人意。但這碟生炒牛肉飯相當遜色，缺少重點配料生菜絲。

週一至週五工作日無乜機會食到下午茶，放假去茶記食個貼地下午茶餐。 黃金魚角河加紫菜$48最欣賞呢度既河粉係幼身滑嘟嘟，因為有啲餐廳會用比較粗同厚既河粉，食落質地無甘好食。魚角彈牙，加埋紫菜就perfect。 湯底我要加腩汁同走青，店員都無嫌我麻煩呢。

餐廳正正位於地鐵站出口，方便程度達至十級，難怪任何時段都食客不絕。雖然是茶記，但環境乾淨，員工服務很好，更會提醒食客量體温及帶齊隨身物品離開。黃金魚角河加紫菜 $42+$6五件炸魚角，脹卜卜，河粉質地好滑，唔係又厚又鞋果種，識食一定要加紫菜，雖然份量唔多，但能將成碗粉好味度加十分，碗上仲有一件炸魚皮點綴下，食得辣既記得要配埋辣椒油，甘就滿分了。紅豆冰 +$3紅豆冰比較遜色，花奶不夠濃，紅豆不夠飽滿，整體味道較淡。