銀杏時光

营业中

休息中

上網見到呢間啲人話唔錯就同朋友今日晏晝去試吓啦。大概12點半去到銀杏時光用午膳，啲枱都坐得好滿下，不過我哋都唔使點等位就有得入去。見到牆上變咗好多poster都話每晚會有唔同樂隊表演啲，呢個相當之特別，有機會下次夜晚要來試吓睇吓live Band午餐時間只係需要叫一個set就可以免費享用沙律吧仲有餐湯。沙律吧嘅選擇都唔少，最基本要有嘅佢都有仲幾新鮮，而今日嘅雜菜湯都飲得出係冇味精嘅。只係略嫌佢唔夠熱係主食方面我同朋友分別叫咗一個有機薄荷羅勒青醬雜菌車厘茄長通粉呢個味道相當唔錯，個青醬味唔會好重啱啱好，而且雜菌嘅數量都好多，長通粉嘅份量亦都相當多係好飽嘅素食嘅朋友就可以試下呢個，當然佢仲有好多其他選擇啦。而我朋友叫嗰個就係懷舊叉燒三寶飯，份量亦都好夠，而味道都唔錯唔會好鹹啱啱好，佢個飯要讚嘅地方係用咗紅米飯俾人感覺比較健康一啲。而且醬汁會另外分開上覺得唔夠嘅朋友可以自己去做一個調整，呢層都值得一讚總括嚟講喺港島食一個咁樣價錢嘅午餐算係抵食

銀杏館是社企, 由長者為主力營運. 今次有機會支持一下了.因為這次午餐聚會的人數算多, 所以一早訂了枱, 不用等位. 卻原來預早訂枱會有免費餐飲的!午餐的選擇很多. 有扒類、粉麵類、飯類, 素食類, 而且中式西式並存, 總有合你胃口的.我點的是半自助午餐. 包了自助沙律吧及餐湯. 主菜點了香煎黑毛豬柳配黑椒汁小小的沙律吧食品也算豐富, 大家排隊不用3分鐘便可拿到心水沙律返回座位. 而餐湯只有一款, 不過味道濃度及味道亦不錯.十分鐘左右主菜便先後到來, 看到碟上的扒份量真大, 午餐來說真的大了點. 豬肉又嫩又夠肉汁, 第一口吃下還以為是牛的肉眼扒! 黑椒汁是我的最愛, 這份扒在平價的西餐廳可能要一百多元了.配菜的薯角亦份量十足, 整碟被我吃光了, 大飽口福.離開時剛好有位店員在收執其他餐桌, 見我們一群人離開都一一跟我們點頭道別, 真的很友善. 相信他們為自己的工作及付出感自豪, 令我也好像做了點善事呢!(雖然只是付錢吃飯)

今日去咗鰂魚涌約朋友食lunch,之前係附近住都冇留意到基利路呢間銀杏館，聽過呢度係由一班上咗年紀嘅公公婆婆打理，好有特色，餐廳都好企理，侍應都好有禮貌，我點咗個豬扒餐，豬扒底面都煎到金黃色，仲有粗薯條同蔬菜伴碟，個餐仲包湯同自助沙律，D沙律菜好新鮮，午餐$88另收加一服務費。

真係無想過太古有這樣舒服的餐廳，因周圍都好多人。待應婆婆好好笑容安排我們入坐，選離舞台遠的位，因跟朋友傾計，怕影響表演者。每晚有不同表演者點了主菜，可以任食沙律及湯 ，只食了一點，因兩人要食大大片肉眼扒及羊架。羊架有肥膏，但無羊膻味。肉眼扒好嫩，配汁或海鹽食下傾下又忍唔住偷看下表演者。接待的婆婆公公們好親切，見佢地好似樂在其中，謝謝他們。

之前都試過中環果間銀杏館，銀髮侍應的服務態度不知好過幾多後生仔，有heart又有衝勁，知道太古開左一間食西餐的，於是搵晚同屋企人試下。入到去有live band的，銀髮歌手一路唱住英文舊歌，感覺有點似舊式的扒房，如果嫌live band嘈，可以要求坐遠d。我地叫左一份set dinner，包自助沙律同一個main course，沙律bar d菜都好新鮮，而且都多有機菜，唔會因爲自助形式就hea你。頭盤叫左個Parma ham，呢個普通啦，佢唔肥，相對上就少左一份入口既肉香油味；炸雞內藏火腿芝士，係好邪惡，不過因為有芝士係入面，塊雞扒唔會硬挖挖，跟炸雞仲有炸薯角，佢果個黑松露醬好好味，搞到隊長不斷係甘點黎食；肉眼扒就肥膏多左d，麻麻地；Carbonara用左特別d既扭扭粉，更加可以索汁，而且個白汁唔會又杰又咸，感覺健康一點；唔係好夠飽，銀髮侍應推介左海龍皇盛宴，有半隻龍蝦、帶子、青口、比目魚，好抵食，都唔錯既，無乜雪味，尤其是個帶子，而且賣相都幾靚。其實隊長都幾支持呢間社企，因為都好佩服一班銀髮侍應敬業樂業的精神，雖然手腳未必可以好似後生仔甘靈活，不過態度絕對好過班後生仔！

係網上面見到呢間餐廳專門聘請長者就業，以表示佢地仲有能力為社會服務，所以為左支持佢地，就決定帶埋屋企人去幫襯一下~~我地係平日既朝早去，發現原來有早餐自助餐，收費仲要好抵，就一於試下！！入到去要俾左錢先可以入座，裡面地方唔大，但有唔少食物可以選擇，基本上係素食自助餐，所以唔會有肉類，但係有彷製肉丸，同真既無乜分別令我最驚喜既係有個小區域可以自己煮蛋食，整太陽蛋甚至炒蛋都無問題，好貼心除左支持長者，又可以食到咁滿足既早餐，下次一定會再黎！！

住了在大古城一年多，都不知道有這家銀杏時光，今天突然看到網上介紹，工作的全是公公婆婆，食物和環境亦非常不錯，所以今天的晚餐就來這裡試試，入門後招呼我們的婆婆很有禮貌，動作很快，一點也不像一個老人家，目測少有75歲以上，坐下來我們倆口子點了兩份餐，是什扒和燒慢煮豬肋骨，之後待應叔叔就叫我們去取自助沙律和湯，沙律需然選擇不多，但用料非常新鮮🍀🍀有機菜沙律，萍果沙律，南瓜薯仔沙律，通心粉什豆沙律，什菜湯也是任吃，喜歡吃的話只吃沙律也很飽，主菜來了，水準非常不錯，份量也頗大，還有現埸唱歌表演，這家餐廳所有人，環境，食物也為我們帶來很好的體驗💜💜

一次很開心的用餐經驗。第一次到訪這餐廳, 到達時,服務員(都是長者啊!)很窩心的帶位,又主動提供袋讓我們放隨身袋。我們選了兩個餐,連自助沙律吧及live band。沙律吧有湯,3款沙律,沙律菜,沙律通粉。沙律新鮮好味,忍唔住食完又食。燒春雞配薯蓉,味道好食。不過雞有點嚡,不夠嫩滑。牛扒新鮮軟熟多汁,好好味! 提供3款醬汁,可試不同口味。4人band隊: 唱很多經典名曲,聲音優美,聽出耳油。而且樂手擅於帶動場內氣氛,有些人更在前台跳舞,氣氛開心。

今天過來康怡，特地search下附近有什麼好食的，就見到這一間有意義的銀杏時光，說什麼也要來試試啦~銀杏時光是一間鼓勵seniors就業的社企，所以見到很多銀髮或上了年紀的伯伯姨姨擔當收銀、水吧和侍應，這樣其實很好，想工作就繼續工作唄，只要能fulfill work duties，年齡不是一個問題這裡的地方也不小午餐有一個特色，餐湯和沙律是自助的，任你食，而且菜都是有機菜。選擇不是很多都是大路的生菜、番茄仔、青瓜和粟米，還有蘑菇湯。午餐餐牌的選擇其實不少，不過除了頭兩個飯，其他加一後都要將近或者過了100元，所以都是點了頭兩個飯。當天比較晚才去到，大約兩點鐘，所以點餐之後，我就快快出去拿了點生菜粟米加上千島醬和芝士粉，還有蘑菇湯，當時我拿的時候已剩下不是很多的生菜，之後見他也沒有再fill生菜了，因為午市時段快將完結，所以還是早一點來好。生菜很甜，抵讚，不過想再攞已經沒有了。蘑菇湯稍嫌味道不夠濃，如果蘑菇味可以再濃一點就好了。我們的兩個飯來了^_^特色香茅雞飯($58)，飯要讚是紅米飯，跟碟還有一些冷的醃菜味道不錯，重點雞的粉量不少，不過香茅味真的不出，一點要加薑油否則沒什麼味道。香茅

正煩惱不知選擇往何處與家人中秋做節之際，偶然發現銀杏館有盤菜供應，細閱後覺得食物款式多元化，四至六人份$688，價錢合理。居食物有12款 : 豉油雞、煎大蝦、蠔豉、鯪魚球、糯米鴨、燜豬皮/香芋/枝竹/北菇/腩肉及燴蘿蔔/蓮藕。各款食物整齊的排列在盤上，份量很充足，絕對足夠五至六個成年人分享。各款食物味道都不俗，香芋及北菇十分稔身、蘿蔔清甜沒有渣，鯪魚球弹牙、腩肉肥瘦適中，亦很juicy😋配上供應的醬汁，味道剛好👍反而是雞及鴨比較滯銷🤣而因筆者不愛吃蠔豉及豬皮，不能評分，最後覺得美中不足是枝竹份量較少，有點不夠喉😄但值得一讚是盤菜附送一份西生菜，減少了食物的肥膩感，窩心

今次係第二次嚟 @ 朋友生日朋友係素食者，前一日 fb messenger 問 menu 睇下，估唔到好快覆，有問有答…今日叫咗兩個素食 set dinner + 兩個小食，個薯角同春卷勁正！又熱又脆，好魔鬼丫！Pizza 個底好脆… 我哋食咗一半就要打包，都幾 full…因為有結他手現場演奏，我喺朋友唔知情嘅情況下，由結他手送咗手生日歌俾佢，簡單得嚟好窩心，萬分感激！最後… 多謝個甜品，yummy！不得不提… 雖說所有 staff 都係公公婆婆，但服務態度一流，無得頂！都市人生活忙碌，聽住歌食真係好 relax，一定會繼續支持！

好驚喜，真係好驚喜！係住宅後面竟然揾到一間咁特別嘅餐廳。係待應全部都係公公婆婆嘅餐廳。店內環境摩登好有格調。西餐咁有前菜餐湯，個價錢唔包嘢飲另外加錢，但佢有水俾你嘅。 半自助沙律吧，唔好拎太多，因為個主菜會食唔晒。仲有個雜菜忌廉湯任添。主菜就係佢，咖哩豬軟骨飯，入面有好多豬軟骨有成七大件！一黎到我嚇一跳 因為係平時兩個人嘅份量。仲有啲秋葵薯仔茄子係入面，配菜煲到好淋但個豬軟骨未係好軟，不過都咬到嘅。真心俾佢個份量嚇親。豬軟骨配紅米，好健康唔錯。埋單

今日lunch時間比較鬆動，我哋可以行遠少少搵啲好嘢食😋 銀杏時光 絕對係食set lunch嘅首選，唔好見成間餐廳都係由啲公公、婆婆嚟處理，其實質素一啲都唔輸蝕！而我同事就至愛 #銀杏時光 整嘅「豬扒配薯菜水蜜桃」，厚切嘅豬扒，啖啖肉好juicy🤪 而小秘書今日就揀咗個「香茅雞紅米飯」，味道亦同樣出識，紅米飯配埋啲薑蔥油，好香口🍚 幫襯呢度嘅午餐仲可以免費享用埋餐湯同salad🥗，雖然選擇唔多，但勝在都係有機菜，好健康、好新鮮㗎🥒🍅

今晚和老公孩子一家到銀杏時光。之前已試過一次，覺得西餐孩子也喜歡，便帶孩子去試。今次點了黑松露素焗飯，落足黑松露材料，黑松露香氣四溢，配上芝士素菜，加上紅米飯，味道可口。也點了煙肉卡邦尼手工粉，賣相精緻，巴拿馬火腿配上手工粉，芝士味濃郁，孩子很喜歡吃呢！起初想點兩個餐，怕吃不完，侍應提醒這是是半自助餐，孩子點半自助沙津51蚊，點兒童餐88蚊，點兒童餐經濟點。於是加多個兒童餐-春雞番茄意粉。驚喜是這是大人份量，很超值呢！最特別是餐廳live band,經典廣東話和英語歌，有機會讓孩子聽聽，最後還聽著live獅子山下吃芝士餅，因孩子常見到獅子山，感覺奇妙，這個情境相信只會在這間餐廳發生吧.我跟孩子說這是特別的餐廳，特意請長者服務，孩子好奇問為什麼要請長者？於是我們問侍應，一位白髮公公，他解釋說老人退休後常在公園坐，但其實是有工作能力。一位中年女士，本身開老人院，為了讓長者就業而開餐廳喔。感覺這是一間親和的餐廳，食物好味又有人情味。

開業一段時間但一直都冇機會嘗試 今晚的起心肝book你試一試 !睇睇餐牌原來都唔平㗎喎 不過唔緊要啦 ,支持一下長者就業 ,畀佢哋搵到生命意義 ,非常有意思❤❤❤❤❤!一入餐廳燈光好有氣氛, 原來有現場歌手駐唱 講真香港樂壇而家真係好少人唱歌唱得好聽, 現場駐唱歌手叫raymond ,不論係唱中文英文歌都好有感情! 拍曬手掌!我嘅性格一定係唔會輸蝕! 有自助沙律吧我一定會加錢叫 沙律吧選擇都算多有成四五款沙律 !仲有我最鍾意飲嘅雜菜湯添❤ 個湯真材實料 ,感覺到冇加味精 ,同埋應該係每日新鮮煲❤!另外我欣賞個薯仔沙律 ,薯仔唔會好粉 ,想食完再添 雜果沙律亦都好新鮮 ,生果咬落去卜卜脆!嘢食本身份量已經係超級大😍 一個人嘅份量可以分畀兩三個細食嘅女仔都會夠飽!仲要淨係食個飯已經夠飽 ,好彩我係個大食妹!所以我都係升級繼續加, 繼續加!☺☺☺ 加咗個牛油果他他醬墨西哥脆片, 呢一個墨西哥脆片!係佢哋自家製 ,做得唔錯!! 個果醬味道酸酸地,都好開胃 !不過我都係覺得我自己嘅配方整得好食啲 😂因為我會加埋牛油果粒粒落去, 比較有口感, 佢而家個問題就係墨西哥脆皮好少 ,而果醬好多。 我食