銀座炎蔵燒肉

营业中

休息中

🍱首推嚴選黑毛和牛定食，一次過可以試到三款稀有和牛部位，每一口都入口即化，油脂同肉香完美融合，正到痹！咬落去嗰一刻，我真係差啲「哇」出聲，好似味蕾去咗一次豪華旅行🤩🍱和牛赤身定食都唔輸蝕，赤身嘅肉質緊實，配上特製嘅燒肉醬，再夾上一啖蒜片同洋蔥，呢個組合真係無敵！🥤飲品方面，凍檸檬茶同巨峰提子乳酸梳打都好出色！凍檸檬茶茶味濃郁，檸檬味又夠清新，完全唔會死甜，飲落好解膩；巨峰提子乳酸梳打就充滿果香，酸酸甜甜，同燒肉一齊飲，真係一流👍

荔枝角都有高質燒肉店，一坐低就見到定食前菜，樣樣都精緻好味，即刻開胃！首先黑毛和牛夠油香。和牛餐有三款肉，每款肉質味道都唔同。質素都唔錯！試咗ENZO和牛霜.赤燒肉定食，和牛友三角肉質嫩滑入口即溶，上後腰脊肉肉質細嫩，食落好滿足！定食配沙律，新鮮爽脆，好開胃！海帶清湯都唔錯。整個套餐幾豐富！！跟住試咗上等牛舌，牛舌切得薄薄哋，食落好有口感！總括嚟講，呢個和牛極致定食有水準，下次再嚟試吓其他菜式！！

呢間餐廳主打日式燒肉，環境裝修簡約，燈光柔和，坐得舒服。位置有啲隱蔽，差啲搵唔到，估唔到佢係D2 入面。我哋唔想諗食乜，所以叫咗一個花之特盛套餐，價錢$998，初頭以為唔夠食，但點知食食下又真係好豐富！首先上枱嘅係沙律前菜，沙律菜新鮮爽脆，配上酸酸甜甜嘅醬汁，好開胃。評分：👍🏻👍🏻👍🏻/5跟住係和牛6點拼盤，呢個真係好正！和牛嘅油脂分布均勻，肉質嫩滑，每一啖都充滿咗濃郁嘅牛味。特別係佢哋嘅和牛友三角，雖然唔知咩部位，但真係無得彈！評分：👍🏻👍🏻👍🏻👍🏻/5之後係豬三味，同雞三味，但係其實唔係點分到邊三味，不過好食就得評分：👍🏻👍🏻👍🏻/5海鮮三味，有魷魚、大蝦同埋帶子。魷魚好大隻，燒得啱啱好，彈牙得嚟又唔會韌，大蝦新鮮爽甜，帶子鮮味十足。評分：👍🏻👍🏻👍🏻/5整體嚟講，以為唔夠飽，但其實份量十足，食物質素好高，特別係和牛如果你鍾意搵食燒肉，呢間都可以係試得過既好選擇！整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5

D2 place是寵物友好商場，之前聽朋友說開了一間高質日本燒肉.主打日本和牛，套餐拼盤有牛肉豬肉雞肉配搭2-4人前拼盤選擇6-900不等.「和牛」可能會讓人誤解是指「日本的牛」，其實在日本國內所飼養的牛隻僅能稱為「國產牛」，而即使是出生在日本的外來品種，或是在日本的飼育時間長過外國的進口牛隻，也都能算是日本國產牛。我們選擇散叫，5款不同部位的牛.每款大概4-6片（以重量計算）分別是和牛鞍下/和牛笹身/和牛芯芯/牛舌等還有和牛石鍋飯.每款牛肉油脂分布均勻，軟嫩細膩讓人置身日本感覺

D2有工匠主題的市集，以手作為題，全部都自家制，行到吾知時間成2點幾肚餓，就上多層搵野食，最後揀左燒肉。和牛上等肋肉定食有和牛上等肋肉六舊，十分豐富的油脂，入口十分嫩滑。炎藏和牛霜．赤燒肉定食有三舊和牛助肉，油脂明顯比和牛上等肋肉少，但是肉味重，咬落去有口感。另外還有三舊和牛羽下，油脂比和牛上等肋肉更多，燒耐D油香美味。追加左和牛羽下及和牛芯芯，和牛芯芯吾知係邊個部位，但是肉及油脂比較很好，十分好味。午市定食有泡菜、沙律、湯及飯。會先上泡菜、沙律、湯，之後燒肉同埋飯就一齊上。

最近同朋友去咗呢間銀座炎蔵燒肉，呢間主打高質日式燒肉，裝潢充滿和風氣息，座位空間寬敞，氣氛靜謐舒適，幾適合約會或者朋友聚餐。炎藏和牛「極致」6點拼盤🐮一次過試到六款不同部位嘅和牛，由肉味最重到油花最好，但都均勻分佈，燒起嚟肉香四溢，輕輕燒到五成熟，肋肉和腿肉肉味濃郁，其他部位入口即溶，完全係高級和牛嘅質感。日本產雞腿肉🐓雞肉肉質嫩滑，燒完口感一流，帶少少煙燻味，皮脆肉嫩。日本產豚肩胛豬頸肉附近嘅部位，肉質細嫩帶少少嚼勁，燒到微焦，油脂滲出嚟，食落非常香口！蔬菜拼盤有粟米、南瓜、翠肉瓜，菇類等，燒完甜味突出，配肉食可以解膩。和牛配月見紫菜飯（配蘭王蛋）完美組合，特別推介月見紫菜飯，粒粒分明嘅米飯拌入紫菜香氣，配埋日本高質蘭王蛋，蛋黃幼滑濃郁，攪拌後帶出甘香風味，單食已經好有層次，加埋燒肉一齊食更加滿足！朝日咖啡生啤酒餐廳期間限定嘅朝日咖啡生啤酒幾有驚喜，淡淡咖啡香混合生啤嘅爽快感，入口帶微微回甘，幾適合配燒肉。

餐廳環境充滿日本和式氣氛，每個座位都有獨特花式既屏風隔開，有一定私隱度。餐廳所用的牛肉全部都經嚴選既日本產和牛，質素有保證。店員時刻留意客人需要，經常幫手更換燒焦既烤爐盤和在盤上加食用油，為客人加茶等。午市定食價錢大約一百至二百幾左右，均配漬物、沙律、湯及日本米飯。和牛極致定食三款肉分別係和牛羽下、和牛鞍下和上後腰脊肉。和牛羽下與和牛鞍下色澤粉嫩，油脂分佈相當平均，牛油香味齒頰留香，口感細膩醇厚，入口即化，十分推薦，而同時有提供京蔥和菇菌配搭食用，平衡番個油膩感。午市追加左蔬菜拼盤和牛舌，價錢都實惠。汁燒鹿兒島和牛丼定食鹿兒島和牛肉味濃郁，口感煙韌彈牙，食落美味可口，配搭溫泉蛋和洋蔥片，味道豐富，特別香濃郁味。蘋果汁蘋果汁酸酸甜甜，果香味十足，感覺特別開胃。日本產柚子雪糕柚子粒融入雪糕，味道清新，柚子粒令整體更有口感。

之前已經同朋友食過荔枝角 D2 Place 一期嘅 銀座炎蔵燒肉，覺得好正，所以今次再黎！🔥🍖成間餐廳裝修都充滿日本風情，行入去即刻有種一秒穿越到東京銀座嘅感覺，氣氛好正！🎌 職員服務亦都好貼心，真係食得舒服又開心。今次我哋叫咗炎蔵二人餐，價錢唔算貴，仲可以試到正宗和牛，性價比超高！套餐有兩款頭盤:**泡菜**：佢哋嘅泡菜唔算好辣，反而帶少少酸甜味，好開胃！**炎蔵沙律**：一大碟沙律，配埋香脆銀魚仔，味道清新之餘食到銀魚仔卜卜脆，口感好豐富👍🏻燒肉:1. **上等牛舌** ：牛舌切得厚薄適中，燒完之後啖啖肉香，口感嫩滑但唔韌口，大推！2. **炎蔵和牛「極致」4拼盤** ：有 **和牛羽下、上後腰脊肉、和牛龜之甲、和牛三筋肉**，每款部位都有唔同嘅口感同油香，特別係「龜之甲」，肥瘦比例完美，超嫩，「和牛羽下」更加唔使講，燒完入口即化，真係好滿足！3. **虎蝦** ：虎蝦新鮮、肉質彈牙，燒完保持咗濃濃海鮮味，有膏😚主食：**和牛咖哩飯** 🍛：咖哩汁香濃，重點係入面有粒粒和牛肉，已炆得好腍，配埋飯一齊食真係好掂！甜品：我哋揀咗 **日本產柚子雪糕** 🍋：雪糕口感綿密幼滑，柚子味香甜

黎至日本東京過江龍燒肉店-銀座炎藏燒肉，主打日本頂級和牛🇯🇵提供多款不同罕有嘅日本和牛部位，燒肉店裝修充滿日式風格，環境寬敞舒適😆🍴和牛里肌肉定食（$198）定食包含：沙律🥗清物、湯同米飯🍚和牛里肌呈雪花狀態，充滿油脂香，肉質軟腍👅點少少鹽配住食，牛味更為突出。米飯係採用日本米，粒粒分明，脹卜卜，口感軟糯，配和牛食一流🤤🍴和牛極致定食 （$248）和牛極之定食有和牛肋肉同和牛羽下，和牛肋肉肉感較重，有咬口🫦肉味相對比較濃郁👅和牛羽下取自於牛的肋骨第一至第五節間屬於「肩胛部」中的一個精華部位，油花分布更均勻細緻😻肉的口感軟嫩香甜又帶著油脂風味😋🍴上等牛舌（追加$48）牛舌薄切，爽彈有咬口，牛味幾香👐🏻🍴白桃乳酸梳打、菠蘿乳酸梳打（$22/杯）乳酸梳打清涼有果香、食到水果粒粒，清爽解膩💁🏻‍♀️

「銀座炎蔵」餐廳門前有布搶眼嘅白色布簾伸手緩緩掀起就好似踏入另一個世界木系與卡座上嘅紅白菱角雕花貫徹江戸時代町屋風格有種老銀座嘅感覺亦就等同直接用隨意門嚟到銀座一樣快冇乜人知銀座炎蔵焼肉 其實係嚟自銀座嘅過江龍藏喺大家未必成日去嘅D2 Place「飯堂」即係3F嘅「美食區」（全層都係食食食）午餐嚟食日本黑毛和牛絕對係幾經濟實惠Set餐豐儉由人由百中至二百都有和牛有唔同部位選擇最貴係三食其次係西冷和牛大判燒望相就知呢款係油脂感重，入口即融個人推介唔想食太油可以叫赤身套餐有2款赤身牛油較濃而有嚼感想試特別部位可以再追加如牛羽下、貝身、鞍下同牛芯單點最愛厚切牛芯牛油同油份都好濃另外嘅鞍下就比較薄切油份好快釋出有咬口日本雞肉爽口雞皮燒到微焦嘅口感好好！Overall 係幾滿意嘅午餐燒肉體驗食完又冇話成身油煙感

太耐冇去日本，一路都好想食燒肉記起D2 place 有一間日本過江龍日式燒肉店，lunch set 有和牛，價錢又合理，就決定再食多次前菜有檸檬柚子蕃茄菜沙律，日式泡菜🥗味道酸甜，好清新，食完胃口大開🤗🔸黑毛和牛嚴選定食上後腰脊肉 - 屬於油花比較少嘅部位，建議先食，之後再食啲油花比較多嘅部位和牛羽下 - 牛肩胛部位中較軟嫩的一塊，口感與無骨牛小排相似，油花適中，肉質香甜有口感😍和牛薄切 - 大大塊和牛食落好滿足燒嘅時候記得要留神，因為係薄切，所以唔需要燒好耐，燒到七成熟就啱啱好👍🏻伴碟大蔥燒起上都非常鮮嫩香甜，蔥香撲鼻🔸和牛赤身定食 呢款定食有兩款和牛一款係和牛芯芯，另一款係里肌肉雖然係赤身肉，但係始終都係A4和牛所以都有一定嘅油花，入口都算嫩滑🔸日本雞腿肉一碟四件，肉質飽滿，新鮮嫩滑👍🏻

同朋友喺商場打完室內哥爾夫球練習，搵嘢食，商場好多選擇，最後揀咗炎藏食和牛燒肉。叫咗沙律，和牛拼盤，牛舌，和牛牛肉拌飯。沙律菜好新鮮，蕃茄好甜。跟住開始燒和牛。特選ささみ和牛笹身：入口即融，有牛肉味ミスジ和牛三筋肉：薄身，好滑しんしん和牛芯芯：瘦啲（朋友喜歡，我就喜歡肥美啲），唔韌，有牛肉味はねした和牛羽下：超腍牛舌最後燒。薄和牛同牛舌唔可以燒太耐，唔係就黐底，我覺得自己燒得好好味，啱啱好。最後食埋個和牛拌飯，有啲泡菜，好惹味，牛肉都唔錯。燒薄和牛嘅時候，因為唔係好識掌握火路，塊鐵板黐咗啲牛肉炭，夥計主動幫我哋換咗塊新嘅鐵板等我哋繼續燒。好好服務👍。下次嚟打波，會再試吓佢哋其他嘢食。

今次👦🏻👧🏻喺附近D2 Place睇完戲後搵食，今次就揀咗食日式燒肉店 - 銀座炎藏燒肉。呢間日本過江龍燒肉店提供唔少稀有部位和牛，超滿足🤩！🌟炎藏和牛「極致」6點拼盤拼盤嘅牛肉款式會隨著當日提供嘅牛肉而作出調整，當日就有和牛肋肉、和牛脷芯、和牛羽下、和牛貝身、和牛笹身同和牛鞍下。當中最深刻一定係和牛羽下即係翼板肉（肩胛），油脂極度細密均勻，睇落去就好似羽毛咁，肉質咬落去有咬口又充滿飽滿油脂感。成個和牛拼盤有齊唔同部位同質感嘅和牛，值得一試！🌟上等牛舌👧🏻就另外叫多一客牛舌，一客6片，雖然佢唔係牛舌芯，但係質感同樣爽彈同軟嫩，點少少鹽花作調味就非常足夠。🌟石鍋和牛牛肉拌飯除咗食燒肉，梗係要食返啲澱粉質充飢！呢度嘅石鍋拌飯幾有驚喜。除咗有粒粒和牛同牛肉片，配料仲有菠菜、大豆芽、醃蘿蔔、牛蒡等材料。要讚一讚飯焦範圍好大，夠曬香脆👍🏻。🌟黑田庄町福地 餐廳提供唔少款式酒類，而👧🏻揀嘅清酒係法國菜米芝蓮三星級餐廳嘅指定用酒。絕對飲到Description內嘅蜜瓜白桃香，質感順滑細緻，絕對值得Encore😍。🌟巨峰提子乳酸梳打提子乳酸梳打唔算好甜，解熱氣一流！

這家日本燒肉店的午市和牛定食，絕對是牛肉愛好者的天堂。爐火夠猛，燒烤時鎖住肉汁，每一口都帶來濃郁的油香與嫩滑口感。店內更擺放了一個專櫃的高質和牛，展示對食材的嚴選與堅持。午市性價比極高，包前菜，值得一試！🏅和牛霜、赤燒肉定食($188)（追加日本豚肋肉$48）—— 霜降和牛油花細膩，入口即化；赤身肉質緊實，肉香濃郁。配上日本豚肋肉，油脂甘甜，燒烤後更添焦香，搭配前菜與熱湯，層次豐富。 🏅和牛炒飯定食($128)—— 炒飯粒粒分明，吸滿和牛油香，每口都充滿濃郁牛味，簡單卻極致美味。 🏅石鍋和牛肉拌飯定食($138)—— 石鍋保持米飯的香脆鍋巴，拌入和牛肉塊、大豆芽、菠菜與特製醬汁，每口都散發濃厚香氣，熱騰騰的滋味讓人回味無窮。菠蘿乳酸梳打、蜜桃乳酸梳打（$22）

荔枝角真係有好多臥虎藏龍嘅餐廳，呢一間銀座炎藏燒肉係日本過江龍，佢嘅和牛非常高質，性價比都算高👍 而且環境非常舒適服務又好🥰 🌟和牛極致定食（3種）$248每份午市定食都包咗前菜沙律、泡菜，飯同埋湯🥰 呢個和牛極致定食總共有三款肉，包括和牛羽下、和牛肋肉同和牛鞍下😃 和牛羽下油脂最豐富，入口即溶，超級滿足🥹 牛肋肉油花細緻均勻，肉質幼嫩細滑，肉味濃🥰🥰 薄切和牛鞍下非常大片，油脂分布均勻，燒完之後包住飯一齊食，非常香口😌 🌟和牛羽下.貝身燒肉定食 $198和牛羽下、貝身各片😍 和牛貝身瘦肉同油脂比例均勻，肉質軟嫩，肉味好濃郁，仲帶少少嚼口，我覺得好特別好好食😍 🌟追加：上等牛舌 $48呢個價錢好抵，上等牛舌真係好好食，肉質非常爽彈👍 🌟追加：和牛龜之甲 $78呢個唔係間間都有得食㗎，當然要追加啦😍 油脂冇咁豐富，但相對牛味好濃郁，非常唔錯👍