鉄火堂 (登打士街) (已結業)

收工後到旺角覓食，諗起鐵火堂夜晚有拖羅食，就佢啦平日7點半唔洗等位，我比較鍾意食中拖羅，另外選了三文魚子，燒左口魚邊，燒三文魚腩同赤蝦。中拖：厚肉，油香，唔腥燒左口魚邊：超肥，可以燒耐少少，香味會濃d三文魚子：量多，醬漬，送飯一流赤蝦：還可以，細條，隔離有頭甜蝦好似好啲燒三文魚腩：比較硬，唔係好肥有麵鼓湯，略咸，湯料足。店內比較凍，秋風起（冬風就到），日料鋪冷氣可以開細啲，畢竟都係食凍野。茶水一般，略有漂白水味。美食維持水準之餘，店舖既細節位可以做好啲。

之前見朋友成日去幫襯尖沙咀分店，自己一直都未有機會試，今次終於唔使排隊既情況下食到晚餐。旺角分店環境唔算好大，都係抱住一試既心態，叫左兩個丼。築地極上海鮮丼 ($188)，勁大碗勁足料！有帆立貝、牡丹蝦、吞拿魚、飛魚籽、油甘魚、磯煮鮑魚、碎蔥吞拿魚同埋一款唔知咩刺身。帆立貝好大粒，而且啖啖肉，好鮮甜；牡丹蝦口感不錯；有我至愛既碎蔥吞拿魚，撈飯超正。不過個鮑魚就爭啲，有少少乾，雖然唔算好韌，但唔係特別好食，好彩我對其他都好滿意。 另外叫左個五色山葵醬油漬魚生丼 ($128)，入面有三文魚、油甘魚、吞拿魚、帆立貝，仲有印有「鉄火堂」3個字既玉子，呢個飯既份量相對較少，不過整體上係不過不失。 兩個丼都分別送味增湯，份量都好夠，飽到小食都未有機會試，而且聽講自選魚生丼都好抵食，下次一定要試下

連鎖集團既壽司都食得太多啦，今次就選擇係旺角搵小店試下。行過見到呢間壽司店門外面都幾多人排隊等位，相信呢間都會有咁上下質素。等待既途中發現舖頭可以自選丼，大部分壽司店都係固定刺身，呢間可以全部選擇自己鐘意既刺身。食到一半果陣發現刺身仲多過飯，刺身份量好足，味道仲要唔錯，不過略嫌少飯。麵豉湯幾濃味，紫菜豆腐同湯既比例都好好既。沙灘的沙律醬過多，導致味道過重，整體來說食物的質素不錯。不過服務就有小問題，沙律就落漏左，水飲曬無人加。最後下次會再來幫襯這間小店。

之前食過佢地lunch嘅自選魚生飯，今次見到有一個旺角分店限定嘅珍寶丼，雖然冇自選魚生飯咁多魚生可以選擇，不過都好似幾抵食😳(可惜冇左口魚🥲)#午市珍寶丼 ($85)😋好味指數：(7.5/10)藍鰭吞拿魚(2切)+7款自選餸我揀咗火炙藍鰭吞拿魚(2切)﹑火灸三文魚腩(2切)﹑碎蔥三文魚﹑玻璃蝦(2隻)﹑甜蝦(2隻)﹑芝士蟹籽﹑蟹膏😗一嚟到就覺得好豐富🤣啲魚生都算唔錯，一啖飯一啖餸咁食，食晒啲飯都仲淨番好多魚生未食，好滿足😋

又食到旺角🤣 前嗰排見好多人去食呢一間日本野～今日終於可以親身試一試☺️店內環境：Menu:我覺得自己盲選左最好食既配料：冬菇壽司醋飯!!!我order咗厚切藍鯨吞拿魚2切+ 4款自選配料（$105），而嗰4款自選配料就係：🐟三文魚2切、🐟火炙左口魚邊3切、🦐赤蝦2切、🥚溫泉蛋🍄🍚冬菇壽司醋飯（+$6）男朋友就order咗晚市自選珍寶丼($132)，可以揀7️⃣款餸咁多😨😱 佢就揀左：🐟厚切藍鯨吞拿魚2切、🐟火炙藍鯨吞拿魚2切、🐠三文魚2切、🐠碎蔥三文魚、🍣北寄貝2切🦐泰式生蝦2隻、🧄蒜味螺肉、🦐甜蝦做得最好嘅決定，就梗係加冬菇壽司飯！男朋友都超後悔無跟我揀冬菇壽司飯😎即使唔落豉油，刺身們已經好夠味，好新鮮，而壽司飯仲有甜甜嘅味道😍 如果真係要挑剔，就覺得呢個壽司飯既份量太少😔連女仔食都會覺得唔夠🙈 不過反而就突顯到呢間刺身嘅份量係超足夠！🤭

鐵火堂食過幾次但次次都係尖沙咀嗰間今次路過旺角就嚟試試旺角嗰間都唔少人星期六中午都等咗15分鐘先有位旺角嗰間有一張限定Menu係專有藍鯨吞拿魚再加七款自選不過好可惜嘅係佢自選冇咗蟹膏如果要蟹膏就要填番平時嗰張紙🥲咁我就叫咗兩份香葱吞拿魚 帶子 油甘魚芝士蟹子 甜蝦 火炙藍鯨吞拿魚$88有咁多款刺身食真係抵到爛不過佢嘅刺身就不過不失啦唔會話腥又唔會話非常鮮甜咁嘅價錢咁嘅質素都算幾好㗎啦不過我自己就最鍾意食香蔥吞拿魚香葱吞拿魚真係好鮮而且大大份次次食到最後都變咗吞拿魚丼🤣

見星期六日都排晒隊，以為好好食，襯閒日冇人就試下，一入去就覺得唔夠冷氣…明明仲有把位，店員係要我坐門口果張卡位，我話冇冷氣，唔夠冷氣，我堅持先比我坐入一張枱。叫左午市珍寶丼，係幾新鮮既，但食左一啖飯覺得…..唔黏口，有少少一舊舊，唔識形容…..講白d都幾難食，話就話珍寶，但食我唔飽既，應該食量細既女仔會飽啦到埋單走，我行到街口先發覺拎漏左野（風扇），返轉頭拎果陣見到店員拎住我把風扇去後巷方向…..係咪唔係貴重野就10分鐘都等唔到呢？撇除依d….我對佢既食物質素期望過高，普普通通，唔稱得上「高質」，試過就算繁忙時間限時食45分鐘既話真係唔會去，亦唔值得專登排隊

今日一個人出旺角做野，食晏時間得自己一個👉🏻👈🏻但又想食平靚正嘅日本野。第一時間就諗到「鉄火堂」嘅大大碗魚生丼飯🤤。「鉄火堂」尖沙咀同旺角都有分店，食飯時間keep住都多人排隊。 今日揀旺角店午餐限定- 藍鰭吞拿魚（2切）+ 自選七餸，價錢仲要只係$88🤩🤩🤩超值。飯底仲有醋飯、白飯、薑飯、黑椒三文魚飯、沙律菜可以揀，唔夠食仲可以免費添飯，真係好貼心💖💖唔好意為價錢咁抵食，擺盤就會馬虎。魚生排列得很整齊好吸晴。今次我嘅丼飯組合:藍鰭吞拿魚+自選:火炙藍鰭吞拿魚、碎蔥三文魚、火炙三文魚腩、玻璃蝦、劍魚腩、帆立貝、海膽魷魚推介🥢:1️⃣火炙藍鰭吞拿魚:夠肥美😍2️⃣帆立貝：厚場肉，CP值高。2️⃣玻璃蝦:爽口，無雪味。🦐其他刺身質素都唔錯，好新鮮無腥味。每款也有2-3件，唔會切得太薄，都夠厚身。吉列炸蠔🦪即叫即炸，$20兩隻，抵食☺️但因為真係太多人排隊，所以限時45分鐘食，不過上菜都快，性價比高，推薦✌🏻

星期日夜晚去左旺角間鐵火堂食晚餐、好彩唔駛等好耐、兩個人好快就入到去食（Lucky)之前都食過尖咀間鐵火堂既、同旺角個格局差唔多、環境會比較迫、但每人座位下面有個籃可以擺袋、都叫做ok啦。放低袋、就等唔切叫魚生飯啦！我地叫左一個大拖羅拼四款自選魚生飯同埋普通拖羅拼四款自選魚生飯。另加一隻廣島蠔（生蠔🦪）最先上碟就係隻生蠔🦪我冇食所以comment 唔到佢新唔新鮮啦、男朋友就話一般（我既理解就係都新鮮既、但味道普通唔算出眾）跟住主菜（魚生飯）啦、我叫既大拖羅魚生飯第一眼印象好靚、d魚生擺碟都舖滿滿、感覺好開心食落都新鮮既，不過有d後悔叫左汁燒元貝、覺得好細片、如果叫新鮮元貝會開心d、加多$3 大粒好多！大拖羅有小小失望，佢都新鮮肥美、但係…好多筋唔知係埋我唔好彩。個蟹鉗幾好樣、但細粒同冇乜蟹味，反而個甜蝦好大隻好甜，我覺得幾好味，所以下次再食我可能會㨂多d魚生食少d熟食。我加左錢換個香菇飯，香菇唔算好香、試完就算、下次可以唔加都得。至於另一碗魚生飯整體都係新鮮既、味道就冇得comment 啦。我男朋友大食，呢度可以免費加醋飯呢個係大bonus, 最後佢係食左個大魚生飯加小魚生飯（我俾左部

心血來潮很想吃魚生丼飯，見Ｏpenrice上這間風評不錯就來試試。週末晚市稍滿座，但不用等太久就能入座。一打開餐牌，嘩！這也太多選擇了吧。琳琅滿目的各款刺身，可以自由配搭。飯底也有多種選擇：醋飯、白飯、薑飯、黑椒三文魚飯。。。。。。經過一輪掙扎，最終選擇藍鰭吞拿魚兩切 + 自選7款刺身醋飯 （$129）。刺身包括：芝士蟹籽、火灸三文魚、碎蔥三文魚、帆立貝、馬刀貝、北寄貝和甜蝦；全部2/3切。刺身和飯底比例大概1：1，每一口都有刺身伴飯。整體而言，刺身都挺新鮮，８款刺身全都合格。略縑藍鰭吞拿魚沒有什麼味道；火灸三文魚灸燒程度不足。但這個價錢絕對相宜，加上食物質素不俗，必會encore呢。

平時見到呢間舖都大排長龍，今日5點幾經過發現冇人排隊就早啲食晚飯。叫咗2個壽司飯，總共有7款嘅魚生，分別係藍旗吞拿魚、火炙左口魚、火炙三文魚、帆立貝、劍魚腩、油甘魚同鰻魚。魚生分量足夠之餘，仲好新鮮，特別係火炙左口魚，食落口就感受到佢嘅魚油香，仲好有咬口。如果平時想食魚生飯又唔知去邊間店嘅話，呢度係個不二之選。

▪️晚市珍寶魚生丼 $129［藍鰭吞拿魚兩切 + 自選7款刺身！］賣相毫不馬虎，魚生排列得很整齊🐟上面還有一塊小玉子 刺身質素不錯 新鮮亦沒有腥味 每款也有兩至三件 不會切得太薄 🍣♡ 特別推薦：火炙吞拿魚、劍魚腩：喜歡魚油香的話一定要試試！海膽魷魚、蟹膏：用來撈飯一流🤤⁡一直有聽聞過他們的魚生飯很划算終於來吃一次晚餐（其實午市更抵食！）這個價錢有這質素已相當不錯 上碟也夠快 他們還有特別之處就是飯底除了一般醋飯，還有薑飯、黑椒三文魚飯、沙律菜等這次試了冬菇壽司醋飯 帶淡淡香味👍這裡更可以免費添飯 最適合愛飯之人!⁡P.S. 用餐時間只有45分鐘因為有很多人等位 所以吃完之後就要馬上離開所以這裡比較適合想快速解決晚餐的朋友！

旺角有唔少式丼飯嘅餐廳，依家算係最接近彌敦道，所以就去咗呢度食啦。雖然已經差唔多九點鐘，見到門口都有幾個人喺度排隊所以都等咗大概十分鐘先入到去食。入到去見佢哋推介吞拿魚飯，不過自己當日都吞拿魚唔算太有興趣，就叫咗個蟹肉飯，佢哋嘅蟹肉飯除咗有蟹肉之外都有蟹膏，撈飯嘅時候覺得好滿足。不過如果有更多嘅蟹膏同蟹肉就更加正，食呢個飯嘅時候完全感覺唔到蟹肉或者蟹膏嘅腥味 ，所以覺得值得推介，另外麵豉湯都好夠味。佢哋有一個土耳其蘋果汽水，雖然要加13蚊但係都可以試一試，因為平時出街都冇見過有得買，蘋果汽水份量算多，都夠一餐飲。最後因為口痕所以嗌多咗兩份壽司，包括係鰻魚壽司同埋腐皮壽司，壽司嘅時候佢哋都會附上一嚿玉子，份量都好大份，所以都覺得好滿足。

而家夏天食魚生最緊要保持新鮮，有時唔想食咁貴，壽司郎又長期排隊，呢個時候就會嚟到我自己嘅「魚生飯堂」鐵火堂，因為相比其他佢價錢相宜之餘，魚生亦有唔錯嘅水準，食過起碼 5次都冇失望值得一戰再戰，間唔中仲有朋友仔同我講呢間好食今次我哋兩個都係揀自選，我揀咗呑拿魚腩碎、火炙左口魚邊、火炙三文魚、牡丹蝦、中拖羅 五款 都係 120蚊左右另一個就揀咗蟹籽、赤蝦、帶子、吞拿魚、油甘魚等等。小編覺得基本上唔同款式嘅刺身水準都唔錯，重點係選擇多，而且質素都唔錯，壽司飯都幾好食唔會太酸個人就最推介呑拿魚腩碎、火炙左口魚邊、火炙三文魚呢三款，幾乎每次必叫

鉄火堂喺尖沙咀同旺角都有分店，今次就去咗旺角呢一間嘅鉄火堂分店✨鉄火堂不嬲好抵食，刺身好新鮮！質素一直keep住咁好😚叫丼飯都會跟埋一碗麵豉湯，而佢哋啲飯係可以再加，啱唒大食嘅人去！所以呢間舖頭keep住都多人排隊🤣89蚊嘅沙律風火炙丼🤤最鍾意食呢個！雖然好多沙律醬好肥🤣入邊有三文魚、帶子、玉子燒、蟹子等等嘅配料，火灸過之後，三文魚嘅油香味即刻出晒嚟，再撈埋咁多沙律醬🥰真係好邪惡！輕易食晒成碗飯😋99蚊嘅厚切藍鰭吞拿魚+ 4款自選配料，揀咗三文魚腩、帶子、蟹肉同左口魚邊🤤三文魚腩好肥美，帶子鮮甜，左口魚邊經過火炙之後啲油分爆曬出嚟🤤個人認為左口魚邊必叫！入口即溶🥰✨99蚊食到咁多款真係良心價！人均消費：100/head