鉄火堂 (登打士街) (已結業)

見星期六日都排晒隊，以為好好食，襯閒日冇人就試下，一入去就覺得唔夠冷氣…明明仲有把位，店員係要我坐門口果張卡位，我話冇冷氣，唔夠冷氣，我堅持先比我坐入一張枱。
叫左午市珍寶丼，係幾新鮮既，但食左一啖飯覺得…..唔黏口，有少少一舊舊，唔識形容…..講白d都幾難食，話就話珍寶，但食我唔飽既，應該食量細既女仔會飽啦

到埋單走，我行到街口先發覺拎漏左野（風扇），返轉頭拎果陣見到店員拎住我把風扇去後巷方向…..係咪唔係貴重野就10分鐘都等唔到呢？

撇除依d….我對佢既食物質素期望過高，普普通通，唔稱得上「高質」，試過就算
繁忙時間限時食45分鐘既話真係唔會去，亦唔值得專登排隊