金鷺湖

营业中

休息中

今日天氣非常之好陽光普照，朋友回港探親順便搵我吃個午餐，所以搵了這間酒樓少有的湖邊畔住品嘗美食。來這裡可以自己駕車來又或者在大埔墟坐免費穿梭巴士都可以到達。餐廳裝修得瑰麗堂皇，一排排落地玻璃可以一邊飲茶一邊看湖光山色真愉快。玫瑰金蝦餃（三件）超搶眼的金黃色的蝦餃中間帶點玫瑰色很吸睛，皮薄包著滿滿蝦肉很彈牙。古法胡椒餅（三件）在酒樓很少可以吃到胡椒餅，所以點了來吃細細件迷你胡椒餅很鬆脆，咬一啖非常之鬆化內裡餡料很香胡椒味，外層全是黑白芝麻包住很惹味。黑椒安格斯牛肉腸這款牛肉腸很有特色，除用上安格斯牛肉做腸粉，綿綿牛肉味濃配米香腸粉很搭配，在腸粉上加上炸蒜真的很驚喜。鹹水角啤梨（三件）鹹水角啤梨造型非常入型入格，青綠色的鹹水角很特別，底部用上蘿蔔片襯托着，味道鬆化夠煙韌。薑蔥花膠燴生麵（例）這碟燴生麵用上薑絲蔥絲爆炒花膠煮成的，份量超足料而煮起花膠的膠汁做到掛汁口感，加埋XO醬一起吃特別滋味。楊枝甘露最後來一碗楊枝甘露，冰凍的楊枝甘露很香甜美味，每一口都可以吃到西米、柚子、芒果等超豐富。

邊到有大大棟聖誕樹？邊到可以偷半日悠閑？跟住我去小白鷺啦👍🏻流心鵪鶉蛋燒賣完完全全係嶄新嘅味道，鵪鶉蛋放咗喺燒賣之內，咬落去蛋漿澎湃而出！口感隨即帶一份濕潤感，連帶豬肉嘅爽嫩，確係好味👍🏻脆脆鮮蝦紅米腸 外軟內脆嘅口感拿捏得相當之好，外皮煙靭唔會太厚，內裏包住嘅薄脆片同蝦肉爽脆萬分！👍🏻鮮茄魚湯鮮竹卷魚湯鮮甜無比，鮮竹卷嘅外皮帶點薄脆，浸入魚湯之內逐漸變腍👍🏻生磨蛋白杏仁茶天氣突然驟降，少不了一碗熱辣辣嘅糖水做飯後甜品，杏仁味好香，蛋白相當之滑，生磨嘅顆粒感完完全全喺口腔裏面品嚐得到！略嫌蛋白可以更為完整。👍🏻雙色馬拉糕馬拉糕亦都包含咗小朋友喜愛嘅元素，就係加入咗朱古力口味，鬆軟嘅口感令人忍唔住咬多幾啖。👍🏻鹹水角啤梨仔裏面改為雞肉嘅餡料，小編覺得味道更為合適，鹹香度唔算太重，而家外皮香脆得黎唔會過分油膩，加上百力滋作為啤梨支桿非常有創意！🎄正值聖誕節，湖邊日都擺放咗一棵紅色嘅聖誕樹，大家不妨可以打下卡！✨如何前往？小編去程由沙田大會堂搭28K小巴出發，到翡翠花園落車，沿着山路一直向下行。回程搭小白鷺嘅穿梭巴士到大埔墟火車站！

白鷺湖互動中心，環境優美，有中西兩間餐廳，今次同老公去食中菜門外大片空地，餐廳一層過，樓底高，坐位闊落，加上落地大玻璃， 非常舒服寫意 這裡主打精緻中菜，先來一個明太子釀蟹蓋 $168造型相當吸引，應該是將蟹拆肉，然后釀回落個蟹蓋裡，很有趣，配上明太子，非常鮮美京蔥孜然五香小羊肉 $268羊肉配上京蔥和孜然烹調，羊肉辛辣味濃郁，開胃之選鮑汁關東刺參 $288刺參營養價值豐富，滋陰補腎。肉質肥厚又細嫩，口感軟滑鮮竹蕃茄魚湯浸菜苗 $138有多種蔬菜供選擇，我哋揀咗津白，魚湯清甜，加上鮮腐竹同蕃茄，好清新一碗白飯兩份食 $30臨近聖誕，湖上已放上了聖誕樹， 我們用餐處正正對着，非常有氣氛我們特意提早去到，行行湖邊，看到湖上反映建築物的倒影，閃閃發光，賞心悅目，很有在外國的氣氛這裡還設有免費穿梭巴士往來大埔墟火車站，不一定要自己揸車或乘的士

臨近聖誕，想同屋企人食吓嘢賞下風景放鬆一下，近日去咗大埔嘆茶，今次已經係第二次去了，多了聖誕裝飾打吓卡，風景依然優美，一路食嘢一路望住風景一樂也。玫瑰金蝦餃好搶眼，外皮呈金色的，皮薄餡靚，蝦彈牙爽口超大隻。百花蘿蔔糕蘿蔔糕就食得多，百花釀第一次試，彈牙的蝦膠讓了在蘿蔔糕上，兩種不同的口感放埋一齊，豐富了蘿蔔糕的層次，煎得好香脆。黑椒安格斯牛肉腸雖然加咗黑椒，但係唔覺得辣，採用了優質的安格斯牛肉，令平平無奇的牛肉腸升價十倍。鹹水角啤梨賣相趣緻可愛， 呈青綠色，餡料相對豐富。鮮茄魚湯鮮竹卷魚湯好鮮甜，加咗鮮茄添了顏色之餘多咗一份蕃茄清新，餡料豐富，有蝦、菇、肉、蕃茄。雙色馬拉糕兩隻色水，有普通和黑糖，梅花間竹，賣相特別，不過本人覺得稍為偏甜，淡少少味就更好了。

大埔小白鷺有兩間餐廳，當中金鷺湖以精緻的菜餚、舒適的用餐環境和專業的服務聞名。餐廳的主廚擁有多年的烹飪經驗和專業的廚藝技巧。他們精通中國傳統烹飪法和現代創新技巧，將傳統和創新融合在菜品中，呈現出獨特而美味的菜餚。朋友喜歡中菜，今晚我和他到了金鷺湖吃晚飯。到了小白鷺，已經被小白屋的外觀吸引著。在billow 旁的小路走進去，就是今晚我們要去的金露湖。同樣外觀都十分華麗，推門進行，更顯餐廳的氣派。餐廳的裝修設計非常考究，以中式古典風格為主，內裡的裝飾及燈飾都十分華麗，營造出一種典雅而富有禮儀的氛圍。整個用餐空間散發著舒適和諧的氛圍，讓人感到放鬆和愉悅。餐廳的服務員專業有禮，時刻關注客人的需求並提供周到的服務。他們樂於解答客人的問題，並確保每一位客人都能獲得舒適愉快的用餐體驗。餐廳的服務團隊以其專業和友善的態度為客人帶來了無可挑剔的服務。🍽️鵝肝醬炸蝦丸這道前菜，以新鮮的蝦球裹上鵝肝醬，再經過炸製而成。蝦球外酥內嫩，鵝肝醬的香濃味道與蝦肉的鮮甜完美結合，烹調手法巧妙，將蝦肉和鵝肝醬的風味完美融合❤️。🍽️砵酒焗生蠔新鮮的生蠔在砵酒的烘烤下，入口熱㷫㷫的，生蠔肥美，口感鮮嫩多汁🩷。烹調手法獨特，將生

大埔金鷺湖係一間可以慢慢嘆中菜嘅餐廳。餐廳環境大又舒服，菜單上有好多精緻嘅料理。呢度茶芥係$25/位。坐低叫咗茶就揀嘢食☺️我哋叫咗鵝肝醬炸蝦丸$138。蝦丸裡面包裹住鵝肝醬，炸得金黃酥脆，每一口都充滿蝦肉同鵝肝醬嘅美味。松露醬爆花尾躉球$328。花尾躉球魚肉彈牙新鮮，再配上松露醬，帶出濃郁嘅松露香氣，仲有爽口露荀😋當紅脆皮雞（半隻）$238。雞皮酥脆，肉質嫩滑，一啖咬下去都好滿足。最後有上湯竹笙浸時蔬$138。清清地配上竹笙同時令人口感豐富。如果你想悠閒地享受中菜，大埔金鷺湖絕對值得一試！

唔好以為飲星期日飲茶好老套🫣只要揀啱地方一樣可以打卡😏呢日入咗小白鷺飲茶🫖 撞正陽光普照好好天☀️望住個靚景嘆返個靚茶真係好寫意😌周圍仲有好多靚景啱哂我又可以瘋狂打卡🤣中菜廳環境舒適優雅 點心賣相精緻得嚟又好味性價比夠哂高 推薦同屋企人週末嚟嘆茶百花蘿蔔糕 $62 👍呢個絕對唔係普通酒樓嘅蘿蔔糕係切到一舊舊嘅三角形外層炸到香脆鮮蝦紅米腸 $78外層腸粉皮加咗纖維豐富嘅紅米咬落去好有層次 先係煙韌嘅腸粉皮再有層好似春卷嘅脆皮裏面包住粒粒鮮蝦肉🍤仲有口感脆脆嘅油炸鬼增加口感千層鮑魚酥 $42 👍大大隻鮑魚喺上面😍一層一層食落好鬆脆一邊食一邊聞到好香嘅牛油味仲有野菌粒令味道更上一層樓黑松露野菌餃（三件）$68 👍同蝦餃一樣個皮做到晶瑩剔透一咬開陣陣松露香味散發出嚟🥹金瑤蛋白炒飯 $178好多瑤柱 份量都好大碟不過味道較普通燕窩鮮奶蛋撻(一件）$42普通鮮奶蛋撻mix咗啲燕窩滋補養顏 啱哂女士🤭人均價錢: $300味道: 8.5/10環境: 9/10服務: 8/10回頭率: 9/10👍=必食📍 金鷺湖地址: 大埔紅林路2號白鷺湖互動中心地下A號舖電話: 26576610

大埔小白鷺𝙻𝚊𝚔𝚎 𝙷𝚘𝚞𝚜𝚎絕對係世外桃源(*´∀｀*)純白歐式建築 佔地𝟛𝟘𝟘𝟘呎 重點係可以飽覽白鷺湖景 非常寫意～～除咗西餐廳 其實仲有中菜部 環境一樣超美 仲有好精緻嘅打卡點心🫖嚟緊𝓍𝓂𝒶𝓈有好去處啦♥ 玫瑰金蝦餃 $⑦⑧ // 櫻花蝦津菜餃 $⑦⑧餃類餡料飽滿 餃皮煙韌不易穿 亦唔會皮肉分離 賣相仲好高級呵呵.♥ 千層鮑魚酥 $④②/ 𝘱𝘤好矜貴嘅一口酥啊(ﾟoﾟ)用原隻鮑魚製作 酥皮亦好鬆化香口 都叫值回票價啦♥ 脆脆鮮蝦紅米腸 $⑦⑧紅米腸包住一層薄脆 食落無油溢味 而係勁香脆 內餡嘅蝦肉大嚿又彈牙 有哂多重口感 必點啊♥ 鮮茄魚湯鮮竹卷 $⑥②個腐皮仲係脆的！相信係新鮮即炸 魚湯味道偏淡 配搭蕃茄粒微酸微甜～♥ 古法胡椒餅 $⑥②外皮酥酥鬆鬆 表面灑滿芝麻粒 內餡胡椒味突出而唔嗆

想去白鷺湖打卡好耐，星期日終於叫老公帶咗我去。環境勁靚，好似去咗歐洲度假小鎮咁樣。果度主要有兩間靚餐廳，一中一西。當日西餐廳被包場搞婚禮，我哋就去食中菜，中餐廳環境都好靚，一啲都唔似傳統中菜廳。明太子釀蟹蓋 $168/位釀蟹蓋表面金黃香脆，裏面好多蟹肉，撈埋一啲洋蔥絲、明太子、薯蓉，味道香得來又食到蟹肉嘅鮮味。古法葡汁焗響螺 $138/位呢個響螺葡汁好惹味，裏面有好多響螺粒，口感柔軟得來又有啲爽口，加埋啲棉密嘅薯蓉，令人食到唔停口。薑蘇珊瑚星斑球 $238/位星班肉勁厚身，啖啖肉冇骨，魚肉白雪雪滑溜溜，掛上清甜嘅玻璃茨汁，近乎湯咁樣，有一啲香甜南瓜肉同埋滑蛋白，再配上一啲鮮味蟹肉，勁正。蟹肉桂花炒鴛鴦米粉 $238呢個米粉炒得好爽，一啲都唔油，勁香蛋味。佢個口感好豐富，除咗米粉爽，仲有芽菜嘅爽脆，加上灑滿脆脆炸瑤柱絲，食落去口感唔會單調。最重要係好多蟹肉，蟹肉唔係一絲絲乾曾曾果種，真係有蟹鮮味嘅，足料嘅啲蟹肉係一嚿嚿。生磨蛋白杏仁茶 $62好夠熱，杏仁茶香濃，加上一啲蛋白花，好滋潤養顏。另外值得一題，呢間餐廳服務超好，我個茶杯係keep住有茶，侍應總係會及時幫我斟茶🤭

之前睇結婚場地，已經對金鷺湖好有興趣，不過嗰陣有水上樂園，所以最後冇揀到呢個場地今日老公同我去食返呢間餐廳，我哋夜晚去，同朝早去又有另一個感覺夜晚出邊掛滿夜燈，好璀璨！一入到去，既古典既圓拱天花同木窗框，加上摩登既裝修，好高貴典雅既感覺我哋叫左古法葡汁焗響螺，葱燒關東刺參，松露醬爆花尾躉球，蟹肉桂花炒鴛鴦米粉古法葡汁焗響螺葡汁香濃，響螺彈牙，好惹味！葱燒關東刺參刺參彈牙，燴入葱餚製既醬汁，好夠味松露醬爆花尾躉球花尾躉球好大件，松露醬好香口，另外仲有露荀，好清新蟹肉桂花炒鴛鴦米粉鴛鴦米粉加入蟹肉同酥炸元貝絲，鮮味十足好矜貴嘅一餐！

琴晚為左同老公慶祝拍拖週年，特意搵左一間格調好嘅餐廳撐枱腳，搵左一輪，決定去大埔嘅小白鷺嘅金鷺湖，未入餐廳，喺門口已經打左幾次卡，好靚呀😍😍😍環境：首先，金鷺湖係高格調中菜廳，任何一個角落，你都會覺得好有貴氣，由裝潢至到擺設，都悉心設計👍👍👍如果有日光嘅時間，佢哋嘅落地大玻璃，可以睇到出面個湖，我夜晚去，唔夠光睇，浪費了😭服務：高級中菜餐，服務一樣高級，佢哋令我感到有專人服務嘅感覺，佢哋會留意住進食進度嚟上菜，總之就係好👍👍👍另外，佢哋有隱形菜單㗎，係海鮮類，不過我哋無㨂😌食物方面：我哋㨂左個蟹逅餐，唔貴，每位598, 加一服務費，食物質素超高脆皮BB鴿，呢個唔係太特別，但都係好食蟹皇灌湯餃，呢個超好味，餃肉好味，又實在，湯清味濃👍👍👍蟹粉豆腐星班，又係好出色，星班一食就知好新鮮，爽口，蟹粉足料，配豆腐一濃一清👍👍👍蟹粉扒豆苗，靠蟹粉，幾好蟹皇蟹粉炒飯，炒得非常乾身，配xo醬立時升華👍👍👍薑茶湯丸，ok總結：人頭650左口，食物、環境同服務都咁高質，我會分類為性價比高，一定要再幫襯😆😆😆

放假好天氣🌞今次去左大埔金鷺湖飲茶🫖無論餐廳內外環境都好靚望住個湖食飯 仲睇到好多白鷺非常舒適咁過左一個下午🤫餐廳位置比較世外桃源可以係大埔墟站坐shuttle去餐廳或者揸車🚗入去 🔸玫瑰金蝦餃 $78蝦餃嘅外層搽上淡淡嘅金箔，非常奢華。食落皮薄餡靚，裡面嘅蝦肉好鮮甜彈牙，非常高質。🔸流心鵪鶉蛋燒賣 $78燒賣面鋪上魚子醬，十分吸睛。燒賣好大件，餡料非常飽滿，鮮蝦同豬肉嘅比例啱啱好，中間仲有流心嘅鵪鶉蛋，相當特別。🔸脆脆鮮蝦紅米腸 $78紅米腸嘅色澤好亮麗，紅米包住脆脆嘅外層同嫩滑嘅鮮蝦，食落口感好有層次，點埋秘製豉油食就更好味。🔸鹹水角啤梨仔 $58賣相就真係好似一個啤梨，玩味十足。食落非常香脆，但又唔會覺得好油膩。🔸雪山叉燒酥 $68雪山面烘到淺淺嘅金黃色，食落非常酥脆，裡面包住滿滿嘅叉燒餡料，口感好豐富，叉燒同醬汁好夾，非常惹味。🔸雙色馬拉糕 $58馬拉糕原籠上，雙色嘅馬拉糕令到賣相好特別。啡色原來係朱古力味，非常少見，但又好夾！食落非常鬆軟，味道香甜。

當天是11月5日星期日，訂了十一點半飲茶，用餐時間是一個半小時， 但不足一小時已經說 last order。我們沒有加單，就隨即拿賬單來叫我們找數， 找數後就站在我們枱邊等我們走。 說明用餐時間一個半小時，但一小時後就趕人走，這個做法， 我覺得 很過份。 食物質素，環境和價錢都ok。

過了這麼久，終於第一次來到小白鷺😆。環境果然真的很不錯，從湖對岸看返過去餐廳，景致相當優美。這裡有兩家餐廳，一西一中，這次我們選擇吃中菜的金鷺湖。餐廳空間相當寬廣，設計優雅清新，木質配白磚牆為主調，感覺柔和舒適。當然不少得一整排靠湖的圓拱大窗，用餐環境十分之好。至於服務，其實從大門口進入餐廳已經感受到，接待處職員相當有禮有活力，滿滿笑容。其他職員也十分之細心周到有禮，從上菜到收盤，以至整個用餐體驗，都非常之讓人滿意☺️。到正題，說說食物😌。我們點了四款點心及一款麵，總括點心十分出色，賣相味道都讚讚☺️。‖ 脆脆鮮蝦紅米腸 ($78) ‖賣相好吸引精美😍。紅米腸幼滑軟彈，裡面塞滿蝦肉，新鮮彈牙，中間層脆脆帶來額外口感，整體非常高質☺️👍🏽。十分推薦。‖ 黑松露野菌餃 ($68) ‖賣相精緻，餃子皮晶瑩剔透，看到裡面帶有黑松露的野菌餡料🤩。餃子皮煙韌細滑，未放入口，已經聞到濃濃黑松露香氣😍。滿滿菌香，這款點心都滿優質。‖ 田園蘿蔔絲酥 ($78) ‖賣相很可愛😆❤️，模擬田園裡種出的小蘿蔔🥕。蘿蔔絲酥非常有層次地酥脆，你會咬到一層層鬆化的酥皮，接著是一層層的蘿蔔絲，甘鮮爽綿。無論味道或口感都給滿分

假日lunch同老公一齊chill，揀咗金鷺湖係我哋嘅首選！駕車入去已經好有feel，椰林樹影🌴。坐喺湖邊食lunch，好似去左外國咁🏞️。仲可以睇到火車經過🚂，同埋白露鳥在天空飛翔🦩。呢度嘅環境真係令人心曠神怡，好舒服㗎😌。話咁快，我哋點嘅食物就上嚟啦！首先，醉乳鴿真係一絕！肉質柔軟，鴿肉香氣撲鼻，酒味醇香🍷，真係咬一口就令人陶醉。然後，鵪鶉蛋燒賣絕對係必食之選！蝦肉彈牙，蛋黃流心，一咬落去蛋汁溢出，口感一流😋，真係好過癮！唔好錯過楜椒餅，楜椒味香濃，一咬落去就會留低香氣喺齒頰間😍，真係好開胃！另外，仲有咸水角，造型得意，有種捨唔得食嘅感覺🥟。同埋古法芝麻卷，濃濃嘅芝麻香，口感又軟滑🌰，真係好好味！我真係好推薦金鷺湖嘅湖邊餐廳！不止食物好味，環境又靚，真係一個值得嚟嘅地方👍！快啲嚟體驗吓啦！