金鶴拉麵 (澳門逸園中心) (已結業)

身為拉麵愛好者一定聽過金鶴拉麵，銅鑼灣都有分店，店內充滿和風感覺，座位舒適！呢度主打雞白湯底，係呢度必試嘅名物，除咗拉麵，仲有串燒、小食等，食物款式都幾多！🍜極濃雞白湯拉麵 小份$108湯底採用原隻雞烹煮8小時，乳白色湯頭非常濃郁，入口好綿，好濃雞味！配料相當之豐富，有叉燒、雞胸、炸牛蒡、流心蛋、荀同木耳絲！炸牛蒡賣相奪目，口感微脆甜甜地。肉類份量超多，雞胸以黑椒調味，叉燒肥瘦均勻，溏心蛋濃郁流心。🍜北海道濃厚蟹湯拉麵 全份$138蟹湯同樣味道濃厚，帶點鮮甜味，蟹肉份量好慷慨，鮮味十足，配料仲有叉燒同紫菜，同樣豐富，麵條彈性十足又掛湯🍢雜錦串燒拼盤 $188共有8串，包括有免治雞肉、雞腿肉、雞軟骨、雞腎、雞翼、黑豚肉腸、豬頸肉、五花腩。全部都燒到帶點焦香，用上黑椒同鹽調味，免治雞肉口感鬆軟惹味，雞肉嫩滑多汁，啖啖肉非常好食！五花腩燒完鹹香味好出，口感一流～食串燒叫埋生啤飲真係超爽！

夜晚既澳門逸園中心好多人等lift建議早啲入座餐廳唔大但燈光柔和檯同檯之間都唔迫算坐得舒服店員refill熱茶得好密👍🏻茶有焙過既味呢度有幾款拉麵可揀細份量岩晒小鳥胃女仔💎極濃雞白湯拉麵（小份）$108湯底飲落有張口既感覺好濃郁但唔係重口味配料雞肉望落白雪雪但食落原來已調味過唔使怕只食雞胸會悶就算係點小份雞件份量都好多叉燒既話係偏瘦岩唔鍾意肥膏既人💎北海道—蟹湯拉麵$138飲完極濃雞白湯再飲呢款就個雞白湯係濃味但唔重口味蟹湯係由北海道直送！湯底鮮味好出係重口味湯底款湯面就滿滿既蟹肉碎好正雜錦串盛$188一碟8串有免治雞肉黑豚肉腸雞軟骨豬頸肉五花腩雞腿肉雞腎雞中翼串燒需時耐啲食完拉都先上檯廚師要撒上鹽提味只需自己擠少少檸檬汁即可

之前同朋友食過金鶴其他分店堂食和外賣，印象幾好，連鎖黎講質素有保障。今次知道佢地喺銅鑼灣開新分店，同男朋友就決定晚飯就喺呢度食飯。<活燒蒲燒鰻魚飯> $238鰻魚飯即叫即整，大概需時20分鐘，送到嚟果然熱辣辣。鰻魚每日新鮮處理，加上店家秘製鰻魚醬汁燒到外脆內軟。鰻魚厚肉，油脂香足好送飯，不過要小心有魚骨；套餐仲有以鰻魚骨熬製嘅海帶湯，以及芥末八爪魚。<北海道-蟹湯拉麵> $138蟹湯拉麵相當足料，有一大堆蟹絲。湯底味道濃厚，將蟹肉絲攪勻喺湯入面，味道更顯鮮甜。拉麵質地掛湯，加上流心蛋、竹筍、叉燒片、木耳等配料。<鹽燒雞腿肉(2串) > $48<鹽燒冬菇(2串) > $28另外叫咗兩款鹽燒串燒，雞腿肉以黑椒調味，肉質結實；冬菇燒得香口。

一直都鍾情濃厚嘅拉麵湯底，雞白湯固然係我頭號最愛😍突然間想食雞白湯，就即興嚟試吓先！1. 🐔雞白湯沾麵（冷麵）（$138）一上枱比兩大片厚厚嘅雞肉同色澤橙黃嘅流心蛋吸引。雞肉雖厚，但一啲都唔嚡口。雞白湯鹹度適中，內有雞肉粒荀粒，雞味極濃，沾上煙韌嘅拉麵，夾到不得了，我連啲湯飲到一滴不留。2. 瀨戶內海牡蠣拉面（$138）鮮甜得來又清澈嘅蠔湯，蠔味愈飲愈出，飲到底見到有蠔肉碎，雞叉燒柔軟，好味😋3. 特上串盛 （$288）有牛舌、牛柳、鰻魚、帆立貝、煙肉蠔卷、虎蝦六款。牛舌、鰻魚、帆立貝大大件，當中鰻魚極厚身，超有口感！唔怪得鰻魚飯係餐廳嘅招牌菜啦！餐廳環境及服務都好好，店員反應迅速，又主動為客人加熱茶，值得一讚👍🏻

上星期去咗食呢間金鶴拉麵，入面嘅環境真係幾舒適，佢嘅裝修好簡約，但係又唔會太樸素，配色都幾和諧😇啲木質嘅櫥架同埋桌椅都好有質感，而且整體嘅設計都好寬敞，唔會有壓迫感北海道濃厚蟹湯拉麵🍜 $138美味指數：👅👅👅👅/👅 (4.5/5)呢個拉麵嘅湯底好濃郁，香氣十足，令人一飲而盡😍 啲蟹味真係好濃烈，濃稠嘅湯底入口即化，令人感受到啲蟹嘅鮮甜味道🦀 同埋佢嘅拉麵麵條彈牙有嚼勁，而且佢嘅配料都好實在，仲有啲青蔥同埋海苔，口感豐富。牛肉海鮮拼盤🥘 $268美味指數：👅👅👅👅 (4/5)牛肉串烤得啱啱好，啲肉汁都冇流失，肉質鮮嫩多汁，啲香料令人真係好開胃，而且佢嘅海鮮串都好新鮮，啲帶子同埋蝦都烤得啱啱好，肉質唔太緊，啲汁都冇流失，仲有啲微微嘅海鮮味，真係好好味👍🏻 不過，啲串燒嘅份量有啲細，可能唔太夠飽肚，但都值得一試❣️

［即叫即燒鰻魚飯］最近友人在附近工作，於是提到想食拉麵，於是想起這間主打🍜日式拉麵的拉麵店裝修很日系風，明亮的內部環境，舒服乾淨；細房私隱度算高，幾個好朋友坐一齊都舒適，可以用手機落單方便極濃雞白湯拉麵 極濃厚雞白湯的味道濃郁，感覺到滿滿骨膠原，拉麵同大大塊的肉，材料豐富！蒲燒鰻魚飯 鰻魚即時處理，即叫即整；仲要厚切！配上自家秘製鰻魚醬汁，加上外脆內嫩的肉身，好好味。師傅應該都有精心處理鰻魚細骨，每啖唔使怕有骨，滋味！（需時約20mins）唐揚炸雞想叫多一個配菜，於是聞到隔離台的炸雞香，於是我們也點了一份唐揚炸雞！外表香脆，肉質好juicy，還叫了一杯啤酒，爽！原來有一個會員計劃推出、可以下載登記成新會員，有100分積分兌換一罐可樂/溏水蛋一隻，有人很喜歡這類的積分活動，於是到下載了

金鶴拉麵除咗旺角、佐敦、土瓜灣、天后，佢係銅鑼灣開咗新分店啦，非常方便❗️店內環境好有日式feel，而且座位舒適😌🔸活燒蒲燒鰻魚飯 $238呢款係店長推介，個鰻魚同平時食到個啲係唔同，非常厚身，肉質又好彈牙，果然係新鮮燒出嚟！可以一試～另外配咗前菜係芥末八爪魚，好開胃🔸鷄白湯拉麵 $98我最鍾意食佢嘅鷄白湯拉麵，因為佢湯底濃郁又Creamy，全部都係鷄汁精華，拉麵質地屬偏硬身，所以好有口感，同日本食差唔多～入面仲有兩塊低溫慢煮日本赤鷄，和一塊慢煮豚肉叉燒，兩樣都好好食一定要試，塊赤鷄一啲都唔硬，非常嫩滑，有驚艷到我🤩仲有好多烤牛蒡絲，甜甜地又幾好食😋🔸咖哩炸鷄肉飯 $78抵食之選，只係$78就食到咁高質嘅飯好難搵！佢咖哩味好香又唔辣，係日式咖哩🍛烤鷄都做到外脆內嫩，咬落去又多汁，份量都唔少！🔸+$20可升級為套餐其實都幾抵加，有飲品&有小食，我加左慢煮豚肉叉燒，因為拉麵得一塊唔夠，實在太好食😋薄身又大塊，而且係嫩滑！🔸明太子手羽 $48裡面去骨，然後將明太子釀入雞翼內，再去炸！保留到雞汁，而且炸到外表好脆🍗

澳門逸園中心有好多餐廳🫢今日黎左金鶴拉麵食左個晏餐廳入面既裝修好靚好日式設計好岩打卡😚😚😚🌟北海道濃厚蟹湯拉麵配套餐（飲品加一款日式小食）湯底濃郁 麵質唔會好淋 蟹肉令個湯更香濃套餐配咗日式餃子同有嘢飲日式餃子外皮揸得好香脆重配埋麵豉湯😂😂😂超飽🌟活燒蒲燒鰻魚飯鰻魚嘅份量超多，食得好飽鰻魚肉質厚實 咬落去好有口感🌟串燒類叫左黑椒牛舌，雞泡魚乾，帆立貝同埋雞腎全部串燒都好入味，但我最鍾意食牛舌彈牙有口感

約咗朋友去Sogo shopping, 梗係要醫咗五臟六腑先啦， 餐廳環境舒適， 地方寬敞，裝修別緻。 精選套餐，包括有拉麵或飯， 仲可以加$20 upgrade 套餐添，可選一款小食及飲品。 日本直送， 人氣No.1 嘅《北海道濃厚蟹湯拉麵 ＄138》湯底味道濃郁，香濃蟹味，比較稠身，容易掛上拉麵，流心蛋流心香甜，拉麵質地煙靭，都好掛湯， 好美味呀！ 店長排介嘅《活燒蒲燒鰻魚飯 $238》鰻魚超級新鮮，啖啖肉， 超級厚身， 肉質細嫩，爽口彈牙，配上配燒汁， 超級好食！ 仲有麵豉湯& 芥末八爪魚， 當然仲有飲品啦！ Upgrade套餐， 可揀咗《慢煮赤雞》&《慢煮叉燒》！ 明太子雞翼（2隻）， 明太子釀入無骨雞翼中，外皮脆卜卜， 帶有少少辛辣，好惹味！

金鶴拉麵主打雞白湯底，全港有5間分店，十分方便✨今次黎到最新銅鑼灣分店，店內充滿和風感覺，佈局優雅舒適🇯🇵迫不及待啦！定番ラーメンをください！🍜❥ 極濃雞白湯拉麵（$138）極濃版本採用原隻雞熬煮8小時而成，乳白湯汁濃厚鮮美，對比主流豚骨拉麵更為淡麗～配料方面亦好豐富，先有上枱就好奪目嘅炸牛蒡，口感微脆微韌，浸落湯食又係另一番滋味。另外兩款肉類亦都好吾錯， 雪白雞肉軟冧易入口，豚肉叉燒肥瘦均勻帶肉香。溏心蛋濃郁流心又有鰹魚香。❥北海道濃厚蟹湯拉麵（$138）蟹湯都好出色🥹🫶🏻精華湯底濃而不鹹，啖啖鮮甜美味，而且蟹肉份量毫不吝嗇，絲絲蟹肉融入口腔，令我好著迷❣️加上麵條彈性十足又掛湯，麵同湯完美結合再呈現✨❥雜錦串燒拼盤（$188）拼盤串燒一共8款，分別有免治雞肉、黑豚肉腸、雞軟骨、豬頸肉、五花腩、雞腿肉、雞腎、雞中翼各一串🍡全部火喉都控制得好恰當，鹽香亦調味更顯食材原味。特別推薦係免治雞肉👍🏻微甜燒汁輕輕掃過表面，雞肉鬆軟嫩滑，脆骨混合係入面口感過癮。另外五花腩都好好味，油脂經燒製後所剩無幾，所以肥肉部分食落不會油膩，仲好有鹹香🐽

銅鑼灣嘅日式食肆都唔少, 位於銅鑼灣澳門逸園中心嘅金鶴拉麵, 佢嘅蒲燒鰻魚飯係店長推介, 午市套餐可以加配小食和飲品, 啱曬我口胃。活燒蒲燒鰻魚飯即叫即燒, 食好嘢等候都是值得的, 標榜激厚3cm, 肉厚特別爽脆, 肥美得嚟唔會有滯膩感, 伴飯小食是碎魷魚粒, 爽脆幼滑口感。咖哩炸雞肉飯賣相吸引, 金黃色漬蘿蔔配以青綠色西蘭花, 還有半隻金黃色雞蛋, 色彩鮮艷, 炸雞大大塊, 外皮炸得香脆, 雞肉保持嫩滑, 咖哩汁也香濃惹味。小食選擇也很多, 唐揚炸雞充滿鹹酥雞香, 慢煮豚肉叉燒鬆軟嫩滑。串燒鹽燒豬頸肉和鹽燒雞中翼, 即叫即燒, 焦香得嚟又充滿油香。

有朋友仔私心推介我嚟呢間拉麵店試下，《金鶴拉麵》🍜有多間分店，menu亦有多款拉麵選擇，同朋友每人揀咗款拉麵，而串燒更係款式繁多，最後揀咗款雜錦串盛，唔使左諗右諗🤭╰☆雜錦串盛 $188串燒拼盤一共有8款，免治雞肉、黑豚肉腸、雞軟骨、豬頸肉、五花腩、雞腿肉、雞腎、雞中翼各一串，串燒唔會燒到好柴👍🏻黑豚肉燒到有點焦香，肉質嫩腍有彈性，雞中翼雞皮燒得香脆，雞肉嫩滑，免治雞肉口感柔軟又多汁，而且冇雞皮，啖啖肉╰☆金鶴.雞白湯 $98雞白湯奶白色好香濃，骨膠原豐富，香脆牛蒡勁吸引，入口脆卜卜，麵條爽口彈牙呢款拉麵有兩款肉肉，低溫慢煮雞肉同豚肉叉燒都好嫩滑😍╰☆北海道蟹湯拉麵 $138嘩😳蟹肉份量好多，湯底鹹鮮味十足！超級濃郁，同樣豚肉大大塊亦非常軟嫩，配菜仲有紫菜同半熟蛋

🌳活燒蒲燒鰻魚飯$238鰻魚份量好多，一打開蓋就聞到香味，鰻魚肉質厚實，彈牙有口感，有別與一般鰻魚，火候控制都幾好🔥套餐仲有麵豉湯同芥末八爪魚🌳北海道濃厚蟹湯拉麵 $138湯底偏重口味，味道濃郁，我個人比較中意鰻魚飯🤣麵底粗麵適中，叉燒肥瘦適中，同埋好大塊🐷仲有好大份蟹肉，好邪惡😙🌳日式餃子加套餐配日式餃子🥟外皮煎得幾香脆，唔錯的小食🌳黑椒牛舌$68牛舌好彈牙有口感，呢度嘅串燒都幾正🍢🦥金鶴拉麵 (澳門逸園中心) (銅鑼灣)銅鑼灣軒尼詩道525號澳門逸園中心7樓

其中一個Comfort Food 係拉麵🍜，唔駛選擇太多，食完個感覺又好舒服，呢間餐廳唔錯，晚市都可以加$20做套餐，有小食同飲品☺️串燒拼盤🍢（$168）佐酒小食，份量都唔少，有雞軟骨，雞腎，雞翼，雞肉棒，五花腩，豬頸肉，司華力腸慢煮赤雞🐔（+$20）經過慢煮嘅雞胸，唔會太鞋，味道比較清淡，高多白質之選唐揚炸雞🐔（+$20）好味，炸得夠脆，夠厚身同Juicy💦，推薦揀小食呢款極濃雞白湯拉麵🐔（$138）就係比呢一碗拉麵吸引過嚟🍜，實物同圖一樣❤️，炸牛蒡成坐山咁，好香好脆，仲有木耳絲同竹筍🎍極濃雞白湯味道濃郁，質地比較濃稠，唔錯唔錯，會有兩份慢煮雞肉同慢煮叉燒🐖，味道比較清淡健康，個極濃濃湯底已經俘虜咗我❤️❤️❤️ ，不愧係招牌菜式蟹湯拉麵🦀（$138）呢個湯底會帶有海鮮嘅鹹香味道，都好飲，有唔少蟹肉絲🦀，糖心蛋完美啤酒🍺（+$20）啤酒杯會預先雪凍👍🏻

🎎日式包廂，料理bar枱，一櫃子清酒，這裡滿滿的日式裝修，讓客人猶如身處日本。🏮我們點了店長推介的極濃雞白湯拉麵，蒲燒鰻魚飯還有兩碟串燒。🎏🍜極濃雞白湯拉麵 $138奶白色雞湯入口非常濃郁香甜，湯底明顯是足料雞肉新鮮熬製而成，絕非一般坊間味精湯底。飲落口絕無口乾之應。反而是滿滿膠質口感。拉麵的雞肉厚切嫩滑，炸牛蒡薄脆好吃。🐟蒲燒鰻魚飯 $238餐廳每日新鮮厚切處理，即叫即燒，鰻魚爽脆鮮甜，略帶一點魚脂香味，配上自家秘製鰻魚醬汁，即使要等20分鐘鮮製也絕對值得。唯一要注意是鰻魚內有太多細骨，每一啖入口要小心咀嚼。🍄鹽燒冬菇 $28正常發揮的鹽燒香菇很香很惹味。🥓照燒黑豚肉腸 $48黑豚肉腸有點微焦，可能有點燒過了。但肉腸不算乾身，點一下旁邊的沙律混七味粉，口味獨特。😋職員好勤快頻頻添水，服務態度很熱情。現時加入成為會員可即時獲贈可樂一罐或糖心蛋一隻。🥚