金鶴拉麵 (蜆殼街)

营业中

休息中

麵…頹，係有鹹水味黃色幼麵，茶記質素蟹湯... 唔熱，杰杰地無乜蟹味蟹肉…即刻係凍櫃拎出黎，又凍又咸，無乜蟹味溏心蛋…正常紫菜…淋叉燒…質地ok夠淋身，但唔知點解有陣肉腥味？木耳&荀，就係頹拉麵會落個d，大家明白啦…？lunch無乜人，侍應就係都企係您隔離同埋係bar台位放一疊盤係您面前抺，食到好唔自在…menu同台面都笠黏黏咁…唯一可取係個廁所，企理夠大嘅。黎開北角，一心諗住食下好嘢，點知極失望。。只希望唔好肚痛。。唔知openrice登唔登呢篇嘢，我會放埋google, 大家避開呢個伏吧。。

每日返工咁攰 最開心就係放工 可以同朋友出去食吓嘢傾吓偈 呢間金鶴拉麵都係一個唔錯嘅選擇 其實佢哋有好多間分店，我哋今次就去咗北角～ 環境就係一間日式拉麵店設計 有吧枱亦都有普通座位 因為今日真係太肚餓啦，我哋嗌咗個超級抵食嘅日式咖喱吉列豬扒+炸雞飯！！ 好大份都只係$108!! 朋友就嗌咗辛辣豬骨湯拉麵 再加咗一份餃子，同埋一份煎釀雞翼😛😋 全部嘅食物質素都屬於中高水平 價錢又唔貴 性價比好高～ 見到朋友咁高興，食完嘢 我哋決定開支啤酒邊飲邊暢談 真係好開心😝😛

之前已經經過呢條街見到好多嘢食經過見到呢間雞白湯拉麵好吸引今日就嚟試一試佢店內唔算多位好在今日收工遲咗所以嚟嘅時候唔需要等呢度招牌係雞白湯今次就叫咗個極濃雞白湯拉麵店員鐘好細心提我哋炸牛蒡要先食 脆啲會好食啲拉麵湯底真係好濃郁🤤拉麵好掛湯仲會有兩片雞肉同一片豬相比起豬肉，我更鍾意雞肉 好嫩滑同個湯好夾👍🏻另外仲叫咗兩個小食雞軟骨串燒嚟到係熱辣辣 好香口仲有炸餃子呢個就不過不失餐單上其實仲見到佢有個限定餐牌係和牛牛骨湯拉麵 都好吸引但因為我唔食牛所以就冇食到

上次嚟過之後，一直都想再嚟食。所以今日又再嚟喇。叫返上次覺得好味既期間限定極濃牛骨湯拉麵配慢煮豚肉叉燒同埋黑椒牛舌串。另外今次試下店長推介嘅極濃白雞湯拉麵（小份）。期間限定極濃牛骨湯拉麵配慢煮豚肉叉燒：水準同上次一樣都係濃濃嘅牛味，再配埋軟熟多汁嘅豚肉叉燒。真係令人回味。店長推介-極濃白雞湯拉麵（小份）：原來呢個拉麵唔止有2片雞肉，仲加埋一塊叉燒。其實性價比都好高。雞肉一啲都唔鞋。雞湯好鮮味。黑椒牛舌串：牛舌串質素keep到。佢用咗較好嘅牛舌部份。好易咬開。黑椒亦都好嘢味。燒嘅時間把握得好好。我仲見到佢個黑板寫住，原來只需$168，就可以有四串指定串燒+兩小時清酒或啤酒任飲。下次如果時間充裕啲，我都想試吓呢個。

咁啱喺網上見到OpenRice有優惠券買就同咗幾個朋友去咗試試佢今次食雞白湯沾麵，嚟到個外型都幾靚，雞塊都大件有質感，但湯底尚算可以可以更加濃少少，而麵條反而幾出色，面嘅質感係夠硬同埋彈牙！

又獨自一人享受美食帶來嘅快樂這次去咗一間一直人氣較高的拉麵店"金鶴拉麵”今次選擇了一款期間限定極濃牛骨湯拉麵。這碗拉麵配上了A4等級西冷和牛 100克 ，夠哂豪華。牛骨湯底濃郁豐富，充滿了牛骨的香氣，真係...飲到一滴不留，讓人垂涎欲滴。A4和牛熟度剛好～入口軟滑，油脂豐富。糖心蛋半固態狀態滑嫩甜美，蛋白綿密有彈性，給予一種輕柔的口感。如果不想吃和牛，還可以選擇慢煮豚肉叉燒作為主食，同樣美味可口。還點了一枝波子汽水，清涼又爽口。

咁岩黎炮台山搵野食，見到原來有間日式拉麵係我未食過。望一望仲有雞白湯食！ 咁就要試下了。 雖然我有book 台，但晚飯時間發現完全唔洗排隊，直入都可以。我今次叫左極濃雞白湯，的確雞湯味濃。 雞肉啖啖肉，Ok小食串唔平，叫左雞腎同免治雞肉串，味道一般。 埋單用openrice 買現金卷會平d, 可以即刻抵扣。建議大家記得就用，即場買都可以！

一個人的晚餐，獨樂樂～地方細細地，職員　幾和善有禮貌。食肉又要食個菜先~要左個期間限定拉麵加最鐘意既秋葵串燒～==============================🐮 極濃牛骨湯拉麵 A4 西冷和牛 100g $228牛骨味湯底咸味有少少重，無咩騒味～員工好貼心俾左樽鹽告知和牛無調味，可以自己調合，我就配合返個湯底平衡返。和牛好好食，燒到半生熟，浸下湯入口肥美～拉麵煙韌有咬口，糖心蛋一貫好食。應該每日有限份！🍢 燒秋葵 $24燒得岩岩好，秋葵唔會太淋，微微鹽味同胡椒香～下次要叫多幾個串燒食下，唔錯～～！發現原來有金鶴拉麵 Apps 下載，做會員有免費汽水或者糖心蛋一份～儲積分仲可以換領小食、拉麵 💜

🍜今日心血來潮想食拉麵收工就係附近求其入左呢間金鶴拉麵😛外面以設計日式木門設計裡面地方唔大 但係坐得舒服🤩🐔 極濃雞白湯拉麵 $138雞白湯底係超級濃郁 好creamy 但又不會好鹹🥰有脆身炸牛蒡 令賣相添加左唔少分 味道亦不單調有兩塊大雞胸係到 但做得唔鞋身拉麵可以簡硬身或軟身 就返個人喜好♥️🦀 北海道蟹湯拉麵 $138蟹肉係黎自日本北海道直送既花咲蟹相對雞白湯呢個就比較鹹啲 比較適合重口味人士🤤但同樣濃身 再加上滿滿既蟹肉 亦算鮮甜🧑‍🍳🥟 日式餃子 4pcs $38除左拉麵之外 餐廳亦有串燒同日式小食其實一碗拉麵份量都好足夠但口痕既我成日都想加多碟小食4隻份量 每人兩隻剛剛好👍🏼岩岩炸起皮薄 餡料亦十分充足金鶴拉麵📍天后炮台山蜆殼街6-16號寶榮大廈地下E號舖其他分店: 佐敦/旺角/銅鑼灣/土瓜灣
*岩岩搵地址時見到Openrice有優惠券買 大家可以參考下~

早前食過佐敦金鶴拉麵，一試難忘，好想再到來試下唔同菜式，於是今日經過炮台山中南買文具，決定再過來吃拉麵及串燒，想不到分店亦同樣高質，回頭之後可以再回頭😍😍本身想試期間限定限定A4和牛極濃牛骨湯，不過更口熱，於是叫了一個香辣豚肉湯拉麵，以及沾麵(冷麵)，務求既刺激又解暑🤣🤣香辣豚肉湯拉麵($98)🐷🐷湯頭是用豬骨熬製而成，它的湯頭香濃可口，口感濃郁，辣味十足，吃起來非常過癮，非常開胃。除了湯頭之外，這道拉麵的豬肉也是一大特色：豬肉經過長時間的燉煮，變得非常軟嫩入味，加入湯麵中，口感十分爽滑。而拉麵有著Q彈的口感，與湯頭和豬肉的滋味相得益彰。👍🏻👍🏻雞白湯沾麵(冷麵)($138)🍜🍜湯頭用雞熬製而成，味道清淡，口感爽滑，不會掩蓋住麵條和配料的味道，是一道清爽美味的中式冷麵料理，非常適合在炎熱的天氣裡享用。而這道湯麵的麵條更Q彈，非常適合沾著湯汁吃，配合上嫩滑雞肉，認真好味！唐揚炸雞($38)🐤🐤是一款外酥內嫩的炸雞，經過炸製之後，鮮嫩的雞肉充滿了口感豐富的香脆外皮。雞肉本身的味道非常鮮美，搭配上醇香的沙拉醬，更加美味。鹽燒五花腩($48)🐷🐷每一塊肉都經過細心的調味和烤制，口感香嫩，肉汁豐

忍唔住想去食個雞白湯拉麵，一如以往，配料包括炸牛膀、豚肉、雞肉、溫泉蛋等等😊拉麵湯頭，雞白湯的味道濃郁而鮮美，而且不會太鹹（最後一口氣喝光了哈哈）🤩拉麵的麵條口感彈牙有嚼勁，但是有些人可能會覺得麵條稍微有些硬，需要多咀嚼一下😆配料方面，炸牛膀和豚肉都很嫩滑，而且份量不少😍溫泉蛋是拉麵的一大亮點，蛋黃鮮嫩，蛋白則是煮得剛好💯蛋黃和湯汁混合在一起，簡直絕配好味指數：8/10性價比指數：8/10餐廳名稱：金鶴拉麵餐廳地址：天后炮台山蜆殼街6-16號寶榮大廈地下E號舖電話：3460 2398

【金鶴拉麵】雞白湯拉麵 💰$138呢個拉麵係佢地個招牌菜🍜雞白湯湯底好濃郁 鹹淡得宜 拉麵軟硬適中 份量都唔少 可以同朋友share～鹽燒五花腩 💰$48五花腩切片較薄 食落有小小油脂感唐揚炸雞 💰$20大大嚿炸雞 咬落非常實在 皮薄肉厚😋😋味醂魚乾 💰$68不出所料既味道 香口雞泡魚乾配埋沙律醬係最正既配搭日式餃子 💰$38作為配菜 細細份岩岩好 炸到脆身 熱食凍食都無問題糖心蛋 💰$15個蛋黃做得幾好 好流心 浸埋落個湯到索埋啲湯 正！

金鶴拉麵，算係近呢幾年開得多嘅拉麵店。今次同朋友去呢間位於天后嘅分店。店舖細細，但好有氣氛餐牌就以拉麵、串燒、小食為主。今日叫咗個期間限定，叫做極濃牛骨湯拉麵，係一個超級濃超級騒味嘅牛骨味湯底，如果10粒星係滿分，我會比夠佢11粒星， 鍾意飲好騷牛奶嘅人士必試！另外叫咗個北海道蟹湯拉麵，湯味夠濃，加上滿滿嘅蟹肉，麵質爽身！超滿足！另外，叫咗黑椒牛牛舌串，同埋鹽燒五花腩串！啖啖肉，好有質感！串燒嘅味道，令我有啲驚喜！冇諗過喺拉麵店可以食到咁好食嘅串燒，佢嘅好食程度媲美於居酒屋！另外，要提提大家，依家DL佢哋嘅Apps，入咗會就免費送汽水一罐或者糖心蛋一份！ 記得DL呀！

今日約左個朋友見個面食個麵。去咗炮台山金鶴拉麵。一直都見呢間金鶴拉麵有好多舔舔脷食評，所以都book mark咗一段時間。今日終於有機會嚟食喇。大約6:30嚟到，由於時間尚早，可以俾我哋揀坐邊度。我哋就坐咗喺吧枱，一路望住廚師煮拉麵俾我哋食，一路食住串燒，又係另一番風味。我哋兩個人，點咗一個期間限定牛骨湯底既慢煮叉燒拉麵，一個北海道蟹肉拉麵，一份豬腩肉串燒同一份牛舌串燒。然後侍應話依家即刻用app Join做member就可以有100分會員積分,可以即刻換領糖心蛋一隻或者可樂一罐。咁我同朋友就各自join咗做member, 然後各自換領一隻糖心蛋。期間限定牛骨湯底嘅慢煮叉燒拉麵：因為我自己好鍾意食有少少牛so味嘅牛，呢碗拉麵好啱我口味。慢煮叉燒亦都好夠林。北海道蟹肉拉麵：朋友點的，佢話都好鮮味。豬腩肉串燒：一份有兩串. 好好味呀！豬腩肉燒好香，又唔會un。牛舌串燒：一串有三舊. 同樣燒得好香口，有咬口依。好味。糖心蛋：烹調時間啱啱好，流心狀態真係好吸引。總括嚟講拉麵唔錯，但串燒係精粹，必食。

有多間分店的金鶴拉麵金鶴拉麵係佐敦、土瓜灣、旺角、天后、中環、銅鑼灣都有分店，主打雞白湯拉麵，雖然未去到世一雞白湯拉麵，不過間唔中食下都幾滿足既。餐廳不時都有期間限定的口味，呢期就係瀨戶內海牡蠣拉麵。極濃雞白湯拉麵依舊係必叫之選，雞湯好濃郁呈奶白色的狀態，飲落係好綿滑既！旁邊有炸牛蒡，其他地方少有啲，炸得香脆可口。麵質軟硬度適中，口感彈牙。除左極濃雞白湯拉麵之外，仲試左北海道蟹湯拉麵。嘩，面頭有好多蟹肉，係由日本北海道直送既花咲蟹，味道相當鮮甜，湯底唔會太鹹，唔覺唔覺差唔多成電湯飲晒呀🥰🔸極濃雞白湯拉麵$138🔸北海道蟹湯拉麵$138📍#金鶴拉麵 (#天后美食)#天后 炮台山蜆殼街6-16號寶榮大廈地下E號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖 #吃是真愛_天后