金鶴拉麵 (閩街)

营业中

休息中

我想諗日本的濃湯拉麵，就發現附近有這間拉麵舖，之前見啲網上食評都唔錯，所以就即刻走過去，等咗5-10分鐘左右就可以入座啦。呢間，我第一次食，果然真係好味道😋#期間限定 北海道極濃蟹湯拉麵 (HK$138)．蟹湯，極濃，鮮甜．蟹肉，是一早拆肉所以是凍的，味道鮮甜，份量都幾多㗎，足夠一啖拉麵一啖蟹肉．拉麵，軟身有咬口，非常之掛湯，食晒啲麵會發現湯也不見了😂．最後食是半隻味玉，已經有點過熟，不過好入味而不會太濃醬油味，都不錯

#一月一次的拉麵今天行一天街，見到吃了多次金鶴拉麵，雞白湯拉麵，好吃！拉麵好吃、湯也好飲！我地叫外賣，拉麵同湯會分開上，真是好重要....唔怕麵會浸淋左...✔雞白湯拉麵 $98先飲一啖原味濃厚雞白湯，湯色乳白，鮮味濃郁，小孩超愛！很識貨！ 一啖湯一啖拉麵，雞胸肉鮮嫩，叉燒略帶點脂肪又唔會好肥，感覺比較健康，半熟溏心蛋，蛋味好香，yummy~ ~吃幾次雞白湯拉麵也不會覺得膩~✔黑蒜醬油湯拉麵 $98有叉燒、雞肉片、糖心蛋，搭配配菜有洋蔥、木耳等，麵外賣到屋企都仲係彈牙，也很好吃，用料超足！至於湯好香黑蒜味👍我鍾意濃味，好喝！！✔日本明太子雞翼 $48 (兩件)真的好吃，脆皮又有肉汁！微辣雞翼最好味😛哈哈哈！.❤️💛🧡

👌🏻金鶴雞白湯拉麵 $78 (原價$98，Openrice 8折)雞白湯夠濃夠creamy😋稠身好掛湯，飲落唔會口乾或黏住喉嚨👍🏻但味道偏淡，雞味唔係好出拉麵係粗身個款，煮得偏硬身少少雞胸唔算滑，口感似即食雞胸，無咩味叉燒太乾身太瘦，又係無味既😖炸牛蒡好香口，甜甜地脆脆地咁，浸落湯就煙煙韌韌，感覺無咁油膩整體一般，雞白湯係好飲既，但叉燒同雞肉令人失望😂八折既話都值得試試既👍🏻味道：7/10性價比：8/10-📍#金鶴拉麵佐敦閩街3號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #佐敦 #佐敦美食 #佐敦好去處 #佐敦打卡 #拉麵 #日式料理 #日本菜 #雞白湯拉麵 #土瓜灣美食 #天后美食 #北角美食 #中環美食

諗住放假食個拉麵，上網一睇，個個都話讚價錢又不是那麼貴，地方晤難搵去到有good service 個拉麵估晤到咁好食，個蟹湯非常之濃！值得一讚👍🏻我哋還叫咗 明太子雞翼 牛舌

記得之前係大阪食過一間白雞湯拉麵，嗰間係我第一次食既白雞湯拉麵，印象都幾深刻🥰。在香港豚骨湯是主流湯底，基本上好難搵到一間有白雞湯拉麵既餐廳，無得去旅行又想止下旅行癮🥲於是上網睇下香港有冇白雞湯拉麵食，眼見金鶴好評如潮決定一戰。✨金鶴雞白湯拉麵純白色既湯底以全雞熬足6個鐘，飲落幼滑鮮甜並且帶出微微雞香味😋表面有炸過既牛蒡，食落香脆可口，我覺得炸脆既牛蒡好食過被湯浸軟既牛蒡😂。而兩塊慢煮雞胸咬落非常嫩滑，意外既驚喜🤩叉燒雖然大塊但太薄而且味道正常，中規中矩。糖心蛋一咬落去半熟透有流心效果的蛋黃👍🏻正✨日式唐揚炸雞唐揚炸雞即叫即炸，唔好睇佢得三件炸雞每件都非常大件，炸出黎既麵衣非常薄，食落去香脆鮮嫩而且有肉汁👍🏻 其實開頭以為係普通炸雞😂點知真係會嚇你一跳，食完眼仔錄錄👀好食到顛，啖啖肉，信我唔嗌會後悔😤總括而言，係可以止到旅行既癮🥴我覺得金鶴雞白湯拉麵味道無係我去日本食既嗰間咁濃郁，所以下次會試特濃雞白湯拉麵🤪

話說上次食完座銀之後，一直心思思想再食雞白湯，但最近都無去港島個邊，座銀2間舖都係港島區，今日係油麻地佐敦個邊，突然醒起之前聽過人講有間叫金鶴，同座銀一樣都係遠打雞白湯，水準可以拍得住，不過就仲抵啲，平啲之餘仲包埋左半隻溏心蛋，咁我就專登上Openrice睇下佢係九龍區邊到，咦咦，有間分店係佐敦，門面細細，員工都幾有禮物我叫左個一人餐，包一碗雞白湯拉麵，炸雞小食同埋汽水一罐 $128 個湯都有起泡，飲一啖湯先食麵，er er呢個湯相比另一間就比較清淡，都幾失色無個種濃郁既感覺，我諗我真係期望過高，合格啦6/ 10

其實我一向都唔係太好拉麵 因為唔係好啱自己口味 好怕湯底好咸好油膩🤪不過朋友極力推薦我要試下呢一間疫情嘅關係餐廳都提供左消毒啫喱係每一枱應該本身枱同枱都分得開 坐得幾舒服我叫左醬油拉麵🍜湯底好清 啱晒怕油膩嘅我湯底係由鏗魚湯同日本醬油調配嘅 係日本嘅風味～第一啖入口唔會覺得死咸 食到有醬油嘅清甜味食完成碗拉麵 飲埋湯都唔會覺得口渴麵質好彈牙 軟硬度適中 至於配料方面 有兩塊雞肉🐓係慢煮嘅 好嫩滑 唔會柴皮另外仲有叉燒 都幾大塊 🐖仲有有唔少嘅木耳 同埋唔少得嘅糖心蛋 滿足😋食完想再幫襯👍🏻👍🏻

金鶴拉麵已於香港開業多年，遍布香港九龍區，相信不少拉麵控都已經品嚐過招牌「雞白湯」，口味濃香味美。近日再次到訪，發現有新推期間限定拉麵「軟殼蟹香辣湯拉麵」及「北海道極濃蟹湯拉麵」，當然新口味要試試！軟殼蟹香辣湯拉麵 HK$148 口感炸得酥脆，配上香辣湯底，首先會有淡淡的甜香，而後勁較為香辣，非常醒胃。隨此麵附送腩肉，燒過後香氣撲鼻，肥脂部份吸引，有肥有瘦，吃下去不會感到太油膩。而湯底辣度是固定的，大概是小辣的程度。麵條保持一概的彈性。香辣湯底趁着目前仍未完全回暖的天氣吃就最適合。特濃雞白湯拉麵 HK$138 還是有點想念雞白湯拉麵，還是選了「特濃」級的雞白湯拉麵，200%濃度令口味特別香濃，喜歡吃雞味的千萬不要錯過！表面有很多炸牛蒡，直接食口感香脆，放湯就是另一種質感口味，連麵同吃無論口感還是味道也是一流。當然慢煮雞胸、豚肉及糖心蛋等等都保留以往的優質。 難怪晚市時間也有機會需要排隊用膳啦！

已經好耐好耐無食拉麵喇☺️咁啱經過見到呢間好有日本Feel既金鶴拉麵店🍜二話不說黎個單拖快閃午餐🥣一坐低望下個manu 就點左我最愛既🍜 黑蒜醬油湯拉麵 $98我本身好鍾意食蒜味既食品🙆‍♀️這碗拉麵都幾大碗.師傅煮到不但麵質好有彈性唔會過林👍配埋自家秘製既黑蒜味香濃而且好重口味😍拉麵裡面有兩片經過6小時慢煮雞胸及豚肉☺️口感唔錯🙌糖心蛋好香🤗另外加埋日本蔥及木耳連湯一齊食👍👍呢個午餐好滿足呀！

外賣飯盒巳經食得太悶了，見到openrice有外賣自取8折promotion 做緊呢間係屋企附近既金鶴，決定今晚一嘗日本拉麵😋餐廳裝修很日式，我們order了二款拉面，外賣都好快手，拉麵跟湯另上唔會令到d麵腍灑，不錯喔！極濃雞白湯拉麵拉麵湯底好重要，呢款湯底係奶白色而湯底幾香夠濃郁！ 味道甜甜地，油膩感不重。慢煮雞胸肉，肉質嫩滑，好食！醬油啦麵日式醬油唔會太咸，甜甜地又咸咸地還有喜愛的脆紫菜伴著，二款拉面都有跟溏心蛋、雞肉和叉燒，好食😋明太子釀雞翼炸得酥脆又香口，味道咸咸地夠灑野味，入面雞肉唔會太老，不錯👍🏻

-【佐敦中的日本風情】今日朋友介紹咗我嚟呢度食呢間日本拉麵，呢間拉麵店就犀利啦，次次黎親都排晒隊嘅，今日我好好彩喎，唔使等位就入咗去啦！入到去店員立即同我量體溫，衛生方面真係做足滿分啊！店舖環境都真係幾靚呀睇得出落足心機，重點係地方環境清潔又衛生，係呢一個時期都真係好緊要㗎！我可以話係一個辣味愛好者，咁當然就揀返一個辣味拉麵啦！上枱嘅時候見住啲煙冒出來，好似有返到日本嘅感覺啊！我食拉麵嘅喜好係鍾意飲湯先，因為飲湯先可以食得出一間餐廳嘅功力，入口冇味精㗎！比起喺香港有一啲拉麵店，真係高下立見！然後拉麵亦都煮得剛剛好，你一碗拉麵真係填補左我工作完一日空虛嘅心靈

咁耐冇旅行食個拉麵當返咗家鄉啦個門口已經可以醫好我嘅思鄉病揀咗個二人餐黑蒜醬油拉麵辛味拉麵唐揚炸雞芥辣八爪魚兩罐可樂呢個黑蒜油拉麵真係一啲都唔口渴我仲飲晒個湯炸雞嗰啲邊有鹽但係啲鹽一啲都唔咸仲可以提升到炸雞嘅味道！如果芥辣八爪魚就碎上10分推介！

It has been couple of years since i last visited their Jordan branch and since i have sudden craving for ramen, I decided to have dinner there tonight. Kane Tsuru Ramen was located at Min Street, few minutes walk from Jordan MTR.They offered a wide range of traditional Japanese ramen flavour, as well as dipped ramen, eel rice, appetizers and drinks etc. Grilled squid skewer - Even though it was slightly pricey, but the chef was generous with the portion. It was huge and long in size, and was gri

今日去食金鶴拉麵呢間拉麵店好有日式風格唔單之店內裝修靚 連廁所裝修都好靚 有個小庭園 廁所仲有電視真係小店中嘅極緻我地二人叫咗個套餐黑蒜醬油湯拉麵充滿黑蒜香濃味道 但又唔會好油膩 配搭慢煮雞 叉燒一啖麵 一啖湯份量極多 但都食晒 湯都飲埋辛味拉麵辣度黎講喺日本餐廳算係好辣 食得辣先好叫但湯底係好好味 一樣有慢煮雞 叉燒份量偏大 好滿足唐揚炸赤雞炸雞size都幾大 啱啱炸起 好juicy細心喺碟旁放上椒鹽提升雞肉鮮味芥辣八爪魚份量都幾多 配上白蔥 八爪魚亦好新鮮有咬口 兩款小食我都喜歡飲品有汽水選擇飯後送上綠茶蕨餅 煙靭好味店家提供埋牙線棒 非常細心而呢個咁豐富嘅二人餐都係250左右 日本野黎講有呢個質素真係好相宜

今日去佐敦行廟街，經過閩街時見到一間日式既拉麵店-金鶴拉麵店舖用鶴做招牌Logo，入面裝修日式坐低睇餐牌，員工送上兩杯冰茶招牌係白雞湯拉麵 $98我當然係試佢地既招牌拉麵到時，碗拉麵既牛蒡絲真係吸睛再嚟係濃郁到起泡嘅白湯底忍唔住要先飲一口湯底為敬果然係招牌，湯底濃郁，好有膠原嘅感覺再試佢既日式慢煮雞胸肉，好軟嫩豚肉薄片一啲都唔鞋糖心半熟蛋有流心食完之後去洗手間整理一下發現佢個洗手間裝得好靚好似酒店嘅設備咁有牙刷、牙線、棉花棒好貼心既拉麵店真係加哂分