金鶴拉麵 (閩街)

营业中

休息中

三姨的日常帶小孩外出，揀食店都係一門學問又要就佢口味今日小孩要食拉麵，我又掛住金鶴的燒鰻魚啱啱好，互就大家門店裝潢柔和，外邊打卡位衞生清潔度十足，店員主動詢問要不要清毒搓手好貼心，見到我帶小孩，一袋二袋，快速替供位置俾我安頓好，講我知洗手間係邊，應該見到小孩出哂汗洗手間好乾淨，仲提供橡筋，髮夾俾人食拉麵用仲有每包獨立牙膏牙刷清潔哈，都係打咭位？和風石春路叫左一個雞白拉麵，燒鰻魚串，雞泡魚乾，整枝波子汽水俾“臭小孩“，立刻靜哂開心哂，出門熱辣辣就啱牛蒡炸得好脆，好香甜，一啖拉麵一啖牛蒡，中和下濃濃雞湯，creamy好掛麵，麵身軟硬適中雞胸出雞滑，叉燒都好食，係薄左小少筍唔會過淋加埋隻溏心蛋 prefect鰻魚串係新鮮立刻燒，魚皮外邊焦香魚肉厚實，調味恰到好處，鹹甜鹹甜，送酒一流雞泡魚乾，又係烘烤剛好焦香惹味下次黎要食佢鰻魚飯，今日天氣太熱了

今晚收工去探家姐,姐夫重吩咐我去買金鶴拉麵上去大家一齊食,最初我諗使唔使特登去嗰一間買呀,後嚟試過之後覺得姐夫真係冇介紹錯。佢嘅黑蒜醬油湯拉麵,唔係度度有得食,係餐廳獨門秘方,滿滿一碗嘅黑醬油湯拉麵,特別醬油香味,非常獨特,拉麵柔韌軟滑,每件肉片肉汁豐富,蜜味香甜,多款配菜同食恰到好處。尤其係佢嘅雞白湯拉麵,係我至愛,雞肉幼嫩多汁,份量又不少,筍片爽脆清甜,多款配菜配搭得恰如其份,還有重量級嘅濃郁雞湯,蜜甜香濃配搭拉麵嘅柔韌爽滑,令你極致享受,真材實料冇得輸。你咪以為佢淨係拉麵好正之外,佢個咖哩炸雞飯都頂呱呱,咖哩汁係自家配製,獨特嘅香料非一般的味道,每件炸雞外形炸得金黃亮麗,咬下去脆皮鬆化,肉汁源源湧進口腔,雞肉濃香蜜甜,份量餐廳絕不吝嗇,還有粒粒珍珠飯,顆顆圓潤軟綿綿,散著幽幽米香滿載,仲有佢嘅溏心蛋,火路控制盡如人意,不會令客人失望。

金鶴（佐敦）開心既係今日食左碗好好食既拉麵🍜、母親節💐（🧑🏻母親節要對媽媽好啲，但媽媽話我好佢好，所以對自己好首先就係錫住個肚😘）難道有間拉麵開得早，風評唔錯，唔洗等位，就浦去試試佢😋平時試拉麵係由佢既人氣推薦/最basic款試，但見到居然有蟹濃湯我真係 #忍唔住 啦🥵呢款期間限定既拉麵，食第一啖已經覺得好好食💖最在個湯夠濃，麵好滑（偏軟，係我鍾意既質地），蟹肉又多，蟹既鮮味出晒嚟🦀 而且個麵又掛到準，叉燒整得好嫩滑🥰🥰🥰下次想再試埋佢個雞白湯，裝修風格好有格調，唔會太迫，service都好周到，呢個價錢值租。

因為壽星仔中意食拉麵，所以上OpenRice 搵，睇到呢間好多好評就揀左佢，果然無令我失望，樣樣都好味，而且份量都唔少，lunch套餐呢個價錢掋食，員工既服務態度亦好好

💯💯💯#金鶴拉麵●金鶴。雞白湯($98)●窮L如我呢一世好少會返兜好西😂😂因為想用有限嘅錢 試多啲唔同野食😂😂 只有一間鋪頭係我甘心不停回頭！就！係！金！鶴！拉！麵！🥳🥳🥳🥳佢嘅招牌：雞白湯拉麵真係冇得輸😆😆又白又多泡~~ 好creamy 細滑嘅雞湯泡泡充滿雞味 掛上拉麵到真係冇得輸😭😭其實呢個價位絕對可以接受 諗下平時閒閒地都1XX一碗拉麵 仲要冇咁高水準💭💭💭●黑蒜拉麵($88)●欸。。。根據我兩次試其他味拉麵嘅經驗。。。都係建議唔好。。。有啲太濃 好鹹好口乾😅 無計 啲雞湯太出色 比下去

講真！佐敦都算係一個美食區但係喺芸芸嘅日式拉麵裏面，金鶴拉麵嘅白雞湯拉麵真係我一是試難忘嘅性價比高日式拉麵。所以經常唔想煮飯嘅時候就會去買外賣，因為而家買外賣仲有八五折添！佢哋用咗幾個小時精心熬製成白色既濃郁雞湯底，充滿骨膠原有好多鈣質而且啖啖鮮甜，配料方面又比坊間嘅拉麵點多，例如有用慢煮技術烹調嘅鮮嫩雞胸肉，肉質真係好嫩滑、好彈呀！啱晒減肥又鍾意健康嘅人、仲要有大大片既日式叉燒，肉質好滑溜唔會起渣，而且肥瘦適中，我最鍾意佢既麵身同日本食到幾好似，粗身有口感、掛汁又彈牙！配菜方面有木耳絲同埋味筍，重點係跟埋紫菜同埋糖心蛋🤩（好多時喺出邊食拉麵都要加錢先有紫菜同埋糖心蛋架） 今次我仲試咗佢哋嘅鰻魚串燒，店員介紹佢哋嘅鰻魚係用新鮮嘅鰻魚即燒，所以係好新鮮！的確食嘅時候都覺得佢哋嘅鰻魚串燒係好厚身！鰻魚肉嘅質感好彈牙、鮮甜，加上佢哋比仔嘅鰻魚汁實在太好味了😋原來佢哋仲有其他好多款即燒串燒都好抵食，下次要叫多幾串先！

最近搬咗屋,初初對佐敦區不太熟悉,但今天很開心,俾我發現一間日本拉麵店,水準超乎我想像。menu佢一款雞白湯底拉麵,濃郁至極,就算食到最後仍然陣陣雞香撲鼻,你會到最後連一丁點湯都一飲而盡,麵條柔軟爽滑,雞肉幼嫩鮮甜,多款配菜配搭恰到好處。另一款黑蒜醬油湯拉麵,都不遑多讓,獨家淆製黑蒜醬油風味,同樣吸引,麵條把醬油索得滿滿的,非常滋味,各樣肉食配菜計算非常到位,每件肉質鮮甜多汁,咬口軟綿綿。除咗拉麵高質之外,另一款咖哩炸雞飯同樣出色,酥炸雞炸得香噴噴,外皮酥脆,當你一口咬下去雞汁源源湧進口腔,鮮甜多汁,完全做到外脆內軟,焦滿自家配製咖哩醬汁,令你吃不停口,還有顆顆圓潤飯粒,晶瑩亮麗,口感煙煙靭靭,酥香雞肉加上顆顆圓潤飯粒,真係冇得輸。仲有佢嘅秘密武器,醬漬日本溏心蛋,真係錦上添花,另我呢個初到貴境嘅住客,帶出一個很美好嘅開始。

#金鶴拉麵 # 🍜其實我真係好鍾意食日本拉麵一入到去，就感覺到呢間野好高尚，好舒適呢間主打雞白湯，係我最愛❤️個人本身食得清淡啲，所以冇嗌極濃，都已經好滿足～個雞湯真係好好飲！係好好飲！完全唔油！好Creamy! 兩塊雞胸肉好好食，好滑好有慢煮feel! 炸牛蒡好驚喜，脆脆地，浸落湯食又係另一種感覺，雖然係炸物，但完全唔油膩！至於叉燒，不過不失啦，可能之前三樣太驚喜！期間限定有個北海道極濃蟹湯拉麵，個湯好香濃，蟹味鮮甜！蟹肉份量好多，幾乎每一啖麵都可以配到蟹肉！唔知係咪我太鍾意飲湯，食到後期，兩碗都係得返好少湯，好似食緊沾麵咁🙈😂我想加湯啊老公多口問句，有冇口罩套，佢俾咗個膠既，都幾靚既口罩套佢，靚到佢都問咗句使唔使俾錢😂然後佢嘅牙籤，係牙線黎成件事，感覺係高檔拉麵店，但價錢又唔貴，性價比高👍🏻

今天原本要去大圍工作的，但出發到一半就被通知說要取消了，所以就隨隨便便找個站下車，再找一下有什麼好吃吧！朋友最近吃完拉麵說很不錯，叫我去試試，就吊起了我個拉麵癮，找著找著就找到這間雞白湯拉麵，就來試試！金鶴雞白湯拉麵（９８元）這個拉麵是我看完餐牌以後覺得性價比較好又有特色的一款！送到上來，這個拉麵裝飾得挺特別的，又給了兩款不同的肉，分別是慢煮雞胸肉和慢煮叉燒，還配有半熟蛋，中間還有點蔥和黑木耳！湯底喝起來比較濃厚幼滑，但又不會覺得油膩，又能喝出淡淡的雞香味，而且因為他比較濃厚的關係，拉麵就很好地掛上了大量的湯！麵質方面，這裡的是比較彈牙，是粗麵的，我比較喜歡這個質感！慢煮雞胸肉吃起來很嫩，有肉汁，完全不會老！慢煮叉燒也一樣，比普通的叉燒好吃，又有豬肉香！

老實講係因為佢呢間舖所以先會過嚟佐敦係一間都真係幾出名嘅拉麵店舖位細細 行過其實都唔係好顯眼嘅感覺行返近少少會見到有一個好靚嘅玻璃窗到嗰陣係唔洗排隊友人話可能係因為落雨嘅緣故平時應該都係好多人 點都好 唔洗排係開心嘅入到去又望返個窗 本來睇唔到嘅顏色變得好明顯係一隻鶴飛向一個金色嘅月亮即刻覺得金鶴係有畫面感嘅牆嘅另一邊係另一款好日式嘅圖畫因為坐得都唔算近 所以望唔清楚係一幅點嘅畫但隱約見到有幾隻鶴喺底Btw 每枱都有枝消毒液坐低店員就放低menu同熱嘅麥茶好好飲( ´▽｀)餐牌簿皮係黑底金字其實我覺得個配色幾好至於門口要藍底白字可能係因為黑底會更唔起眼？Anyway 睇menu啦佢有款期間限定嘅拉麵不過聽講日本同中文個翻譯係唔夾我唔識日文 所以對我其實冇影響( ´▽｀) 反正有相睇就ok最出名嘅麵 我都係因為呢款面黎食黎之前已有嘅目標咁正常都唔會食到幾個麵 所以都係睇小食小食比面先到 炸雞有三舊 配上燈光非常之金黃( ´▽｀)唔油膩 肉質唔實 但唔算好juicy算係中上啦 唔夠鹹可以自己點少少鹽芥辣八爪魚黎講呢少少辣 wasabi 唔算攻鼻因為menu上冇佢個圖 所以我地係預想一隻隻細

下午時分，落住微雨，來到呢間佐敦金鶴拉麵。入店先量度體溫，餐廳環境舒服，有日本感覺，播放悠揚日文歌曲，標注所有水使用有美國NFS安全食用水認證的濾水器，讓客人食得安心。安排坐在Bar枱位置，備有消毒酒精及紙巾，可以見到師傅煮食物。店員先送來一杯暖茶，十分胋心﹗我點了活燒蒲燒鰻魚飯$238和一枝波子汽水，等待蒲燒期間，聞到好香拉麵味，令人食慾大振﹗送上來時presentation好雅緻，有小章魚作為前菜，旁邊有醬汁，更有鰻魚骨昆布湯，湯內有蔥花、鰻魚骨、紫菜，咸香鮮味﹗鰻魚肥美，由於鰻魚即叫即燒，所以需要約15分鐘。上枱時發現鰻魚份量十足，燒得外脆內嫰。聽從店員推薦加入山椒粉，發現更添風味﹗波子汽水，飲落好有童年回憶﹗店員主動添加暖水，最後遞上牙線棒，服務不錯。

悠閒週末，咁岩經過金鶴，見到佢有新出期間限定，馬上黎試下😋😋中午時段依然人頭湧湧，證明味道同質素都好有保證👍🏻太耐係出街食，非常豪氣點左兩份軟殼蟹！另加唐揚炸雞同赤雞肉軟殼蟹香辣拉麵期間限定非常豐富，正常份量已經有一隻軟殼蟹同兩塊黑豚叉燒！黑豚叉燒非常厚實，佢唔係入口即溶既油脂，係有爽脆有咬口既肥膏，加上醬汁再燒，入口肥而不膩，而且咸淡適中。主角軟殼蟹真係無得輸！大大隻之餘，非常飽滿，咬開已經見到一絲絲既蟹肉！口感香軟之餘無油膩感，覺得味道唔夠可以試下浸湯再食！多左雞湯既香濃同辛辣，都係一個唔錯既食法！赤雞肉大大塊，入口嫩滑，肉質札實脆口溏心蛋應該要點蛋一份，浸得非常入味！唐揚炸雞三大舊生炸雞塊，雞皮又薄又脆，咬開肉嫩多汁，味道唔會過咸，超正👍👍👍

星期六約左朋友去食飯，我地話好耐無去食拉麵😄結果就去咗佐敦金鶴拉麵🥣🥣我地大約8點左右先去到，竟然唔洗等，店外同入面裝修好日本風格，店員都好有禮貌同親切，我地已經好肚餓即刻叫嘢食。日式餃子 (4隻) $3️⃣8️⃣新鮮炸起餃子，餃子皮好脆，咬落好香口好好味日式唐揚炸雞 $3️⃣8️⃣炸雞新鲜炸起，香脆外皮，肉質好juicy,唔鞋好香口史上極濃雞白湯拉麵 $1️⃣3️⃣8️⃣白湯底嘅濃度好有骨膠原感覺，好香濃😋我差唔多飲哂😁仲有炸牛篣賣相非常吸睛，拉麵好彈口，仲有2塊慢煮嘅雞肉非常嫰滑有驚喜👍👍义燒雖然薄但都大塊嘅，糖心蛋咬落去👍好有半熟流心嘅效果活燒蒲燒鰻魚飯 $2️⃣3️⃣8️⃣朋友點了鰻魚飯，但我都吃了一小塊😆鰻魚肉質新鮮肥厚，魚味濃郁，外層香脆，內裡鲜甜嫩滑另外值得讚賞店內洗手間裝修👍四周都好日式好優雅🚽洗手間入面好似日本酒店設備，有牙線，牙刷，棉花棒给人客用👍非常貼心整體值得再去👍今餐好滿足😋😋

依家啲餐廳已經習慣咗做外賣，係食物包裝方面比之前做得好咗好多；金鶴拉麵嘅麵同埋湯就會分開開上。雖然係用多咗外賣盒，但係可以確保拉麵嘅質素，唔會因為浸住湯而變得太淋！今晚要咗一個鹽味拉麵同埋雞白湯沾麵，再加兩個小食～沾麵嘅麵條比較粗身，掛湯能力高啲，雞白湯比較杰身，食起上嚟味道濃郁！鹽味拉麵湯底無咁杰，清淡啲。雖然係外賣，但都有齊紫菜、京蔥、黑木耳絲、溏心蛋、叉燒！同堂食一樣咁正規㗎！呢度嘅溏心蛋好好食！炸雞同埋煎餃子都唔錯！煎餃子拎到返屋企都依然香脆！遲啲試吓堂食，再熱辣辣啲應該更加好味

1130開店，1135入去坐，我落order既時候無人同我講雞肉未整好，到我落order，個師傅落緊garnish既時候，個師傅先同我講，雞肉未整好，唔畀ok唔ok，我真心呆左。ok我由你。炸牛蒡好多油同凍既，搞到個碗邊都有油，個湯唔夠熱，但個麵好稔。到個餃子，無特別同一般炸餃子無異。服務？無食物？話好食嗰啲應該係...?anyway金鶴員工同老細唔會睇，睇左都未必會改善，純粹發洩下無下次。垃圾