金鳳茶餐廳

营业中

休息中

與朋友逛灣仔街市買模型，酷熱的天氣，又未夠鐘食飯，就醒起可以來這裡來個傳統港式下午茶。最要推介的一定是這裡的凍奶茶，因為不是加冰而是把奶茶放入雪櫃，所以凍奶茶不會因為冰溶後而越飲越淡，真的很好。雞批是也是我每次來都必食的！鬆化的批皮，味道得宜的餡料，熱辣辣出爐，超好味！朋友食蛋撻，這兒賣的是酥皮蛋撻，牛油味濃的批皮，也很好味！不過今次的未夠熱，也許是錯過了剛出爐的一刻，但也好味。唯一美中不足的是：這裡的座住設計得很逼，卡位尢其逼，肥大的朋友就要坐得辛苦一點了！

呢一日去pp睇早場，早場前去食個茶記叫左個沙嗲牛肉麵餐，跟菠蘿包，老公加錢轉菠蘿油，另外叫多個蛋撻試下。沙嗲牛肉麵睇落好細碟，但其實份量都唔少，兩個人食完菠蘿油/菠蘿包先食面，竟然食唔晒。真係唔怪之得咁多人排隊買面包，真係好足料，個包裡面好實淨，唔似其他面包舖食空氣咁。菠蘿油唔記得影，但記得食完好飽好飽，覺得好油好滯。叫左個蛋撻試下，可惜唔係新鮮出爐，所以黎到已經凍左，另外個皮可能都因為凍左而唔夠脆，有d失望，希望下次有機會再試過。

I think it's ok. Not at expected. Maybe because the reputation is there so I have too much expectation. And the restaurant is very crowded. But like all the small restaurants in Hk, it's pretty normal I guess.............................

剛剛係附近考試，放lunch 周圍都好多人，但膽粗粗入去撞下有無位。不過一個人係容易搵位好多既😛一睇到個餐牌有我必選的沙嗲牛通，即刻唔使林，即落單。最正係佢可以揀菠蘿包，雖然我無加錢要菠蘿油，但佢都附送牛油係碟邊的。不過個包就唔熱、唔暖，唔知道如果加錢要菠蘿油，個包係咪可以有熱血辣辣既感覺既呢？下次一定要試下❤️除左菠蘿包、牛通之外，仲有足料火腿奄列，唔似得出面啲茶餐廳俾幾條你當交左功課。不過老店係會用油重手啲，都油油的、滑滑的感覺。整體而言，係一餐超滿足既午餐，因為有曬我鐘意食既野🤣😂

叫左個午餐, 有雞絲通粉, 奄列+ 菠蘿包, 個雞絲通粉 超級唔店, 湯勁少, 雞絲乾柴柴, 又無乜味, 奄列就OK, 入面D 火腿絲仲好多添, 菠蘿包又話出名GE? 凍冰冰好一般JA WOR! 同出面麵包店無咩分別其實想食雞批, 但果日未出爐....

從來冇吃過一間餐廳咁難食態度唔好，服務差，唔自在！叫咗侍應多次冇理會客人嘅要求！愛理不理嘅態度，今時今日嘅服務態度學劉德華話齋，咁樣係唔得嘅！佢除咗60年歷史之外，冇乜優勢地步！要好食過佢，隔離街都好食過佢！唔會有下次再來

香港的茶餐厅例如菠萝油、西多、鸡批，虽然很大众化，但是内地就如何大众化也做不出这个味道。之前一直都是吃金华比较多，这次在港岛活动，选择了金凤。下午三四点嚟到，人非常多，排队15分钟左右才有位，但老板比较nice，不会像一乐之流俾你睇面色。两个人，奶茶一冻一热，一个鸡批，一个菠萝油，搞掂。冻奶茶也没有冰，茶味浓，菠萝油很好，和金凤旗鼓相当。鸡批真係一绝！可能唔係第一次食，但绝对係第一次觉得咁好食！期间见到好多香港市民和大陆游客络绎不绝，师傅仲叫唔使急，鸡批唔会自己走咗去嘅！那可能是会被人们抢走去吧。服务不错的，也可能我讲白话，效率很高，下单很快。价格实在，比广州实在！

好多茶記都比佢好，都唔知有乜好食。今日專程去食佢個蛋撻同奶茶，好失望。叫咗個套餐個菠蘿包簡直不知所謂個沙嗲通粉辣嘅小朋友食唔到啲通粉好林完全唔好味一定唔會有下次都唔明啲人喺嗰度排乜

出名茶記少不免要排隊，呢間都唔例外，而且要人齊先入座相信是常識吧。🤣最出名係常餐，當然黎試一試佢。 由於唔食牛， 我選擇左火腿麵，男人選左沙爹牛麵。 食物上檯當然係茶記既快速。 個碟好細，望落碗野好多，實際當然係正常size, 因為個碗好淺，無乜湯，變左個麵上到黎有啲好似浸唔到入去咁。 而且腿麵個湯真心淡既，唯一值得讚既係塊火腿切得夠厚而且份量唔孤寒。 男人話沙爹牛唔錯，但一樣有浸唔到個麵既問題。 期間餐廳不停都出緊新鮮熱辣既麵包/蛋撻，行過都有一陣熱風、奈何食唔落試唔到出爐蛋撻。 但就試左斯跟餐餐飽。老實講個飽我覺得太足料，變左好實，唔鬆軟，最終我都食唔哂☹️ 餐茶我地揀左凍奶茶同熱啡。 凍奶茶最出名係無冰但能夠保持冰凍。 飲落覺得成餐呢個最好味， 奶味有之餘亦唔會搶走茶既香濃。 或者有一日我會為左呢杯凍茶再返黎既。 最後當然要多謝男人今日咁熱都排定隊等我。

由於喺灣仔戈邊返工，點都一定會openrice睇吓附近有咩好食，見到呢間咁多好評就一於嘗試吓茶餐廳到底點先可以好食到咁多人比like～是日到金鳳系食午餐，有吾少餐供選擇，太耐冇食沙嗲牛肉通粉，叫黎試吓先發覺現時有好多比人吹捧到好好食既都冇想像中咁好，真系要自己食過先知系點，其實就吾系真系咁好食⋯通粉份量超細，牛肉既沙嗲味亦吾系特別入味，試一次就夠火腿奄列黎講好過通粉，溫度都算熱 ，薄身既蛋包住啲火腿都算好。叫既系特色午餐 $43(沙嗲牛肉通粉 + 火腿奄列 + 餐飽 + 熱飲)✅ 可選1️⃣五香肉丁/ 餐肉/ 腸仔/ 雪菜肉絲/ 沙嗲牛肉/ 雞絲2️⃣火腿奄列/ 煎雙蛋3️⃣餐飽/ 菠蘿包

完全唔好食，菠蘿包硬又凍，餐肉超多油，火腿奄列都超多油，好似唔洗油錢。雪菜肉絲是凍的，完全無心機去做。服務差，下次一定唔會再黎。杯熱奶茶及檸檬茶還可以，味道ok.

係灣仔肚仔餓，茶餐廳一定係二之選，呢區嘅茶餐廳多到無朋友。今次經過左5，6 間之後，最後選左呢間好出名凍奶茶祝金鳳幫襯。但我飲親奶茶都心跳手震，今次又無人同我share杯奶茶，唔飲得，睇人飲都好。因為等人，一條友入去醫肚，坐唯一的自閉位。好在無乜行裝啫。一坐低，即刻叫個茶餐，火腿奄列，菠蘿包，加杯凍谷古。其實人人都食菠蘿油，但你見啦，其實都比少許牛油，對於為食又怕肥嘅我，都夠駛。菠蘿包一般地好食，好實在，唔太甜，加左少少牛油釣一釣個咸味，奄列又多火腿，一點不吝嗇，加埋杯谷古，根本飽到。。。好滿足。夜晚食菜同生果都夠頂。

剛巧要在灣仔覆診，便順便到這裡食早餐由於時間尚早，約7:30，未算多人，一入去就有位坐，金鳳的環境好逼，係典型的冰室格局。叫佐個牛肉通粉，菠蘿包，煎蛋，凍咖啡。食物好快就到，凍咖啡是無冰的，聽講是第一家茶餐廳發明的，好夠啡味，無被冰溝淡跟住輪到沙爹牛肉通粉，好多牛肉，但偏甜，而通粉則太淋至於個菠蘿包，佢最大的問題係唔熱，完全唔明白點解唔烘熱個包，凍的菠蘿包一d 都唔好食無下次

佢地樣樣野都係勁重手 勁足料😳唔係食完一陣風個啲個菠蘿包係我最愛 岀爐有幾好食唔使講勁就勁在佢凍左個皮都係脆架😲個包有咬口唔鬆散不過我今次係食雞批😋個皮重牛油香 鬆化 不油膩餡亦好夠 甜甜地 唔會咸配埋佢地招牌既冰鎮奶茶 呢啲叫完美下午茶 😍

呢間所謂出名茶餐廳，真係好垃圾！首先，座位窄到不窄，就算冇袋都坐得好辛苦。跟住食物賣相差到呢，啲湯粉麵冇湯㗎，就咁睇以為係撈麵。湯粉又冇味道。嗰個火腿奄到乾到呢，又一啲蛋香都冇。個菠蘿包就咁放上奄列到，搞到個包底濕哂。個菠蘿包好難食，凍嘅，又硬，味道得個甜字，又唔香。再嚟飲品啦，個熱奶茶寡到死，好鞋口。（枉啲人仲話呢度奶茶好飲！）成餐惟一冇問題嘅係杯熱鮮奶。最後速度又唔係快，勁耐先出到個奄列，門口又要排隊，又要搭枱，一個位都冇剩，冇理由要嚟受苦囉！大家千祈唔好嚟呢間嘢！