金鳳大餐廳 (D2 Place TWO)

营业中

休息中

話說突然想食D懷舊平民鐵板餐🥩，就去左屋企對面揾食，夠晒方便。1️⃣ 雜扒鐵板餐 $88Menu有好多扒餐不同質素嘅牛🐮，價錢$1-200不等，不過目的係頹食，泊車嘅時候己經諗好左要叫雜扒🤟🏻。牛油餐包係茶餐廳無得輪嘅跟餐名物，高級地方反而食唔到嫁！雜扒包括牛、豬、火腿扒、腸仔（留意並唔係司華力腸）Surprise無雞扒同無底跟～一般會有薯菜／飯／意粉，呢度咩都無🤷🏻‍♀️，有紅／白餐湯。汁有兩種－黑椒同蒜蓉，同大部分人一樣，食鐵板都係鐘意姐姐淋D汁上去嗰D炸炸聲❤️‍🔥。2️⃣ 經典蕃茄蓉芝士肉醬焗意粉 $68大大兜味道還可以🍝，無得同專食pasta嘅西餐廳比，但勝在夠熱辣辣。3️⃣ 胡麻醬雞肉沙律 $74大大塊雞扒喺沙律菜🥙上面，寶寶一貫健康地叫醬另上，肉都唔算煎得好油👌🏻，呢個價錢咁大塊肉算好低食。不過不失，menu多option，頹食鐵板之選。

金鳳一直係數一數二既懷舊鋸扒餐廳🍴次次經過都大排長龍，好耐以前曾經去過太子嗰間分店，相對而言荔枝角呢間分店嘅環境寬敞得多，坐得超級舒服環境唔錯👍🏻-所有套餐包括有牛油餐包🧈、湯🥣同餐飲。-牛油餐包🧈超級出色，焗到勁香軟既餐包一撕開麵包🍞底部已經配備牛油🧈仲一早已經將烘到熱辣辣，一搽就即刻融化，鹹香可口！-忌廉湯🥣茶記餐湯質素，稀身比較淡口記得趁住熱快啲飲，一凍就好難飲！內有雞肉粒好驚喜🐔羅宋湯🍅呢個羅宋湯比想像中更加好飲，入邊有超級多雜菜🥬飲落辣辣地好開胃🌶️美國極品牛小排餐$168🥩(+$2蒜蓉🧄）-⭕️記得加錢必定要加蒜泥🧄⭕️，一上碟就俾佢嘅特大份量嚇親，兩舊厚身既肉切落去仍然見到肉質鮮嫩！2️⃣大舊厚身五成熟都仍舊好血肉汁滿滿！切開依舊軟身無筋啖啖肉👍🏻配上蒜泥同汁👍🏻雖然呢個唔係鐵板上但係都仲可以做到熱辣辣好欣賞🔥呢個真係超級足料好抵食！牛柳餐🐂$118 (+$2蒜蓉🧄）-⭕️記得加錢必定要加蒜泥🧄⭕️牛柳相對就稔身勁多，牛味無頭先咁，蒜泥配上軟糯牛柳都相當出色🧄同牛小排餐一樣只可以選擇蔬菜：包括有椰菜、蕃茄🍅、青瓜🥒、薯條🍟等！沾左牛肉汁同蒜蓉汁好夠味👍🏻真係大件夾抵食！

平時過黎都係食鐵板扒餐，今次見到餐牌有期間限定有 美國和牛牛柳粒 就試吓呢個，點知今次質素差左好多👎🏻👎🏻 我叫左7成熟但裡面好紅，雖然質地咬落軟腍但筋太多，有一半咬唔到要吐返出嚟，伴菜嘅紅蘿蔔同翠玉瓜切到好肉酸，薯條變薯格，沙律菜亦少得可憐，整個感覺就係極之求其，$168加一呢個質素完全唔值 👎🏻 👋🏻👋🏻舊舊都咁～成個餐得羅宋湯同餐包叫好⋯

🍴港式經典扒房  🥩金鳳是經典的港式扒餐餐廳，各式各樣的扒餐，一直深受大眾歡迎。晚市扒餐提供餐包和餐湯，筆者喝羅宋湯，鮮甜多蔬菜，開胃可口。📍貴族牛扒餐 $188Noble Steak (US Chuck) 美國牛肩胛肉小排牛肩胛肉位於牛隻的較前方肩膀處，這是牛隻時常運動的部位，所以肌肉發達，肉質結實，味道豐富。牛扒以鐵板上的話建議選5成熟，當侍應送餐時再加上客人自選的醬汁後會令牛扒烹至約7，8成熟。牛扒富肉汁，肉質結實，香味濃郁。墊底的更是薯格和粟米、脆肉瓜，飽肚又美味，只是黑椒汁會偏咸，建議喜歡淡口一點的朋友可選少汁。📍西冷牛扒餐 $118Sirloin Steak西冷是牛後腰脊柱兩側的肉，牛扒油花較少只有邊旁的一片脂肪，肉質細嫩，鮮嫩美味。牛扒厚切啖啖肉，大至整個鐵板般，份量十足，是抵食之選，墊底的是粗身薯條和粟米、脆肉瓜，推薦 ❣️📍美式什扒餐 $110（豬扒、牛扒、雞翼、香腸、火腿）心大心細想吃不同種類的肉類，點什扒餐就可以一次試勻所有肉類了。套餐中有豬、牛、雞類吃，如果加多一顆太陽蛋應該會更完美。📍黑牛（套餐轉配$18）兒時懷舊冰涼暢快特飲非黑牛莫屬也。 最喜愛把可愛倒在雪糕

今日係中秋節翌日，亦即係公眾假期，試過山林道分店的假日午餐，本來想D2 Place也有假日午餐，可是沒有，只是鐵板餐有88折免+1。我們點了兩份雜扒餐，感覺份量好多，我地都食到飽飽。我點了的黑椒汁非常之好味，中途我還請他們幫我加汁。

跟睇戲好友走到荔枝角 D2 Place 2期睇戲，他建議去 D2 Place 2期3樓的 <金鳳大餐廳> 食晚餐！ 跟他睇戲前晚餐，他多數帶我到美食廣場，就算我請他睇戲，並不代表他會請我食飯！所以，他竟然建議去 <金鳳大餐廳>， 我都覺得好驚喜！ 這餐又是 AA 的！我們先到先等位，當日他在長沙灣返工，先到戲院買戲票後，到餐廳等位，當時 6:15，不用等位！不過，每位食客入座前，先要走到收銀位有部量體溫機，用手量度體溫！忌廉汁燴比目魚飯 $84我們要睇 7:00 場，最緊要上得快食得快！忌廉汁淡淡地，勝在夠汁撈飯，飯份量都足夠我的食量！ 比目魚質感軟身，帶有些少魚骨！整體不過不失！美式雜扒餐 $110這裡的鐵板餐好出名，之所以他要點一份來滿足自己吧！雜扒餐陣容鼎盛，包括：牛扒、豬扒、雞中翼、腸仔、火腿及薯條！對他來說絕對物超所值啦！凍檸水朋友的鐵板餐包括：餐湯、餐包及餐飲，他讓我叫飲品。我叫熱檸水，卻送來凍檸水；由於時間關係，就算了吧！幸好！朋友叫我把冰粒加到他杯水，變成少冰的凍檸水！

金鳳可能係好多人情意結，細個想食扒都會去金鳳。係舊舖要排好耐隊去食或者去銅鑼灣食佢d扒。但係人越大，係出面食左好多唔同種類嘅牛扒，就覺得金鳳d扒好唔掂。由於屋企人想去食，咁就去啦。我個日叫左個西冷牛扒，真係唔好食，林pat pat,毫無咬感，無肉味。個面包仲要係二十年前嘅餐包。重點侍應忙到叫極都無人應，叫佢俾杯水俾黎俾去都俾唔到，等位又等到腳軟，真係唔明點解要為左d所謂嘅童年回憶等成個鐘頭俾百幾蚊食劣食！

今日行D2 PLACE先發現依度開左間金鳳! 晚市時間勁多人等位, 我都等埋一份, 門面睇落好新淨, 感覺有別於尖沙咀同太子舊店。等左一陣就入得, 始終新店, 環境乾淨企理又明亮, 新式裝潢中又用上倪虹燈, 木枱等帶點OLD SCHOOL味道。餐牌都用上新設計, 加入左美國扒類, 除左兒時食開既港式扒餐又多點選擇。先黎個招牌紅湯同牛油餐包, 簡單好味。 美國牛小排餐牛小排肉質軟嫩, 牛味突出, 油脂頗豐富, 食得出同港式扒真係有分別, 無論肉質同味道都更勝一籌, 當然一分錢一分貨, 價錢比另外既牛柳餐更高, 但絕對值得。另外仲配上即炸起既粗薯, 香口滋味。招牌牛柳餐雖然有比較下美國扒更勝一籌, 但港式扒餐主打就係大件夾抵食, 鐵板上既牛柳大件又厚身, 啖啖肉, 而且肉質一D都唔差, 5成熟就最正, 仲有肉汁添! 食金鳳我覺得一定要配佢個黑椒汁, 又香又辣又惹味, 點乜都好食!

最初細細個係灣仔食，港式扒餐都幾抵食。依加開分店開到黎D2都有，裝修新淨，橙紅色。除咗一如以往既港式扒餐，依加有埋美國扒餐。扒餐都會配埋餐湯，餐包，飲品。✨味道69分，服務68分，環境66分。.🔸餐湯餐包羅宋湯⭐️比較推薦！多料，酸酸地微辣好開胃。忌廉湯都濃稠，少許粟米同肉粒。餐包軟身唔乾，甜甜地，配牛油最正。.🔸美國安格斯肉眼扒餐($180)牛扒較薄，所以直接用碟上，唔用鐵板，呢個係西式既美國扒，唔點汁食個牛味都香，扒雖然薄，但都幾大塊，蓋住哂啲薯菜，薯菜用左薯格，翠玉瓜，紅蘿蔔，粟米，沙律菜。.🔸招牌牛柳餐($118)牛柳用鐵板上，扒餐$100頭係幾抵，可選擇黑椒/蒜蓉汁，待應幫手倒完汁不停咋咋咋，waiter幾好，提我地用紙巾擋住啲油。牛味好重，肉質都稔，底下有薯條，蔬菜，不過明白港式扒啲薯條比汁浸住，一定稔哂。

細細個成日同屋企人去深水埗金鳳餐廳鋸扒 唔經唔覺而家已經有52歷史 喺香港人嘅集體回憶 而家開咗好多分店 遍布喺港九新界 今次嚟到d2 place分店 未入去門口已經聞到好香嘅扒味😍1️⃣美國牛小排餐 $175 跟牛油餐包 紅/白湯 餐飲叫咗七成熟 用碟上 一咬落口嫩滑但帶點咬口 有濃濃既牛肉味 建議唔使落黑椒汁 因為牛肉味已經好香濃😍2️⃣牛柳餐 $118 跟牛油餐包 紅/白湯 餐飲118$ 食到咁鬼大塊牛真係好抵🤤 牛柳有醃制過 所以咬落去好軟淋 比起美國牛小排會無咁有肉味 但係唔會好似出面咁好大浸梳打味 性價比來講係非常高今次餐湯都叫咗紅湯 即係羅宋湯 平時出面街會好淡好稀 但呢個羅宋湯味道濃而且好足料 3️⃣雙檸梳打 跟餐加$15食咗咁多牛扒有啲肥膩 飲一飲一啲青檸梳打可以消滯 仲好解渴4️⃣凍檸茶 跟餐$0

去開D2 PLACE睇戲，想搵牛扒食，所以就去左金鳳試下，因為佢最出名都真係食牛扒。以前我住太子成日都去金鳳食扒，貪佢抵食夾大件，但缺點就係又細又迫又舊，不過D2 呢間真係乾淨企理好多，我好中意D2呢間~~~跟餐的餐湯都係傳統香港風格紅白湯，好大碗，個麵包都好暖好鬆軟，試過去花X 食個麵包係叮返熱，UN皮UN肉的好難食，呢個OK我叫左HK$188貴族牛扒餐，原來佢係美國扒，我好大膽叫左5成熟，因為成日睇牛扒關注組佢地話鐵板餐一定要生先好食 LOL真係好大份好厚肉呀好港式鐵板扒餐！最近我睇片見到日本都有好多餐廳都轉左用呢款鐵板餐，唔知點解忽然覺得日本都興緊港式鐵皮餐 LOL切開都真係5成熟，唔錯！但塊扒差不多有2CM咁厚，其實中間位置幾乎係生的。呢塊牛扒肉好腍，肉味好濃，煎到個外皮好脆好香真係好正，份量又大，真心好食過好多貴價餐廳，性價比真係超。高貴價餐廳好多牛扒都係勝在好腍好易咬開，但無咩咬口同牛味，呢塊就真係夠牛味好香啦，不過當然佢都唔係平，188蚊塊，真心唔算係平嘅，但對得住個價錢。不過食食下有D位太厚肉只有3成熟，好生................我真係接受唔到咁生，我覺得牛扒

金鳳大餐廳細細個屋企人間唔中都會帶我去鋸扒講緊嘅梗係唔係Fine Dining扒房啦而係好有香港味道嘅傳統港式扒房😍金鳳大餐廳真係由細聽到大 荔枝角D2 Place就開左分店啦🤤一於去試下先👍午市食飯時間真係排長龍呀😲店外有櫈俾你坐喺度等位 都幾周到👍白菌西冷牛扒🥩 ($65)Lunch Set除左一個主菜 仲有餐包、西湯同埋野飲 包你一定夠飽😌餐包夠熱 Hi埋牛油好香😍 我就鍾意飲佢個周打魚忌廉湯 夠足料又creamy 點餐包食一流😍西冷牛扒大過我塊面 大概煮左七成熟食落好腍 肉味夠👍 我揀左配薯菜係好耐無食嘅波浪薯條🍟 真係好懷念🤩飲品方面 加$5要左凍唂咕佢同凍朱古力唔同 唂咕更加香濃 帶有少許苦味 又一經典飲品😌隔離枱仲聽到有人嗌黑牛😛一聽就知要暴露年齡了😂

雜扒餐-黑椒汁$110(豬扒、牛扒、雞扒、火腿、雞翼）哈哈之前已經食過呢間餐廳再encore😀其實呢個餐性價比都算幾高🤪因為佢有超多材料有得食🤩味道都好港式傳統扒類🤣🤣其實個牛扒生熟都合適🤭overall 算七成🤫因為五成係鐵板🤗然後剩低嗰兩成就係鐵板燒🥴如果鍾意食熟啲可以放係個鐵板度會更熟🥳佢嘅黑椒汁都幾香🤤黑椒味帶出原本豬牛雞嘅鮮味🤤最surprise嘅係佢仲有雞翼同埋火腿👻真係超級豐富飽到食唔落其他嘢小食拼盤$88(薯格、蜜糖雞翼、炸蝦尾、魷魚圈）覺得嗌兩個扒餐會太過Heavy🤣所以試咗呢個小食拼盤🥳最正嘅就係佢有超多千島醬😇同四個小食都好夾😂不過我咁岩遲咗去所以已經賣晒友魷魚圈🦑炸蝦尾明顯就係新鮮炸完攞出嚟😊炸粉唔算多😂蝦嘅比例都多🦐蜜糖雞翼都幾多蜜糖👻一咬就食得出蜜糖嘅甜味芝士忌廉汁焗西蘭花🥦$58見到食咁多肉即刻帶返個蔬果調劑一下😏雖然芝士西蘭花都好肥🤪但係個西蘭花都幾新鮮😏食落去幾爽口😎同埋同個芝士忌廉汁都好夾🥰仲要焗得勁香黑牛+$18嚟到港式懷舊餐廳梗係要嗌杯港式懷舊飲品黑牛🥳其實就係可樂再加朱古力雪糕😛個雪糕加咗可樂之後有一種飲酒嘅感覺😋😋好神奇

金鳳絕對係一間老字號嘅港式扒房，由以前去太子老店個邊食，到而家就係D2呢邊嘅分店食，雖然兩邊個氣氛截然不同，但同樣充滿懷舊嘅色彩！🥰🥰🥰呢度嘅扒餐選擇都好多，好不容易下揀咗美國安格斯肉眼扒餐及美式雜扒餐！除咗牛扒之外其實仲有豬扒同魚的！而且套餐仲跟湯，餐包同餐茶！🥩🥩🥩🔸美國安格斯肉眼扒餐 $180呢個係用碟上的，點咗五成熟感覺啱啱好，肉質好鮮嫩，配埋黑椒汁超正！扒下面仲有好多薯條！🥩🍟🔹 美式雜扒餐 $110呢個雜扒餐真係超級豐富，有成幾層厚的！鐵板餐包括牛扒、豬扒、雞中翼、腸仔、火腿及薯條！以呢個價錢來講真係非常之抵食！🤤🤤喜歡Old School Style嘅人必試之選！😝😝😝

好耐冇食過金鳳都係出於嘗試心態，老實說在街外食100多元的鐵板餐不是很多選擇，當支持下老店。可惜的是食物質量與價錢不成正比，份量是足夠的，可惜你食落去時，自然感覺到烹廚的技巧確是不高，或少少馬虎添！我食的是大蝦配牛扒，份量可以的，叫了5成熟，來到已差不多7成，下次可能要叫3成？！不合格的是大蝦，size真係大，可惜蝦膏有苦澀味和臭，可能係壞了。總括依然，食金鳳係希望食返以前的懷舊味，但若果期望過高的烹調技巧，就會少少失望而回呢！