金鳳大餐廳

营业中

休息中

是日相約中同於銅鑼灣一聚,愁於沒地方開餐, 走著走著便來到了舊時最愛的鋸扒之地 – 金鳯大餐廳. 畢業了好幾年, 這裡還是沒怎麼變, 開門迎來的仍然是茶記的大叔, 豪邁的招呼.呢度既扒大件夾抵食, 老實講, 到左呢個年代仲邊度搵到70蚊到就有包食,有扒鋸,有湯,有茶飲既地方?我地一行4個人坐落叫左4份牛扒, 不一會, 餐包已經送上, 附送4塊小牛油, 面包上碟時已經有D凍左, 攝牛油入去已經唔多會融, 不過蘿拔仔一向都覺得塊牛油先係餐包重點, 所以唔係凍到硬崩崩都可以接受. 食完餐包無耐, 牛扒就黎喇 , 對於男校既我地咋咋聲一向都係我地既最愛! 上菜前,茶記大叔問我地要黑椒定係洋蔥汁, 咁梗係黑椒啦! 除左用蒜鹽前之外, 我第二個揀既就係黑椒汁! 濃厚既黑椒汁一倒落塊扒到, D煙即刻攻上黎, 好彩蘿拔仔食慣, 一定會將塊紙巾擋係自己面前, 唔係就食晒D煙喇蘿拔仔叫既牛扒係要4成熟既, 因為蘿拔仔一直堅持扒呢D野太熟就唔好食, un晒, 係要生生地, 有D血水出先叫正野. 牛扒大大塊鋪滿左個鐵板 (有心機留意會發覺板角係有個牛頭架) , 咬落比我想像中熟左少少, 不過都冧冧地, 有汁,

諗住搵間餐廳好d食扒，點知後悔到爆！  其實入面冇人食，心諗不妙，但友人想食扒。我點了一個T骨扒，朋友們叫了招牌牛扒及什扒。首先講個什扒，外表已經好差，冇雞扒，火煺唔係煎，係炸到又乾又冇味，牛扒變牛什會，細細件碎肉，當然都係乾到硬！而我個T骨！！！！T骨係食兩個味的牛，而佢果件得一面，另一面全都是肥膏，$95的價錢都太少嗎？再講，餐廳服務超差，入到去冇人理，佢地自己人講野極之大聲，仲句句粗口，咁不知所謂的地方我一定唔會再去！

今日難得去謝斐道金鳳食午餐,一入到去就同佢講1位,點知阿姐話:「自己去個邊搭抬啦,1個想可以坐邊度。」聽到呢句真係唔多開心,我黎幫襯,我好心話你聽1個,費事你話我自己亂咁搵位,咁都要俾佢咁樣講,算啦,我坐低叫左一個吉列牛仔沙津午餐,咁沒餐具問侍應拎,點知侍應話:「隔離咪有餐具囉,你睇唔到。」大佬啊.點樣睇到丫,你又放哂水同餐具,我鬼知個D餐具拎唔拎得咩,D野食黎哂之後,個姐突然行過黎話:「拿,俾個包你勒。」係好悔氣既態度同你講俾個包你,但我沒話要包,無啦啦揼個包埋黎,唔明點解一間餐廳連最基本態度都沒。而且食物亦同出面茶餐廳沒咩分別,落左好多鬆肉粉既牛仔,包亦只係微暖。最後38蚊埋單。若然想去食既朋友,真係要唸下,因為服務同態度係完全俾唔到你。基本上你只手或嘴離開左個碟野,佢就會馬上收,唔會理你食完或者用完未。今時今日,仲有咁既態度,真係沒下次。

差不多每個週六都會到金鳳點個下午茶餐, 每一次都會點焗肉醬蝦球意粉.這個肉醬意粉的味道很懷舊, 就像那裡的裝潢擺設一樣舊.有人喜歡清淡鮮茄味的肉醬意粉, 我就是喜歡金鳳這種味濃而且用芝士"焗"的.這個"焗"的肉醬意粉, 我猜是用火槍燒出來的; 因為上菜快得很.這回因為中醫要我不吃蝦蟹, 我點了個焗肉醬蝦球意粉走蝦, 廚師竟然給我煎蛋代替, 好味呀!廚師說, 只此一次, 下不為例. (看他那天心性很好呢!)不過, 下午茶時間這裡只有一個阿姐服務生, 其他人都在休息, 阿姐態度好似屋企阿媽咁, 喺廚房大聲問你要咩, 話你知佢好忙, 叫你自己去水吧攞飲品, 我覺得好得意, 你可能覺得好討厭.

一個人走在銅鑼灣路上，覺得餓了，又想吃牛扒，昨天才吃完RUTH'S CHRIS STEAK HOUSE, 突發奇想，反正一個人不如就試試久違的金鳳。步入餐廳，不太多人，1個人找了個角落坐下。要了牛柳餐，5成熟，紅湯。麵包很快送上，溫暖的衛星包，很好吃。紅湯比較多油，沒有喝太多就放下了。牛柳來了，鐵板嘶嘶嘶地叫，一大堆蒜茸，香！看著黑椒汁緩緩地從壺裡倒出來，激動呀，倒了滿滿地一盤，瀉了出來，桌上都沾了不少，Table manners ? 在這裡就不用太糾結這個問題了。牛柳軟軟的，有淡淡的牛肉味，基本上不用怎麼出力咬就已經可以吞了，配菜油太多了，沒有吃。黑椒汁香而不辣，沾點桌上的辣椒汁吃滋味多了。吃完牛扒要了一杯黑咖啡，咖啡粉沖調的，沒有酸味，已經不錯了。一頓飯下來＄97，著老闆賣單，放下100免找了。今晚我在金鳳吃的是風味。

小時候曾吃過太子的金鳳，印象依稀，只記得是很大份的扒餐前晚重臨金鳳，灣仔分店倒是第一次光顧店內環境昏暗，格局懷舊樸素，可惜的是顧客聲浪太大...有點吵耳食物方面，扒餐選擇算多，我選了一份雜扒，honey點了一份蘇格蘭牛扒(7成熟)，兩份都是七十多元餐包沒什麼特別的白湯: 沒什麼料，只有粟米粒，不過我覺得味道ok紅湯: 甜中帶辣，雜菜夠林夠入味，味道十分香濃，honey很欣賞、我卻覺得很辣我的雜扒餐: 超大份的，我要了不辣的汁(佢問我要辣定唔辣)倒汁的一刻冒起了超多煙!!!而且很大聲咋咋咋~~~~hahaha有豬、牛、腸、厚火腿、薯條厚火腿很有火腿味、質感不軟不硬剛剛好、有點厚實的感覺~腸沒什麼...牛煎得幾香，也夠腍~~豬最讚! 因為有濃的豬味，很腍，不會黏牙用料不算上盛，全部都大大份、很厚、真材實料牛扒餐: 又是超大份的...=0=呢個牛好味過我餐中的牛!!! 好香牛味wo而且好入味!唔算好juicy，不過算有肉汁~不是乾的就是了^^來這裡，你得到的是份量上的滿足~~可以吃個夠!!!

　　久聞金鳳大名，是因為它的懷舊格調享負盛名，今天終於有機會一試。　　環境方面，頗有六七十年代的扒房格局，比地道的茶餐廳稍為高檔，店內牆壁和擺設都極為簡單。燈光偏暗，播放著七八十年代的金曲，可惜聲浪實在太大，甚至顯得有點騷擾，我們甚至想請侍應把唱機的聲音稍為調小一點，然而又不想太多事。　　食物方面，似乎公認招牌牛柳餐是鎮店之選，這個餐也一直大受好評，於是我就點了這個。　　餐包方面，雖然夠大，可惜不夠熱，硬硬冷冷的。餐湯方面，我要的是羅湯，大大碗，足料，惹味。　　招牌牛柳方面，我要求的是七乘熟，首先是黑椒汁夠多，卻稍嫌不夠辣，椒味略有不足。但牛柳夠厚，雖然厚，但是軟韌度恰到好處，吃到裏面，是軟的，熟得剛剛好，真的是煎得好，蔬菜也夠多。一個人的份量剛剛好，不會太飽太膩，不錯不錯。　　熱奶茶方面卻仍有進步空間，茶味不夠香濃，奶的比例太多，奶多於茶，滑卻是夠滑的。　　總的來說，我能給八十分吧。極力推介招牌牛柳餐。　　

好耐冇据扒，咁啱經過灣仔。記得好耐之前附近有間扒房。就去回味下。今日同老公叫咗2個餐。招牌牛扒跟白湯。佢叫咗個蘇格蘭牛扒配紅湯。我的牛扒就麻麻地，個湯都唔太得。相反老公個扒同湯都幾好味。而且價錢便宜，值得一試。

昨日帶錯了公司同事去了謀人寺之後，今日又是我負責帶頭去食好野。考慮到那一天大家吃貴了。今日，我帶大家去吃點平的，又好食的。我腦海中就出現了金鳳這一個名字。一路以黎都想去下灣仔呢一間金鳳，但因為都幾怕食完成頭煙出返黎而一直沒有去嚐試。是日，公司各人都沒有什麼大meeting大約會見客，就決定帶路到這古老的西餐廳，讓國內的同事去嘗嘗舊港式西餐既風與味。說真一點，在國內吃過多次西餐，即使在酒店內，除非你準備附上幾百大元的天價，否則，你得到的也是港式的牛扒，所以國內同是十分之接受金鳳的大扒餐。由環境說起，此店是老店，環境也同樣的十分老。門口的木已經舊得起絲，推門時也怕怕一推把門推爛。內裡也是一個很古色的佈局，在這樣的環境食飯，有少少像回到80年代的樣子。而且，這兒的樓底夠高，晚上吃鐵板，油煙應該會散得很快，不用擔心油煙滿身的問題。 港式西餐，總有大大舊麵包做前菜，新鮮熱辣辣的麵包最是可愛，最是令人歡喜。而且仲要是夠軟，搣開，邪惡地把整舊牛油塞入去，利用熱力把牛油整溶，牛油因此而佈滿了麵包的每一個角落，說正確一點就是牛油入肉，令人食得份外之開心。

由於現在上班就在附近，吃飯的選擇是多了，但原來一個小時的吃飯時間，其實也真的蠻少的，因為人又多，晚一點吃飯已經處處也要排隊，所以這所不需等位的金鳳，是同事們也會來吃飯的地方。此店的室內環境殘舊不堪，帶有一種很舊很古老豉油西餐的風味，不過花點創造力想想，這敞高的樓底，予人無限空間感，心想可能四十年前的今天，這店可能是不不少情侶來吃飯的地方，但是日就是與數個麻甩一起來。此店的套餐每日也有三款選擇，通常也是一款是碟頭飯、一款是沙律、最後一款就是扒，不過當然沒有你吃牛扒的份兒，通常也只有較為便宜的雞扒及豬扒而已，包餐湯及餐茶，連加一都不用四十元，在這個年頭，其實可以說相當之划算。先來的是餐包，每次來幾乎是未點餐，店員就會先奉上餐包，每次也是烘得微熱，熱力足以融化那些不太硬物的盒裝植物油，包身軟熟，入口香甜，加上植物油，試問又怎麼會難吃？當然也有餐湯喝，一般來說，本人也會喝較為清的紅湯，是日的這碗羅宋湯有點甜身，但同時又帶點點辛辣的感覺，湯頭來得很稠身，味道也足夠濃，當中的雜菜煲得很腍，吸飽了湯的甜酸味，其實也不錯。也試過此店的白湯，這一天供應的不是普通的忌廉湯，而是周打蜆湯，周打蜆湯真的是有很

朋友從英國到來，想找一間可以坐得舒服，食物又好的地方。另一住朋友便介紹這間餐廳，港式的西餐廳。切合了由英國來的朋友的需要（希望是吧！），又適合香港人的口味。室內的環境也頗特別，高高的樓底，配合較舊的牆油，有一點點懷舊的感覺。主菜是小時候很喜愛的鐵板牛柳，最愛是熱黱黱的鐵板拿來時，很想親近，但又怕太近的感覺。當落醬汁時更有一種莫名的興奮，很猛的巨響，持續最少五分鐘才完結。其間要用餐紙擋着，但又會不時好奇地偷望鐵板的狀況，真係食得又睇得的一款食品。說到食物，這個牛柳真的非常美味。腍得來一點鬆肉粉的味道都沒有，入口即融，而且很有牛味，正。

是日晚上約了好友一聚，由於事前冇提議食d咩，係銅記食dinner唔係一件易事，所以經過一輪選擇後，決定到友人一直說牛柳好吃的金鳳大餐廳試試去到好多人，好彩我地兩個等左一陣好快有位入面環境ok啦，waiter爽快地幫我地落單，我地叫左兩個招牌牛柳餐首先餐包同湯上，餐包熱辣辣，塗上牛油，正而羅宋湯味道夠濃，又辣辣地，岩曬我呢個好辣之人之後好快個main course 牛柳出場，我要7成，而友人要5成，果然煎得岩岩好d牛柳好腍，個pepper sauce 好正，仲好過花X餐廳，每切落去再食好好味，脂肪比例岩岩好，至於薯菜，略嫌個薯條俾牛柳壓住，變左薯條索曬d汁，腍曬最後個lemon tea ok，可以消膩overall 好好味，而且價錢適中，夠曬經濟，友人今次冇介紹錯，值得再試

上周日去完婚展，未婚妻帶我去這間港式扒房吃晚餐。這間存留了她小時與父母一齊吃的回憶，因此她今次專程帶我前往。簡單的點了兩個餐－－蘇格蘭牛扒餐和香燒羊扒餐。味道當然沒有出名的扒房那麼好，但在港式扒房中算是很好的了。原因是充滿了懷舊的味道，即「古早味」－－採用的鐵板，已經很少餐廳使用了，而且燒熱鐵板盛上扒類後，會即場在客人面前淋上自選醬汁（可選燒汁或黑椒汁，而我倆同時選了後者），淋上後揮發出的味道，令人忍不住口吃一口！而且價錢實惠，每人消費不需要$100，就可以吃到這麼特色的扒類了！我想，香港已愈來愈少這類用心製作的港式扒房了！

我從未試過咁忟囉, 幾唔好食都好,我都唔會唱邊間食店唔得, 但係呢次我真係忍唔住囉! 咁大間咁老字號嘅居然係提供咁嘅垃圾服務! 啱啱坐低就話<叫咩食呀,快丫,趕時間呀!> 問佢有咩食,佢就話<無呀,得下入茶!>眼見人哋個個食扒,咁問佢有無扒食啦,佢都係話無!仲係咁叫我哋快啲叫!好!我忍!我老友問佢兩句爭啲同佢開火!叫完再睇住隔離枱出扒!嘢食嚟到掟落枱面,問<係咪你哋架?唔係都要食呀!>嘩!我欠你呀而家!果個蝦球意粉呀!係5隻蝦仁呀!!!一食完就過嚟講<3個90蚊丫!>咁樣!想點呀而家!我真係想講$27加一都係$29.7! 3個係$89.1!!!找錢呀!!!以後都唔會去! 同啲朋友都係咁講,唔好去!要食嘅去返太子/深水埗果間食啦!果度係窄啲,但係啲員工嘅服務同態度爭好遠,點忙都唔會有咁嘅態度對客囉!

那天等位等了半個鐘...仲要被打尖...冇計....因聽到佢地的對話...你一定會比佢入先...套餐有餐包+湯+主菜+飲品..那天點了忌廉湯(另有羅宋湯)...牛柳也加了$2蒜泥(有D配菜...淋了的幼薯條&椰菜放底.)我要了黑椒汁(另有燒汁)..YUMMY...塊扒又大又淋軟...飽到上心口...的一餐.