金鳳大餐廳 (山林道) (裝修中)

假日去到尖咀食飯當然預咗難泊車難搵位啦，咁岩嚟到金鳳門口唔洗等位而門口又有米錶位，咁就決定入去食啦金鳳呢間老字號，幾時嚟都必會滿坐。今日都唔例外。餐湯羅宋湯。餐包雜扒餐 。 西冷牛扒餐大大件，仲有薯條雜菜喺底揀咗要蒜容。雜扒有牛，豬，火腿，但就無雞。但牛扒就無咩牛味，有蒜香汁搭夠。但一個扒餐連餐包，餐湯餐飲都係80蚊，邊度搵呢芝士焗肉醬意粉味道夠濃好有芝士味，推！餐飲～當你落餐飲時侍應會問你加唔加大（加3蚊），睇下下面張相就知大細既分別左係加大既杯，右係正常杯，如果叫凍檸茶，扣除了冰同檸檬，茶飲幾啖都無lu。所以下次嚟記得要加大呀。

有時候新的未必係好～就好似金鳳呢類舊式扒房咁，價錢相宜，大件夾抵食🖖🏿除左尖沙咀，喺其他地方都設有分店，但各間分店位置都唔算好就腳🤔而尖沙咀呢間的裝修就較新淨，因為較早陣子佢地裝修過，設有卡位同普通茶餐廳長方形枱。點餐後，侍應會為顧客送上一份餐包同餐湯。紅湯的材料完全沒有偷工減料，味道非常濃郁👍🏿而main course，小編同朋友一樣，都係叫左招牌牛柳+蒜蓉🍴提醒大家，蒜蓉是 必 須 加！！！💯蒜味為成舊牛柳提升到另一個層次！小編選擇左5成熟，鐵板上菜能保持牛排的溫度之餘，牛柳非常juicy，無筋，完全唔會難𡁻！食完之後，飲埋杯野飲清一清口氣就真係大滿足！🈵非常之飽～總括黎講，百零蚊食到呢個質素的牛排我覺得很滿意👍🏿必定再光顧～☺️

聽到鋸扒，有時都會以為係好貴。但係黎到金鳳鋸扒！一百蚊有找已經食到非常非常飽了！以前黎金鳳啲座位置都幾逼，同埋燈光比較昏暗，會有扒房嘅感覺。之前翻新過，座位較寬闊，燈光光亮左，但整體變到同普通茶餐廳分別不大。黎鋸扒會有齊餐湯、餐包、扒、飲品湯有羅宋湯同忌廉湯，我就叫左忌廉湯，我覺得個冇乜味，同埋比較稀。餐包微暖又軟熟，好味！T骨牛扒(5成)其實店員問我地幾成熟好似真係冇乜用，因為叫五成，最後上碟都幾熟下😮好大塊！用鐵板上淋黑椒汁時吱吱咋咋出晒煙係會好興趣😂肉味係有嘅唔會太靭，價錢大概一百，咁嘅價咁嘅質素係扺嘅！但係塊扒真係太大塊了，淋完汁後啲汁倒晒落枱面，浪費左之餘亦污糟肉眼扒(6成)都係好大塊，啖啖肉又冇骨，而且筋位都唔多，所以好適合懶人😂肉質都唔會靭，但係我覺得相比起以前，質素差左。我好中意食薯條，十分不幸今次扒底啲薯條燶晒😭不過依然覺得好扺食，價錢大約七十多，食完真係好飽每個餐都包一杯野食，凍飲仲唔洗加錢！食完熱辣辣嘅一大塊扒飲返杯野就非常滿足！但係杯野飲係mini size, 想飲大杯啲可加錢轉大杯。總結黎講個人覺得質素係差左，但係價錢合理、而且份量大，金鳳依然係鋸扒之選！

另一半話好耐之前帶過我來依間金鳳食, 但我真係毫無印象喎, 你係咪帶第2個來呀...XDDAnyway, 食依種舊式鐵板燒係有佢的風味, 例牌配白湯或紅湯, 加個招牌餐包自己搽牛油已經好回味.再加上熱燻到黑晒的木板同鐵板, 配上大到食唔晒的雞扒, 薯菜加埋蒜蓉汁, 最喜歡的配搭!

話說琴晚本身去尖咀Let's Jam點知去到關左門不過山林道沿路都有好多野食好吸引雞煲呀⋯⋯日本野呀⋯⋯今次食住金鳳先其實一直都有朋友推介，但咁岩未試過入到去感覺重新裝修過而且望到牆身有寫住：金鳳阿叔牛扒大王兼國際飲食教授心想：好有信心保證咁於是點左帶子牛柳餐HKD108，另再加蒜容HKD 2六成熟，岩岩好，配上黑椒汁同生蒜真係好惹味聽聞生蒜係必點，即使食完口臭都抵😁

新裝修的格局, 樣眼了很多. 是日, 晚上十時四十五分, 接近關門, 全店只有一成顧客, 入內, 坐近門口, 店員已經忙著打掃等工作. 餐包, 波波爐叮過, 好熱, 脹卜卜的小牛油..., 閣下知否...在甚麼情況下, 包裝食品的包裝外表會被內裡氣體迫得脹卜卜???? 如果你知道的話.....典型港式西餐, 都有紅酒供應, 無論如何都要試一試吧.... 還倒得滿一滿... 好吖!  嘻嘻...份量少得無可再少的凍奶茶, 怪不得店員再三提醒我, 不如加錢要杯大啦.....極稀....但味濃的蘿宋湯....你懂的...牛扒...?? 無留意 到底叫了那一款, 相信每一款都差不多吧, 都是用醃粉醃到軟綿綿的,... 是那一款? 都無所謂啦... 哈哈..肥仔店員, 服務有水準, 有禮貌, 態度好, 這是唯一驚喜!

早兩天才吃完這間金鳳大餐廳，今天又到來，沒有辦法，在尖沙咀吃飯，這裏是最底食，上次吃過星洲米，味道一般，今次點了炒烏冬 ，但卻比上次的仲要差，不單只沒有味道 ，而且烏冬太林，林得過份， 而除了烏冬 就只有幾片蘿蔔及蟹柳， 突然間覺得二十七元也不抵食

裝修後第一次到來，山林道這間金鳳大餐廳 ，當然又是下午茶，最抵吃的時段，今次1點了星洲炒米，已經加價位27元，當然27元下午茶餐，又有凍飲仍然低食，但質素好像比之前下降了，星洲炒米味道不夠 ，而且水份較多，不夠乾身，味道只是一般。

難得放半天假，約埋兩位老友食個港扒 lunch 先，食飽再過海 happy hour！嘩，set lunch 平到笑喎，我係紅磡食個煎蛋雞扒出前一丁連凍飲都要 $43 大元呀！唔怪知得爆晒場，座無虛席啦。朋友們都未到，等左 5 分鐘左右就有卡位坐喇，收銀姐姐同洗碗嬸嬸都好熱情有禮。轉眼十幾年無黎幫襯，估唔到佢地業務蒸蒸日上，仲開左多間分店。細看 menu，比起以前既食物款式多左成倍有多喎，似乎比太子總陀還要多。我依個食肉獸見到咁多肉真係樣樣都想試！牛柳、肉眼、西冷、羊腿、豬扒、雞扒、大蝦、石斑，好吸引啊！望黎望去反而無雜扒餐喎，奇怪！有的話應該都過百蚊啦。哈哈，金鳳堅係西餐廳喎，除左啤酒外，仲有 cocktail、whisky、紅酒、白酒添，有料！朋友們起碼仲有 15 分鐘先到，黎杯凍齋啡走甜解解渴先。洋蔥湯，嘩哈哈，堅搞笑！完全係港式洋蔥汁囉，撈意粉應該唔錯。可能因為 lunch time 太忙啦，廚房大佬實在未能抽空煮個洋蔥湯比我呢。大量生洋蔥無炒過，仍然爽口帶辛辣，湯汁杰撻撻，係忌廉湯底加洋蔥，仲有幾片梳打餅添，格硬都飲左半碗汁，忌廉味重，唔難飲既。牛仔扒 5 成熟黑椒汁，多謝侍

我十多年前拍拖時試過一次，終於今天再來一次。（老實說如果真是好吃，沒理由一直不再試。）晚上七時，門外一如平常，已經有人龍。入到店內，裝修比以前光猛了不少。點餐了，職員問要不要用鐵板上。我環觀四周，所有人都用鐵板。如果是吃扒的專家，是絕對不可能用鉄板的。結果我們一行三人，給我的衷告，都用碟上。三人中，有兩個要七成另外一人要五成熟。另外一個set的湯轉洋蔥湯。洋蔥湯只是放在碗裏然後用焗爐加熱罷了。完全不是用焗爐由生到熟把洋蔥的甜味焗出來。然後扒來了。三碟有兩碟用了鐵板，職員問介吾介意，我們說介意，然後她只是拿走放回手推車然後上汁.....令人讚歎的服務。大家切開扒，要七成的血淋淋，要五成的就全熟。當然扒的味道和質素就...不題也罷。結論：一分價錢一分貨。奇怪的是有人會光顧，所以香港人是有100元吃扒餐就會排隊，而對質素就可以不理。

由於細佬好鍾意食扒，所以晚飯又去左我們去開既金鳳餐廳裡面人頭湧湧，可想而知老牌食店都大受年青人歡迎晚餐價格大約七、八十蚊到百零蚊一份價格便宜又份量十足，絕對超值 跟餐一般包左餐包、餐湯／沙律和熱飲餐包和餐湯都夠熱，沙律當日有少少出水，賣相不太討好講番個主菜先，細佬叫左個雜扒餐雜扒包括左有香腸，厚火腿，豬扒，牛扒和薯菜D扒真係好大塊，睇到都飽一大半喇細佬揀左7成熟的牛扒，牛扒又軟又juicy，而且肉與十分有彈性，配埋個燒汁，真係超級yummy，雞扒則多汁夠嫩滑，只係豬扒較為失色，表面太乾身和有少少韌，其他都尚算不俗。另外，而我就叫左個芝士焗肉醬意粉，肉醬鋪面整個碟子，蕃茄醬濃郁加上芝士用料十足，意粉軟硬適中爽口彈牙，整體非常惹味，不過好快就食滯咗，因為都真係幾油膩，不過快餐店既價錢食到依個質素，絕對化算

友人話我未食過金鳳點算係香港人,咁我就上開飯睇睇食評喇。點知,見d食評都係一般,所以都有定心理準備。叫了兩份晚餐,晚餐包括餐湯,餐包,沙律,主菜牛扒併帶子,甜品同餐飲。因為我同另一友人唔食牛,就叫了一份羊扒同一份雙併鐵板(雞加豬) 餐包熱既,餐湯就有點稀同味唔夠濃。晚餐既牛扒併帶子。帶子我食過唔錯,起碼唔會overcook,牛我就無試, 但友人要5成都合格喇,另外友人就話都有牛味!!雞扒併豬扒,雞扒好滑,無雪味。豬扒都剛剛好,唔會太乾,仲有肉汁。 友人叫了羊扒,佢話羊有羊味,好過太子分店。沙律同甜品我就無影,因無咩特別。重點一提,只有兩個汁比你揀,但咋咋咋聲真係好正,落單時仲問你加唔加蒜蓉,我地4個都有加,正呀！最後,大杯飲品要加錢架!!我覺得唔錯,價錢唔算太貴又大大份好夠食。可以再黎!!!仲有,10月11日開始裝修呀!可能大家要去其他分店喇!!

近日見到幾間舊式香港扒房相繼結業，今晚好想同老婆帶埋女女嚟感受一下多年前嘅拍拖回憶。以前同老婆拍拖，唔係搵好多錢，通常晚飯都會去一D舊式扒房，鐵扳上放上大大塊牛扒，淋上自家製黑胡椒汁，喳喳聲D汁四圍彈跳，揸住張紙巾左閃右避，開開心心又過一晚。今晚叫咗一份紐西蘭西冷牛扒，美國T-BONE，全部都要5成熟，餐湯一紅一白，舊式扒房我最欣賞嘅係佢哋嘅餐包，超級軟熟，牛油同麵包味都超香，用嚟點餐湯就一流。牛扒好快上枱，侍應即刻手握兩個壺埋嚟，淋上黑胡椒同洋蔥汁。喳喳聲熱氣四飛，女女開心都㗎㗎聲咁笑。一試塊牛扒，同多年前嘅味道冇大改變，KEEP到一貫水準，自家製黑胡椒汁味道依舊，牛肉亦冇醃過火。回憶有時比味道仲緊要，特別係呢D咁有特色嘅香港扒房文化！唔想以後嘅回憶地方只有連鎖餐廳，就要好好珍惜同保留！

好耐冇去金鳳食扒，今日無意中經過食咗個午餐。入到餐廳，都算幾full。叫咗個set lunch，包括牛扒配意粉、忌廉湯及牛油餐包、凍檸茶。總括來說，以此價錢，尖沙咀區算抵食。

今日突然想食牛扒，可能一個人關係，有啲餐廳態度喺入門口已經差，行行下去左寶x巷呢間，叫左一個西冷，連daily shop 同咖啡98,個扒當然唔係靚扒，但算ok,配菜唔係得兩個薯仔嗰啲，係杯咖啡差左少少，無味太多奶。